ماشاء الله تبارك الله ولاقوة الا بالله
محتوى دسم وغني بالمعلومات وتقديم اكثر من رائع ولابد من العودة مراراً لمثل هذه الموضوع
انا من محبي رياضة الغوص والمائية عموماً وقريباً سأكون هناك ان شاء الله ولكن لا اعتقد ان الطقس يساعد لهذه الرياضه بهذه الفتره
ولكنها ستبقى امنية اسأل الله ان يحققها لي ان لم يكن الان فبعد آن بإذن الله، ونشوف الكائن الاسطورى ع الطبيعه ان شاء الله
شكراً للاخ بن سليم على هذه الصور الاحترافية وشكراً للرائع عاشق على اظهارها في هذا الصورة المتميزه
شكراً لكم
المشاركة الأصلية كتبت بواسطة طومار
ماشاء الله تبارك الله ولاقوة الا بالله
محتوى دسم وغني بالمعلومات وتقديم اكثر من رائع ولابد من العودة مراراً لمثل هذه الموضوع
انا من محبي رياضة الغوص والمائية عموماً وقريباً سأكون هناك ان شاء الله ولكن لا اعتقد ان الطقس يساعد لهذه الرياضه بهذه الفتره
ولكنها ستبقى امنية اسأل الله ان يحققها لي ان لم يكن الان فبعد آن بإذن الله، ونشوف الكائن الاسطورى ع الطبيعه ان شاء الله
شكراً للاخ بن سليم على هذه الصور الاحترافية وشكراً للرائع عاشق على اظهارها في هذا الصورة المتميزه
شكراً لكمان شاء الله يكون لك لقاء مع الدوندونج
بن سليم مغامر و رحالة من الطراز الاول اتشرف بتقديم هذه الحلقات
و سعيد جدا ان نال التقرير اعجابك و كلماتك الرائعة وسام لنا
نتمنى ان لا تحرمنا من وجودك المميز
6- جبل سربال العظيم - سيناء Jebel Serbal
واحد من اجمل الجبال الموجودة في مصر واللي لازم تروحه لو انت من محبين الجبال والمشي في الطبيعة.
الجبل في وادي فيران في جنوب سيناء وارتفاعه 2070م فوق سطح البحر ومع انه مش اطول جبل في مصر بس منحدر جدا وبيحتاج مشي كتيير.
الجبل كان من الجبال المقدسة قبل رحلة خروج بني اسرائيل واللي يقال كان الناس بتحج ليه كل سنة.
فوق الجبل فيه Maze معمولة من الحجارة جميلة جدا. غير الخضرة اللي في الطريق. المنظر من فوق الجبل ياخد العقل ... هتحس ان الدنيا كلها بمشاكلها وهمومها ومكاسبها المؤقتة صغيرة اوي ومش مستاهله الهم والقلق والنزاع.
الترتيب لطلوع الجبل مش سهل
نصيحة: لو هتروح سافر من القاهره بالليل ... اتحرك من الطرفه مع شروق الشمس هتمشي تقريبا خمس ساعات وهتوصل لفرش اللوزه (وده مكان في مياه طعمها جميل جدا وجنبها حبك في كل مكان) واوضه بيتوا جنبها وثاني يوم من الشروق اتحرك هتوصل للقمة بعد 4 ساعات تقريبا للناس المتوسطة اللياقة وبعد كده هتنزل من نزلة ثانية هتاخد ثلاث ساعات اتجاه الاسفلت, بس اكيد لازم يكون معاك دليل من الجرارشة اهل المكان طول الرحلة.
الجبل ده من الاماكن الجميلة جدا اللي لازم تروحه او علي الاقل تعرف عنه
بن سليم ينقلنا هذه الى المرة الى ارض الفيروز و سيناء و نكتشف و نتعرف على جبل سربال مغامرة مثيرة و مناظر طبيعية خلابة سبحان الله
مغامرة مميزة تحتاج الى تخطيط جيد و لياقة بدنية تناسب مشاق الرحلة و وجود مرشدين من اهل المنطقة و اختيار الطقس المناسب
شبه جزيرة سيناء. الجانب الغربي، جبل سربال من جهة الشرق. يبلغ ارتفاعه 2300 متر. 1910
المصدر المكتبة الرقمية العالمية هذه الصورة مأخوذة من بيلدر أوس بالاستينا، نورد-أرابين أوند ديم سيناي (صور من فلسطين وشمال الجزيرة العربية وسيناء)، وهو ألبوم يتألف من 105 صور لمشاهد من الشرق الأوسط التقطها عالم الآثار والمستشرق الألماني بيرنهارد موريتز (1859-1939).
