صور من أرشيف سفرتي 2005 ,,فيينا .. ميونخ ..!!

[روز قطر]

ِِ النوخذهـ الشرقي ِِِ

ياهلا ومرحبا ... منور يانوختنا كالعادهـ ...


تواجد وحضور قوي .. باركـ اللهـ فيكـ ..


ِِ العسل 1111 ِِ


ياربي يسلمك على هالكومنت الحلووو ..أخجلتم تواضعنا ..

منوريييين ...




ِِ تشيز ِِِ


يسلمك ربي ... ماقصرت على هالرد اللي يطيب الخاطر ...


حضوركـ مميز ... ومنور كالعادهـ ..





ِِ ضحية السفر ِِِ



يسلموووو عالكومنت الرقيقـ ...


أخجلتم تواضعنا ... وماعليكم زود ...وأتمنى أنكم انبسطتوا جميعاً معاي ..


باركـ اللهـ فيك ..وشكراً لوجودكـ في متصفحي ...





ِِ ناصر ِِِ


يسلمو عالكومنت الحلووو ...







ِِ شموخ ملكهـ ِِِ


منورهـ وربي ... وتابعينا وفالج طيب ...


أسعدني وجودج ...

[روز قطر]

~~ بسم اللهـ الرحمن الرحيم ~~

عذراً للإنقطاع ..

مشغولهـ حدي ...

مني أعراس ومني قرب السفر ..

اللهـ المستعان ...


أختصرت لكم الصور ..لأني مشغوله حدي ... وراسي قام يفتر علي ..


.....


ياللهـ بسم اللهـ نبداء النهايهـ ..


7

7


هذي بعض الرحلات اللي رحناها في فيينا ..فوق الجبل ..






7

مدينة فيينا و زوووووووم زووووووووووووم ..






7


مد النظر زين خذلك فيه مرواسي ...
وأخذ الحكم لو من فواه المجانيني ...
راجع كلامي وعاتب قلبك القاسي ... وتذكر انك تضم اغلى عناويني ...






7

في هالمنطقه الجبليه المرتفعه ..


كنيسهـ .. ومقاهي .. وألعاب أطفال .. والمنظر فالليل رائع ..






7


هالقطار خذناه ورحنا صوب ... ( سالزبورق ...






7


داخل القطار ..كابينهـ فيرست كلاس .. ستاير ومغطيه الواحد ياخذ راحته ...







7


منظر اثناء الطريق ..غيوم وسحب .. سبحان الخالقـ ...







7

منظر رائع أثناء الطريق إلى سالزبورق .. سبحان اللهـ ...


الواحد مايمل من الطريق من شوف المناظر الخلابهـ ..







7


وعقب ماوصلنا سالزبورق بتنا فيها ليله .. وماعجبني الوضع لأن السفريات حاجزين لنا


فندق آخر سالزبورق ..وماعجبني الوضع فقررنا نطلع منها ثاني يوم ..ونروح


وولف قانق ...


هذي صورهـ من سالزبورق ..






7


ثاني يوم أبو لعيال .. بارك الله فيه ..قام الصبح وطلع ..

وماوعينا الا جايب لنا سياره .. أجرها ..


وقال يالله شلوا عليه .. حطينا شنطنا وركبنا وتوكلنا على اللهـ ..


وتوجهنا إلى وولف قانق .. وكان الطريق روعه كان علينا مطر ..والجو غير شكل

صورته فيديو ... سبحان اللهـ شي رهيب كان المنظر ..


ورحلة وولف قانق ماكانت ضمن المخطط كان المفروض نقعد في سالزبورق ..لكن ماجازت لي ..


المهم ... كانت السياره مافيها قارمن ..وكان ابو لعيال ماسك الخريطه في يده ويسوق ..


هذي صوره أثناء الطريق ...







7


صوره أثناء الطريق ... طيارهـ صغيرهـ أعتقد أنها للإيجار ..






7


كان الطريق شي خيالي بصراحه روعه ... الا شي واحد نغص علي ..بقوله لكم بعدين ..


