النتائج 1 إلى 8 من 8

الموضوع: ياجماعة بروح إيران .. ايش رايكم في مجال بهالظروف !! انصحوني

  1. #1
    مسافر جديد
    تاريخ التسجيل
    Jun 2009
    المشاركات
    19

    ياجماعة بروح إيران .. ايش رايكم في مجال بهالظروف !! انصحوني


    أعزائي ... عزيزاتي ... أنا أول مرة أفكر أروح إيران لإنجاز مهمة خاصة ... وناوية أروح عن طريق شيراز .. وسعدين جم يوم في بوشهر وجم يوم في مشهد لقضاء أمور مختلفة .... لكن بصراحة أنا شوية مترددة عشان الظروف الحالية في إيران ... في ناس تقول أن المشاكل بس في طهران والابتعاد عنها أفضل .. وأنا ما راح أروح طهران .... بس انصحوني ياللي تعرفون في إيران لأني غشيمة وما عندي خبرة بهالديرة ...

    هل خط سير رحلتي آمن ... وياليت تدلوني على أحسن فنادق في شيراز .. مشهد ... يوشهر ... وياليت تكون خمس نجوم أو أربع نجوم ... وما أبي أقل من جذي ... والخبراء في إيران ياليت يدلوني على مطاعم وأماكن تسوق ونصائح عن هالمدن عشان نستفيد منكم ....

    بانتظار نصائحكم ... وخبراتكم .... وياليت ما تتأخرون ....

    مع تحياتي ...


  2. #2
    مسافر جديد
    تاريخ التسجيل
    Jun 2009
    المشاركات
    19

    ويييييييييينكم يا خبراء إيران ... يالله علموني عشان أزهب عمري ولا لأ لأن إجازتي قرّبت .... بانتظاركم ...

  3. #3
    °؛©[مــسـافــر مــتــألــق]©؛°
    تاريخ التسجيل
    Jul 2008
    المشاركات
    243

    هلا والله اختي كشميريه
    الصراحه ما زرت شيراز ولا يوشهر ((انشاء الله باقي الاعضاء يفيدوكي))
    اما مشهد زرتها ثلاث مرات
    عندك كمان اسمه اخلمند
    هذا الله يسلمك شلال قبل لا توصلي الى الشلال لازم تمشي حوالي نصف ساعه تقريبا مشيا
    تمشي عند النهر والطريق الى الشلال صعب ما يصلح الى كبار في اسن ولا اطفال رضع لان الطريق ضيق واحيانا فيه مرتفعات
    واطريق لا يمل كله غابات واشجار ولا ننسى النهر لين مانوصل الى الشلال طبعا في كباين للجلوس هناك
    والافضل تاخذو غذاكم معكم والتمتع برؤية الشلال

    حديقة الحيوانات وتسمى باغ وحش احسها عاديه بس جمب الحديقة الحيوانات حديقه للجلوس وهي تستحق الجلوس هناك وهناك اشجار ونهر وجلسات وكراسي وحركات

    في مكاان جميل جدا يبعد عن مشهد ساعتين ويسمى قرى سو
    وهو عباره عن شلالات
    عند الوصول تمشي تقريبا ربع ساعه ين ماتشوف نهر صغير جدا وتركب عبر سلالم وترى شلال وكذا الى ان ترى الشلال الكبير
    وهذا لاانصح بزيارته الكبار بالسن ولا اللي عندها اطفال رضع

    وعندك بحيره كلستان وهذي البحيره عباره عن تجمع مياه الامطار ومياه الثلوج عند ذوبانها
    وهذي البحيره جميله جدا وبها قوارب صغيره انتن اللي تسوقها اللي مثل البط الصغار

    وحندك حديقة كوسانقى وهذي الحديقه جدا رائعه والايرانيين يتفننو بالنافورات ويوجد جبل صناعي وكل جهه مسووين فيه حركات بالمياه وانت تركب الجبل لين ماتوصل الى الاعلى وترى مشهد كلها


    وعندك مكان اسمه طرقبه مطقه جميله وبها سوق

    اما المطاعم عندك في شانديز فيه مطاعم واجد في هذي المنطقه جلسات تكون بس مافيها مناظر طبيعيه صحيح في وسط الاشجار بس مصطنعه

