استفسار بخصوص جدول

[FAHAD-7777]

السلام عليكم ورحمة الله وبركاته :

يا اخواني الاعزاء ابي استشيركم ( فقط لاصحاب الخبرة )

انا مسوي جدول لمدة 10 ايام لماليزيا وهو كالتالي :

1- سيلانجور ( ليلتين )


2- لنكاوي ( ليلتين )


3- باهانج ( ليلتين )


4- كوالالمبور ( ليلتين قبل السفر )

اولا : طبعا باقي يومين ما ادري وين اقضيها ياليت احد يعطيني اسم مدينه اقضي فيها هاليومين

ثانيا : هل ترتيب الجدول السابق زين ؟ يعني ترتيبها كويس والا فيه مدينه نقدمها على مدينه ..

ثالثا : تكفون ابغى افضل فندقين ( 4 نجوم ) في كل مدينه ..

واسف على الاطاله ...

[bu shaab]

عزيزي اول تقسيمك للمدت المتعارف عليها جيد

ولكن الايام المفروض تزيدها وخصوصا بلنكاوي او بينانج ليلتين ما تكفي لكل جزيره

وكوالا كذلك الامر لان يوم تبي بكوالا تطلع على مدينة الالعاب بجنتنج من الصباح الى المساء

ومن المستحيل او الصعب انك تزور اكثر من هذه المدن بهذه الفترة القصيره

الفنادق

سيلانجور
براميد
الخيول الذهبيه

----------------------
لنكاوي
هوليدي فيلا
برجايا
ميتارا

------------------
بينانج
فلامنجو
هوليدي بيتش
باي فيو بيتش
----------------------

كوالا
امبيانا
دوريست رجنسي
بيكلو



الاخوان ان شاء الله يفيدونك اكثر


بالتوفيق ان شاء الله

[FAHAD-7777]

الله يعافيك يابعدي ومشكور على ا لنصيحه ..

بس بغيت استفسر منك وانا اخوك ؟

هالحين وش الفرق بين كاميرون و جنتنج ؟ وهل هم في مدينه وحده اللي هي باهانج ؟

لاني بصراحه محتار من اللي قريته في المنتديات اكثرهم يقولون كاميرون وجنتنج كلهم بنفس

باهانج ؟؟؟

[bu shaab]

بهانج هي ولايه كبيره تضم
جنتنج مدينة العاب ضخمه بفنادقها على ارتفاع شاهق بجو معتدل مائل للبروده
وساعه بالتاكسي او الباص توصل وترد بالليل

وكذلك الكميرون مرتفاعات بجو بارد ولكن اولا بعيده لمده 5 ساعات بالسياره
وغير المزارع والطبيعه ما فيها

وتضم بوكت تنجي او القريه الفرنسيه وليست بعيده قريبه من جنتنج
ولكن بها نشاطات كثيره تضم الكابوي والقريه الفرنسيه واليابانيه وعروض الفيله والكثير
تصلح تروحا من الفندق اللي بكوالا بجروب من الصباح وترد المساء

وبهانج تضم العديد من المدن الاخرى ولكن هذه المتعارف عليها


الفرق بالمسافه

الكاميرون لازم تقيم فيها اذا ودك تروحا

بالتوفيق ان شاء الله

[DH.q8]

السلام عليكم ورحمة الله وبركاته :

يا اخواني الاعزاء ابي استشيركم ( فقط لاصحاب الخبرة )

انا مسوي جدول لمدة 10 ايام لماليزيا وهو كالتالي :

1- سيلانجور ( ليلتين )


2- لنكاوي ( ليلتين )


3- باهانج ( ليلتين )


4- كوالالمبور ( ليلتين قبل السفر )

اولا : طبعا باقي يومين ما ادري وين اقضيها ياليت احد يعطيني اسم مدينه اقضي فيها هاليومين

ثانيا : هل ترتيب الجدول السابق زين ؟ يعني ترتيبها كويس والا فيه مدينه نقدمها على مدينه ..

ثالثا : تكفون ابغى افضل فندقين ( 4 نجوم ) في كل مدينه ..

واسف على الاطاله ...

