النتائج 1 إلى 9 من 9

الموضوع: خروجات على اد الايد فى القاهرة لا تتجاوز تكلفتها ال 25 جنيه

  1. #1
    مراقب عام
    تاريخ التسجيل
    Jun 2016
    الدولة
    الامارات العربيه المتحده ابوظبي
    المشاركات
    5,633

    خروجات على اد الايد فى القاهرة لا تتجاوز تكلفتها ال 25 جنيه


    خروجات على اد الايد فى القاهرة لا تتجاوز تكلفتها ال 25 جنيه

    القاهرة مليانة بالاماكن الممتعة اللى ممكن تنبسط فيها وتتفسح من غير ما تصرف فلوس كتير ومن خلال مقالنا دة من ترافيليو هنعرفكم على اهم اماكن الخروج فى القاهرة بأقل الاسعار والمناسبة لجميع الاعمار

    بقلم شيماء صالح





    لو عاوز تخرج خروجه تستمتع فيها وكمان تكون رخيصه ومن غير ما تدفع فلوس كتير ، احنا هنقولك على اماكن جوه القاهرة لخروجات ممتعة وجميلة جدا علشان نوفر لك فلوسك وكمان هتنبسط

    أليكم ارخص 7 اماكن للفسح والخروج فى القاهرة

    1- متحف العلم الحيوانى

    دة مكان مش معروف اوى لناس كتير جدا بس مكان جميل جدا ومش هتصدق أنه ب 10 جنية بس
    موجود جوة حديقة الحيوان بالجيزة ( بس لما تخشه هتفصل خالص عن الجنينة ) لانك هتخش مكان مكيف
    وطريقة العرض فيه غاية فى السهولة والمتحف نضيف جدا يعنى اللى مش حابب يدخل الجنينة من الاساس ممكن يقطع التذكرة ويتوجه على المتحف على طول ( اللى معاه أطفال هيتبسطوا اوى ودة الطبيعى ) بس اللى مش طبيعى أننا ككبار هننبهر بأسماء الحيوانات وأشكالها وحتى الهياكل الحقيقية والحيوانات المحنطة

    والمتحف عبارة عن ثلاثة أدوار وفيه مجموعة كبيره جدا من الحيوانات المحنطة ، فعلا تحفه فى كل حاجه واستفاده رهيبه والناس هناك مابتبخلش بأى معلومه والأطفال هيستمتعوا جدا بالمناظر
    التذكرة ب10 جنيه ( تذكرة منفصلة عن تذكرة الحديقة ) وبتقطعها من قدام المتحف
    المواعيد من 10 صباحا : 4 عصرا





    2- القلعة ( مهرجان القلعة )


    بالنسبة للناس اللي اول مرة تسمع عنه،،، بص يا سيدى دة حدث بيحصل كل سنة وبيبقى أنجح من السنة اللى قبلها
    مهرجان القلعه هيبدأ من يوم 2 أغسطس وحتى 17 أغسطس
    سعر تذكرة دخول القلعة + الحفل : 15 جنيه فقط ( أنت متخيل ) حفلتين الساعه 8 مساء و10 مساء
    المهرجان بقاله 27 سنه وب 15 جنية وكل الناس اللى بتروح محترمة والدنيا بتكون متظبطه جدا هناك
    الأحسن من كده ان القلعه بتتزين وبيبقى شكلها جميل جدا والاضواء بتخليها تحفه ، حاول تروح حتى وتتصور لانها مش هتتعوض
    **الدفع والحجز يوم الحفل





    3- الأتوبيس النهري


    ممكن تسميها خروجة او ممكن تسميها توصيلة على حسب مكانك ومشوارك
    خروجه ممتازه جداً و على أد الأيد سعر التذكرة : لا يتعدى الى 5 جنيه واحلى ما في الخروجه دي بساطتها
    في الاتوبيس هتشوف اللي طالع يفصل من زحمة الشوارع في عز الظهر ، وهتشوف أسرة بأطفالها طالعين يتفسحوا و يغيروا جو
    الأتوبيس النهري بيربط بين أنحاء القاهرة الكبرى ( القاهرة – الجيزه – القليوبيه – حلوان )
    و يعتبر بديل غير تقليدي للمواصلات المعتادة وفيه منه نوعان ( المغطى – المكشوف المكيف )
    و العادي يكون المغطي للركاب اما المكشوف للرحالات الطويلة


