صفحة 1 من 6 123 ... الأخيرةالأخيرة
النتائج 1 إلى 10 من 53
Like Tree13اعجاب

الموضوع: مغامرات بن سليم فى مصر ‎ Ibn Selim Adventures in Egypt

  1. #1
    [ عضو مجلس الإدارة ] الصورة الرمزية منصور عاشق الترحال
    تاريخ التسجيل
    Feb 2011
    الدولة
    القاهرة
    المشاركات
    5,034

    مغامرات بن سليم فى مصر ‎ Ibn Selim Adventures in Egypt


    مغامرات و عدسة : بن سليم

    تقديم : م/ محمد منصور

    السلام عليكم و رحمة الله و بركاته

    مع بداية عام 2017 يسعدنا ان نقدم لكم هذه السلسلة الجديدة و مغامرات من مصر مع بن سليم مغامر عشق مصر و قرر ان يهدى العالم احلى مغامراته على صورة حلقات اسبوعية عن اماكن جديدة عبر ربوع مصر سوف تكتشفها سويا عبر منتدى سفارى بعد موافقته الكريمة بالتعاون مع صفحته على الفيسبوك


    كل الشكر و التقدير للرحالة المتألق / عبد الرحمن بن سليم



    تعالو نشوف بن سليم بيقول ايه مقدمة عن الرحلات

    انا واحد من الناس اللي بتحب مصر جدا بالرغم من التحديات اللي بنواجهها كل يوم.
    وبحبها لسببين اساسين... الأول أن فيها اماكن جميلة جدا بحس اني في بيني وبينها صلة ... زي جبال كاترين او تحت المياه في البحر الاحمر او في صحراء سيوة او في المساجد القديمة في كنوز مصر القديمة.... أماكن كتير منها مش معروفه

    والثاني ان فيها اهلي واصحابي وناس كتيير طيبه ولسه جدعان ... بس عايشين بعيد عننا ولسه كتير منهم علي الفطرة زي اهلنا في النوبة او كاترين او شلاتين بنشوف منهم طيبة وكرم غير عادي.

    ان شاء الله هبتدي مشروع التصوير وهصور وهكتب عن اماكن كتيير في مصر مش معروفة ولكل مكان فيها قصة كبيرة او جمال مش عادي... انا هنزل 100 بوست كل بوست هيكون كل خميس بالليل وعن مكان جديد وقصة جديدة.



    المؤكد اننا على موعد مع المغامرة و الاثارة و المعلومات و العدسة الموهوبة التى تخطف الانفاس .....بعد قليل الحلقة الاولى




  2. #2
    [ عضو مجلس الإدارة ] الصورة الرمزية منصور عاشق الترحال
    تاريخ التسجيل
    Feb 2011
    الدولة
    القاهرة
    المشاركات
    5,034

    جزر الاخوين Brothers Islands

    جزر الاخوين Brothers Islands


    واحده من احلي اماكن الغطس في العالم واللي مصنفه رقم 9 من احسن 50 غطسه علي مستوي العالم بحسب تصنيف CNN Travel

    http://travel.cnn.com/explorations/e...-sites-895793/

    الاخوين عبارة عن جزيرتين صغيرين علي بعد 65 كيلو تقريبا من القصير وتكونت في الاغلب بسبب البراكين من وقت طويل جدا.

    علي شان تروح هتحتاج مركب سفاري... انا من اسبوعين رحت بمركب من الغردقة و المركب اخدت حوالي 10 ساعات او اكتر علي شان نوصل الاخوين والبحر كان عالي جدا بسبب شده الرياح

    اول لما تغطس هناك هتعرف ان المشوار يستاهل وزياده... الشعاب المرجانية لسه بخيرها واسماك كثير في كل مكان بكميات كتيير واحجام كبيرة جدا وقروش في كل مكان حواليك واللي هيا علامه علي جوده التوازن البيئي للمكان

    الجزيرة عليها منارة بناها الانجليز فتره الاحتلال اتبنت سنه 1883 ومن اشهر المراكب اللي غرقت هناك مركبين هما عايده اللي طولها 75 متر واللي غرقت سنة 1957 و نوميديا Numidia غرقت سنه 1901 واللي طولها 130 متر

    المركب غرقت تقريبا بالطول فا المنظر وانت طالع من تحت لحد فوق تقريبا 9 متر وانت جوه المركب رهيب.