قبل كل شي اخوي لازم تحدد متى السفر اي وقت والتاريخ وطبعا 10 ايام قليله لازم تزيد المده عشان تقدر تشوف مدن اكثر..ولازم نعرف بروحك او لا يعني عدد الاشخاص واعمارهم عشان نحدد اذا هي مناسبه لكم او لا ..وهم بعد الميزانيه ..واذا كانت السفره الاولى لماليزيا او سبق زيارتها..وطبعا لازم تحدد لنا اذا انت من هواة الطبيعه فقط او من هواة السهر والرحلات والتسوق وكل هالاشياء لازم نعرفها قبل لا نحدد التقسيمه والمدن عشان نعرف اول شي ميولك ورغباتكم ونحددلك المدن اللي راح تناسبك قبل لانعرف مستحيل نحطلك اراءنا لان كل خبير اذا بيحطلك تقسيمه ممكن يمشي على اللي يعجبه اكثر شي لكن لو تحددلنا اللي يعجبك راح نقدر نساعدك..انت لو تجاوب عالاسئله راح يستفيد الكل انت واللي راح يقترح عليك البرنامج

ومبدئيا اقولك 10 ايام قليله..لكن لو مافي مجال تزيدهم ممكن يمشي حالهم لكن بمناطق اقل وقريبه من بعض..

وطبعا راح اعطيك نبذه عن المدن اللي معروفه واللي ننصح فيها اللي يزور ماليزيا لاول مره:

سيلانجور..للراحه وعشان الصنواي لاقون ..مع اني ما احب اسكن فيها او انصح فيها لكن مادري ليش العموم يحب يحطها من ضمن السكن..انا انصح انها زياره لانها قريبه من كوالا نص ساعه بالكثير انت هناك..ولو الواحد يحب يسكن فيها يكفيها ليلتين فقط..

لنكاوي..جزيره هاديه وطبيعه وفيها انشطه واماكن تزورها ولكن حدها المغرب وبس يعني ممله وموحشه بالليل وماكو شي تسويه هناك..ينصح فيها للكبار بالعمر شياب يعني ههههههه وللعرسان اما العوايل واللي عندهم شباب وصغار شوي راح يملون منها خصوصا بالليل ولو الواحد يحب يزورها يكفي 3 ايام لا زياده ولا نقصان..


بينانق..جزيره حلوه وحركيه وعصريه اكثر من لنكاوي وفيها انشطه والعاب بحريه والاهم ان الحركه فيها شغاله ليل نهار يعني ماكو ملل وفيها مولات ومطاعم وترفيه ..وتناسب العوايل اللي معاها شباب وصغار وتناسب اللي يحبون السهر والحركه بالليل وتناسب اللي يحبون التسوق ايضا وتناسب بعد العرسان وكل شي متوفر فيها..وما تحس بالملل..يناسبها 3 الى 4 ايام..


جينتينق..مدينه جبليه بارده وفيها الملاهي..وخدماتها متكامله فنادق ومطاعم العاب سوق سبا ومساج وكل شي متوفر حولك ..وقريب منها المدينه الفرنسيه ومزرعة فراوله بسيطه..ويكفي الاجواء البارده والضبابيه اللي فيها والمتعه الحقيقيه هي ركوب التلفريك..طبعا انا ولا مره سكنت فيها لقربها من كوالا 50 دقيقه الى ساعه بالكثير وانت فيها..ولكن البعض يفضل السكن فيها لبرودة الاجواء..يكفيها يومين لازياده ولا نقصان..

الكاميرون..مرتفعات ومدينه بارده لكن مو ذاك البراد ومافيه شي غير الطبيعه فقط وفيها اماكن تزورها كلهم بنص يوم وهم مزراع الشاي والفراوله والعسل والورود والفراشات وكلهم جنب بعض وفي الشلال بعد ولكن من رايي ما تسوى الواحد يتعنى لها لان من الغروب ماعندك مكان تروحله تقعد بالفندق وبس يعني موووووووحشه وممله وماتناسب اللي عنده صغار او شباب تناسب كبار السن الشياب او اللي يحبون العزله او ممكن العرسان كنوع من كسر الحاجز لان ماكو شي يسوونه غير مقابل بعض فاللي حاب يكسر الحاجز من العرسان يروح الكاميرون وطبعا الاكل مشكله فيها لان ماكو مطاعم ولا شي تاخذ اكلك معاك والمشوار لها 5 ساعات من كوالالمبور..يومين كحد اقصى..


كوالالمبور .. طبعا ماكو غنى عنها..حق كل شي رحلات وتمشيات وتسوق وسهر ومطاعم وكل شي من رايي 4 ايام مناسبه لاتنقص بل تزيد في بعض الاحيان وذلك لو حاب تغطي كافة المولات والتسوق..

