الجزء العشرون
مهرجان الطائرات الصغيرة
السلام عليكم ورحمة الله وبركاته
أولا أحب أبلغكم أننا بحمد الله عدنا إلى أرض الوطن بعد العيد
بعد أن قضينا 6 أشهر في المانيا مرت كأنها 6 أيام فقط
ولله الحمد عدنا وقد حصلنا على مرادنا ولم يتبق لنا إلا التعيين
<<< دعواتكم
كما أحب أن أعتذر عن الانقطاع في الأيام الماضية
بسبب الاستعداد للسفر ومن ثم العودة إلى الديرة اللي ما فيها نت
لكن عالعموم الآن سافرت الى الشرقية وتوفر النت أخيراً
وان شاء الله نكمل معكم أجزاء التقرير اللي لم يتبق منها إلا القليل
نعود إلى محور حديثنا
طبعا
مهرجان الطيران هذا
عرفت عنه بالصدفة بينما كنت أتصفح موقع مدينة
بلاوبيرن < النبع
الأزرق تذكرونها ؟؟ >
فشفت
من ضمن الفعاليات اللي فيها
المهرجان هذا ويقام سنوياً في
أول يوم أحد من سبتمبر
المهم على طول كنت في الموعد وتوجهت إلى
بلاوبيرن (19 كم من أولم) بالقطار
لكن المشكلة أن
موقع المهرجان في قرية اسمها "
سوندرباخ" تبعد 2 كم عن هذي المدينة
واليوم الأحد فـ
ما فيه باصات توديك أو تقربك من
المهرجان
وأن أصلا كنت عارف الشي هذا ومستعد له فـ
توكلت على الله ودقيتها كعابي
لكن المشكلة أن
الطريق جبلي وما فيه رصيف للمشاه وهذا شي مستغرب صراحة في المانيا
المهم مشيت شوي وبعدين حصلت
تحويلة للمشاه وهي عبارة عن اختصار للطريق عبر
الغابات الجبلية 
فـ
سلكت الأختصار وكان جميل جدا
المشي في الغابة 
المهم وفيما أنا أمشي في الغابة شفت
مجموعة من الفطر فـ لفتت نظري لها
فـ
اقتربت منها أكثر وألقيت
نظرة فاحصة 
فـ قلت هذي ممكن تعطيني
لقطة متميزة لو أحسنت
اختيار الزاوية فـ اتيت
بكاميرة جوالي المتواضعة وبمهارتي الغبية في التصوير
فـ التقطت هذه اللقطة (
اللؤطة على قولة
المصريين)
المهم كملت
طريقي عبر الغابة وشفت الكرسي هذا اللي اتحدى
أقوى واحد يزيحه من مكانه لأنه أصلا هو نفس
جذع الشجرة 
بعدين مشيت وحصلت
فطر ثاني وحداني مسكين 
وبعدين وانا ماشي
بغيت أدعس حلزون بلا قوقعة كان راح عجينة ولا محد قال له يطلع
ويخلي قوقعته في البيت
المهم تذكرت قواعد
التصوير الانبطاحي اللي علمنا عليها أبو فارس وعطانا
دروس عملية عليها في
تقريره النمساوي <فينا>
بعدين قلت لازم أجرب أنا
واعطيه النتيجة وان شاء الله ينجحني 
بعدين أخيراً طلعت من الغابة وتذكرت
أنها تـُمطر (لأن
الغابة كثيفة لدرجة انها تشكل
مظلة تمنع المطر)
المهم بعدين
ضيعت المكان قلت ما لي لا اني
ألحق الرجال هذاك
وبعدين شفت
طايرة هبطت قريب مني فتابعت بإتجاهها الى أن وصلت الى
موقع المهرجان
بس وش رايكم في الجو
المهم أخيراً وصلت وكان فيه
أنواع كثيرة من الطائرات منها
المزودة بمحرك واللي
بدون محرك و
الشراعية والتحكم عن بعد
وغيرها
مثلاً هذي أحد
أنواع الطائرات اللي عندهم
وهنا نفس
الطائرة في الجو 
وهذي الطايرة شي ! عليها
تحكم وحركات بهلوانية غير طبيعية في الجو
وهذي أحد أنواع
الطائرات بدون محرك والتي لا تسبب
أي تلوث للهواء 
وهنا من الداخل وطبعاً
تتسع لراكب أو راكبين بحد أقصى 
س1/ طيب كيف تقلع الطيارة هذي وهي بدون محرك ؟؟
ج1/ يتم ربط الطيارة بحبل موصل بماكينة في آخر المدرج ويسحبونها إلين تطير وترتفع بعدين يفكون الحبل
وبعدين عادي تطير الطيارة بإنسيابية في الجو
وهنا طائرة أخرى تجر
ما يشبه الطائرة !!! 
