أهل قطر الحلوين ارجو الدخول ... ارجوكم

[ولد الأحساء]

اهلا وسهلا بك من يزور موضوعي
انا وصاحبي من الأحساء ودنا نزور قطر الحبيبة

وهاذي اول زيارة وياريت ما تكون اخر زيارة وبصراحة ميزانيتنا صغيرة جدا
يعني نبي نستانس بمبالغ قليلة وعندي عدة استفسارات فياريت

1 . المسافة من الأحساء الى جمرك قطر وهل يحتاج جواز والله بطاقه عادي
وبكم تأمين السيارة ؟
2. كم المسافة من الجمرك الى الدوحة والله خايف أضيع ؟؟

3. ابي ازور مجمع حلو فخم (سنما ) + المتحف الإسلامي + سوق واقف + البحر ؟

ابي وصف الى هاذي المناطق لأني ما أبي اضيع ارجو المساعدة

والي يبي يسولف عن قطر والأماكن الحلوة الي هناك والله أنك طماع يا ولد

يالله يا شباب الله يوفقكم ...باي

[الدهـنـــيـم]

أخي العزيز
المسافة من الإحساء إلى جمرك أبو سمرة قطر حوالي الساعتين
و من أبو سمرة إلى مدينة الدوحة ساعة وحدة
و دير بالك عن السرعة الطريق كله رادارات
قيمة التأمين ما عندي فكرة عنها
بالنسبة للمجمعات الحلوة عندك
مجمع سيتي سنتر
و مجمع فيلاجيو
و مجمع لاند مارك
كل أللي عليك قبل لا تطلع من الفندق
أسألهم عن المكان أللي تبيه و هم يدلونك عليه
و قطر صغيرة و ما تضيّع فيها

و يا هلا مليون بحضوركم

تحياتي

[ولد الأحساء]

مشكور اخوي ما عليك زود

بس بصراحة باقي استفسارات كثيرة وانا ما أبي اسكن ولا شي ابي اروح وارجع في نفس اليوم

[آلقطرية]

ولد الأحسـآء ..

حيآكـ آلله يآخـوي ببلآدكـ آلثآنيـه وآنصحكـ تزور فيلآجيـو لأنه فخمـ وروعـه وفيـه سينمـآ ..