وبعد ماوصلنا وولف قانق رحنا فندق (( بيتر .. المالكه .. سيده عجوز لكن أنيقه تهبل هههه



استانست عليها .. رحبت فينا وصكتنا ب اربع غرف ... اللي فالدور الثالث ..واللي فالدور الأول ..


واللي فالدور الثاني .. شتتنا ذالعجييز .. خساره ماصورتها لكم .. كله تلبس الزي النمساوي التقليدي..


وعطتني هديه من عندها زي نمساوي ..أحلفت بالطلاق الا اخذها ..

المهم .. كني طولت بالسالفه ..

7


لقطهـ من غرفة الفندق ..






7

صوره من البلكونهـ .. والله يالربع المنظر قمه فالروعه فالطبيعهـ ...






8

مناظر حلووه وسبحان الله في خلقهـ ...






7


مركب سياحي في وولف قانق ...







7


فاتني هالمركب مارحت فيه بسبب الظرف اللي مرينا فيهـ .. لا تستعجلون بقولهـ لكم ..







هالمركب السياحي ..ياما ركب سياح وياما نزلهم .. أحسهم مبسوطين ...






7


يسبح هالولد ...مرووووووووووح ومبسوط .. يوم شفته يسبح

حسيت أني تشجعت للسباحه ..بغيت أطب وأنا في ثالث دور من البلكونه ..

لكن قلت مره ثانيه لأن برد ... هههههههههه ...






7


زوووووووووم ززززززووووووووووم ...






7


هذي اللقطه من دريشة غرفتي ... هذا بيت ايجار ..عجبني خوش بيت رحنا شفناه ..

عجيب وحلووو ..قلنا بنسكن فيه نكست تايم ..إن الله راد ورحنا ...







7


ياعالم ياهووووووه منظر البحيره مع الجبال والسحب والغيوم ..

شقول لكم

غير سبحان الله فيما خلق وأبدع ...






7


البحيره أتشكل بكذا شكل ... منظر رهيب محد يستوعب الا اللي يشوفه على الطبيعهـ ..






7


7

[روز قطر]

نكمل ...

هذي غرفتنا في فندق ... ( بيتر هوتيل .. صالهـ وغرفهـ ومطبخ صغير ..






7


اللي نغص علي في رحلة وولف قانق ..هو .. مرض هالحلووو .. بسم الله عليهـ


جاته الأزمهـ .. يوم كنا في سالزبورق .. كانت أزمه خفيفه .. بعيد الشر عنكم وعن عيالكم

كان فيه ربو .. وبداية أزمته يوم كنا في سالزبورق .. وكنت خايفه عليه ان الازمه اتزيد عنده ..


ثاني يوم رحنا وولف قانق وكنت دايركت موديه معاي العدهـ من الدوحهـ ..مكينة الربو ..والأدويه

المحلول والفنتولين .. وكنت أعطيه كل 4 ساعات ... لكن من رحنا وولف قانق زادت عليه الازمه


وكنت أعطيه البخاخ كل ساعتين .. لكن أعرفه كان يحتاج مستشفى وأبر كرتزون ..


حالتي حاله ..كنت مرعوبه عليه ..




7


لاحظوا فالصورهـ جهاز حساسية الصدر ..اللي هو الربو ...






7



شوفوا شوفوا المنظر ... واااااااااااااو ... بصيح أبي جذيهـ منظر ...





7


على أني كنت متظايقهـ وخايفه على وليدي أنه يتعب أكثر ..لكن كنت أتأمل أبداع الخالق ...






7



سبحان اللهـ .. وبحمدهـ .. سبحان اللهـ .. العظيم ..




7

منظر يحبس الأنفاس ...




7

هاليوم قرر ابولعيال انه يطبخ ويسوي لنا عشا يدفيينا من لبروده ... جبنا الأغراض ..

وجهزنا كل شي .. الا الجدر مافيه اجدور الا صغار .. طلبنا من صاحبة الفندق ..

جدر كبير ..قالت يامتوحشين شبتطبخون آدمي ..هههههههه .. طبعاً مالقينا الا اللي موجود ..


شوفوا الديايه شلون متغلغصه خ خ خ ...





7


عشره على عشره يامعلم ...





7


دهن وااااااااااااااااااااااااااايد ...