    طبعا القروش هناك كتير وبتشوفهم وانت علي المركب وبيطلعوا لحد سطح المياه وبتشوف منظر الزعنفه حوالين المركب زي الافلام. ده من اهم الاسباب ان الناس بتحب تغطس هناك علي شان تغطس معاهم وتتفرج عليهم وهما بيقربوا عليك في شكل مهيب جدا

    السياحه التقليديه تراجعت كتير السنين اللي فاتت علي حساب سياحه الطبيعه والانشطه ... مصر مميزه جدا بالبحر الاحمر والغطس والصحراء والجبال واللي لازم نتعلم كويس ازاي نعرف نسوق ليها بعد تراجع مستويات السياحه السنين اللي فاتت.

    *الغطس هناك يستدعي خبره بسبب التيار في البحر شديد جدا غير الموج والكائنات البحرية الكبيره
    لو بتحب الغطس وعمرك مارحت الاخوين فا انت فايتك كتيير اوي
























































    سبحان الله حلقة تعجز الكلمات عن وصفها رغم انى مصرى الا انها المرة الاولى التى اسمع عن هذه الجزيرة ....

    ما شاء الله الاقتراب من اسماك القرش الى هذه الدرجة و كاننا فى احدى حلقات ناشونال جيوجرافيك

    الصور تتحدث عن نفسها روعة الحياة البحرية و الشعب و الاسماك ...............



    شىء خيالى و بداية قوية و مذهلة مع المغامر بن سليم

    الى اللقاء فى الحلقة القادمة ان شاء الله


    التعديل الأخير تم بواسطة منصور عاشق الترحال ; 2017-01-03 الساعة 05:04 PM

  3. #3
    ©؛°¨°؛©][مشرفة سفاري المغرب][©؛°¨°؛©
    تاريخ التسجيل
    Dec 2014
    المشاركات
    1,973

    ما شاء الله


    تقرير مميز صور روووعة جدا جداااااااااا

    يعطيك العافية اخي الكريم

    تحياااتي
    اعجب بالمشاركة

  4. #4
    [ عضو مجلس الإدارة ] الصورة الرمزية منصور عاشق الترحال
    تاريخ التسجيل
    Feb 2011
    الدولة
    القاهرة
    المشاركات
    5,034

    اقتباس المشاركة الأصلية كتبت بواسطة fatiima ach مشاهدة المشاركة
    ما شاء الله


    تقرير مميز صور روووعة جدا جداااااااااا

    يعطيك العافية اخي الكريم

    تحياااتي
    شكرا اختى فاتيما مرورك الطيب

    بالفعل بن سليم صحبنا فى رحلة غاية فى الروعة و التشويق

  5. #5
    [رئيس مجلس الادارة] الصورة الرمزية ابن الخضراء
    تاريخ التسجيل
    Aug 2010
    الدولة
    تونس الخضراء
    المشاركات
    21,768


    تبارك الرحمن ...
    تقرير رائع و صور ممتازة
    ...
    بارك الله فيك أخي ابو منصور
    ...
    و الشكر موصول للاخ عبد الرحمن
    ...
    اعجب بالمشاركة

  6. #6
    [ عضو مجلس الإدارة ] الصورة الرمزية منصور عاشق الترحال
    تاريخ التسجيل
    Feb 2011
    الدولة
    القاهرة
    المشاركات
    5,034

    اقتباس المشاركة الأصلية كتبت بواسطة ابن الخضراء مشاهدة المشاركة

    تبارك الرحمن ...
    تقرير رائع و صور ممتازة
    ...
    بارك الله فيك أخي ابو منصور
    ...
    و الشكر موصول للاخ عبد الرحمن
    ...


    و عليكم السلام و رحمة الله و بركاته

    تسلم ابو محمد

    جزاك الله خيرا على الكلمات الطيبة

  7. #7
    [ عضو مجلس الإدارة ] الصورة الرمزية منصور عاشق الترحال
    تاريخ التسجيل
    Feb 2011
    الدولة
    القاهرة
    المشاركات
    5,034

    الشلال القناطر الخيرية

    2 - الشلال القناطر الخيرية


    واحد من الاماكن العظيمه اللي مش مكتشفه... بمجهود بسيط المكان ممكن يبقي مكان سياحي كبير.


