استفسار بخصوص جدول

[شموووووخ2010]

اهلين اخوي

برضو ماجاوبتن بهانج تبي جتنتق والا الكميرون كل وحده بربعه؟
وتحب الطبيعة والا السهر كل اللي عرفته تبي تهج من غبار الرياض بس تبي طبيعة والا ملاهي وصخب

عموما ماعندك خيار دامها 10 ايام لازم تتفق معااااااااااااااااي ماتكون طماع وتقول بروح اكثر قدر ممكن من المدن لانك انت بتتعب روحك كذا ويضيع وقتك بين حمل شنط ونزل شنط ومسافات لو تحسبها تطلع 3 ايام من رحلتك ولا يصفى لك شي ..ولاحظ هي مو 10 ايام صافية لا 10 بايام السفر

نفسي تسول لي بالسوء وتروح ع لنكاوي بس تصل بس مجازفة خطيرة ماتضمن وضع الرحلات وتضيع كل امورك وتحتاس لذلك اوعى

اتفقنا نخليها 3 محطات فقط .. ونلغي الكميرون ..


ليلة بسبلانجور (5 سبتمبر )سنو اي لاقون بس توصلون تريحون وبعدين تتمشون بالبراميد مول وبالليل تروحون الاي ستي وتتعشون هناك << مادري متى وصلولكم عاد ضبطها انت

والصباح تروح الى الظهر مدينة الالعاب المائية انتبه تراو يسكر كل ثلاثا ..


همين بطيارة العصر او ممكن تتفق مع الاوتيل تخلي الشنط عندهم وتروح للبراميد مول لو مايميدك اول ليلة وتتمشى فيه وتتعشى وتطلع بعد العشاء للنكاوي


3 ليال (6و7 و 8سبتمبر ) بلنكاوي الويستن او بيلنجي بيتش .. ولو ميزانيتك ماتسمح لك ممكن اكون مرنه معاك واعطيك خيارات اخرى لكن سيلانجور لا تتنازل عن السن واي لاقون وكوالا لا تتنازل عن رتدرز وبحبح الجيب شوي


الانتقال ياطيارة او بالفيري << ترشح الطيارة اريح

ليلتين (9 و10) بينانج بارك رويال سعره زين وحلو كثير فيه افضل بس مانبي نزنقك << وش حليلها تسمع بالتوفير


الانتقال يا طيارة او باص لو تحبون الطبيعة وكذا وممكن تاكسي

بقية الايام بكوالا .. بتردرز ولو سمحت هنا لا والف لا تغير هافلفندق لانه قريب من البرجين وحديقته الساحرة ومجمع الثريا ولا تنسى وقتك ضيق << بتذلك


صدقني هالاوتيل حكاية ولي معاه قصة عشق وماراح تنم ابد لا فخامة ولا موقع ولا ولا


جولة بباص الهوهو ويمر بك ع 22 معلم سياحي واللي يعجبك سجل بروقة وروح له يوم ثاني

احلى مافي كوالا الاكواريوم - المنارة - حديقة بردانا وكلها يمر عليها الباص (الهوهو)

ممكن يوم من الصباح للمساء تزور جتنتق لو تحب الالعاب والصخب اقعد فيها طول اليوم لو تمل ممكن بالنهار تروح بوكيتن تنجي وبالرجعه ترجع على جتنتق وتلعب حتى تتعب ..