7


مب كنهـ صار هجوم وأجتياح ... قلت لكم مجرمين ...






7


وعقب ماتعشينا وعينا من الله خير ..نمنا ..طبعاُ مانمت أنا لأني كل ساعه الا ربع أعطي المريض بخاخ ..


واقراء عليه القران .. لكن يوم جات الساعه خمس الفجر قررت اني اوقظ ابولعيال من النوم

لأن الولد وصل حده الأزمه زادت عليه ..ومايبيله الا مستشفى


قمنا وشلينا الولد ونزلنا نبي نسئل احد من هل الفندق مافي حد موجود ..ركبنا السياره ..قد الفجر طالع .....

ورحنا ندور مستشفى ..شفنا بالصدفه شرطي .. كلمناه وقال لنا مافي مستشفى الا بعيد منطقه بعيده


المهم رحنا ورحنا ورحنا لين طحنا على المستشفى بعد ماوقفنا شكثر نسئل ..


نزلنا المستشفى ودلونا على قسم الاطفال .. مابي اطول بالسالفه .. اطلعوا لايعرفون انقليزي

ولا يعرفون شنهو فيه ومستغربين من المكينه اللي عندي .. اخر شي جابوا لنا وحده اطقطق انقليزي شويه...

ويسئلوني شنهو فيه وشنهو المكينه وليش وليش ..ولا سووا حق الولد شي غير انهم حطوه في سرير

واثناء ما احنا عندهم كنت اعطيه البخاخ .. واشوفهم مستغربين .. والولد رايح فيها ..

كل اللي سوووه انهم قاسوا الاكسجين بس ..


ياحرتي كنت ابي اذبحهم ..احر ماعندي ابردماعندهم ..


آخر شي قالوا بنخليه عندنا ليله كامله .. وتمينا ساعتين حطونا في حجره ولا حد دش علينا

عاد انا اوصلت عندي ام العبيد ..مادري تعرفونها أم العبيد أو لا ..هههههههه ..يمكن مرت عليكم خ خ خ

قلت لبوا لعيال ..قووووووم يالله قووووووووم والله ماقعدته دقيقه عندهم .. ولدي بيموت علي وهم مب مفتكرين

تمينا لين الظهر محد سوا لنا شي

والله ماقعدته عندهم .. اقعدي يامره مني مناك ..ابد ماقعد ولا دقيقه


واشل ولدي وأطلع .. يوم طلعت يوقفوني اللي في المكت وين وين قلت وخروا عني وش سويتوا لي ...اقعدي و اقعدي بناخذ الولد ..قلت ابد والله محد ياخذه احرقوا قلبي ..

قلت لبولعيال بتمشي ولا انا بمشي خلاااص ماعاد اشوف شي ولدي تعبان ومحد سوا لي شي ..

اروح مكاني ابرك لي ولا اشوف ولدي كلن يتفرج عليه وساكت ..قالوا اوكي روحي..بس مري تحت على المكتب


رحنا تحت وقلت لبولعيال يابو فلان باب المستشفى منا قال لا بنمر على المكتب اقول له مالك حاجه بالمكتب امش نطلع..

ابد اصر انه يمر المكتب .. طيب مرينا المكتب ..طالعوا فينا وطالعوا ..

وبعدين قالوا لنا

ادفعوا 600 يورو ...


هم قالوا نبي 600 يورو .. الا انا ماتشوفون الا غبرتي ..جاتني حاله هستيريه عليهم.... استنزلت .. ههههههههه

قلت لهم وش سويتوا لولدي عشان ادفع لكم ..انا اللي جبته لكم وانا اللي قعدت اعالجه عندكم

حتى ادوا او شي ماسويتوا له ..وتميت اصارخ عليهم من القهر ...

وبعدها قالوا طيب طيب روحو ا .. شنهو مفتكرينا ... فالبدايه يوم انجيهم خلونا نعبي ورقه فيها بيانات ..


.......


ركبنا السياره وتميت اقراء على هالفقير المسكين المريض ..أنا مرضت معاه ..


وعقب وصلنا فندق بيتر الظهر والجماعه محتشرين علينا ...شفيكم وشفيكم...


