السلام عليكم ورحمة الله وبركاتهـ...
كيف حالكم جميعاً؟؟..
طبعاً هذا اول تقرير لي بسفاري ..
اتمنى انهـ يحوز على إستحسانكم ورضاكم
راح اعرض عليكم رحلتي لمكهـ بهذا الشهل الفضيل
مرهـ كنت فرحانهـ لاني اول مرهـ اروح مكهـ بشهر رمضان
وطبعاً انتو عارفين فضل العمرهـ برمضان
" تعادل حجهـ مع رسول الله صلى الله عليه وسلم"
بسم الله نبداء..............
*يوم الرحلهـ يوم الاربعاء الموافق 3/9/1429هـ ثالث يوم من رمضان ..
كانت رحلتنا عبر البر وعن طريق حملة .. ماكن في حجوزات على الطيران
الا بعد كم يوم .. واللي خلانا نآخذ حملة بريهـ ظروف عمل اختي الكبيرهـ
ماكنت تقدر تأجل إجازتها.. فتوكلنا على الله ورحنا بالباص ..
عدد الاشخاص: 6 بدون اطفال
سعر الحملهـ للشخص الواحد 350 ريال فقط
مدة لرحله يومين .. مشينا الاربعاء ورجعنا بعد صلاة الجمعه
انا بالبدايهـ ما عجبني لانهـ سعرهـ قليل وقلت حق اهلي اكيد ماراح تكون فيها مميزات
لكن اهلي مقتنعين بكلام راعي الحملهـ لانه قالهم:
الفندق قريب .. وراح تكون فيهـ باصات تنقلكم للحرم فقالو يالله ...
بس لما رحنا ما عجبني الفندق قديم .. بس اهم شي كان نظيف
والحرم خمس دقايق مشي .. ولا في باصات على كلام راعي الحملهـ
وهذا الباص اللي رحنا فيهـ جديد ومكيف وهو مصرح من النقل الجماعي (سابتكو)
كان وقت الحضور الساعهـ 2 ونص ظهراً ومشينا الساعهـ 5 عصراً
وهذي صور من الطريق كنا رايحين لمحطة النقل الجماعي علشان يآخذون
ورقة تصريح على ما اعتقد ...
وهذي هي المحطهـ
وشفت الحملات مشاءالله كان مرهـ زحمهـ وكلهم رايحين لمكه المكرمهـ
الله يتقبل منا ومنهم يارب..
زوووووم
خلصنا ورق السيارهـ ومشينا بحفظ الله ..
وهذي صور من الطريق ...
الجسر المعلق بس ما لحقت عليهـ امي نبهتني وصورتهـ من بعيد
وهذي جبال (( ديراب))
وهذا كان رفيق دربي ..
والحين صور من الطريق جبال ويارب تعجبكم الصور .. واغلب صوري والسيارهـ تمشي
فإعذروني لو كانت الصور مو حلوهـ
وهنا كان نقطة تفتيش .. اعجبني هذا المنظر
وهذي بيوت قديمه صورتها على السريع..
وهنا صور لغروب الشمس سبحان الله ...
بس مكاني كان بالجهه المعاكسهـ للشمس
فخليت اختي هي اللي تصور .. وانا صورت بإستخدام الزووم
والحمدالله الحريم اللي معانا ماكانو متشددين على التصوير وأخذت راحتي
وهذي الصورهـ بعد غروب الشمس تماماً
وبعدها فطرنا والحمدالله ودخل علينا الليل .. وبعدها وقفنا بإستراحهـ
علشان نصلي المغرب والعشى جمعاً وقصراً وهذا الكلام تقريباً الساعه 8 ونص 9
وبعدها وصلنا للميقات (( قرن المنازل)) في تمام الساعهـ2صباحاً
والحمدالله ماكن زحمهـ والامور تسهلت بفضل الله
وهنا خلص شحن بطارية كامرتي وصورت صورهـ وحدهـ بس للميقات
وكانت صورهـ فاشلهـ خربها الفلاش بس بعدين وقفنا نتسحر واخذنا غرفهـ
ولقيت كهرباء وشحنت البطاريهـ
ومشينا من الميقات تقريباً الساعه 3 وربع ..
ووصلنا مكهـ في تمام الساعهـ 5 صباحاً
ما صورت الغرفهـ لانها ماكنت حلوهـ عاد صورت الشباك بس
وبعدا طلعنا من الفندق في تمام الساعهـ 6 صباحاً لتأدية العمرهـ
كان الطواف تحت زحمهـ .. عاد طفنا في الدور الثاني هذا الي تعبنا شوي
خلصنا طواف الساعه 7 ونص .. وبعدها سعينا كمان فوق وخلصنا عمرتنا والحمدالله
في الساعه 9 وربع
وبعدها رحنا للفندق ونمنا نومه يا سلااااام ما صحينا الا الساعه 6
طبعاً نقوم نصلي ونرجع ننام ..
انصح المعتمرين انهم يآخذون عمرتهم الصباح من بعد الساعه 7
ما يكون في زحمهـ مثل الفجر او العشى ..
بعد الفطور ما صورتهـ لانهـ صار هجووم غاشم من الجووع
صلينا المغرب في الفندق قلنا نطلع على صلاة العشى
وطلعنا صلينا العشى والتراويح كانت مع الشيخ ( السديس )
كان شعوري لا يوصف .. الله يبلغكم جميعاً
وهذا شكل الحرم من بعيد .. طبعاً رحنا مشي
شرايكم بالمنارهـ
وهنا صورة الكعبهـ من الداخل على السريع لانهـ ممنوع التصوير
خصوصاً بالكامرات ..خفت ياخذون كامرتي توها جديده
يتبع...