طبعا في مناطق غيرهم بس هذول المتعارف عليهم كاول مره..وارد اكرر هذا شرح مبسط عن كل منطقه وليست تقسيمتي لك..التقسيمه باذن الله اذا جاوبت عن الاسئله اللي طرحتها لك



تقبل تحيات اختك: DH.q8

[شموووووخ2010]

قبل كل شي اخوي لازم تحدد متى السفر اي وقت والتاريخ وطبعا 10 ايام قليله لازم تزيد المده عشان تقدر تشوف مدن اكثر..ولازم نعرف بروحك او لا يعني عدد الاشخاص واعمارهم عشان نحدد اذا هي مناسبه لكم او لا ..وهم بعد الميزانيه ..واذا كانت السفره الاولى لماليزيا او سبق زيارتها..وطبعا لازم تحدد لنا اذا انت من هواة الطبيعه فقط او من هواة السهر والرحلات والتسوق وكل هالاشياء لازم نعرفها قبل لا نحدد التقسيمه والمدن عشان نعرف اول شي ميولك ورغباتكم ونحددلك المدن اللي راح تناسبك قبل لانعرف مستحيل نحطلك اراءنا لان كل خبير اذا بيحطلك تقسيمه ممكن يمشي على اللي يعجبه اكثر شي لكن لو تحددلنا اللي يعجبك راح نقدر نساعدك..انت لو تجاوب عالاسئله راح يستفيد الكل انت واللي راح يقترح عليك البرنامج



تقبل تحيات اختك: DH.q8

مثل ماقالت اختي الغالية DH.q8

10 ايام قليلة زيدها وخليها 14 يوم بتكون روعه ..

ومهم نعرف زيارتك هوني مون وال عائلية تحبون الطبيعة والهدوء والا اللعب والسهر والصخب..؟؟
ميزانيتك؟؟

السلام عليكم ورحمة الله وبركاته :

يا اخواني الاعزاء ابي استشيركم ( فقط لاصحاب الخبرة )

انا مسوي جدول لمدة 10 ايام لماليزيا وهو كالتالي :

1- سيلانجور ( ليلتين )


2- لنكاوي ( ليلتين )


3- باهانج ( ليلتين )


4- كوالالمبور ( ليلتين قبل السفر )

اولا : طبعا باقي يومين ما ادري وين اقضيها ياليت احد يعطيني اسم مدينه اقضي فيها هاليومين

ثانيا : هل ترتيب الجدول السابق زين ؟ يعني ترتيبها كويس والا فيه مدينه نقدمها على مدينه ..

ثالثا : تكفون ابغى افضل فندقين ( 4 نجوم ) في كل مدينه ..

واسف على الاطاله ...

سفرة سعيدة ان شاء الله عندي استفسار وملاحظة:
1-وش تقصد ببهانج ؟؟ هي ولاية كبيرة

هل تقصد الكميرون الساحرة؟؟
المهم فيه عندك مشكلة بالترتيب من لنكاوي ماتقدر تطلع الا طيران الى كوالا لان الكميرون مافيها مطار

او بالفيري لبينانج
يعني لازم تدخل بينانج بالخطة او تغير الترتيب

2-ليلتين فقط بكوالا قليل مره رايي تزيدها



سيلانجور ليلتين كافية ..وافضل شي فندق السن واي لاقون ولا تدور غيره


لي عودة باذن الله ومع احلى برنامج بس ياليت ترد علي وكمان هل تقدر تزيدها الى 14 ليلة ..؟؟

[FAHAD-7777]

قبل كل شي اخوي لازم تحدد متى السفر اي وقت والتاريخ

هلا فيك يالغاليه السفر ان شاء الله راح يكون في 5 / 9 /2011 الى 15 /9/2011

وطبعا 10 ايام قليله لازم تزيد المده عشان تقدر تشوف مدن اكثر

المشكلة مو بالكيف لاننا مرتبطين بدراسة للمدام <<< وهذا وانامخليها بعد

تسحب 4 ايام من بداية الدراسة هههههههههههه

..ولازم نعرف بروحك او لا يعني عدد الاشخاص واعمارهم

بس انا وزوجتى

وهم بعد الميزانيه ..

تقريبا 17 الف ريال سعودي

واذا كانت السفره الاولى لماليزيا او سبق زيارتها

لا والله اول مره اسافر لها ..

..وطبعا لازم تحدد لنا اذا انت من هواة الطبيعه

الطبيعه بلا منافس احب الغابات والامطار والشلالات .. بالنسبة للبحر مو ذاك الزود يعني ..