وممكن نصف يوم تروح بتروجايا روعه لا تفوته

وخذ جولة ع المولات بافليون - الثريا (سواريا) - تايم سكوير


موفق يارب ولا تنساني من صالح الدعاء

[شموووووخ2010]

تفداك العافيه ياخوي يسعدني هالشي وانا والله قاعده احاول ابين مميزات وعيوب كل منطقه عشان لا اكون منحازه لوحده على حساب الثانيه ولو اني اميييييييل بشكل واضح لبينانق بس شرحتلك كل منطقه شنو فيها مافيها وطبيعتها واللي تحتاجه عشان انت تقرر الانسب لك وما اكون فرضت عليك اي شي

بالنسبه للتقسيمه انت قرر شنو اللي تبي تروحلها وانا اقولك الطريقه والتقسيمه والايام..وكراي لي انصحك بالبرنامج التالي:

ممكن تسكن بمنطقة شاه علم اول ليله للوصول بفندق بلو ويفز عجييييييب للراحه من تعب الطيران
جينتنيق ليلتين تسكن بفندق الفيرست وورلد
بينانق 3 ليالي خيارات السكن متنوعه على حسب الميزانيه تقدر تجيك على الفنادق من موقع بوكينج وتشوف الانسب لك..طبعا في الفخم وفي المتوسط وفي الاقتصادي..
كوالالمبور 4 ليالي السكن ممكن يومين قريب من البرجين ويومين بشارع العرب..

او عندك هالبرنامج:
الوصول على طول على جينتنيق ليلتين
بينانق 3 ليالي
كوالالمبور3 ليالي
بورت ديكسون ليلتين..هذي منطقه حلوه للعرسان ونظامها تسكن عالبحر بشاليه فوق البحر وقريب منها ولاية ملقا ممكن تاخذ جوله فيها او ممكن تزور منتجع افاموسا..وتكون اخر محطه لانها تكون اقرب للمطار..

او لو حاب تدخل لنكاوي من ضمن الحسبه .. تقبل تحيات اختك: DH.q8

خخخخخخخخخخخخخ

تو اشوف ردك دخلت ماكان فيه الا رد الاخ

يئطع حريشك فريتي مخ الرجال من كثرة الخيارات

ذكرتين بنفسي بالثانوية العامة اصب ابو وام المعلومة ولو مو مطلوبة المهم بين اني حافظتها


انا اشوف افاموسا وملكا والكميرون للي عندهم ايام زيادة غير كذا خليها مطب ههههههههههه

بورت ديكسون حلوة بس معزولة واحلى لو هم عرسان دامهم شياب فهم مالين يبون شي يروحون له فافضل سن واي لاقون لهم ..

حبوبةردك موسوعه ماشاء الله ..

والخيار لك اول واخرا ..

اختي الغالية الله يبارك فيها كتبت بذمة وضمير ووضحت كل شي عليك الاختيار الان ..

والله جهد تشكرين عليه

الله يعطيكك العافية

[bu shaab]

بنت الكويت

شموخ2010

بصراحه ماشاء الله تبارك الرحمن (( مسكتين ))

ما عندي ولا كلمه اقولها تسلم الايادي وبارك الله فيكن وجزاكن خير الجزاء والثواب

ترى يا خوي فهد ماقصروووو ابدا ادق التفاصيل حطوها وانت حدد بورقه وقلم وتوكل على الله

اما صراصير عني اصدق ماجاك ما شفناها ابداا


الفيري هو عباره عن قارب مركب سفينه صغيره تركب فيها وتسافر من لنكاوي لبيانغ او العكس
لمده ثلاث ساعات زادت او قلت

توكل على الله والله يوفقك ان شاء الله

[DH.q8]

خخخخخخخخخخخخخ

تو اشوف ردك دخلت ماكان فيه الا رد الاخ

يئطع حريشك فريتي مخ الرجال من كثرة الخيارات

ذكرتين بنفسي بالثانوية العامة اصب ابو وام المعلومة ولو مو مطلوبة المهم بين اني حافظتها

والله ضحكتيني على سالفة الثانويه الله يقطع ابليسج
لا والله لا فريت مخه ولا شي بالعكس عشان يعرف كل منطقه شنو هي وعشان ابينله انه يقدر يروح المناطق اللي حطيتها ويختار اللي يبيه وما يحتار


انا اشوف افاموسا وملكا والكميرون للي عندهم ايام زيادة غير كذا خليها مطب ههههههههههه

معاج حق انا ضد الكاميرون اما افاموسا وملقا تراهم جنب بعض مو بعيدين حيل وحطيتهم في حال اختار بورت ديكسون بس كنوع من الخيارات اللي يقدر يزورها هناك

بورت ديكسون حلوة بس معزولة واحلى لو هم عرسان دامهم شياب فهم مالين يبون شي يروحون له فافضل سن واي لاقون لهم ..