وتميت اعطيه بخاخات طول الوققت واقرا عليه والحمدلله لقينا فالصيدليه فنتولين لأنه خلص اللي عندنا ...


وبقدرة قادر فديته شوي شوي قام ايتحسن ..الله رحمنا .. ولا والله هو لي جاته الازمه لازم نوديه الطواري ويعطونه أبر وحبوب كرتزون ..


اللهم لك الحمد والشكر والثناء ..وعدت على خير ..بحمد اللهـ ...



7


7

[روز قطر]

7

7


وبعد ماقضينا ليلتين في وولف قانق ..

قمنا وجهزنا اغراضنا ..وتوكلنا على اللهـ ..متجهين إلى ميونخ ..


صوره أثناء الطريق ..تونا طالعين من وولف قانق ..


فيها دوار عجيب ههههههههه ... يقلدونا خ خ خ




7


يالربع اربطوا احزام الأمان ..





7


ابو لعيال وصوره أثناء القيادهـ ,,,





7

على ذاك الطريق اللي يسمونه غرام أحباب
وطت رجلي على دربه ولا أدري وش نوى فيني

تبعته لآخر دروب الين أن القمر قد غاب
تعب قلبي ولا تعبت مسافات توديني

عطيتك عشق من قلبي وسلمت لغلاك رقاب
وغيرك يحترق قلبه ولا يقدر يحاكيني

أنا قبلك صدفت عيون لكن وش جاب لجاب
ترى كل العيون اللي لقتني ما تكفيني

مادام إني لقيتك في طريق اسمه غرام أحباب
دخيل الله وبعد الله دخيلك لا تخليني ...






7



في بلادنا دايماً نشوف ,, لافتات مرسوم عليها ..جمل .. وفي عباره أخرى ( ناقه ...


لكن في وولف قانق نشوف لافتات مرسوم عليها .. (( غزلاااااااان ... ياسلاااااااام ...


شفنا هالشبك اللي وراه هالغزلان ..قال ابولعيال يالله انزلوا شوفوا هالغزلان ..






7


وهالسور او الشبك ..مكهرب ..يعني خطررررر ..





7


ياغزال ياغزال فينو

اللي سافر ياغزال فينو

ياغزال خبرني

وطمني أخباره إيه

قلبي وعيوني وأفكاري

سألوني عليه





ههههههههههههه



7


وبعدها كملنا الطريق .. شوي الا ونشوف الزحليقيات .. قلنا أبد مانفوتها .. نركب يعني نركب ..



ومنظر حلو بعد ماوقفنا للزحليقهـ ... فينوووووو ... ----> علقت على ياغزال فينو خ خ خ





7


وتزحلق ياعم ... ترا مادري بكم تذكرت الزحليقه .. اتذكر قطعنا شكثر تذاكر وعقب صار ضرب ومضارب عليها الي لعب 3 مرات واللي اكثر ..هههههههه .. ونااااااااسهـ ..





7


وياللهـ نكمل الطريق ..





7


واثناء الطريق .. لقينا زحليقه .. عاد معقوله نفوت زحليقه ..!!!

ابدن مايصير .. وقفنا .. في منطقه مادري شسمها يافارس .. ههههه

وفيها زحليقه كبيره ومقهي .. قلنا بنتغدا ..وبعدها بنركب الزحليقه وعقب نكمل طريقنا


إلى ميونخ ...





7


لكن ماللهـ راد أن نركب الزحليقهـ تغير الجو مره وحدهـ واحنا نتغدا ..وطق علينا مطر ..


وسكروا الزحليقه ... ... الحظ ..خ خ خ ..





7


7

وبعدها كملنا الطريق لين ميونخ ..


فندق المريديان ...


7


7

[روز قطر]

7

7


هذي اللقطه اللي قدرت أطلعها لكم لغرفة فندق الميريديان ..خ خ خ ..





7


هذا مسبح الفندق .. مادري من باق كيمرتي وصور بها .. كله يبوقون أغراضي ..





7


ثاني يوم وصولنا لميونخ كان إجازه عندهم ..واحنا بس بنقعد فميونخ اسبوع ..