فقط او من هواة السهر

من هواته بس المدام معي بصير عاقل هههههههههههههه
والتسوق

والله على حسب اذا هو اغلى من الرياض قلعته بلاش تسوق ..
سيلانجور..للراحه وعشان الصنواي لاقون ..مع اني ما احب اسكن فيها او انصح فيها لكن مادري ليش العموم يحب يحطها من ضمن السكن..انا انصح انها زياره لانها قريبه من كوالا نص ساعه بالكثير انت هناك..ولو الواحد يحب يسكن فيها يكفيها ليلتين فقط..

غريبه طيب وش السبب يعني وش اللي يخليك مو هاضمتها يمكن تصيرين زي مزاجي وما هضمها ؟

مع ان اغلب العالم هابين فيها بصراحه ..

لنكاوي..جزيره هاديه وطبيعه وفيها انشطه واماكن تزورها ولكن حدها المغرب وبس يعني ممله وموحشه بالليل وماكو شي تسويه هناك..ينصح فيها للكبار بالعمر شياب يعني ههههههه وللعرسان اما العوايل واللي عندهم شباب وصغار شوي راح يملون منها خصوصا بالليل ولو الواحد يحب يزورها يكفي 3 ايام لا زياده ولا نقصان..

اها لا والله يا صديقتي وربي ما احب الوحشه والمدن اللي تسكر من الساعه 8 .. معقوله يعني مافيها اي نشاط ليلي مطاعم سينما مقاهي اي شي يصلح في الليل

بينانق..جزيره حلوه وحركيه وعصريه اكثر من لنكاوي وفيها انشطه والعاب بحريه والاهم ان الحركه فيها شغاله ليل نهار يعني ماكو ملل وفيها مولات ومطاعم وترفيه ..وتناسب العوايل اللي معاها شباب وصغار وتناسب اللي يحبون السهر والحركه بالليل وتناسب اللي يحبون التسوق ايضا وتناسب بعد العرسان وكل شي متوفر فيها..وما تحس بالملل..يناسبها 3 الى 4 ايام..


هذي الفله والا بلااااش ...

جينتينق..مدينه جبليه بارده وفيها الملاهي..وخدماتها متكامله فنادق ومطاعم العاب سوق سبا ومساج وكل شي متوفر حولك ..وقريب منها المدينه الفرنسيه ومزرعة فراوله بسيطه..ويكفي الاجواء البارده والضبابيه اللي فيها والمتعه الحقيقيه هي ركوب التلفريك..طبعا انا ولا مره سكنت فيها لقربها من كوالا 50 دقيقه الى ساعه بالكثير وانت فيها..ولكن البعض يفضل السكن فيها لبرودة الاجواء..يكفيها يومين لازياده ولا نقصان..

حلوه اعجبتني اكثر واكثر من كلامك ...

الكاميرون..مرتفعات ومدينه بارده لكن مو ذاك البراد ومافيه شي غير الطبيعه فقط وفيها اماكن تزورها كلهم بنص يوم وهم مزراع الشاي والفراوله والعسل والورود والفراشات وكلهم جنب بعض وفي الشلال بعد ولكن من رايي ما تسوى الواحد يتعنى لها لان من الغروب ماعندك مكان تروحله تقعد بالفندق وبس يعني موووووووحشه وممله وماتناسب اللي عنده صغار او شباب تناسب كبار السن الشياب او اللي يحبون العزله او ممكن العرسان كنوع من كسر الحاجز لان ماكو شي يسوونه غير مقابل بعض فاللي حاب يكسر الحاجز من العرسان يروح الكاميرون وطبعا الاكل مشكله فيها لان ماكو مطاعم ولا شي تاخذ اكلك معاك والمشوار لها 5 ساعات من كوالالمبور..يومين كحد اقصى..

افا ياصديقتي يعني على كلامك يكفيها يوم ويخب عليها ؟ لاني زي ماقلت لك ما احب العزله والوحشه

معلومه مفيدة الله يرزقك الجنه يارب .. بالنسبة لكسر الحواجز كاسرينها من سنتين وخلصنا

هههههههههههههههه .. طيب ليه مطاعهم موزينه يعني ؟ وهل فيها وجبات سريعه ماكدونلدز - كنتاكي


كوالالمبور .. طبعا ماكو غنى عنها..حق كل شي رحلات وتمشيات وتسوق وسهر ومطاعم وكل شي من رايي 4 ايام مناسبه لاتنقص بل تزيد في بعض الاحيان وذلك لو حاب تغطي كافة المولات والتسوق..

