5000 ريال يعنى حوالى اكتر من 9000 مصرى تكفى 5 ايام و تزيد ان شاء الله
برنامج مقترح
صباحا الذهاب الى شارع معز الدولة و زيارة المساجد و السبل الاثرية و الصاغة و جولة فى الحسين و خان الخليلى بامكانك الغداء فى مطاعم الحسين المشهورة متنوعة و الجلوس فى مقهى
صباح باكر الاهرامات حتى الظهيرة و بعدها ممكن ركوب خيل او جمال فى نزلة السمان ثم الذهاب الى برج القاهرة (ممكن تغدى هناك ) بعدها تمشية على النيل و ركوب باخرة ثم جولة فى وسط البلد تمشية و تسوق (شارع 26 يوليو و ما حوله )
صباحا الذهاب الى قلعة صلاح الدين و زيارة المتاحف بها و المساجد و بعدين زيارة حديقة الازهر و ممكن تتغدى بها عدد من المطاعم و الكافيهات لو عجبك مطعم و ليلا الذهاب الى سيتى ستارز تمشية تسوق مطاعم متنوعة كافيهات عالمية
ممكن تقضى يوم فى القرية الفرعونية و ممكن تحجز بالغداء و نزهة بالقارب او تقضى يوم فى ملاهى دريم بارك او كل واحدة يوم حسب ميولك (يوم كامل من الصباح الباكر )
يوم حر لاى مستجد او فكرة جديدة تجيلك و انت فى مصر