    الشلال مكانه في القناطر الخيريه اللي هيا 22 كيلو تقريبا من القاهره... بناها محمد علي سنة 1847 وفي وقتها كانت من اعظم مشروعات الري في العالم ... محمد علي فكر انه يعمل حدائق زي اللي في اوروبا فا خصص مساحه كبيره جدا للحدائق وجاب اشجار ونباتات من كل مكان في العالم.


    الشلال من الاماكن الجميلة جدا الللي شفتها في القاهره هتلاقي ناس بتنزل المياه وناس بتصطاد.


    *هتلاقي ناس كتيير هناك عايزه تاخد فلوس منك باي شكل ... زي الناس اللي في الهرم ... يمكن علي شان كده مش معروف اوي. وتجنب تماما الاعياد والاجازات الرسميه.


    ناس كتير بتسالني بتعرف الاماكن دي منين ... وكل مكان ليه سبب ...المكان ده عرفته من امي ... هيا سمعت عنه وروحنا نكتسفه مع بعض فهيا اللي مكتشفه مش انا
















































    الحلقة الثانية و هذه المرة يصحبنا بن سليم الى مكان قريب جدا من القاهرة و هى القناطر الخيرية و لكن يعيد اكتشافها و الشلال و صورا تنساب برقة المياه التى تتحرك فى نهر النيل بجمال و عذوبة

    هل يتحقق حلم عبد الرحمن و يتحول هذا المكان الى مركز جذب سياحى ؟؟

    ام ان الافضل ان يبقى على طبيعته و يظل عنوانه هو البساطة ........


    التعديل الأخير تم بواسطة منصور عاشق الترحال ; 2017-01-07 الساعة 01:34 AM

  8. #8
    [ عضو مجلس الإدارة ] الصورة الرمزية منصور عاشق الترحال
    تاريخ التسجيل
    Feb 2011
    الدولة
    القاهرة
    المشاركات
    5,034

    مسجد الشيخ شاهين الخلوتي

    3- مسجد الشيخ شاهين الخلوتي





    من احب الاماكن ليا في مصر واللي بتبسط كل ما اتكلم عنه او اشوف صوره.


    المسجد ده الوحيد من نوعه في مصر لانه منحوت في الجبل زي البتراء كده في الاردن... بس للاسف مع انه اثر بس مهمل تماما ومحتاج مشروع ترميم كبير بسبب حالته نتيجه عدم الاهتمام!!


    انا اول مره شفت المسجد ده كان في طريقي للجامعه سنة 2003... ماكنتش اعرف حتي اسمه ومحدش كان عارف عنه حاجه... ومن ساعتها وانا كل ما اعدي كنت بتمنى اروح اكتشف عنه واطلعه لحد ما طلعته مع اصحابي سنة 2009... المسجد ده ملهوش طلعه وعلي شان تطلعه لازم تتسلق او يكون معاك سلم طويل اوي. المسجد فيه مئذنة وقبر الشيخ شاهين واولاده... وفيه بقايا سبيل مياه وكذا مغارة وثلاث محاريب صلاة علي الاقل.


    المسجد اتبني في فترة الخلافة العثمانية من حوالي 480 سنة و بناه جمال الدين لوالده الشيخ شاهين الخلوتي.

    الشيخ شاهين اتولد في ايران وعاش فيها لحد فترة شبابه وبعد كده هاجر لمصر وفي مصر اشتراه اشرف قايتباي اللي كان حاكم مصر في الفترة دي وخلاه من مماليكه اللي بيحتاجهم في الحروب... بس الشيخ شاهين ماكانتش دي شخصيته... كان شخص زاهد متصوف بيحب يجالس العلماء ويتعلم ويحفظ القرآن فاعتقه قايتباي وتفرغ شاهين للعلم واعتكف في جبل المقطم يقال 30 سنة لحد ما مات وعرف عنه مابين الناس واشتهر بالزهد.


    عاوزين نعرف كل الناس بيه لحد لما المسجد يرجع اثر زي ماكان


    تنبيه: ما تحاولش تطلع المسجد إلا لما يكون معاك الإمكانيات المطلوبة والتصاريح اللازمة خصوصا إن فيه معسكر جيش اعلي المسجد.






