كانت ميونخ آخر محطه لنا وكنا مخلينها للشوبنق بس ..


وبما أنووووووو هاليوم اجازه ..فقررنا نروح الحديقهـ .. شسمها ..طبعاً مادري ..

ياالنوخذه .. شوووووووف فارس الحين بيقول شي ...





7


حديقهـ كبيرهـ وحلوووهـ ...



وبعد لعبنا فيها كورهـ .. هههه وناسه لقينا ناس وتمينا نلعب معاهم ..عادي البساط أحمدي ..


وناسهـ ...





7


اتهقون وشو يسوي ... شابين ضووو!!!! ناويين عليها بشوارما .. ممنوع





7


ونشوف عربات تجرها الخيول ..للسواح ..





7


وفالبحيره نشوف المراكب ..ويتم تأجيرها ...





7


وناسهـ وتحدي ... اتذكر كويتيين فالمركب ..يجون صوبنا ويغنون ياكويت ياكويت ياشمس الحياه ...

عاد الربع اللي معاي يقولون يالله يالله نغني عن قطر

قلت ابد مانغني الا معاهم وطقيناها غنوه ..ياكويت ياكويت يانبظ الحياه ...ههههكنا حافظينا ...

وبذلك منعت اي شوشره وتحدي يمكن كان ايصير هههههه ----> ذكيه ... اي ادري .. خ خ خ





7


الحديقه كبيرهـ وفيها تأجير سياكل ..سيكل .. بس ماصورته ..





7


بطهـ يابطبوط ..


خوش بط عندهم ..خ خ خ





7


وفي الايام الثانيهـ ..قضيناها في الشوبنق ..وكان فندقنا قريب من السوق ...





7



عاد انا اول مادشيت السوق الا هالطراره قدامي ... شفيهم علي ؟؟؟


اتهقون يحبوني ولا معجبين !! خ خ خ





7


هالطراره اصبغت الوجه الا لرقبه نست تصبغها من لعجله ههههههههه ..والله انها اتضحك ...مع الخشهـ




7


شكل آخر من لطرارهـ ...




تمشي في هالسوق وتشوف هالطراروه الكاشخين في كل داعوس ...




7



الكنيسهـ








7


فنان يرسم .. لا لا .. بالعربي الفصيح هو طراااااااااااااااااار .. خ خ ..





7


وفي كل زوايا سوق ميونخ نشوف التماثيل والمجسمات الحلووهـ وأشهر شي عندهم مجسم الأسد

لكن ماصورته بروحه ...




7


ياكثر كنايسهم ...





7


وغدوهـ عالماشي .. ورانا شوبنق .. هههه





7


بالعافيهـ ..شبعتوا أنتو..!!!





7


ياللهـ تعالوا اوديكم على شارع الماركات ..ياسلاااام ..


هذا الشارع شارع الماركات .. خوش شارع ..





7


هذي سيارتي في ميونخ ..ما اطلعها الا لي جيت بروح شارع الماركات ..أحم قولوا ماشاء الله ..أعرفكم عيونكم يما منها ... خ خ خ





7

ولايفوتكم لي رحتوا فيينا أو المانيا تشترون أغراض (( ددل )) عجيييب أحبه فالمكتبه أدواته كلها ..

شرينا منه كل شي ...




7
و


بلادكم حلوووهـ حلوووووووووووهـ ...بس الوطن مالهـ مثيل ...


في مطار ميونخ ... شفت طاقم القطريه ..الكابتن والموظيفات ...




7


وفي المطار ياحلوين لاتنسون تاخذون التاكسي فري .. أحلى شي فالمطار ..

انا فواتيري اطلعت 1200 يورو ..ياسلاااااااااام .. اتذكر شريت بها شنطه قوتشي من المطار ..وعطورات ومكياج

ابد خلصتها كلها قبل لا اركب الطيارهـ ...



7


فالطيارهـ .. وصلنا الدوحه ولله الحمد ..





7


واستانسنا وماقصرنا ..


وانتوا بعد ان شاء الله أنكم استانستوا معاي ..

...والسموحه من الجميع ان كان به قصور ...



.................................................. .......


