اهلين اخوي
برضو ماجاوبتن بهانج تبي جتنتق والا الكميرون كل وحده بربعه؟
وتحب الطبيعة والا السهر كل اللي عرفته تبي تهج من غبار الرياض بس تبي طبيعة والا ملاهي وصخب
عموما ماعندك خيار دامها 10 ايام لازم تتفق معااااااااااااااااي ماتكون طماع وتقول بروح اكثر قدر ممكن من المدن لانك انت بتتعب روحك كذا ويضيع وقتك بين حمل شنط ونزل شنط ومسافات لو تحسبها تطلع 3 ايام من رحلتك ولا يصفى لك شي ..ولاحظ هي مو 10 ايام صافية لا 10 بايام السفر
نفسي تسول لي بالسوء وتروح ع لنكاوي بس تصل بس مجازفة خطيرة ماتضمن وضع الرحلات وتضيع كل امورك وتحتاس لذلك اوعى
اتفقنا نخليها 3 محطات فقط .. ونلغي الكميرون ..
ليلة بسبلانجور (5 سبتمبر )سنو اي لاقون بس توصلون تريحون وبعدين تتمشون بالبراميد مول وبالليل تروحون الاي ستي وتتعشون هناك << مادري متى وصلولكم عاد ضبطها انت
والصباح تروح الى الظهر مدينة الالعاب المائية انتبه تراو يسكر كل ثلاثا ..
همين بطيارة العصر او ممكن تتفق مع الاوتيل تخلي الشنط عندهم وتروح للبراميد مول لو مايميدك اول ليلة وتتمشى فيه وتتعشى وتطلع بعد العشاء للنكاوي
3 ليال (6و7 و 8سبتمبر ) بلنكاوي الويستن او بيلنجي بيتش .. ولو ميزانيتك ماتسمح لك ممكن اكون مرنه معاك واعطيك خيارات اخرى لكن سيلانجور لا تتنازل عن السن واي لاقون وكوالا لا تتنازل عن رتدرز وبحبح الجيب شوي
الانتقال ياطيارة او بالفيري << ترشح الطيارة اريح
ليلتين (9 و10) بينانج بارك رويال سعره زين وحلو كثير فيه افضل بس مانبي نزنقك << وش حليلها تسمع بالتوفير
الانتقال يا طيارة او باص لو تحبون الطبيعة وكذا وممكن تاكسي
بقية الايام بكوالا .. بتردرز ولو سمحت هنا لا والف لا تغير هافلفندق لانه قريب من البرجين وحديقته الساحرة ومجمع الثريا ولا تنسى وقتك ضيق << بتذلك
صدقني هالاوتيل حكاية ولي معاه قصة عشق وماراح تنم ابد لا فخامة ولا موقع ولا ولا
جولة بباص الهوهو ويمر بك ع 22 معلم سياحي واللي يعجبك سجل بروقة وروح له يوم ثاني
احلى مافي كوالا الاكواريوم - المنارة - حديقة بردانا وكلها يمر عليها الباص (الهوهو)
ممكن يوم من الصباح للمساء تزور جتنتق لو تحب الالعاب والصخب اقعد فيها طول اليوم لو تمل ممكن بالنهار تروح بوكيتن تنجي وبالرجعه ترجع على جتنتق وتلعب حتى تتعب ..
وممكن نصف يوم تروح بتروجايا روعه لا تفوته
وخذ جولة ع المولات بافليون - الثريا (سواريا) - تايم سكوير
موفق يارب ولا تنساني من صالح الدعاء