    الحلقة الثالة و نتسلق مع بن سليم و نكتشف اثر جديد هام جدا و لكن مع الاسف مهمل كثيرا رغم انه تحفة معمارية نادرة

    طراز معمارى نادر جدا وخاصة في مصر وهو عمارة الحجر المنحوت Rock cut architecture ويظهر في معبد حتشبسوت ووادي الملوك (ويكيبديا).



    معلومات كمان

    موقع مسجد شاهين الخلوتى (ويكيبيديا)
    هو يقع في سفح جبل المقطم بمنطقة الأباجية، يمكن رؤيته بالقيادة على طريق الأوتوستراد نحو قلعة صلاح الدين ومدافن الأباجية ،حيث يظهر خلف المدافن منحوتًا في الجبل ، وكانت هذه المنطقة تسمى قديما وادي المستضعفين.

    موقع مسجد شاهين الخلوتى (من خرائط جوجل)

    https://www.google.com.eg/maps/place...8!4d31.2682661





    فى نهاية الحلقة نشكر بن سليم على هذه المعلومات و الصور الرائعة التى شاركنا بها و تعريفنا بهذا الاثر التاريخى الهام و نتمنى ان تتحق امنيته و الاهتمام بهذا الاثر المهمل كى يظهر بالمظهر الذى يستحقه و يليق به
    التعديل الأخير تم بواسطة منصور عاشق الترحال ; 2017-01-14 الساعة 06:00 PM

  9. #9
    [ عضو مجلس الإدارة ] الصورة الرمزية منصور عاشق الترحال
    تاريخ التسجيل
    Feb 2011
    الدولة
    القاهرة
    المشاركات
    5,034

    شط بربر ( قرية غرب سهيل النوبة)

    4- شط بربر

    بربر ده اسم شط في قرية غرب سهيل في النوبه... المميز فيه الكثبان الرمليه والصخور اللي علي شط النيل... المكان مناسب لكل الناس حتي الاطفال ... ممكن تقعد تتفرج علي الطيور اللي هتلاقيها كتيير بكل انواعها او تعمل حمام رملة لو عندك اي مشكله في عظمك او مفاصلك بس اكيد لما الجو يكون حر, وممكن تقعد تحت الشجر تستجم ومتعملش اي حاجه او تقعد تصطاد.

    زمان من ايام الفراعنة التجارة كانت بتعدي في المنطقة دي وكان اسم الطريق "درب بربر" وحتي بعد ما بقاش الدرب ده بيستخدم الاسم فضل زي ماهو بربر وبقي مزار للسياح والمصرين.

    كنت كتبت قبل كده ان بربر والنيل في اسوان عموما من احسن الاماكن االي ممكن تنزل تعوم فيها وده حقيقي فعلا.... بس اخر مره كنت هناك انا ومعتز صاحبي قررنا نعوم عرض النيل كله رايح راجع في شط بربر... واحنا في نص الطريق بالضبط جت في دماغي فكره مقلقه جدا... بيوت كتير في النوبه بتربي تماسيح للسياح يتصوروا معاهم... لما التماسيح بتكبر المفروض بيرجعوها بحيره ناصر... بس هو مش ممكن يكون حد رماه قبل قبل الخزان او يكون تمساح هرب من اي بيت لاي سبب!!! الموضوع سببلي توترجدا وانا في المياه بس كملنا العوم ورجعنا الحمدلله بس الفكره لسه في دماغي جدا... سألت المراكبي بتاعنا سؤال بسيط اوي : "هو فيه تماسيح هنا قبل الخزان في الاماكن اللي بننزل نعوم فيها؟"

    والصراحه رد عليا رد ابسط وبهدوء جدا وقال "اه فيه تماسيح"... قال انه بيصطاد سمك بالشبك وانه مسك اثنين صغيرين وفيه واحد كبير قطع له الشبك معرفش يمسكه! قولت اتاكد من كلامه ... دخلنا واحد من البيوت اللي بيربوا فيها تماسيح في غرب سهيل سألت صاحب اليبت نفس السؤال وقال لي ان قريب فيه تمساح هرب من بيت جنبهم ونزل طبعا في النيل!

