تقرير رحلتي باريس وبروكسل وميونخ والنمسا زيلامسي وفينا بالتكاليف (مشارك في المسابقة)

[MM-qtr]

رابع يوم نشينا من الرقاد متأخرين على الساع 10 تفطرنا كرك + روتي جبن



تخطيطنا دزني لاند بس التعب وقلة النوم والجو الحار مايساعدون
كان بخاطري الغيها وزوجي قال لي برايج تبين تروحين او لا فكرت ثم فكرت قلت خل نروح نلعب فيها دام انها حلم الطفوله


رحنا من محطة شارل دي جول في الشانز تحت سفارتنا




وشرينا تذاكر الري القطار الأحمر الى يوصلنا دزني لاند



هذا القطار حاااااااااااااار





ونزلنا اخر محطة




دزني لاند







شرينا التذاكر بس حق البارك وخذنا الخريطة بالانجليزي




هذا القطار الي يدور الحديقة ويوقف في كذا محطة













زوجي فديته


شريت تاج ميكي ماوس










لعبنا بس ماعجبتنا العابهم ماليزيا وتايلند والخليج العابهم احلى من دزني لاند بارك


وحنا طالعين من دزني لاند كان مسوين عرض للاطفال








طلعنا ورحنا ركبنا القطار وحنا تعابه حدنا الشمس شوتنا والقطار حر مووووووت سونا

نزلنا في محطة شارل دي جول وركبنا الميترو الاصفر رقم 1 ورحنا لمحطة جورج في



وطلعنا هذي صوره الدرج الي ينزلك محطة المترو



قررنا نروح من مطعم ماكدونالدز وحنا داشين لفت انتبهي محل فشرينا منه بعض الهدايا

العشا + الغداء



الهدايا






تاجي ميكي موس


تعشينا ورقدنا

- دزني لاند ماعجبتني كلش ماتسوى الروحه خاصة البارك لاني دخلنا البارك من غير ستديو ماعجبني كلش
- الجو كان حااااااااااار والشمس قويه يقولون انه هذي اول سنه يكون الجو حااااار كذا فرجعنا بسرعه الفندق.

[MM-qtr]

أخر يوم في باريس 10/7/2010

نشينا الساع 9 من الرقاد تفطرنا

جدولنا :
نروح كل الاماكن الي طفنها بالغلط والي بخاطرنا نروحها وانه مانرجع الا وقت الرقاد وبالميترو بعد ماتعلمنا عليه صرنا خبره:thumbup:


أول مكان بنروح له : جالري لافييتGALERIES LAFAYETTE

هو مجمع من عدة طوابق في كل الماركات العالميه ومنظم كل دور له شي معين مثل الدور الارضي الاحذيه والاول الشناط والعطور والمكياج الثاني الملابس وهكذا

رحنا محطة (جورج سانك George V ) قريب من فندقنا



شرينا التذاكر باريس فزت ليوم واحد شخصين

الجالاري لا فاييت GALERIES LAFAYETTE

من محطة جورج الخامس تاخذ الميترو رقم 1 الاصفر المتجه الى محطة chateau de vincennce




و تنزل في التوقف الاول محطة فرانكلين روزفلت




و تغير القطار الى الميترو رقم 9 و المتجه الى محطة montreuil



حنا خربطنا الدنيا لاني اعتمدت على احد الردود في احدى المنتديات كاتب انزلوا اخر محطة نزلنا وانصدمنا الشوراع فاضيه وقدامنا ملحمة للاكل الحلال قلنا اكيد مخبطين سألنا الي في الملحمة قالوا ارجعوا نفس المترو وانزلوا محطة اسمها LAFAYETTE



ننزل في خامس محطة


الوقت المتبقي لين يجي الميترو


و النزول يكون في محطة


المخرج + المدخل



أول ماطلعنا المجمع قدامنا

من داخل المجمع

[MM-qtr]

المحطة الثانية (اللاديفانس La Defense) باريس الحديثه

بعد ماتسوقنا رجعنا مكان ماطلعنا من المحطة





ركبنا نفس الميترو الي يرجع ورجعنا محطة فرانكلين روزفلت ومنها خذا المترو الاصفر



ونزلنا في محطة اللاديفانس La Defense




درج الصعود الحمدلله كهربائي وشغال


وهذي صور لباريس الحديثه




صورنا هناك صور للذكرى

ومحل سيفورا الي عندهم كان مسوي عروض 50% و70% تسوقنا وشرينا عطور وكان التاكس فري تستعيد الضريبه على طول من عندهم مدري شسالفتهم

بعدها طلعنا من المنطقه ورجعنا الميترو

[MM-qtr]

المحطة الثالثه متحف اللوفر louvre

من محطة اللاديفانس La Defense الميترو الاصفر رقم 1 الى محطة palays royal musee de louvre





صور لمتحف اللوفر حنا اكتفينا من برا لانه ماودنا تدخل لانه زحمة







بطة تسبح



استرحنا شويات بكراسيهم بعد ماصورنا صور للذكرى

ورجعنا للميترو

[MM-qtr]

المحطة الاخيره برج ايفيل ومراكب نهر السين

من محطة palays royal musee de louvre الى محطة nation لانه عندهم الميترو الاخضر رقم 6 نبدل الميترو و النزول في محطة bir hakeim


محطة palays royal musee de louvre



نزلنا المحطة nation وخذنا الميترو الاخضر رقم 6


محطة bir hakeim




خذنا الكريب بحشوة النوتيلا والموز من هندي نفسيته خايسه :anger3:

وشفنا انه مافي أمل نركب البرج قلنا بنرجع له يوم يشغلون الليتات ونستغل الوقت ونروح نركب البوت السياحي (مراكب نهر السين)

شرينا تذكرتين واختارنا المركب الي مايوقف جولته حول االنهر ساعة ب22يورو شخصين







من داخل المركب














برج ايفيل بالزوم




برج ايفيل يوم ولع



برج ايفيل بالليل الساع 11


طبعا يبعيون الممنوعات



خذنا تاكسي من برج ايفيل الى الفندق 11يورو

تعشينا من كويك

المشتريات
طيارات الملونه من برج ايفيل




عطورات سيفورا



الهدايا من سيفورا والتكس فري

[MM-qtr]

متابع دون توقف

اشكرك على هذا الترتيب والوعي السياحي
في انتظار بقية التقرير

تقبلي تحياتي،،،

كل الشكر لك اخوي وياهلا بك

[MM-qtr]

ترقبوا الحلقه الجايه

مطار فرنسا والطيران الفرنسي

[الفراشه]

تقريرك رووووووووووووووووعه

وترتيبك مميز

واصلي

[الذيب الوفي]

يا سلااااااااااام يعجبني التقرير المرتب بكل تفاصيلة
قريت التقرير وما قدرت اوقف لين وصلت الصفحة الاخيرة
متابع معك ان شاء الله
الله يوفقك مع زوجك ويرزقك الذرية الصالحة
الله يعطيك العافية

[MM-qtr]

تقريرك رووووووووووووووووعه

وترتيبك مميز

واصلي

حياك الله تعابنا وفالك طيب