وإن شاء الله بسافر ب تاريخ 28 -7 ( وان شاء الله برجع بتاريخ 18 - 8 م ..

وبروح


زيورخ = ليلتين 2 ..


دزني لاند = 3 ليالي ..


زيلامسي = 3 ليالي ..


فيينا = 6 - 8 إلى 18 -8 م


أختكم

روز القطريهـ ...


..وبالتوفيق لي ولكم إن شاء الله ..

[الفارس]

ماشاء الله عليك ياروز قطر
خرطتي الحلقة خراط
شفيك مين لاحقك !!

بس كانت حلقة رآئعة كعادتك
استمتعت في تصفحها

اول شي : الحمد لله على سلامة ولدك الله يحفظه من كل مكروه
ومايشوف شر
والله موقف محزن لما تشوف ولدك يمرض وماتقدر تسوي له شي
وكان المفروض عليكم تروحون لسازبورغ لانها مدينة وبتلاقون المستشفيات فيها
لكن الله تولاه برحمته

الشي الثاني : رحلة وولف قانق عجيبة
هالمنطقة ماينمل منها من جمالها وهدؤها
خصوصاً اطلالتها الساحرة على بحيرة موندسي
وزيارت قرية سانت جيلجن القريبة منها

بس بسألك سؤال
بكم اخذتو الفندق من العجوز !!
آسف على هالسؤال المحرج

هذا وجهي ان جاوبتي


لاوالله ياليت تتذكرين السعر وان ماعرفتي السعر وهذا الي بيصير
الله لايهينك اسألي ابو العيال

الشيء الثالث : اعجبني انكم تمشون في سفركم على رواقه
يعني اذا شفتو شي اعجبكم توقفون وتستمتعون بالمكان
خصوصاً الزحليقات
ماخليتو زحليقة الا وتسدحتو عليها

الله يهنيكم

ميونخ جميلة بعد
وكان ودي تفردين لها موضوع خاص في قسم المانيا
وان حبيتي فأنا ممكن احول حلقة ميونخ الى قسم المانيا
علشان مايزعل علينا بوعبدالعزيز

تسلمين اختي روز
ماقصرتي تقرير رآئع بصراحة

استمتعنا جميعاً بمتابعت احدث حلقاته الجميلة

جمعتي بين التصوير الجميل
والمعلومات العظيمة
والاسلوب الممتع

كل الشكر والتقدير على هذا المجهود الرآئع

وتقريرك القادم نبغاه مفصل اكثر
ترى فيه جائزة لافضل تقرير لعام 2008

شدي حيلك بالتوثيق وكتابة المعلومات

* ملاحظة : كم اسعدني انكم بتتركون زيلامسي في تاريخ 6 / 8 وستتوجهون الى فينا
لاني في نفس اليوم بيكون اول ايامي في زيلامسي
واخاف تضعف ذاكرتي لو كنتي موجوده هناك ويصيدني زهايمر مبكر

لكن اي سيارة بشوفها من نوع بنتلي ولا رولز رايس بصورها
واي زحليقة نمر عليها واشوف فيها خليجين بصورها
يعني انتبهي من كاميرت فارس الشجاع الخفية

[CHEESE]

و الله ما قصرت هالروز القطرية

كملت التقرير و لا حسينا بملل

عشمي فيها .. ان تختم بأهم ما أعجبها و مالم يعجبها في الرحلة

تقييمها لإيجار السيارة ؟

اصطحاب الأطفال خصوصا من لديه مرض او حساسية ؟ ( الف سلامة لولدك و ما يشوف شر )

تعامل الطواقم في الفنادق و المستشفيات و المطاعم و الأسواق ؟

اهم ما تم و سيتم تلافيه في الرحلة القادمة ان شاء الله ؟

و تقبلي تحياتي و اجمل التهاني بانهاء الحلقة الأخيرة من التقرير

و ان شاء الله يا رب يحوش الجائزة الاولى

[Eline]

روعة الصور سبحان الله

والله و طلعتي مصوراتية من ورانا و هربتي من بوابتنا و جيتي على هنا

ياخسارة تقريرك الماليزي اللذي لن يرى النور

* على فكرة زلمسي مافيها الي بالي بالك ؟ ترى فنادقها خشب أيضا

مثل أكواخ بينانج و لنكاوي



يعطيكي الف عافية و تقبلي مروري السريع

[alsnafi]

الاخت روز قطر

جهد كبير
معلومات وافية
صور الرائعة

لا املك الا ان اقف لك مصفقاً تقديراً لهذا الموضوع القيم

لك مني اسمى آيات الشكر والتقدير

[روز قطر]

~~ صفاصف ~~

ياهلا بهالطله أشتقنا لج واللهـ ..