    من يومين اخويا واصحابه كانوا في بربر وهما علي الشط شافوا التمساح الصغير اللي في الصوره دى.



    فا محدش ينزل المياه في النيل وانا مش بحكي القصه دي علي شان اخوف الناس ... انا بقول علي شان الناس تخلي بالها والمكان يفضل جميل زي ماهو والسياحه متتاثرش بسبب اي حوادث ممكنه . التماسيح بتبعد عن الدوشه والاماكن اللي فيها ناس كثير ده غير البيات الشتوي بس ده لا يمنع اننا نخلي بالنا احسن.


    ودلوقتى مع الصور و عدسة بن سليم































    ربما كانت لى زيارة سابقة لاسوان و توشكى و ابو سمبل الا ان النوبة ظل حلما طالما جال بخاطرى و اهلها الطيبين و طبيعتها الساحرة . عبد الرحمن سليم يقدم لنا هذه الجولة و المغامرة بين النيل و الخضرة و الطيور و التماسيح مزيج يستحق ان يكون من الوجهات السياحية العالمية للاستجمام و العلاج ايضا زى ما بن سليم قال ود ها قتباس بعض فقرات من مقال

    'درب البرابرة'.. الإستشفاء بطمي النيل وصحراء مصر الساخنة (نقلا عن صحيفة العرب)

    فوق سفح رملي غرب نهر النيل تقع قرية غرب سهيل في النوبة بمحافظة أسوان يتوافد عليها السياح في الشتاء والصيف من داخل وخارج مصر للاستمتاع بنقاء رمالها الصفراء الناعمة واستغلال فوائد طمي النيل الذي يجيد أهالي النوبة استخدامه لعلاج الكثير من الأمراض.

    كما يتسم هذا الشاطئ بجودة طمي النيل الذي يجيد أهالي النوبة استخدامه لعلاج الكثير من الأمراض، فضلا عن ماله التي تستعمل علاجا لمرضى الروماتيزم والمفاصل والعظام.أحد المسؤولين عن العلاج برمال وطمي شاطئ البربر، قال إن العلاج بالدفن في الرمال يتم في الفترة ما بين شهري مارس وأكتوبر من كل عام.

    وأضاف أنه “في هذه الفترة تكون درجة الحرارة تحت الأرض مناسبة لاستقبال جسم الإنسان وعلاجه، أما إذا قمنا بدفن جسد المريض في فترة الشتاء فستكون درجة الحرارة تحت الأرض منخفضة جدا ما سيؤدي لمضاعفة آلامه بدلا من معالجتها”.

    وتابع قائلا “لذلك يتوافد علينا السياح في هذه الفترة من كل عام ليسترخوا تحت رمال شاطئ البربر في سلام، ويبرأوا من آلامهم”.
    وأشار إلى أن نسبة السياح الذين يقبلون على شاطئ البربر تكون أكبر في هذه الفترة وذلك لعدة أسباب أبرزها ارتفاع درجة الحرارة وحدة أشعة الشمس التي يهرب منها المصريون خشية إصابتهم بالدوار بينما يقبل عليها الأجانب الذين يعانون من وطأة البرد والعواصف الثلجية في أوطانهم.

    وقال حسب الله إن “السياح الفرنسيين والألمان هم الأكثر زيارة لشاطئ البربر والأكثر إيمانا بالعلاج بالدفن في رماله، كما أن نسبة النساء اللائي يفدن إلى الشاطئ للعلاج برماله أعلى من نسبة الرجال”.وأضاف أن “علاج آلام الروماتيزم والمفاصل بدفن الجسد بالكامل باستثناء الرأس أمر لا يمكن تنفيذه، إلا في الشواطئ التي تتميز برملها الخشن وذلك لأن هذا الرمل يتمتع بتركيبة ربانية فريدة قادرة على جذب الأشعة الفوق بنفسجية إلى جسم المريض ما يساعد على شفائه”.