هههههههه اشفيج يالغلا بعدهم شباب اسم الله عليهم توهم سنتين زواج وبيروحون اثنينهم هو والمدام يعني مايمنع يجددون شهر العسل ويستانسون قبل لا يشيبون ويخلفون الوغدنيه وتصير عليهم هالسفرات بالحسره


حبوبةردك موسوعه ماشاء الله ..

حياتي والله تسلمين على هالاطراء..خجلتيني >>>> اشفيها اللي عاشت الدور خخخخخ

والخيار لك اول واخرا ..

اكييييييد طبعا هو بس يختار وحنا باذن الله ننسق لو الروحه والبرنامج

اختي الغالية الله يبارك فيها كتبت بذمة وضمير ووضحت كل شي عليك الاختيار الان ..

والله جهد تشكرين عليه

الله يعطيكك العافية

الله يعافيج ياقلبي اي والله كتبت بذمه وضمير ومن قلب بس تدرين ليش عشان يتضحله كل شي قبل لا يسافر لان اللي اول مره يروح يحس نفسه ضايع ولما يجي يسال الكل يعطيه برنامج على هواه ومزاجه واللي يحبه هو وممكن هالاشياء ما تناسب الشخص نفسه او ممكن يمشي ورا الشي السائد وهم ما يعجبه عشان جذي تلاقين البعض ما حب ماليزيا او حسها مبالغ فيها او تحسف انه راح مكان او منطقه شاف الناس رايحينلها او الناس مثلا شاروا عليه او اعجبتهم ..انا قلت اوضحله كل شي واشرحله كل منطقه واخليه على بينه وهو يختار عشان لا يندم او يتحسف او تصير سفرته موشي



وانتي بعد مشكوره على ردج وعلى اطرائج وتعقيبج على ردي تسلمين يالغلا وماقصرتي الله يجزاج خير لا خلا ولا عدم

تقبلي تحيات اختج : DH.q8

[DH.q8]

بنت الكويت

شموخ2010

بصراحه ماشاء الله تبارك الرحمن (( مسكتين ))

ما عندي ولا كلمه اقولها تسلم الايادي وبارك الله فيكن وجزاكن خير الجزاء والثواب

ترى يا خوي فهد ماقصروووو ابدا ادق التفاصيل حطوها وانت حدد بورقه وقلم وتوكل على الله

اما صراصير عني اصدق ماجاك ما شفناها ابداا


الفيري هو عباره عن قارب مركب سفينه صغيره تركب فيها وتسافر من لنكاوي لبيانغ او العكس
لمده ثلاث ساعات زادت او قلت

توكل على الله والله يوفقك ان شاء الله

تسلم ياخوي بو سحاب صح؟؟ لان البعض يناديك بو شهاب!!

ماقصرت وبيض الله وجهك على هالاطراء وهالتعقيب وتسلم على هالدعاء الطيب الله يجزاك خير

وعسى الله يسهل على اخونا سفرته ويوفقه يارب


تقبل تحيات اختك : DH.q8 >>>> بنت الكويت

[شموووووخ2010]

يعطيك العافية بو سحاب << تقراو كذا كمان

يعطيك العافية بنت الكويت

موفق اخوي برحلتك واتمنى مافرينا راسك

[bu shaab]

هي بالاصل بوشعب

ولا كني افضل ابو شهاب وهذا الصح

الله يعطيكن العافيه