مرحبآآ ..}
ياغالين انا جاي مع اخوي لسيدني بعد 9 ايام وبنقعد فيها اسبوع وبعدها هو بيرجع للسعودية وانا بنتقل لكانبرا للدراسة ..
وبصراحة انا اول مرة اسافر وودي تساعدوني في تضبيط هالسفرة وماودي تصير زي كشتة سعوديين كلها هواش وتضييع
وحنا محنب مكيشين يعني فلوسنا يالله تكفي وخصوصا اني بدرس على حسابي فماودي ابذخ في سيدني ..
فودي تعطوني كم فندق رخيص ويكون سعره بين 100 إلى 150 دولار للليلة الوحدة ..
وودي تعطوني كم مكان سياحي حلو نفرح فيه قلب هالمسيكين اخيي
وودي تعطوني ارقام تكاسي حتى يوصلنا من الفندق للمطار ويرجعني للفندق لان رحلته الساعة 4 الفجر ولازم يكون بالمطار بدري وبصراحة انا خواف من الطلعة في الليل :$
يعني ودي برقم تاكسي يجيبني للمطار ويرجعني ..
واخر سؤال : المباريات كيف نشوفها في استراليا ؟
لان رحلتنا توافق مباراة مانشستر وتشيلسي وودي اشوفها ..
وجزاكم الله خيرر ..