    أشهر محطات الأتوبيس النهري :
    * محطه ماسبيرو ( أمام مبني الأذاعه والتليفزيون )
    * محطه الجامعه ( بجوار كبري الجامعه )
    * محطه الساحل
    * محطه مصر القديمه
    * محطه أمبابه
    * محطه القناطر الخيريه
    مواعيد الأتوبيس النهري :
    من الساعه السابعه صباحاً و حتي الساعه الثامنه مساءً
    اما بالنسبة للـ الأتوبيس النهري المكيف ( المكشوف ) وده بيبقى مكيف و مجهز بـ كراسي جلد حلوه
    وبه جزء علوي مكشوف وكمان فيه Dj و مزيكا و ده بيعمل نوعين من الرحالات :
    * رحلة لمدة ساعه بـ 10 جنيه الفرد
    ودي مواعيدها من الساعة 4 ونص عصراً و حتى الساعة 12 ليلاً وبتطلع رحلة بمعدل كل ساعة ونص
    * رحلة القناطر الخيرية بـ 15 جنيه الفرد
    ودي مواعيده من الساعة 8 صباحاً و حتى الساعة 12 ظهراً طوال ايام الأسبوع




    4- متاحف قصر عابدين


    ودة مكان موجود فيه عدد كبير من التحف والمقتنيات القيمة جدا وقصر عابدين من أفضل الأماكن اللى الواحد يقدر يزورها أثريه و التصوير فيها تحفه
    اول ما تدخل حوالين القصر فى جناين كتير دى لوحدها مهديه للأعصاب و بعد لما تدخل القصر هما مقسمين زى غرف كده كل واحده فيها حاجه مثلا غرف للأسلحه و الخناجر و الفضيات و الذهب و الماس و الهدايا اللى اتبعتت للملك فاروق من الأمراء
    المكان نضيف جدا و متأمن
    القصر مفتوح كل يوم من 10 الصبح ل 12:30 الضهر ما عدا الجمعه
    التذكرة 10 جنيه و فى 5 جنيه للموبايل




    5- برج القاهره


    فُسحه لذيذه وجميله للكبار والصغار ومش مُكلفه وفيو تحفه من أعلى ارتفاع في القاهرة
    عنوانه ما يتوهش "طبعاً" شارع البرج في الجزيرة بجوار النادي الأهلي، أقرب محطة مترو أنفاق هي الأوبرا. ولو رايح بعربيتك روح بدري شويه عشان الركنه صعبه حبتين هناك وروح بدري كمان عشان تتجنب طوابير انتظار الأسانسير الطويلة
    اجمل وقت هو الغروب وانسب وقت للزيارة بعد العصر وتجنب الظهر عشان الشمس هتضايقك وتجنب الجمعه والاعياد الرسميه عشان الزحمة
    مواعيد العمل من 9 ص ل 1 ص والتذكرة بـ25 ج للمصريين وبـ 150 ج للأجانب، ولما بيشك فيك بيطلب تحقيق شخصيه عشان يتأكد انك مصري ! المدخل من تحت جميل وواسع ولازم تتصور سيلفي مع النسر النحاسي الضخم الي علي البوابه
    وفي مطعم وكافيه تحت ومكان لعب أطفال Playing Area بس فرجهم من فوق الأول بعد كدة ممكن تنزل تلاعبهم
    بعد التفتيش وقطع التذاكر هتطلع في الأسانسير وهو للأسف ضيق جداً مش بيشيل اكتر من 5-6 أشخاص بالعافيه بس سريع، في خلال دقائق حتكون علي ارتفاع 60 دور (187 متر)! وممكن تأجر عدسة تلسكوب ب 5ج بس اشترى التذكرة من تحت قبل ما تطلع
    وفوق بقى الفيو وهمي حتشوف القاهرة والجيزه كلها ونهر النيل والفنادق تحتك ولو ركزت هتشوف القلعه والأزهر بارك والثلاث أهرامات كمان !
    ولو معاك كاميرا فيها زوم كويس هتصور صور تحفه! ومافيش مصاريف للكاميرا! في فوق مطعمين واحد ثابت والثاني بيلف ، المطعم جميل والفيو رائع بس أسعاره مرتفعه شويتين. يعني الطبق الرئيسي سعره من 140 ل ـ250 ج !
    بس ممكن تشرب حاجه او تاكل أيس كريم يعني في المعقول نسبياً لو حابب او عامل حسابك. هي خروجه جميله ما تتسابش ومكان لازم تروحه انت واصحابك او انت واسرتك عشان تتبسط أكيد وماتخافش، أمان جدا وارتفاع السور فوق أمان للولاد والكبار كمان.