    المكان له عدة اسمار حيث يتم اطلاق عليه ايضا شاطىء البربر / درب البراررة / درب الاربعين

    و فى النهاية كل الشكر و التقدير للمتألق دوما عبد الرحمن و صفحة رحلات بن سليم على هذه الحلقات من المغامرات و الصور و المعلومات بين ربوع مصر.... و نلتقى ان شاء الله فى الحلقة القادمة

    التعديل الأخير تم بواسطة منصور عاشق الترحال ; 2017-01-20 الساعة 06:26 PM

  10. #10
    [ عضو مجلس الإدارة ] الصورة الرمزية منصور عاشق الترحال
    تاريخ التسجيل
    Feb 2011
    الدولة
    القاهرة
    المشاركات
    5,034

    مرسي عجله - مرسى علم

    5- مرسي عجلة والكائن الاسطوري


    بقالي كذا سنة كل لما اروح مرسي علم بدور علي الكائن الجميل ده من غير ما بلاقيه في الاخر لدرجه اني ابتديت اشك انهم مشيوا من مصر.. الاسبوع اللي فات صحيت من بدري اوي ورحت مع شروق الشمس في الوقت اللي بيفطر فيه وشوفته اخير.
    الدجونج ده هو عروس البحر واللي عملوا عليها اسطوره انها بنت بزعانف... السبب في ده الزعنفه الكبيره والهيكل العظمي والزعنفتين اللي شكلهم شكل الايد.
    هو مسالم جدا وبياكل الحشائش اللي موجوده في البحر واللي موجوده كتيير هناك.
    مرسي عجله بعد كمين مرسي علم علي طول تقريبا ب 5 كيلو والشاطئ جميل والشعب لطيفه بس اللي بيميزها طبعا الدوجنج.


























    الحلقة الخامسة و نعود الى البحر الاحمر و المرة دى و نغوص مع بن سليم و نبحث على الكائن الاسطورة فى مياه مرسى علم "الدوجونج" و هناك الكثير و الكثير ايضا فى مرسى علم مثل الدلافيين و الشعاب المرجانية الطبيعة الساحرة و ....

    مغامرة مثيرة و صور رائعة و مذهلة و الاقتراب منه و مشاهدته عن قرب بالـتأكيد خبرة لا تتكرر كثيرا

    معلومات اكثر عن هذا الكائن نقلا عن صحيفة البيان الاماراتية و مقال بعنوان

    "الدوجونج "حيوان بحري شبيه بالفيل

    يعيش حيوان الـ (دوجونج ) في المياه الساحلية الدافئة في البحر الاحمر و المحيط الهندي و الهاديء، و هو الوحيد بين الحيوانات المائية الثديية الذي يتغذى فقط على الأعشاب في قاع المياه الضحلة و لذلك يطلق عليه اسم (بقرة البحر - sea cow).


    و بالرغم من كونه أحد الثدييات المائية (والتي تصنف منها أيضا الفقمة أو كلب البحر) الا أن هذا الحيوان العملاق ما يميزه بحق هو عدم قرابته لهذه الثدييات وغيرها من الكائنات ولكنه أقرب للأفيال.


    فالأفيال وحيوان الدوجونج يشتركان في كونهما يتبعان للمجموعات (أحادية العرق فهما كلاهما يجمعان صفات من مجموعات حيوانية مشتركة كالوبر ونوع وطريقة الغذاء كالخرطوم .


    يمكن لحيوان الدوجونج المكوث داخل الماء لست دقائق قبل أن يخرج الى السطح للتنفس و تساعد الأم وليدها في الخروج للسطح و التقاط اول نفس في حياته. تحمل أنثى الدوجونج جنينها سنة كاملة و تستمر في رعايته لمدة 18 شهرا.


    يصل طول الحيوان الى 4 أمتار ووزنه الى 900 كغم (أي ما يقارب الطن)، و يشبه في الشكل و السلوك الى حد كبير خروف البحر و هو يتغذى ليلا و نهارا على الاعشاب البحرية التي يبحث عنها بواسطة أنفها الضخم و تقضمها بشفتيها القاسيتين.



    عبد الرحمن على مجهوده الكبير و تعريفه بكنوز مصر السياحية و الحلقات المتميزة

    و الى اللقاء فى حلقة جديدة ان شاء الله


صفحة 1 من 6 123 ... الأخيرةالأخيرة

المواضيع المتشابهه

  1. صور من مصر - Egypt
    بواسطة Esperanza في المنتدى سفاري مصر Egypt
    مشاركات: 20
    آخر مشاركة: 2007-06-08, 07:08 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X