2اعجاب
م/ محمد منصور
السلام عليكم و رحمة الله و بركاته
اليوم نصحبكم فى رحلة الى ابرز معالم القاهرة بل مصر السياحية و احد عجائب الدنيا السبع القديمة الباقية الى يومنا هذا اهرامات الجيزة و ابو الهول و رحلة شتوية بين الحضارة الفرعونية بالتأكيد سيبهرك منظر الاهرامات من بعيد و يزداد كلما اقتربت اكثر و اكثر لكتشتف حجمها الحقيقى و تتعجب كيف استطاعوا بنائها منذ الاف السنين و الهندسة المستخدمة فى ذلك و لماذا هذا الموقع و كيف استطاعت ان تظل صامدة الحكايات هنا لا تنتهى و الاساطير و النظريات و هو ما جعل الزيارة اكثر امتاعا ولكن انتبه فهناك اسرارا اخرى لابد ان تعرفها خلال هذه الزيارة حتى لا تتعرض للاستغلال و الابتزاز.
هضبة أهرامات الجيزة
تتكون أهرامات الجيزة من ثلاثة أهرامات، أكبرهم يعرف باسم هرم خوفو، هذا الهرم المهيب الذي ستشعر بصغر حجمك امام ضخامته، واحد من عجائب الدنيا السبع، وهو الوحيد الذي مازال باقيًا في مكانه حتى اليوم! أما هرمي خفرع ومنقرع فهما – رغم ضخامتهما – الأصغر.وعلى بعد خطوات قليلة إلى الشرق، ستشاهد ثلاثة أكوام صغيرة من الحجارة (يبلغ ارتفاعها 20 مترًا) تمثل أهرامات الملكات ومقابر زوجات وشقيقات خوفو.وعلى مقربة منها، في هضبة الجيزة أيضاً، سترى أبو الهول العظيم ومتحف مركب الشمس، وهو الموقع الذي تقام فيه أيضًا عروض الصوت والضوء الشهيرة، حيث يختبر كل من يزور مصر متعة وإثارة ركوب الجمال للمرة الأولى.(موقع هيئة تنشيط السياحة)
أسعار تذاكر اهرامات الجيزة
المصريين 10 جنيهات و 5 جنيهات للطالب
الاجانب 40 جنيه و 20 جنيه للطالب
و هناك تذاكر اخرى لدخول الاهرامات (هرم خوفو / هرم خفرع / هرم متقرع) او مقابر و تذاكر دخول السيارات طبقا للصورة الاتية
الوصول الى اهرامات الجيزة الموصلات العالمة :
انا هاتكلم من مترو الانفاق على اعتبار انه الوسيلة الاسرع و الاكثر انتشارا روحت بالخط الثانى شبرا الخيمة - المنيب و نزلت فى محطة ضواحى الجيزة و رطبت ميكروباص من موقف بجوار المحطة مشعل - هرم نزلنى قدام مدخل البوابة الرئيسية للاهرامات صعدت لاعلى على الاقدام عدة دقائق الى شباك التذاكر
لا تلتفت الى اى احد يقولك تذاكر او الدخول من هنا و يحاول يوديك لمدخل جانبى كمل على طول لا يمين و لا شمال لحد شباك التذاكر و اقطع تذكرتك بنفسك و تدخل و تلف جوه و الجولة على الاقدام لحد معبد الوادى للملك خفرع و ده الى هتقدر تشوف و تتصور مع ابو الهول من قريب و بعدين خرجت من المخرج الى جنب الصوت و الضوء على شارع ابو الهول الى اخره ركبت ميكروباص الى المنيب و محطة المترو و من هناك تقدر توصل اى مكان ليك عبر شبكة المترو و لو عديت الشارع هتلاقى مواصلات اتجاه الجيزة و الهرم
ملاحظات و نصائح من خبرتى البسيطة
- مالكش دعوة اى حد يعرض عليه خدمات زى ما قلت اقطع تذكرتك بنفسك من الشباك و ادخل عادى.
- لو طالب خلى معاك كارنيه عشان التذكرة ارخص.
- بعد الدخول من البوابة نفض و لا ترد على اى احد من بتوع الخيل و الكارته ( التجارب مع الاسف معهم سيئة و الاستغلال و النصب ) مهما اغروك بالاسعار الرخيصة او حتى الركوب مجانا ( من المؤسف انى اقول الكلام ده و لكن وقائع متعددة لناس اعرفهم مصريين و غير مصريين حصلت فعلا و العملية مش منظمة و الاسعار الى متعلقة على يفط محدش بيلتزم بيها) .
- لو حابب تركب كارته و خيل و جمال و كده التنسيق مع حد من بتوع الخيل ثقة يقابلك بره و تتفق معاه مقاولة يفسحكم جوه.
- نفس الكلام لو معاك اجانب الافضل الذهاب مع مرشد سياحى او شركة او التنسيق مع حد من بتوع الخيل او المنطقة ثقة يقابلكم من بره يضبطكم.
- الخيل و الجمال ارخص فى نزلة السمان الملاصقة للاهرامات.
و الان مع صور الرحلة
فاصل و نواصل
رد مع اقتباس
المشاركة الأصلية كتبت بواسطة الدهـنـــيـم