    6- متحف النسيج المصري .. Egyptian Textile Museum

    أيه رأيكم فى خروجة حلوة بليل كدة فى شارع المعز
    حاجة جديدة ومعظمنا مشفهاش قبل كدة وكمان بسعر رمزى 10 جنية للتذكرة وتخيل بقى أن المتحف ده مصنف الرابع عالميا على مستوى المتاحف اللى زيه ( يعنى أنت رايح تتفرج على كنز )
    طيب أنتم هتلاقوا ايه فى المتحف ده ... المبنى عبارة عن دورين فيهم 250 قطعة نسيج و15 سجادة
    هتلاقوا كسوة الكعبة المشرفة اللى كانت بتتصنع هنا فى مصر فى عهد الملك فاروق وكانت بتروح لحد السعوديه وكل دة هتعرفوا قصصه وحكاياته وانتم هناك .وكل قطعة في المتحف هتلاقوا مكتوب عليها قصة وحكاية وتسلسل التاريخ المصرى وتطور اللبس والشياكة بقى
    كل قطع النسيج اللى كانت متوزعة على كل متاحف مصر تم تجميعها فى المتحف ده واتسمى متحف النسيج ودى بصراحة فكرة ممتازة ..
    وفى القسم الفرعونى وهو أكبر قسم هتشوفوا فيه كل حاجة حتى البامبرز كانوا بيستخدموه الامهات ازاى فى وقت الفراعنة وشنطة الغيارات وحاجات مهما حاولنا نشرحها عمر ما عقلك يتخيلها
    طيب تعرفوا أن المبنى اللى هتخشوه فى المتحف ده هو أصلا أثر وأثر مهم جدا أسمه سبيل محمد على .. وكمان الموضوع مش مقتصر على قطع النسيج بس أنتم فى المتحف ده هتعرفوا الناس دى كانت بتنضف هدومها ازاى وايه المعدات اللى كانوا بيستخدموها
    وازاى بعد السنين دى كلها لسه الألوان محافظة على زهوتها في المُجمل فهو متحف جميل جداً ويستحق الزيارة
    تذكرة التصوير فى المتحف حتى لو بالموبايل ب 20 جنية
    العنوان : 121 شارع المعز لدين الفاطمي بمنطقة الحُسين – القاهرة
    طب تروح ازاى لهناك ؟ نركب مترو وتنزل رمسيس أو العتبة ومن هناك عربية للحسين وتنزل الغورية وتعدى الشارع حتلاقى شارع المعز
    سعر التذكرة : 10 جنيه والتصوير ب 20 جنيه





    7- بيت زينب خاتون


    دة كنز كدة أسمة بيت زينب خاتون ( حاجة ملهاش علاقة بالقهوة علشان محدش يربط بس)
    البيت دة زيارتة تخيل ب 10 جنية بس والطالب ب 5 جنية
    البيت عبارة عن 3 ادوار ..و هنقولك على حاجات معينة تركز فى أنه ازاى لما تدخل من الباب متشوفش اللى جوه البيت نهائيا لأن المدخل منكسر
    والدور الاول هتلاقى الغرف اللى بيستقبل فيها الضيوف
    طيب تسمع عن السلاملك والحرملك طبعا الفرق بينهم هتعرفة فى الدور التانى بس أسأل الناس هناك بقى علشان نشجعكم تروحوا
    الدور الثالث غرفة الاميرة هتشوف الزجاج الملون والقباب الى بتدخل التهوية الطبيعية للمكان
    تذكرة الدخول 10 جنيه
    تذكرة تصوير الموبايل 15
    تذكرة الكاميرا البروفيشنال 120
    سعر الفوتوسيشن :600 جنيه
    المواعيد من 9 صباحا ل 4 عصرا
    العنوان : خلف الجامع الأزهر تخلى مستشفى الحسين الجامعى على يمينك وتمشي على طول هتلاقى البيت على شمالك



