السلام عليكم ورحمة الله وبركاته
في البدااااااااااايه اسمحولي ان ان اسجل اعجااااابي الشديد بهذا المنتدى
وبهذه السفاري بالذات سفاري النمسا وسويسرا
شهور طويله مرت وانا ادخل هالبوابه واقرا واحلم اسمعوا قصتي بالاول
تزوجت من 8سنوات وجلست لمدة 6سنوات لم يرد لي رب العالمين الحمل
وخلال هذه السنواااااااااات لاقيت من التعب النفسي والبدني مالايعلم به الا رب العالمين
وكنت اعالج لكن ربي لم يرد لي الحمل تركت العلاج لمدة سنه وكنت ادعو الله بالحاح
والله حتى زوجي خلاص تعب من كثرة الزن عليه علشان يتزوج وكان خلاص تقريبا عزم
لكن رحمة الله تولتني وكتب لي ربي الفرج وحملت وجبت احلى(تؤام) فهودي وحمودي
الحمدلله رب العالمين انا داريه بتقولون طيييييييييب وش دخلنا حنا منتدى سفر وسياحه
مو حمل وولاده لكن بحكم اني ارتحت لهالمنتدى والله العظيم حسيتكم ناس قريبين من بعض
وهالشيء ينعكس على القارئ يحس نفسه منكم طبعا لااخفيكم خلال تلك الايام الله لا يعيدها على مسلم كنت امر هنا واقول ماشاء الله فاضين للسفر لكن بعد ماولدت وكبروا عيالي شوي حسيت من جددددد اني بحاجه لاستجمام ورااااااااااحه بعد هالتعب اللي شفته ابي اروح اروق واغييييير جو
لكن قدر الله علينا واخذ زوجي قرض للاسهم الله لايعيدها
لكن خسر الحمدلله رب العالمين يعني الاموووور المااااديه مو مرررررررره ابدا جيت هنا بطرح موضوعي عليكم بحكم خبرتكم وتجاربكم
طبعا بحااااااااااول اسوي لي سفره اقتصاااااااااااااااااديه الى ابعد حد
كل همي اغير جو بس بذيك الاماكن لاتقولون روحي ماليزيا ارخص ترى بصييييييييييح ابي سويسرا
وخليكم معي وصححولي اذا شفتوا عندي اي خطا
بقولكم الفكره المبدئيه
ولا تخافون مني ماراح اقول سوولي لي برنامج ولا حطولي مدن ومسار امشي عليه (من جد الله يعينكم يالمشرفين اذا جتكم
مثل هالاسئله انا وانا ادربي رأسي انجلط وشلون عاد انتم ماادري ليه الله يصلحهم ليه مايكلفون انفسهم شوي ويقرون )
الزبده انا لسه ماكلمت زوجي بشيء لمحت له مره قال ويننا ووين سويسرا غااااااااااااااااليه
انا كل هدفي اتمشى بالطبيعه بسسسسس ماابي اسواق ولا مطاعم ولاشيء
من جد والله وجبة ماك تكفيني والا خبزهم مع شاي
طيب بحط لكم خطوطي الاساسيه وانتم احكموا لي اذا شجعتوني توكلت على الله واذا
شفت انه مايصلح الشكوى لله
تخطيطي المبدئي
الرياض-جنيف- الرياض
استئجار سياره
استخراج فيزه
شراء قارمن
المده 10 ايام
ماراح اسكن جنيف السكن بديفون
ديفون حصلت اشياء كثيره رخيصه
وانترلاكن برضوه حصلت شيء لاباس به
ولي رجعت بعد رؤيتكم المبدئيه علشان احط لكم و
اشاوركم بفنادق ديفون وانترلاكن
ماابي ازور مدن كثير تعرفون اول مره ابيها بس رواااااق
سؤالي لهالحلقه >>ريضه الاخت فيها حلقات بعد
حصلت حجز بتاريخ 15سبتمبر الى 25سبتمبر
ب4866ريال للشخصين
والحجز الثاني بتاريخ 25سبتمبرالى 5اكتوبر
ب3406ريال للشخصين
سؤالي هل فيه فرق بالجو يسوى هالفرق
September 20.0°C 11.0 °C
October 14.0°C 7.0 °C
درجات الحراره وعرفتها بس ابي الارض والاخضرار
هل يتغير لهالدرجه لاني ابي اشوووف الارض بساااااااااااااط اخضر وخايفه من البرد
او الثلج
انتظر تشريفكم وردلكم
واسمحولي لو طولتها وهي قصير بس انتم معتبرتكم اهلللللللي >>تمون بزياده
المشاركة الأصلية كتبت بواسطة فارس الشجاع
ياااارب
