مجنونة فوجي فلم الجديدة FinePix HS10 .. تقرير كامل

[الزمن الجميل]

اعجبتني هذه الرائعة من فوجي فلم و وجدت هذا التقرير عنها انقله لكم كما وجدته ...

بسم الله الرحمن الرحيم

الكاميرا تووها نازلها 2010 ... اذهلتني امكانياتها طبعا
فقلت تستاهل تقرير محترم الصراحه

بسمه نبدأ

المواصفات الرئيسيه :

* 10 ميجا بيكسل وهذا خلاني اقول ادائها راح يكون مميز ومو رافعين البيكسلات

* تصور بصيغة الJPG والRAW والاثنين معا

* زوم مجنون 30X ... يعادل 24-720مم .. مع تحكم يدوي به

* تصوير بانوراما

* تصوير متتابع بسرعة 10فريم بالثانيه وهذا رقم روعه

* تصوير فيديو Full HD 30 ب30فريم وهذا رقم حلو مع صوت ستيريو

* مخرج HDMI

بعدين الحفله لسه ماجت كمواصفات اخرى

وهذا انا اقول

اول شي الزوم وقوته 30X

يعطي تقريب

التصوير المتتابع 7 صور بسرعة 10 فريمات بالثانيه

مود او وضع اسمه (( افضل لقطه ))

وهذا الوضع لمن تحطه .. يسمحلك انك تضغط نص ضغطه على الغالق او الشتر وتنتظر اللحظه اللي انت منتظرها تضغط ضغطه كامله
تقول الكاميرا تصور لحظة التصوير وبنفس الوقت 7 صور تسبق الصوره اللي صورتها .. عشان ماتفوت ولا ثانيه من الشي المنتظر وهذي ميزه فلله

خاصية سوبر هاي سبيد موفي ... يعني تصوير فائق السرعه فيديوي ..
وهذي تسمحلك تاخذ لقطه فيديو بسرعة تصل الى 1000 فريم تخيل عشان تثبت اي حركه بكل اريحيه

تصوير بانورامي زي اللي موجود بالسوني

خاصية ازالة الحركه ... برضو حركه اليمه
هذي تسمحلك تاخذ 5 صور للشي اللي تبي تصوره وماتبي الناس اللي موجوده تطلع ... تقوم الكام تحلل ال5 صور وتزيل الناس اللي موجوده بكل بساطه بس تعطيك صوره بحجم 2 ميجا بيكسل .. برضو حلو

خاصيه اللليييمه ثانيه .. صوره متعددة الحركه
بكل بساطه على هذا الوضع .. تضغط زر تصوير او الشتر والكام راح ياخذ برضو 5 صور ويدمجهم ويطلع الناتج صوره كذا

من جد فله

في وضع اسمه وضع الاناره المنخفظه الاحترافي
وهذا الوصع تصور فيه مبنى او اي شي ثابت بالليل .. تقوم الكاميرا تصور 4 صور بايزو مرتفع وتدمج ال4 مع بعض ويصير عندك صوره ايوزو عالي بنويز معدوم زي الكاميرات الاحترافيه

مانع اهتزاز عالي الدقه يمنع البلر او الاهتزاز بالصوره

فوكس تعقب اوتوماتيكي ... يعني حاجه متحركه تضغط نص ضغطه على الشي تقوم الكاميرا تقفل على الشي المراد تصوير .. ويصير الفوكس ثابت مهما تحرك الانسان او الحيوان اللي قاعد يتصور بدون اعادة البحث عنه

وضع اسمه الزوم التعقبي .. وهذا يخليك لمن تاخذ صوره لشي بعيد .. بضغطه وحده يعطيك صوره بالبعد اللي انت حطيته واثنين بتكبير اكبر

زوم محدد ... يعني تبي تصور كلب معدي من قدامك .. الكاميرات الثانيه اول مايصير الكلب بالشاشه وتضغط عشان تصور .. راح يكون الكلب نصه عدى .. وتاخذ صوره من ورا ... اما هنا بضغطه وحده .. راح تتعقب الشي اللي معدي واول مايصير داخل فريم الشاشه ترك .. اخذت صوره صحيحه

وضع ازارير التحكم كامله كل زر على حدى لتسهيل التصوير مشابه للموجود بالكاميرات الاحترافيه

شاشه 3 بوصه .. متحركه

واخر شي ... سعر الرائعه هذي بموقع أمازون هو 1850 ريال تقريبا
وهو سعر ال حلو

يبقى عاد نتائج التصوير لسه مانزلت لها .. وهذا ماسيحدد مقدار قدرتها

منقول

[الزمن الجميل]

في اعتقادي الشخصي
كاميرا رائعة بكل المقاييس
بل إنها تتفوق على الكاميرات الاحترافية في بعض المواصفات

تستحق التجربة








تحياتي

[تفاؤل]

جزاك الله خير

[m&m'ssss]

أخوي هاني


كاميرا خطيــــــــــــــــــــرة مرررره


أحلى وأرووووع خاصية أعجبتني ( إزالة الحركة ) من جد رهيبة


وسعرها مو معقول أحسها رخيصة مرررة مقارنة بالمواصفات والمميزات الموجودة فيها ..




يعطيك العافيه على النقل ,, وننتظر أراء المجربين لها في المستقبل ..







تحيــــ سوسو ـــــــــــــــــــاتي

[الواثق بالودود]

;كاميرا

رائعه

مشكور اخوي هاني على النقل

1850

ياااابلاش

[شاطيء الغروب]

جميلة جداً ..

خيار موفق و سعر رائع مقارنة بمواصفاتها العالية ..

بارك الله فيك ابوعلي ..

تحيتي ..

[بـــــــدر]

أحلى وأرووووع خاصية أعجبتني ( إزالة الحركة ) من جد رهيبة

مشكور ابو علي

وربنا يسهل ان لقيت كاميرا شبه احترافيه

في best buy الزوم البصري 30

والسعر 279$

وشكلي منشن عليها



بس ملاحظة الاخت سوسو طيبه


ذبحنا التشطيب في التقارير



شكرا ابو علي

[النهدي]

واضح عليها بأنها كاميرة رائعة

يعطيك ربي العافية أخوي الغالي ابو علي على هذا الطرح المميز

تحياتي لك

[هاوي نفود]

مواصفات قوية

ومنافسة بشكل جيد للكاميرات الإحترافية

تستحق التجربة

هههه

هاني

والخسائر قاااااادمة

[CHEESE]

و تعمل على بطاريات AA

يعني ما يحتاج اشحن لا تشحن

طق لك كرتون و حط في الشنطة

بس الزووم قوي .. تلي فوتو إلا حبتين !

هنا بعض النماذج لتصويرها

FinePix HS10 / HS11 : Sample Images | Fujifilm Global

شكرا ابو علي