تكفون ياجماعة الخير ابي نصيحتكم

[فهد777]

مساكم الله بالخير انا عندي مشكله يمكن انتم تشوفونها سخيفه بس والله انها مو مخليتني انام بس تكفون شوروا علي ياللي جربتم تايلند وزرتوها قبل ... اللي عنده اطفال وسافر قبل كذا لتايلند هل هي مناسبه للاطفال ولا لا؟؟؟ انا عندي بنتين وحده عمرها 4 سنوات والثانيه عمرها سنه ونص . الصغيره مو مشكله بخليها عند اهل زوجتي وصغيره لسه ماهي عارفه للسفر يعني بتتبهذل بس قعدتها افضل لها .المشكله في الكبيره لاني متعود في كل سفره اخذها معاي وهي متعلقه بامها حيل لكن وبصراحه لما ضبطت الحجوزات ماحطيتها في حساباتي لاني من اخر سفره الصيف الماضي للنمسا قررت انه هذي اخر سفره لها من اللي سوته فينا . مابي اطول عليكم المشكله انه بدا يانبني ضميري وخايف امها تفقدها في هالسفره وتتنكد وبنفس الوقت لو كانت تايلند مناسبه للاطفال خايف اندم اني ماخذيتها معاي تكفون شوروا علي ياللي مجربين هالعمر من الاطفال في تايلند اخذها معاي ولا اتركها خاصة اني انشاءالله متطمن عليها عند اهل زوجتي مع اختها بس المشكله اننا بنفقدها ايش رايكم يسوى اخذها معاي ولا اتركها ونجدد شهر العسل انا والمدام شوركم وهداية الله

[العشقان]

السلام عليكم ورحمة الله وبركاته
مراحب
ويسعد صباحك
اخوي الفاظل تايلند حلوة وتصلح للأطفال مثلها مثل اي دولة من وجهة نظري ولاتشيل هم
اما من ناحية ان امها بتفقدها هذا شي لابد منه ام وقلب الأم حنون وحساس ورحوم بزيادة
وهذا الشي يرجعلكم حاولو تتفاهمون بينكم ان ودكم تجددون شهر العسل والآيام الحلوة التي مضت
هذي بنتك يالغالي والله لايخليك منها ولا يخليها منك ويخليكم لبعض
وعلى فكرة ترى السفر متعب على الأطفال ومقلق جدآ وفيه مشي وفيه لف ودوران
يعني حللها صح واحسبها من جميع النواحي
واعقلها وتوكل على اللي ماتنام عينه
تحياتي

[أم خماس]

والله انا اللي محيرني وشاغل بالي

كيف الامهات يقدرون يتركون عيالهم ويسافرون ويستانسون!!!! شو من قلب عليهم؟!!!!


ولا بعد اللي يقول تجديد شهر العسل

ياخي جدد في بلادك احجز فندق في بلادك وغير جو .... المهم بيكونون قريبين منك

اصلا السفرة بتكون بايخه و24 ساعة اتصالات للاطمئنان عاليهال

يابوي اتوكل وشيلهم معاك

[عاشقة شنج ماي]

أصراحه نفس ماقالت أختي أم خماس أصلن أنا ماأيد هذي الفكره أتخلي الصغاريه عند الأهل وتروحون أنا يوم واحد ماقدر أخلي ولدي عند أهلي النوم مايني بس كل واحد وقلبه بس
احسن أن العيال اكونون تحت ملاحظت الام وأنتو كيفكم إذا ترومون

[almannai01]

اخي الكريم فهد

كما تعلم بأن بانكوك هواؤها ملوث من عوادم السيارات والموترسيكلات وهي لا تصلح للاطفال وخصوصا للذين عندهم ربو

ولكن ارى بأن عمر ابنتك ( اربع سنوات ) مناسب لها للسفر معكم واعتقد بأنها نضجت عن اخر مره سافرت فيها معكم وان شاء الله يهديها

ولا تنسى بأنها تستطيع ان تمشي على رجليها وهذا سوف يقلل من الحمل والعباله

واتمنى لكم سفرة سعيده بأذن الله تعالى

[احساس قلب]

صدقني حلاوة السفر مع العيال ...

