النتائج 1 إلى 4 من 4

الموضوع: صباح الخير يامدينتي ((المدينة المنورة ))

  1. #1
    كبار شخصيات سفاري الصورة الرمزية قلب الحنان
    تاريخ التسجيل
    Nov 2007
    المشاركات
    7,831

    صباح الخير يامدينتي ((المدينة المنورة ))


    إهداء لمدينتي







    صباح الورد ..
    ياللي تسمعيني ؟؟

    ياصباح الحب يا اجمل مدينة ..ياصباح الدفى ياعمري وحنيني !!
    أصبح على مين ؟؟
    لازلتي تسأليني ؟؟!
    يجاوبك الصوت بسجودي
    يجابوك النور بجبيني !!
    ولا اقولك .. اسألي القلوب الحجازيه ..
    اسألي .. انوار المدينه ..<3
    اسألي النفحات الشذيه
    بركتها .. هواها.. مأذنها .. منابرها
    ولا اقولك اسألي وروردها .. نعناعها ..
    اسألي الورد اللي بأديّه ..!!
    اسألي بسمات الاهالي
    اصغرهم فيها غالي
    من حدود العنبريه لحدود الحرم
    لسلطانه .. لقباء والعوالي ..

    وفي طريقك شوفي حي النصر
    من دخل في حيهم ماخسر ..
    ومري على ارض الكردي
    يقولك عرضك هوه عرضي

    وشوفي جنبه الازهري و بير عثمان
    الكرم والشهامه والمحبه والامان ..

    الطيبه والذوق بالقبلتين
    تكفيك عنهم هالكلمتين

    والجرف من فيها ماينعرف
    الجيره والكرامه والشرف
    واللي يقولك همك عليه
    اهالي الفيصليه والعزيزه !!
    والهجره كلهم بيت بيت
    ولالحظه عن معروفهم والله سليت !!
    ولو في يوم اضناك الخيار ..
    عندك كل اهل المطار ..
    والبسط والوناسه لاتسألين
    دام في هالحرّتين ..
    تبغيها غربيه تبغيها شرقيه !!
    غااااااليه والله عليّه !!

    كلها كل المدينه ..
    كل شبر فيها طااااااهر
    عاليه اصواتها وعلى ساكنها افضل
    ومن الواحه احلى تحيه وصباح الخيرع الطيبين

    التعديل الأخير تم بواسطة قلب الحنان ; 2012-04-27 الساعة 11:46 AM

  2. #2
    كبار شخصيات سفاري
    تاريخ التسجيل
    Feb 2010
    الدولة
    dammam
    المشاركات
    3,500

    رائعه وعذبه ياغاليه


    يحن القلب الى مدينة الحبيب المصطفى عليه افضل الصلاة والتسليم


    زرتها في شعبان الماضي واحن اليها مجددا

    تقرير زيارتي


    http://www.sfari.com/forums/sfari89/travel72793/



    كتب الله لنا زيارة قريبه اليها


    دمت بخير ياغاليه

  3. #3
    ©؛°¨°؛©][مشرف سفاري الكويت][©؛°¨°؛© الصورة الرمزية ظل الشجر
    تاريخ التسجيل
    Oct 2011
    المشاركات
    2,091

    رائعه كلمات منتناسقه

    لا عجب فهي مدينة رسول الله صل الله عليه وسلم

    شكراً اختنا العزيزه على اثراء هذه الكلمات العذبه

  4. #4
    كبار شخصيات سفاري الصورة الرمزية قلب الحنان
    تاريخ التسجيل
    Nov 2007
    المشاركات
    7,831



    احلي كلام لاهل المدينة شعر بلهجة اهل المدينة المنورة


    للشاعر : السيد عبد الوهاب هاشم نجدي


    فينك يا أيــــام زمان ليه رحتـــي وسبــتينا
    ليت اللي جرى ماكان ليت حلاوتك تعود لينا


    وفينك يا أيام زمان




    بيت الحجر قاعة وديوان
    وفتحــــــــة جلا تهوينا


    طيرما ورف في جدران
    وسقف بالجريد يغطينا
    من البير نجبد دلو مليان
    نملـــــــى زيـــر يكفينا


    والا زفة ســــقا حفيان
    من الكبــاس يجيب لينا


    باب الزقاق بضبه والشيش بزرفان
    وفي الروشان شراب مرصوصة تروينا
    فين مكوة فحم ومكنسة درجان
    وبليفة نخل ستي في طشت تحمينا
    فين السماور أبو الفحم والدخان
    ومن بكرج الحليب أمي تسقينا


    فين سيدي شاهن النص في شعبان
    ولعبت كبوش في الشارع تسلينا
    حبا ويرس يفرح الكسبان
    والعاب كثيره نسويها بأيدينا


    أيام البربر والليري بعيدان
    نصقع عود بعود بعيد تودينا


    ومن الكاكولا نجمع الغطيان
    نسوي كفر لعربية تنسينا
    رسلة أبويا وأمي للدكان
    وياما بالخيزران علقة تعشينا



    أيه والله أيام زمان




    والله أشتهيت حيسة التمره
    والله أشتهيت عصيدة حليا
    فين الفول أبو جمره
    فين الملوخية بالليا


    فين راس المندي في الحفره
    فين هريسة صبح مهريا


    فين سهرة سطوح في القمره
    والفرشة فيها منديا
    فين قيلة قبا بعمر ه
    وسباحة برك في عصريا


    كانت مفته بدل سفره
    فين عجينة عيش مغطيا


    كان إحرام بدل غتر ه
    فين توب بفتا وسديريا



    وفينك يا أيام زمان




    كيف كانت موية الشربا
    وكيف كنا من الزير نمليها
    بتنك سقا حنفية تتعبا
    وبأباريق الوضو كنا نفضيها
    فين تلبيبة ضحى دقه مع لبا
    فين فوانيس بنفخة نطفيها


    فين شوارع ما تسمع فيها ولا سبا
    فين بيوت كل الهنا فيها


    لو يغلط الواد لابد يتربا
    وامه لو تزعل كنا كمان نربيها




    كدا كنا زمان آآآآآآآآآآآآآآآآآآآآ ه يا زمان

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X