السلام عليكم
* اولا حابه اشكر جميع الاعضاء في هالمنتدى الرائع
وعلى راسهم مشرفين هالمنتدى الي لولا الله ثم مواضيعهم كان ضعنا
بس لله الحمد مالقيت اي صعوبه بهالرحله بسبب مواضيعهم
الي اطلعت عليها وحفظتها عن ظهر قلب
* المهم انا الان بابانت الرائعه قاعده بالحديقه اكتب هالموضوع
الساعه وحده ظهرا والجو بااااااااارد صحيح شمس قويه
بس تحت المظله بالحديقه احس ببرد اما
بالليل برد جمده ابانت رائعه جدا
حتى زوجي من وصلها قال خل نمدد ليله
لاننا مخصصين لها ليلتين و ماوصلنا الا متاخرين اول يوم الساعه تسع تقريبا
فالي حاطها بجدوله لا يتردد فيها مره عجبتني هالمنطقه
وسكنت بفندق ابانت بالاس رائع صراحه
خدماته متكامله واهم شي الاستقبال لغتهم الانجليزيه جيده يعني ماتتورطون
* امممم امس رحنا لجبل الصودا استاجرنا سياره خاصه مع سواق 5 ساعات ب200 ليره
ودانا الساعه 2 لجبل الصودا
سبحنا شوي بالمياه المعدنيه وشربنا منها
ثم رحنا بولو سوق بولو حلو صراحه واسعاره رخيصه مره
مع ان كثير بالنت مامدحوه بس انا اقول كويس مو واو
بس فيه محلان كوليزون وال سي ويكي
ومحلات ملابس للبيت حلوه اسعارها اقل من 50 ليره
يعني ارخص من اسطنبول بس نزل علينا في بولو مطر شديد
طلعنا ورحنا مواقف الباصات شرينا تذاكر اوز بولو لاسطنبول ورجعنا س 5 ونص
حسيت ال200 ليره كثيره على مشاويرنا القليله
المهم صار معنا كذا موقف ماحبيتها ابد
فحبيت اذكرها لكم عشان الفائده
* يوم النكبه الي هو اليوم الي خصصناه لجبل الاولدغ
كان طوابير على التلفريك مو طبيعيه انتظرنا 3 ساعات لين جاء دورنا
لكن بالرجعه انتظرنا من 6 المغرب الين س 11 تخيلوا ؟؟
عشان نرجع بالتلفريك 5 ساعات طابور ؟؟؟؟؟
كرهت نفسي وصار حالات اغماء وهوشات وقرف
ولاول مره اتفق العرب على ان يتفقوا على كلمه وحده وهي
انهم لو يدرون عن هالزحمه ماركبوا التلفريك ...
فالي معه كبار بالسن او ناس فيهم ضغط لايفكر يركبه ..
زوجي كره تركيا من روحه الجبل لانها ضيعت وقتنا صراحه
هي صحيح تجربه حلوه التلفريك بس ماتستاهل انتظار 8 ساعات طوابير
* اعجبتني تل العرايس مررررره
وجزر الاميرات حلوه مع ان الكثير قال ماتستاهل
* قصر دولما باشا وتوب كابلي كان زحمممممممممممممممممممه مو طبيعيه
وتحسفت اني رحت لهم السنه هذي تركيا كلها عرب وخليجيين
فزحمه مره المزارات اي شي فيه طوابير انصحكم لاتروحونن له
* تركيا حلوة نهارها طويييييييل العشاء الساعه 10 ونص اكلهم لذيذ
شعبها جلف خشن حته الفنادق الي بالرسبشن جلفين
بس للامانه مو كلهم فيه ناس طيبين وحبوبين
بس ودايم يبتسمون لولدي ووبنتي ويلعبونهم
بالنسبه لتركيا هل تصلح للعوايل او لا
انا اشوفها تصلح صحيح اسطنبول فري مره بس بورصه محافظين مره
وقالت لي وحده مصريه كلمه كانت صادقه فيها
قالت المحجبات بتركيا احسن منا بمصر
الوحده اذا تحجبت تحجبت من قلب مو مثلنا بمصر
حجاب ونص كم ولا حجاب وبنطلون جنز محزق
* على فكره تركيا بالليل بارده خوذوا معكم لبس ثقيل شوي ..
انا فاضيه الحين قلت بكتب لكم كم كلمه تفيدكم
لكن ان شاء الله اذا رجعت انتظروني بتقرير مفصل ومصور عن رحلتنا
باقي لي 4 ايام باسطنبول وارجع
اذا رجعت حطيت لكم تقرير مميز باذن الله
بس عسى القى وقت للتقرير
شكلي بانشغل بلف السمبوسه خخخخخخ والاستعداد لرمضان الله يبارك لكم في شعبان ويبلغنا واياكم رمضان وحنا بصحه وعافيه
* على فكره عجبني ببورصه سوق القطن اوزداليك مره رهيب
ملابس الاطفال فيه حلوه وراقيه مره واسعاره معقوله
شريت لبنتي طقمين حلوين مره وفخمين كلفتني بالسعودي الواحد حول 100 ريال
وهي راقيه بس اقولكم من الان البضاعه مخلصه ماشاء الله
الخليجين يقشون منه قش كذا وحده كويتيه شفتها تشتري لعيالها للعيد
بس للاسف مافيه بضاعه واجد
احسها الشي الزين مخلص مابقى شي انصح فيه بقوه
يمكن يجيبون بضاعه جديده مو كل الموديلات حلوه
بس الي بيدور بيلقى اشاي ء حلوه
لان بصراحه الماركات الاقتصاديه الي قريت عنها مثل ال a & g رديئه صراحه