وهذا شكل آخر من الطايرات بدون محرك وتسحبها السيارة
اللي مدري وش تبغى إلى بداية المدرج
ويربطونها بالحبل
ويبدأ الأكشن 
وهنا نرى
الطائرات الشراعية خلف الأودي
المهم هذولي قصتهم ان فيه طيارتين شراعيتين وحدة بمحرك ووحدة بدون
واللي بمحرك يسحب اللي بدون إلين يرتفع به
مسافه كافية وبعدين يفك
الحبل اللي بينهم وكل واحد بعدين
يفر بكيفه 
وفيه بعض الطايرات
يصنعونها ناس في كراجاتهم من
مواد بسيطة مثل هذي
وهنا وهو
يستعد للإقلاع << الله يستر 
وهذا نوع آخر من
طائرات التحكم عن بعد 
وهذي نفس الطايرة
بعد التفكيك 
الطيارات هذي تاخذ بك
جولات حول المنطقة وتتسع لأربعة أشخاص بحد أقصى 
ومدة الجولات 15 دقيقة على
ارتفاع منخفض وتكون بأسعار معقولة 
وطبعاً السعر
على حسب نوع الطايرة وأنا أخترت هذي
لأنها صغيرة وما فيها إلا
انت والطيار 
لكن
الجو كان ممطر عشان كذا
انتظرنا أكثر من ساعة حتى توقف المطر بعدين ركبنا الطيارة
وهذي الطيارة من جوة
بعدين قفل القزاز وشغل المروحة حقت المكينة
ونفضت قطرات المطر اللي على القزاز وصارت الرؤية
ولا أحلى 
أقلعنا وهذي الصور
من الأعلى 
هذا
الوادي الأزرق نسبة إلى
النهر الأزرق اللي يقطع الوادي وصولاً إلى
نهر الدانوب 
وهذا أحد
الأودية الأخرى
وهذا الطيار
يشرح بإخلاص 
وهذي عدادات وامبيرات الطايرة ولو تلاحظون ان
ارتفاعنا 4000 قدم (
يمين فوق) و
سرعتنا 100كم (
يسار فوق)
ودرجة الميلان (
نص فوق)
والبقية مدري 
وهذي
مراوح الطايرة اللي
مدري كيف جاية لأن
الجوال ما استوعبها من سرعتها
وهذا
الطريق السريع Autobahn الواصل بين
ميونخ وشتوتغارت 
وهنا الضباب بدأ
يتكون على ارتفاع منخفض بسبب
تكثف بخار الماء بعد توقف المطر
وهذي بلدة بلاوشتاين وتقع أيضاً على
النهر الازرق وتلاحظون
النطاق العمراني ينساق مع الوادي بشكل جميل 
وهذي
بعض القرى بالأسفل
المهم
يوم انتهت الربع ساعة جا الطيار بيهبط لكن قالوا له حقين
المراقبة رح خذ فرة وتعال لأن فيه
طيارة كبيرة شوي في المدرج
عاد انا انبسطت
وما عاد ودي انزل 
الأستعداد للهبوط
وهذي
طائرتنا العزيزة بعد
الجولة الرائعة 
نظرة على موقع
المهرجان المصغر 
المهم بعد
يوم حافل عدت إلى
بلاوبيرن 
ومن ثم
استقليت القطار التالي إلى
أولم 
نسيت أقولكم أن المطار المصغر هذا يكون مفتوح أيام الويك اند (السبت والأحد) بعد الظهر إذا كان الجو حلو < يعني مش ممطر بشدة ولا فيه ثلوج>
ويرحبون بمن يريد الطيران خلال الويك اند كما توجد لديهم برامج للتدريب على الطيران واعطاء رخصة قيادة طايرات صغيرة
وهذا موقعهم :
Fliegergruppe Blaubeuren e.V. - Flugplatz
كما توجد اماكن أخرى للطيران في أرجاء المانيا وطريقتها مشابهة لهذا
واللي موجود بالمانيا ومهتم بالموضوع يقدر يتصل على رقمهم الموجود بالموقع وأكيد راح يقدموا إجابات لكل الأسئلة
وهذا الرقم : 00497344919293
وبكذا ينتهي
الجزء الهوائي هذا على ان
نلقاكم بإذن الله في
أجزاء ارضية قادمة
ــــــــــــــــــــــــــــــــــــــــــــــــ
المشاركة الأصلية كتبت بواسطة الذيب الوفي
رد مع اقتباس
