النتائج 1 إلى 2 من 2

الموضوع: مغامرة تسلق جبل موسى فى سانت كاترين (تقرير مصور)

  1. #1
    [ عضو مجلس الإدارة ] الصورة الرمزية منصور عاشق الترحال
    تاريخ التسجيل
    Feb 2011
    الدولة
    القاهرة
    المشاركات
    4,990

    مغامرة تسلق جبل موسى فى سانت كاترين (تقرير مصور)


    م/محمد منصور

    السلام عليكم و رحمة الله و بركاته

    الحمد لله الرحلة الاصعب في حياتي بس كانت ممتعة جدا رغم المرمطة الي شوفناها

    احلي لقطة كنا مع الدليل و ميتين من التعب وقفنا و طفينا الكشافات و شوفنا لوحة ربانية من النجوم في سماء ساطعة

    سبحان الله

    انها الرحلة التى لا تشعر بما تراه من الجمال بسبب التعب و الاجهاد الشديد من التسلق و لكن بعدها بفترة تتذكرها و تتمنى تكراها

    المواقف فى الرحلة ظريفة جدا نصيحة خليك دايما مع اى جروب طالع حتى لو متعرفهمش قريب منهم بلاش تكون لوحدك بالليل


    نواصل تقديم رحلتنا الكومبو الى جنوب سيناء و الذى قدمنا منها عدة اجزاء سابقة


    الموج الازرق فى عينيك رحلتى الى جنوب سيناء دهب البلو هول Blue Hole, Dahab, Egypt

    تعرف على مدينة دهب السحر الذى سلب لب الالاف



    و كنا قد وصلنا الى سانت كاترين عند قاعدة جبل موسى و الاستراحة هناك للاستعداد لصعود الجبل و كنت خلاص هاستسلم لفكرة انى ابت فى فندق و انااااااااااام بعد مجهود السفر و السباحة و السنوركلينج فى البلو هول الا انى استجمعت شجاعتى و قررت النزول لتغيير الملابس او بمعنى لبس ملابس فوق الملابس
    طب شوية نصائح كده من خبرتى المتواضعة


    وأنت طالع الجبل اعمل حسابك في كوتش نضيف يكون نعله جامد ويستحمل الصخر اللي هتدوس عليه .
    من الضروري ارتداء أحذية التسلق أو أي أحذية رياضية غير ملساء وذلك كي تساعد علي التأقلم مع الطبيعة الجبلية للمنطقة .... مهم جدا انا شوفت ناس نازلة احذيتها متفرتكة طبعا عشان سلامتك انا اشتريت موتشى مخصوص للتسلق.

    ـجاكت جاكت جاكت لازم جاكت عشان أنا من فترة لما روحت في شهر 9، والمفروض إنه حر كنا متلجين وإحنا على الأرض قبل ما نطلع.
    ضيف كمان ايس كاب ، جوانتي ، كوفيه

    ارتداء اسفل البلس الاساسى بنطلون حرارى قطن و تيشرت قطن حرارى كامل الاذرع ”بكوم“ : ممكن شراءه من محلات الرياضية خاصة لاعبى الكرة او من محلات قطنيل ”
    ارتداء بنطلون جيز مريح أو بنطلون باجى تقيل ”قماش جباردين ”
    ارتداء قميص شتوى و بلوفر طويل الرقبة قطن و ليس صوف حتى لا تعرق كثيرا و تفقد الكثيرا من الماء عبر العرق و تتعرض لفقد املاح و عدم تعرض جسمك للفعة هواء فى الصدر مما يعرضك لنزلة شعبية فى الصدر
    ارتداء سويتر يحميك من المطر و يعطى الدفىء و يكون خفيف فى نفس الوقت حتى لا يعيق الحركة و يثقل من وزنك.
    ارتداء ايس كاب و كوفيه و جوانتى خاص للثلج حتى لا تتعرض لعضة الثلج
    ارتداء عدد 2 شراب رياضى ثقيل قطن لمنع تجمد الاطراف حتى لا تتعرض لعضة الثلج التى تسبب انخفاض درجة الحرارة و منها حدوث غرغارينة فى الاطراف.