https://www.wdl.org/ar/item/14575/
كل الشكر و التقدير عبد الرحمن سليم الرحالة المتميز و تمنياتى بمزيد من التألق و النجاح و الى اللقاء فى المغامرة القادمة ان شاء الله
التعديل الأخير تم بواسطة منصور عاشق الترحال ; 2017-02-11 الساعة 12:57 PM
7- الكانيون الملونColored Canyonفيه في مصر كانيون كتيير منهم علي الاقل 10 مشهورين... منهم اللي ناس عارفه انه كانيون زي الكانيون الابيض والكانيون الملون وكانيون سلامة ومنهم اماكن الناس بتروحها ومش عارفه انها كانيون.
طيب ايه هو الكانيون اصلا؟
الكانيون هو عبارة عن وادي ديق بين جبال او تلال منحدرة واتكون من سنين طويلة ممكن توصل لملايين السنين بفعل المياة والرياح في الاغلب. مياه الامطار اوقات بتتجمع في حفر فيه وبتعمل بحيرات جميلة جدا واوقات لا... بره مصر انهار كتير بتقطع الكانيون وبتكون من اجمل الحاجات اللي ممكن تشوفها في حياتك زي وادي موجب في الاردن مثلا او ال grand Canyon اللي بيعدي منه Colorado River واللي بيعتبر من اكبر الكانيون الموجوده في العالم 446 كيلو!
بناء علي التعريف السابق فا وادي الوشواشي يعتبر كانيون... خرزة شق طلاح في سانت كاترين يعتبركانيون... وادي صقر اللي جنب خرزة الشق يعتبر كانيون
ال Coloured Canyon او الوادي الملون اهم كانيون موجود في مصر ولو انت بتحب الهايكنج او لو بتحب التصوير فا المكان ده بالنسبة ليك يعتبر كنز والتكوينات الصخرية اللي هتشوفها هتبهرك جداا.
الكانيون 90 كيلو من دهب وقريب جدا من نويبع... علي شان تروح الكانيون هتحتاج تروح بعربية 4*4 تعمل سفاري صغير في وادي وتير وبعد كده هتمشي 800 متر علي رجلك بين الوادي.
الطريق في الوادي اوقات بيكون واسع واوقات بيديق لدرجة انك تحس ان مفيش طريق خلاص ولازم ترجع. الطريق مع كده سهل جدا مفيش فيه غير صخرة او اثنين اللي هتحتاج تستخدم ايدك ورجلك وتخلي بالك وانت بتعدي منهم. لو حد مش رياضي ووزنه ثقيل شوية هيكون فيه تقريبا مكانين صعبين شوية.
اتسمي بالوادي الملون علي شان هو متكون من انواع صخور كتير زي الجرانيت والحجر الجيري والبازلت وغيره واللي بيكون طبقات بالوان مختلفة بشكل جميل جدا.
فيه في نصف الطريق استراحة لو تعبت... رتب مع الدليل البدوي اللي معاك يعملك شاي او اكل لو احتجت.
ابتدي يومك من بدري اوي هناك علي شان الاضائة الصبح بدري بتبقي حلوة جدا في التصوير وعلي شان الجو مبيكونش حر... واكيد خد مياه كافيه معاك واكل خفيف هناك علي شان مش هتلاقي حاجه طبعا.
وانت ماشي بص كويس في الوان واشكال الصخور واتامل فيها... الهدف مش انك تخلص الطريق بسرعه.
الكانيون لو هتمشي علي طول هياخد منك ساعتين او ثلاثه... ممكن بعدها تروح تكمل يومك علي البحر في نويبع او في دهب هتبقي رحلة حلوه اوي.
نواصل مع بن سليم جولاته فى سيناء و هذا الوادى الرائع سبحان الله ما اروعه و اكتشافات جديدة ....