طبعا في مناطق غيرهم بس هذول المتعارف عليهم كاول مره..وارد اكرر هذا شرح مبسط عن كل منطقه وليست تقسيمتي لك..التقسيمه باذن الله اذا جاوبت عن الاسئله اللي طرحتها لك

فديت قلبك يا DH.q8 وربي بينتي لي اشياء كثيرة بصراحه ...

[FAHAD-7777]

مثل ماقالت اختي الغالية DH.q8

اهلين اختى شموخ

10 ايام قليلة زيدها وخليها 14 يوم بتكون روعه ..

والله مو بالكيف الاجازة عشر ايام بس

ومهم نعرف زيارتك هوني مون وال عائلية تحبون الطبيعة والهدوء والا اللعب

والسهر والصخب..؟؟ميزانيتك؟؟

اول مرة ازورها - بس انا وزوجتي - اكيد الطبيعه نبي نغير عن العجاج اللي بالرياض


سفرة سعيدة ان شاء الله عندي استفسار وملاحظة:

الله يسعد ايامك يارب

1- وش تقصد ببهانج هي ولاية كبيرة

ايه اللي فيها كاميرون و جيتينق

هل تقصد الكميرون الساحرة؟؟المهم فيه عندك مشكلة بالترتيب من لنكاوي

ماتقدر تطلع الا طيران الى كوالا لان الكميرون مافيها مطار

او بالفيري لبينانج يعني لازم تدخل بينانج بالخطة او تغير الترتيب

طيب تكفين رتبي لي المدن عشان يكون التنقل بالترتيب ..

ثاني شي انا اسمع بالفيري <<< وشو ذا ؟

2-ليلتين فقط بكوالا قليل مره رايي تزيدها

ودي اروح لكذا مدينه ماودي اركز على العاصمه ..


سيلانجور ليلتين كافية ..وافضل شي فندق السن واي لاقون ولا تدور غيره .

شورك وهداية الله .. مع اني خايف من شغله ماحبها بشرق اسيا ( الصراصير )


لي عودة باذن الله ومع احلى برنامج بس ياليت ترد علي وكمان هل تقدر

تزيدها الى 14 ليلة ؟؟

فديت قلبك اختى شموخ .. ما اقدر ازود عن 10 ايام ابو صلعه مديري مو راضي يعطيني اكثر من كذا

[DH.q8]

قبل كل شي اخوي لازم تحدد متى السفر اي وقت والتاريخ

هلا فيك يالغاليه السفر ان شاء الله راح يكون في 5 / 9 /2011 الى 15 /9/2011

على جذي عندك 9 ليالي تقريبا..على حسب تاريخ الوصول..اذا وصولكم 5/9 تكون 10 واذا وصولكم 6/9 تكون 9 ليالي..

وطبعا 10 ايام قليله لازم تزيد المده عشان تقدر تشوف مدن اكثر

المشكلة مو بالكيف لاننا مرتبطين بدراسة للمدام <<< وهذا وانامخليها بعد

تسحب 4 ايام من بداية الدراسة هههههههههههه

عسى الله يسهل لها ويوفقها واتخرج بمرتبة شرف يارب

..ولازم نعرف بروحك او لا يعني عدد الاشخاص واعمارهم

بس انا وزوجتى

الله يخليكم لبعض ويوفقكم يارب يعني نوع من تجديد شهر العسل..نصيحه خل حجوزاتك بالفنادق عليهم ملاحظات انكم هوني موون عشان يدلعونكم


وهم بعد الميزانيه ..

تقريبا 17 الف ريال سعودي

طبعا انا طلبت هالسؤال عشان الاعضاء الاخرين يفيدونك في هالشي لان انا كللللللش موووووو شي بالحسبه والمصاريف ادفع ولا احسب ولا ادوخ راسي او احسبها بالملي لا اصلا دوووووم ميزانيتي بالعلالي الله يعين..بس ان شاءالله انها تكفي>>> تخمين

واذا كانت السفره الاولى لماليزيا او سبق زيارتها

لا والله اول مره اسافر لها ..

حلو معناتها راح احطلك احسن المدن اللي تستفيدون منها بكل الاوقات لان مدتكم قصيره ماتقدرون تشوفون كل المناطق فحرام تزور مناطق مووووحشه بالليل مثل الكاميرون ولنكاوي مع ان الطبيعه فيهم لكن الطبيعه بكل مكان بماليزيا تغني عنهم باذن الله..

..وطبعا لازم تحدد لنا اذا انت من هواة الطبيعه

الطبيعه بلا منافس احب الغابات والامطار والشلالات .. بالنسبة للبحر مو ذاك الزود يعني ..