    ـ مياه: خد معاك إزازتين مياة لو مثلا 4 أشخاص، لكن شرب المياة الكثير بيتعب في طلوع الجبل. و كان عشان الحمامات لو لاقيتها حالتها صعبة جدا
    ـ اللى عنده مشاكل في النفس ممكن يطلع شوية وفي استراحات في الطريق يستنى فيها الجروب لحد ما ينزله وبرضه ممكن يشوف من مكانه منظر الشروق والغروب.
    ـ لو في حد سنه كبير في جمال بتطلع بس لحد أول استراحه.. لو هتطلع الجبل للآخر حاول مطولش في الاستراحات عشان عضل رجليك ميفكش ويبقى الموضوع صعب.
    ـ ماتتغرش في نفسك وتسبق الدليل عشان بتبقى ماشي على ضوء القمر وفي لحظة ممكن تلاقي نفسك في وسط الجبل ومحدش عارف مكانك.
    ـ بنأكد تاني على المياة عشان وأنت نازل هتبقى في عز الحر وهتتعب أوى
    ـ اعمل حسابك إنك تبقى متوضي في مسجد فوق لو وصلت قبل الفجر الصلاة فوق إحساس تاني وممكن التيمم .
    ـ حاول تتمشي كتير قبل ما تروح لأن مع الضغط المفاجئ على الرجل في الطلوع والنزول رجلك هتتكسر كأنك أول يوم راجع
    تناول أغذية خفيفة ذات سعرات حرارية عالية مثل الشوكولاتة والعجوة والتمر وذلك كي تساعد علي تدفئة الجسم وإمداده بالطاقة التي يحتاجه
    صفارة لاقدر الله اذا توهت تسهل الوصول اليك
    - الكشاف و بطاريات احتياطي مهم جدا الدنيا كانت ضلمة كحل رغم انها ليلة قمرية
    درجة الحراة بتنخفض حوالي 6.5 درجات كل 1000 متر ارتفاع يعني لو درجة الحرارة الصغري في سانت كاترين 13 ده معناه ان اسوأ درجة حرارة ممكن نقابلها تكون تقريبا صفر ممكن الي سافرو في الوقت ده قبل كده يقولوا صح و لا غلط





    صور الاستراحة اثناء الصعود و طبعا الدنيا ظالمة كحل و ماتعرفش مين قاعد جنبك









    لحظات الصباح الاولى سبحان الله و تشعر بقول الله تعالى و الصبح اذا تنفس































    سبحان الله شروق الشمس منظر خيالى رغم انى ماطلعتش لاعلى القمة بس كنت على وشك
















































    و هنبدأ ننزل الجبل و نشوف اجمل مناظر رغم الارهاق الشديد و الاستراحات بتظهر ملامحها










































































































    فاااااااااصل و نوااااااااصل


  2. #2
    [ عضو مجلس الإدارة ] الصورة الرمزية منصور عاشق الترحال
    تاريخ التسجيل
    Feb 2011
    الدولة
    القاهرة
    المشاركات
    4,990

    دير سانت كاترين لكن لم ندخل مبنى الدير لضيق الوقت مكنش فتح لسه

























    و كنت بنام فى الصورة دى ههههههههههههه














    بعده مده خرجنا من الدير لمكان تجمع الباصات الباركينج و دورات المياه (المياه كانت مقطوعة ) عشان نركب الباص بتاعتنا

    فيه مزرات تانية زى الشجرة المباركة و العجل الذهبى برضو ماروحنهاش













المواضيع المتشابهه

  1. رحلتي الى سيناء دير سانت كاترين جبل موسى المناجاة
    بواسطة alsharidi في المنتدى سفاري مصر Egypt
    مشاركات: 4
    آخر مشاركة: 2017-04-08, 04:21 PM
  2. مغامرة في اسطورة الجزيرة العربية ( شدا الاسفل ) تقرير مصور
    بواسطة nasser في المنتدى سفاري السعودية Saudi Arabia
    مشاركات: 122
    آخر مشاركة: 2012-05-05, 05:23 AM
  3. مطعم و مغارة موسى و امطار بلودان (تقرير مصور )
    بواسطة المكتشف المغامر في المنتدى سفاري سوريا Syria
    مشاركات: 49
    آخر مشاركة: 2010-11-15, 09:50 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X