  2. #2
    مسافر نشيط الصورة الرمزية الرهيف
    تاريخ التسجيل
    Feb 2015
    الدولة
    المملكه العربية السعودية
    المشاركات
    66

    تسلم يالغالي على المعلومات الحميلة

  3. #3
    مراقب عام
    تاريخ التسجيل
    Jun 2016
    الدولة
    الامارات العربيه المتحده ابوظبي
    المشاركات
    5,633

    اقتباس المشاركة الأصلية كتبت بواسطة الرهيف مشاهدة المشاركة
    تسلم يالغالي على المعلومات الحميلة
    .الله يعافيك اخوي

  4. #4
    [مراقب سفاري الدول العربية] الصورة الرمزية بــدر الجنــوب
    تاريخ التسجيل
    Sep 2006
    الدولة
    السعوديــة
    المشاركات
    5,943

    روعه فعلا وخروجات جميلة جدا

  5. #5
    مراقب عام
    تاريخ التسجيل
    Jun 2016
    الدولة
    الامارات العربيه المتحده ابوظبي
    المشاركات
    5,633

    اقتباس المشاركة الأصلية كتبت بواسطة الرهيف مشاهدة المشاركة
    تسلم يالغالي على المعلومات الحميلة
    .العفو اخوي

  6. #6
    مراقب عام
    تاريخ التسجيل
    Jun 2016
    الدولة
    الامارات العربيه المتحده ابوظبي
    المشاركات
    5,633

    اقتباس المشاركة الأصلية كتبت بواسطة بــدر الجنــوب مشاهدة المشاركة
    روعه فعلا وخروجات جميلة جدا
    .شكرا عالمداخله

  7. #7
    ©؛°¨°؛©][مشرفة سفاري مصر][©؛°¨°؛© الصورة الرمزية أم جمانة
    تاريخ التسجيل
    Aug 2007
    الدولة
    جدة/ أرض الرخاء والشدة
    المشاركات
    5,283

    الله يعطيك العافيه تقرير اعتبره مرجع مهم لكل سائح

  8. #8
    مسافر مشارك
    تاريخ التسجيل
    Nov 2009
    المشاركات
    155

    برنامج رائع

    يعطيك العافية

  9. #9
    [ عضو مجلس الإدارة ] الصورة الرمزية منصور عاشق الترحال
    تاريخ التسجيل
    Feb 2011
    الدولة
    القاهرة
    المشاركات
    4,990

    اماكن جميلة جدا و فسح اقصادية و لكن مع الاسف تغيرت اسعار بعض الاماكن حسب علمى

    مثلا تذكرة دخول برج القاهرة 40 جنيه للمصريين

المواضيع المتشابهه

  1. أماكن خروجات فى الهرم ؟؟
    بواسطة Maihna في المنتدى ركن الاستفسارات والاخبار السياحية الخاصة بمصر
    مشاركات: 3
    آخر مشاركة: 2017-10-28, 07:16 PM
  2. مركب فى النيل و مول العرب و افكار اخرى (خروجات عربية فى القاهرة المصرية)
    بواسطة منصور عاشق الترحال في المنتدى سفاري مصر Egypt
    مشاركات: 10
    آخر مشاركة: 2015-10-21, 10:21 PM
  3. دراسه اللغه الانجليزي انا والعائله كم تكلفتها
    بواسطة سهااام في المنتدى سفاري الدراسات الاكاديمية والبعثات الخارجية
    مشاركات: 3
    آخر مشاركة: 2012-01-16, 12:46 AM
  4. بنغالي يهتك عرض طفلة لم تتجاوز الرابعة عشرة
    بواسطة Flamingoo في المنتدى ساحة الحوار المفتوح
    مشاركات: 14
    آخر مشاركة: 2007-07-03, 10:51 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X