منورهـ .. ولو دريت أنج بتمرين علي كان أنتهيت موضوعي منذو مبطي ..


الله ماكتب لي أني أروح ( ماليزيا ... بس بإذن اللهـ تعالى السنهـ الجايهـ ...


وتشيز ترا هو اللي غير رايي قال لي وشتبين في ماليزيا تعالي فيينا اونس ...


ترا مالي خص انا .. ترا ما أخرط أنا


صفصوفتي ..]سلمو ياقلبي على الكومنت الحلووو منج ..


ههههه اي والله اللي بالي بالج...خ خ خ ... ان طلع لي شي طبيت في بحيرة زيلامسي ..

وبقول في ذمت صفصوفتي هههه ... زيلامسي انا رايحه لها 3 مرات وماشفت الا الزين الحمدللهـ ...


منورهـ يالغلااااا ...





~~ تشيز ~~


منور كالعادهـ


واللهـ ايجيرك من الشر ياتشيزوووووووووووووووهـ


ويسلمووو عالكومنت اللي مادري استوعبته أو لا ..


ووين تقريري ووينه عن المركز الأول ...


بارك الله فيك ياتشيز ..ماقصرت على متابعتك لي وردودك التشجيعيه المتواصلهـ

اللهـ لايهينكـ أخوي ..





~~ فارس الشجاع ~~

أسميك اني خرطتها خراااااط هااااااااااااا هههههههههههههههههه طبعاً ضحكت على كلامك كالعاده

من اشوف لك رد لازم اضحك ..

.. الحمدللهـ أنك انبسطت واستمتعت معاي يا بوفارس ..


.. والله يسلمك من كل مكروه يابوفارس .. والحمدلله الله رحم بحالهـ ..

وولف قانق اتجنن جازت لي ولبولعيال وايد وايد حلوه ورومنسيه .. لكن هاديه وايد ..

-----< تحب العجئه واللمه والحشره هههههه ... حلاتهـ ..


.. ويوم انك تدري انه سؤال محرج وشوله تسئلني يافارس


لازم اتوهقني .. ...نوخذتنا شووووووووووف فارس كلهـ يحرجني


بس اتذكر ان ابولعيال يوم اخذنا غرف فالفندق قال انه غالي عطتنا اربع غرف ..ومشتتين

ذيلا في صوب ومنا ومناك .. بصراحه خفنا .. عاد فالليل خلينا 3 غرف فاضيه ونمنا كلنا في غرفه وحده

هههههههههههههههه لحد ايصدق روز ..ههههههههه ..

.. بالنسبه لزحليقه رهيبه بصراحه ماتقدر تشوف زحليقه قدامك وتخليها

لازم انتسدح هههههههههه والله عجيبه ...


.. ميونخ .. كانت آخر محطه .. وكانت مخصصه للشوبنق .. صورها قليله .. حرام نفصلها عن باقي التقرير ......


ههههههههه عاد انتوا تعالوا قبل 6-8 زيلامسي ..

يمكن لي شفتكم انا اللي تقوا ذاكرتي واطلع عليك أحفظ كل ذره اشوفها خ خ خ مب ذاكره عليك الا انظلك ....




ولي سافرت لاتصور وايد خلك ثقيل ههههههههههههههههه .. ان شفت حد ايصورني بابوووووووق كيمرته مالي خص ..........


.... بوفارس ....


ألف ألف ألف شكر ..وشكراً على كل شي يابوفارس ..


ماقصرت ..

في كل مره يسعدني وجودك .. يفرحني كومنتك .. يشرفني حضورك ..


الله لايهينك وبيض الله وجهك ..


عشره على عشره يابوفارس .......