    بس اذا ارتي مطاعم فيها مناظر طبيعيه في وسط الاشجار والشلالات والانهار تكون جلسات عربيه في منطقه اسمها زوشك مطن جدا جميل ويرد الروح وبعد الغذا لازم تشربي الشاي الايراني
    وقبل لاتروحي للآي مكن في بالطرقات العامه يبيعو جد مادري حبحب امهم لازم تاخذي لك من هالجح وترميه عند النهر وبعد الغذا تاكلوها بارده لان النهر بااارد

    وعندك الاكل هناك :
    جلو كباب وجوجه كباب وشيشيك وغوزي وتكه والقيمه وانواع اخرى
    ولا تنسي البن الايراني لذذذيذ



    وعلى المظاهرات مافي الا طهران فقط بس عند التجمعات يعني مافي خوف اما المناطق الاخرى لا يوجد بها مشاااكل


    عندي نصيحه اذا رحتي ايران لا زم تزوري الشمال والله جنه واذا رحتي مره بتروحي كل مره خ خ خ
    اسكني عند الجبل كلاردشت وهناك نظامهم فلل اسكنو هناك في فله في وسط الالخضرا والماء والوجه الحسن ههه
    وكل امطار ورذاذ مطر وغيووم وابقار في الجبار كانش عايشه مع هايدي

    ونصيحه اذا زرتو الشمال لا تسكنو في بحر قزووين لان رطوووبه وحر اسكنو في الجبل

    واذا تذكرت شي ي رجعه
    ونشاء الله استفدتي من هدرتي

  4. #4
    مسافر جديد
    تاريخ التسجيل
    Jun 2009
    المشاركات
    19

    شكراً برشلونة ... معلومات حلوة ومفيدة .... وخووووووووووش هذرة .... ممكن بعد أعرف أحسن الأسواق في مشهد ... وشنو الأشياء الحلوة اللي نقدر ناخذها من هناك ... علمونا .. عشان نستفيد ....

    شنو إسم أحسن مطاعم مشهد .... وهل في فندق تنصحنا في السكن فيه ... يفضل فندق مستوى عالي ...

  5. #5
    مسافر نشيط
    تاريخ التسجيل
    Jul 2008
    المشاركات
    67

    أحسن أسواق مشهد:

    مجمع الماس شرق

    بروما

    بازار بين المللي

    بازار جنت

    بازار مركزي

    البسكو

    زيست خاور

    بازار رضا

    ***

    أفضل شيء تأخذينه السجاد والزعفران والفستق والتحف والحلاوة والملابس الشتوية والأحذية.. ولا تنسين تجربين آب طالبي ( عصير بطيخ ) وبستني ( آيسكريم) وتشترين مينو وجبس جوتوز

    تحياتي

  6. #6
    °؛©[مــسـافــر مــتــألــق]©؛°
    تاريخ التسجيل
    Jul 2008
    المشاركات
    243

    الاخت حمامة الوادي ماقصرت
    ويعطيها الف عافيه
    اما بالنسبه لمطاعم طبي واختاري اللي يعجبك
    واحس اكلهم نفس المستوى انتي شوفي المكان والجلسه وختاري اللي يعجبك
    وزي ماقلت لك المطاعم في منطقه اسمها شانديز
    والمنطقه الثانيه اسمعا زشك
    وهالمنطقتين مليانه مطاعم


    اما بالنسبه للفنادق انشاء الله احد الاعضاء عنده فكره في الفنادق ويالنصحش

    وبالتوفيق انشاء الله

  7. #7
    مسافر نشيط
    تاريخ التسجيل
    Jul 2008
    المشاركات
    67

    الفنادق

    - فندق أترك
    2- فندق أطلس
    3- فندق رضوية
    4- فندق ترنم
    5- فندق مشهد
    6- فندق كريمخان
    7- فندق أعيان
    8- فندق كيهان (شقق بسعر 80000)
    9- فندق كيان (شقق بسعر 70000)
    10 - إيمان أو أفتاب (شقق بسعر 80000 )
    11- فرات ومقابله دجلة (بسعر بين 70000 -80000 للشقة)
    12 - فندق نور

    ملاحظة : يسمون الفندق هتل مثل الإنجليز

    تحياتي

  8. #8
    مسافر جديد
    تاريخ التسجيل
    Jun 2009
    المشاركات
    19

    أعزائي ... حمامة الوادي وبرشلونة .... ما قصرتو .. وشكراً على مروركم ومعلوماتكم المفيدة ... بصراحة نورتوني ... أنا بأروح إنشاءالله يوم 10/7 والله يساعدني بهالروحة .... واللي عنده معلومات زيادة ... ياليت يفيدني

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X