اذا البحر مو ذاك الزود يعني الجزر ماراح تنفعك وتستغني عنها ..لكن انا اقولك خل جزيرة بينانق احسن كنوع من النغيير..والطبيعه اللي تدور عنها بالكاميرون بس مووووحشه وممله

فقط او من هواة السهر

من هواته بس المدام معي بصير عاقل هههههههههههههه

لا ماعليك بيجووووزلها هالشي وبتسهر معاك السهر يناسبك بينانق وكوالالمبور


والتسوق

والله على حسب اذا هو اغلى من الرياض قلعته بلاش تسوق ..

والله انا مادري عن الرياض بس اشوفه ارخخخخخخخخص من عندنا بكثير والتسوق هناك متععععه وفي الرخيص وفي المناسب والمتوسط وفي الغالي والمبالغ فيه يعني الخيارات كثيييييييره ومتنوعه

سيلانجور..للراحه وعشان الصنواي لاقون ..مع اني ما احب اسكن فيها او انصح فيها لكن مادري ليش العموم يحب يحطها من ضمن السكن..انا انصح انها زياره لانها قريبه من كوالا نص ساعه بالكثير انت هناك..ولو الواحد يحب يسكن فيها يكفيها ليلتين فقط..

غريبه طيب وش السبب يعني وش اللي يخليك مو هاضمتها يمكن تصيرين زي مزاجي وما هضمها ؟
مع ان اغلب العالم هابين فيها بصراحه ..

B]انا اقولك لانها قريبه من كوالالمبور كلها نص ساعه بالكثير وانت فيها وشي ثاني الفنادق فيها احسنهم الصنواي لاقون وهذا غالي وزحمه والكل هناك عشانه وعشان الالعاب المائيه..وغير جذي مايها شي الا الصنواي لاقون مثل ماقلت والماينز وهذا ماراح يناسبكم لانه يناسب اللي عندهم اطفال لان فيه العاب ليليه حق الصغار..يعني مووووشي ومرات تضطر تطلع تروح لكوالالمبور لاي سبب تتمشى تتعشى شارع العرب او الابراج يعني مشاوير مالها داعي..اشوف الافضل يكون لها زياره من كوالا الصبح عشان الالعاب المائيه والظهر تتمشى بالمول وتتغدى وترجع بس..لكن لو مالك في الالعاب المائيه بلاش منها من الاساس[/B]

لنكاوي..جزيره هاديه وطبيعه وفيها انشطه واماكن تزورها ولكن حدها المغرب وبس يعني ممله وموحشه بالليل وماكو شي تسويه هناك..ينصح فيها للكبار بالعمر شياب يعني ههههههه وللعرسان اما العوايل واللي عندهم شباب وصغار شوي راح يملون منها خصوصا بالليل ولو الواحد يحب يزورها يكفي 3 ايام لا زياده ولا نقصان..

اها لا والله يا صديقتي وربي ما احب الوحشه والمدن اللي تسكر من الساعه 8 .. معقوله يعني مافيها اي نشاط ليلي مطاعم سينما مقاهي اي شي يصلح في الليل

اي والله وعشان لا اكون ظالمه فيها شارع بسيط نفس طقة السوق الليلي وفي مطاعم عربيه بس كلمن راحله ما يمدح هالشارع يقول وخر عنه لانه غالي ونصابين ومافيه شي يسوى
طبعا لنكاوي اسواقها مافيها ضرايب لكن مافيها شي الواحد يقدر يشتريه يمكن هم اثنين بس اذا ماخاب ظني ومو ذاك الزود صغار وبسيطين..الناس اللي يحبون هالجزيره لانها هاديه وطبيعه ومافيها ناس رايحه راده يعني يحبون العزله والهدوء بس من غير لا يسوون شي يكفيهم الجلوس عالشاطئ والاسترخاء بالله اشحقه اسافر اذا بس قاعده عالبحر ومافي اوادم وانشطه وبرامج خصوصا وان الزبده والانشطه اللي فيها اللي تستحق هي التلفريك والمانغروف والشلال والهيلوكوبتر!! وكلهم بالنهار..انا مو ضد لنكاوي بالعكس حلوه بس ماكررتها كلش ما ناسبتني انا احب الحركه والسهر والتسوق والانشطه والروحه والجيه 24 ساعه وةاحب اشوف الناس والعالم حتى لو اقعد عالبحر عالاقل في نااااس..عشان جذي افضل بينانق عن لنكاوي واللي بكل روحه ما استغني عنها

بينانق..جزيره حلوه وحركيه وعصريه اكثر من لنكاوي وفيها انشطه والعاب بحريه والاهم ان الحركه فيها شغاله ليل نهار يعني ماكو ملل وفيها مولات ومطاعم وترفيه ..وتناسب العوايل اللي معاها شباب وصغار وتناسب اللي يحبون السهر والحركه بالليل وتناسب اللي يحبون التسوق ايضا وتناسب بعد العرسان وكل شي متوفر فيها..وما تحس بالملل..يناسبها 3 الى 4 ايام..


