م/ محمد منصور
السلام عليكم و رحمة الله و بركاته
مدينة اغادير او اكادير المغربية من اشهر المدن السياحية المغربية على المحيط الاطلنطى اليوم ان شاء الله سنقدم لكم دليل سياحى متكامل عنها
الفسح داخل اغادير و اهم المزارات السياحية من خلال جولتى السريعة بالتاكسى تابعوها من هنا
جولة فى مدينة اغادير (أكادير) المغربية 170 جنيه مصرى فقط
تقريرى عن فندق الاقامة
فندق سوفيتيل اغادير رويال باي ريزورت عنوان الرفاهية و الاستجمام
حجز فنادق اكاير
https://www.booking.com/searchresult...29&aid=1329975
التقى بكم ثانية و استعيد معكم ذكريات جميلة من اغادير و نكمل كلامنا عن التسوق فى اغادير فيه نوعين اسواق شعبية و طبعا ده سوق الاحد و ده نزلنا عنه حلقة كاملة بالصور و قولت لازم تزوره و تلف فيه منها شوبينج و فسحة
سوق الاحد اغادير قلعة حصينة تحوى اكبر اسواق افريقيا
https://www.sfari.com/forums/sfari9/travel144187/
مرجان اغادير
طيب بالنسبة للاسواق الحديثة و المولات اشهر هايبر ماركت هناك مرجان فى المملكة المغربية و ليه فرع كبير فى اغادير و ده عامل زى كارفور فى مصر هتلاقى فيه كل حاجة من بقالة لملابس لعطور لتذكارات ..........
مركز راقى للتسوق و حديث تقدر تروح بسهولة اى تاكسى و ده رقم واحد هناك
كارفور اغادير
روحنا فرع مش هايبر تقدر تتسوق منه بقالة و اسعاره حسيت انها احسن من مرجان بس مافيهوش كل حاجة لانه سوبر ماركت كبير بس مش هايبر ليه فرع تانى ماروحتوش
اسوق السلام اغادير
كان جنب كارفور سوبر ماركت برضو اتسوقت منه شاى و زيت الزيتون و شيكولاته و حاجات بسيطة باسعار كويسة وجودة عالية
الخلاصة وجهة نظرى الشخصية
لازم طبعا سوق الاحد رقم واحد
و بعدين زيارة مرجان تغنيكم عن كارفور و اسواق السلام لو زيارتكم قصيرة ...... لو طويلة ممكن تروحو كارفور او السلام عشان البقالة و كده
و عموما اغادير مش كبيرة كلهم قريبن من بعض
الخريطة دى يطهر عليها سوق الاحد و مرجان و كارفور
التمشية على اكورنيش و به الكثير من المطاعم و الكافيهات
عجلة اغادير مشهورة جدا على كورنيش اغادير و ارتفاعها رهيييب يقال انها الاعلى فى افرييقا
مارينا اليخوت اغادير
مطاعم السمك منطقة الميناء
من الحاجات الجميلة جدا فى اغادير المأكولات البحرية و المطاعم الشعبية بجوار الميناء روحنا و انتظرنا نتفرج لاقنا معظم المغاربة يذهبون الى مطعم معين توكلنا على الله و كان اختيار موفق "مطعم العيون"
شاطىء اغادير و غروب الشمس
طب ممكن تعمل ايه تانى فى اغادير انا ملحقتش اعمله بخلاف البحر و البسين طبعا
لو عندك وقت نهارى ممكن تأجر عربية وتتفسح بره فى مناطق حلوة و و شلالات بس محتاج يوم من اول النهار ميكونش عندك شغل
و فيه حديقة اغادير للطيور (وادي الطيور اكادير )
و حديقة التماسيح بأكادير (كروكو بارك)
و محمية سوس ماسة Souss-Massa National Park الطبيعية لعشاق الحياة البرية
و هكذا من خلال هذا الموضوع و المواضيع السابقة التى وضعت لينكات لها اتمنى ان اكون قدمت لكم دليل سياحى يفيدكم و زيارتكم لاكادير