المشاركة الأصلية كتبت بواسطة دحومي عيوني
السلام كيفكم:p كيف الجو عندكم
انشالله حلوين
احبائي بما انها اول مشاركة لي حابة ازف لكم خبر
و
و
هو ان زوجي العزيز قرر السفر الى استراليا ولعدم الخبرة قلت خل ترتيب الرحلة هالمره علي وانا بداخلي اقول كل المعلومات ما راح يبخلون منتدى سفاري معي وبصراحة انا ادخل اقرا المواضيع بشكل دائم بس بعمري ما فكرت اكتب لقلة سفراتي ولعدم الخبرة بس هالمره قلت لا ما دام السالفة فيها استراليا خلينا نسجل وندخل وما راح يقصرون الشباب بالمنتدى وياك
بس
حابة اعرف الاتي..
كم يوم تحتاج وكم التكلفة واذا اقدر استفيد من البلد بشي ما يتوافر في بلدي قطر لاني على وجه نزول بيت خاطري اخذ شي يكون مميز من هالبلد ؟
زوجي وانا وطفل بالنسبة للجو على فكرة السفر شهر 8 النية انشالله وكيف نظام التنقل اخذ خريطة والا استاجر سيارة بالسايق مرشد بالنسبة للمدينة اين اماكن الاستجمام والتمتع بالطبيعة وكيف ارتبها واهم شي التسوق متى اخلية اخر الرحلة عشان ما يثقل علي بالتنقل وين اسكن وعلى فكرة زوجي يحب اماكن تكون راقية يعني 5 نجوم اذا ما كانت سبعة وبالنسبة للعباية والنقاب اشلون والاكل الحلال واذا اقدر اودي معي بعض الاجبان وانواع الحليب اللي معتاده علية ارجو من احد يرتب لي الرحلة حسب خبرتة
ارجوكم بيضو وجهي عند زوجي يا ريت لو يكون الوصف دقيق
وشكرا