هذي الفله والا بلااااش ...

اي والله يااااااااااااحبي لها بينانق..زرت ماليزيا 4 مرات كررت بينانق 3 مرات ولنكاوي بس مره..للاسف اخر سفره كانت سريعه ومازرت بينانق لاني كنت مسافره اساسا لاندونسيا ومن هناك قررنا فجاه السفر 5 ايام كوالا ورجعنا اندونيسيا..ونصيحه اذا حاب تتسوق تسوق من بينانق البضايع احلا وخيارات اكثر واجدد لان غالبية الناس تتسوق من كوالا عشان الوزن الزايد بالتنقلات فالبضايع بكوالا دوووم غاليه وماتحصل اللي تبيه او مقاسك مثلا او تلاقي اشياء قديمه عشان يمشون البضايع والناس فوق هذا تشتري وهذا اللي لاحظته بزيارتي الاخيره وتحسفت اني مارحت بينانق بدال كوالالمبور لان الغرض من هالزياره كان التسوق فقط لاغير

جينتينق..مدينه جبليه بارده وفيها الملاهي..وخدماتها متكامله فنادق ومطاعم العاب سوق سبا ومساج وكل شي متوفر حولك ..وقريب منها المدينه الفرنسيه ومزرعة فراوله بسيطه..ويكفي الاجواء البارده والضبابيه اللي فيها والمتعه الحقيقيه هي ركوب التلفريك..طبعا انا ولا مره سكنت فيها لقربها من كوالا 50 دقيقه الى ساعه بالكثير وانت فيها..ولكن البعض يفضل السكن فيها لبرودة الاجواء..يكفيها يومين لازياده ولا نقصان..

حلوه اعجبتني اكثر واكثر من كلامك ...

بالعكس هذي تعجب الكل ماعليها خلاف الكل يمدح فيها وتعجبه بس الخلاف هل تسكن او لا هني الحجي اللي الناس تناقش فيه..انا عن نفسي ولا مره سكنت فيها واكتفي بزياره لها يوم كامل من الصبح للليلfd?jk

الكاميرون..مرتفعات ومدينه بارده لكن مو ذاك البراد ومافيه شي غير الطبيعه فقط وفيها اماكن تزورها كلهم بنص يوم وهم مزراع الشاي والفراوله والعسل والورود والفراشات وكلهم جنب بعض وفي الشلال بعد ولكن من رايي ما تسوى الواحد يتعنى لها لان من الغروب ماعندك مكان تروحله تقعد بالفندق وبس يعني موووووووحشه وممله وماتناسب اللي عنده صغار او شباب تناسب كبار السن الشياب او اللي يحبون العزله او ممكن العرسان كنوع من كسر الحاجز لان ماكو شي يسوونه غير مقابل بعض فاللي حاب يكسر الحاجز من العرسان يروح الكاميرون وطبعا الاكل مشكله فيها لان ماكو مطاعم ولا شي تاخذ اكلك معاك والمشوار لها 5 ساعات من كوالالمبور..يومين كحد اقصى..

افا ياصديقتي يعني على كلامك يكفيها يوم ويخب عليها ؟ لاني زي ماقلت لك ما احب العزله والوحشه
معلومه مفيدة الله يرزقك الجنه يارب .. بالنسبة لكسر الحواجز كاسرينها من سنتين وخلصنا
هههههههههههههههه .. طيب ليه مطاعهم موزينه يعني ؟ وهل فيها وجبات سريعه ماكدونلدز - كنتاكي

والله مااااغشيتك بكلمه صج طبيييييعه بس ياخي ممممممممممممممممله ومووووووووحشه وماااااااتسوى العنوه لها 5 ساعات طريق يعني اليوم كله رايح وفوق هذا من المغرب انت بفراشك هههههههه
ماتقدر تقعد فيها يوم لان المشوار 5ساعات روحه و5ساعات رده الا راح اليوم!! يبيلها يومين لكن والله مال امها داعي بالمره..وبالنسبه للمطاعم مافيها ولا مطعم الا واحد ماليزي للدجاج تقليد كنتاكي بس الله يديم النعمه يعني لو نويت عليها لاسمح الله لازم تاخذ اكلك معاك..وتاخذلك وسائل ترفيه عشان تسليك وقت المغرب وطالع


كوالالمبور .. طبعا ماكو غنى عنها..حق كل شي رحلات وتمشيات وتسوق وسهر ومطاعم وكل شي من رايي 4 ايام مناسبه لاتنقص بل تزيد في بعض الاحيان وذلك لو حاب تغطي كافة المولات والتسوق..