راح يكون لها طعم ثاني ...

توكل على الله ... والله معك

[عاشقة شنج ماي]

مع أحترامي لخوي almannai01أنا عندي ولدي فيه الربو وكم مره سايره بانكوك وسايره الهند وسايره كذا بلدان وكنت أشيل الأدويه والمكينه معاي لكن ما أحتاجهن والله ان شى أسمه ربو ماعرفه أهناك وأنا من دبي يوم رديت أبلادي سألت الدكتور قال نسبت الرطوبه عندنا أكثر من عندهم وأول ماجيت أستواله الربو مره ثانيه بس الرحله ألي مافيها صغاريه ماتنفع والله ماتنفع حلا تهم وهم يصارخون ويلعبون فديتهم والله يخليهم أن شاء الله

[almannai01]

مع أحترامي لخوي almannai01أنا عندي ولدي فيه الربو وكم مره سايره بانكوك وسايره الهند وسايره كذا بلدان وكنت أشيل الأدويه والمكينه معاي لكن ما أحتاجهن والله ان شى أسمه ربو ماعرفه أهناك وأنا من دبي يوم رديت أبلادي سألت الدكتور قال نسبت الرطوبه عندنا أكثر من عندهم وأول ماجيت أستواله الربو مره ثانيه بس الرحله ألي مافيها صغاريه ماتنفع والله ماتنفع حلا تهم وهم يصارخون ويلعبون فديتهم والله يخليهم أن شاء الله

اختي الكريمه عاشقة شنج ماي

الوقاية خير من العلاج طال عمرج

[فهد777]

السلام عليكم ورحمة الله وبركاته
مراحب
ويسعد صباحك
اخوي الفاظل تايلند حلوة وتصلح للأطفال مثلها مثل اي دولة من وجهة نظري ولاتشيل هم
اما من ناحية ان امها بتفقدها هذا شي لابد منه ام وقلب الأم حنون وحساس ورحوم بزيادة
وهذا الشي يرجعلكم حاولو تتفاهمون بينكم ان ودكم تجددون شهر العسل والآيام الحلوة التي مضت
هذي بنتك يالغالي والله لايخليك منها ولا يخليها منك ويخليكم لبعض
وعلى فكرة ترى السفر متعب على الأطفال ومقلق جدآ وفيه مشي وفيه لف ودوران
يعني حللها صح واحسبها من جميع النواحي
واعقلها وتوكل على اللي ماتنام عينه
تحياتي

تسلم اخوي على ردك الجميل وماقصرت حبيبي والله لايحرمك غاليك وبحسبها والله يقدم اللي فيه الخير

[فهد777]

والله انا اللي محيرني وشاغل بالي

كيف الامهات يقدرون يتركون عيالهم ويسافرون ويستانسون!!!! شو من قلب عليهم؟!!!!


ولا بعد اللي يقول تجديد شهر العسل

ياخي جدد في بلادك احجز فندق في بلادك وغير جو .... المهم بيكونون قريبين منك

اصلا السفرة بتكون بايخه و24 ساعة اتصالات للاطمئنان عاليهال

يابوي اتوكل وشيلهم معاك

اختي ام خماس مشكوره عالرد وما قصرتي واكيد صعب جدا على كل ام انها تترك عيالها هذا شي مافيه شك بس احيانا يكون الافضل لهم والاريح انهم يجلسون لان السفر احيانا يكون متعب وانا اتذكر السنه الماضيه لما سافت معانا اول ثلاث ايام كانت مرهقه من السفره ومالها خلق اي شي وماكانت مبسوطه بس في الاخر تاقلمت وبالنسبه لشهر العسل هو مو بالظبط شهر عسل بس استرخاء بعيد عن دوشة الاطفال عشان يرجع الواحد متجدد ونشيط ويرجع لسنه جديده كل اشغال والتزامات وقتها يكون مشتاق لعياله وشغله.