طبعا في مناطق غيرهم بس هذول المتعارف عليهم كاول مره..وارد اكرر هذا شرح مبسط عن كل منطقه وليست تقسيمتي لك..التقسيمه باذن الله اذا جاوبت عن الاسئله اللي طرحتها لك

فديت قلبك يا DH.q8 وربي بينتي لي اشياء كثيرة بصراحه ...

تفداك العافيه ياخوي يسعدني هالشي وانا والله قاعده احاول ابين مميزات وعيوب كل منطقه عشان لا اكون منحازه لوحده على حساب الثانيه ولو اني اميييييييل بشكل واضح لبينانق بس شرحتلك كل منطقه شنو فيها مافيها وطبيعتها واللي تحتاجه عشان انت تقرر الانسب لك وما اكون فرضت عليك اي شي

بالنسبه للتقسيمه انت قرر شنو اللي تبي تروحلها وانا اقولك الطريقه والتقسيمه والايام..وكراي لي انصحك بالبرنامج التالي:

ممكن تسكن بمنطقة شاه علم اول ليله للوصول بفندق بلو ويفز عجييييييب للراحه من تعب الطيران
جينتنيق ليلتين تسكن بفندق الفيرست وورلد
بينانق 3 ليالي خيارات السكن متنوعه على حسب الميزانيه تقدر تجيك على الفنادق من موقع بوكينج وتشوف الانسب لك..طبعا في الفخم وفي المتوسط وفي الاقتصادي..
كوالالمبور 4 ليالي السكن ممكن يومين قريب من البرجين ويومين بشارع العرب..

او عندك هالبرنامج:
الوصول على طول على جينتنيق ليلتين
بينانق 3 ليالي
كوالالمبور3 ليالي
بورت ديكسون ليلتين..هذي منطقه حلوه للعرسان ونظامها تسكن عالبحر بشاليه فوق البحر وقريب منها ولاية ملقا ممكن تاخذ جوله فيها او ممكن تزور منتجع افاموسا..وتكون اخر محطه لانها تكون اقرب للمطار..

او لو حاب تدخل لنكاوي من ضمن الحسبه .. بس لازم تحجزلها طيران داخلي وافضل تكون بنفس يوم الوصول بعدماتوصل بساعتين او 3 عشان يلا يمديك اخذ شنطك وتخلص امورك وتروح المطار الداخلي وتضبط امورك ..وعشان تعب الطيران يكون يوم واحد بس اللي هو الوصول..ويصير برنامجك هالشكل:

لنكاوي يومين..يوم الوصول والراحه والثاني تسوي الفعاليات اللي فيها وعشان تجربها وما تحس بالوحشه الا يوم واحد بس..
بينانق 3 ايام..تروحلها بالفيري من لنكاوي..>>> طبعا الفيري هذا وسيلة مواصلات بحريه بين الجزر نفس السفينه بس اسرع شوي
جينتينق ليلتين..تروحلها بباص او سياره من بينانق
كوالالمبور 3 ليالي..

انت فكر وشوف اللي يناسبك وقرر وحنا بالشوفه ياصديقي

تقبل تحيات اختك: DH.q8

[DH.q8]

يوووه نسيت لا اقولك بالنسبه للصراصير ما شفت بصراحه لكن بلنكاوي في اللي العن من الصراصير بريعصي " ماعرف شلون اجمعهه" وسحالي وديناصورات لا اضحك احفاد الديناصورات مخلوقات اكبر من السحالي بشوي ويمممممممممممممممممه تلقاهم بفندق هوليداي فيلا اخيس واسوا فندق سكنت فيه بحياتي هو وفندق جياكرتا بجزيرة بالي باندونيسيا نفس الموضوع حشرات وسحالي

يمكن عشان الطبيعه والاجواء الرطبه تكثر هالاشياء والبيوت او الفنادق الخشبيه هي اللي تشجع على تكاثر هالمخلوقات


تقبل تحيات اختك : DH.q8