كلمات و عدسة عبد الرحمن كفت و وفت و تركتنا فى حالة من
الى اللقاء فى الحلقة الجديدة ان شاء الله
مغامرات و عدسة : بن سليم
تقديم : م/ محمد منصور
السلام عليكم و رحمة الله و بركاته
مع بداية عام 2017 يسعدنا ان نقدم لكم هذه السلسلة الجديدة و مغامرات من مصر مع بن سليم مغامر عشق مصر و قرر ان يهدى العالم احلى مغامراته على صورة حلقات اسبوعية رياضة عن اماكن جديدة عبر ربوع مصر سوف تكتشفها سويا عبر منتدى سفارى بعد موافقته الكريمة بالتعاون مع صفحته على الفيسبوك
كل الشكر و التقدير للرحالة المتألق / عبد الرحمن بن سليم
تعالو نشوف بن سليم بيقول ايه مقدمة عن الرحلات
انا واحد من الناس اللي بتحب مصر جدا بالرغم من التحديات اللي بنواجهها كل يوم.
وبحبها لسببين اساسين... الأول أن فيها اماكن جميلة جدا بحس اني في بيني وبينها صلة ... زي جبال كاترين او تحت المياه في البحر الاحمر او في صحراء سيوة او في المساجد القديمة في كنوز مصر القديمة.... أماكن كتير منها مش معروفه
والثاني ان فيها اهلي واصحابي وناس كتيير طيبه ولسه جدعان ... بس عايشين بعيد عننا ولسه كتير منهم علي الفطرة زي اهلنا في النوبة او كاترين او شلاتين بنشوف منهم طيبة وكرم غير عادي.
ان شاء الله هبتدي مشروع التصوير وهصور وهكتب عن اماكن كتيير في مصر مش معروفة ولكل مكان فيها قصة كبيرة او جمال مش عادي... انا هنزل 100 بوست كل بوست هيكون كل خميس بالليل وعن مكان جديد وقصة جديدة.
المؤكد اننا على موعد مع المغامرة و الاثارة و المعلومات و العدسة الموهوبة التى تخطف الانفاس .....بعد قليل الحلقة الاولى
شكرا كثيرا على الطرح الرائع والجميل عزيزي
تسلم اخى الكريم و سعيد بمروك و ان شاء الله لدينا المزيد و المزيد من الحلقات و الروائع مع المغامر المتميز بن سليم
طرح رائع وجميل بانتظارك الاسبوع المقبل عن الجديد شكرا اخوي
تسلم اخى الكريم.
و ان شاء الله هناك مزيد من الامتاع و المغامرات مع بن سليم
تابعنا ان شاء الله
8 جبل عباس باشا Jebel Abbas Pasha
واحد من احلي الجبال الموجودة في مدينة سانت كاترين واللي لازم كل سنة اطلعه اكثر من مرة.
من 164 سنة تحديدا سنه 1853 الخديوي عباس قرر يبني قصر في مكان غريب فوق الجبل بقال للاستشفاء بعد نصيحة الاطباء.
اختيار مكان الجبل كان عن طريق انهم سابوا قطع لحم فوق كذا قمة وقمة جبل عباس كانت اكتر قمة حافظت علي اللحمة وبالتالي اصح مكان... بس للاسف الخديوي عباس مات بعدها بسنة ومكملش بناء القصر.
الجبل ثالث اعلي قمة في مصر بعد جبل كاترينا وام شومر, الجبل مميز جدا مكانه بانورامي كاشف مدينة سانت كاترين وقمم الجبال الثانية من فوق.
سانت كاترين مش جبل موسي بس... فيه جبال ووديان كثير اوي جميلة جدا محتاجه عمر علشان تتشاف كلها.
من اللحظة اللي بتبتدي تمشي فيها والمشاكل والهموم بتبتدي تقع خطوة ورا الثانية... حاله الصفاء الذهني اللي بوصلها علي القمة والاحساس ان الدنيا بهمومها ومشاكلها صغيرة اوي هما اللي بيرجعوني كل شوية هناك.
طبعا طلوع الجبال والهايكنج من الرياضات اللي بتحتاج استعداد ولياقه حسب مستوي الجبل ... اول لما كثير بيسمع او بيشوف صور الثلج في كاترين بيروح هناك علشان يشوف الثلج... بس طلوع الجبل في الوقت ده والجو ده بيعتبر مستوي متقدم وبيحتاج لبس معين مش موجود عند معظمنا وفي الاخر التجربه اللي ممكن تحصلنا في الطلوع في جو كده مع عدم الاستعداد ممكن تبقي سلبيه . لو عمرك ماطلعت جبل قبل كده ممكن تجرب تتمشي في وادي من الوديان هناك في الربيع او الخريف الجو بيكون روعه وهتشوف مناظر اشجار وفاكهه مش هتنساها.
الهايكنج رحلة وقمة جوانا بنوصلها ... في الرحلة دي بنقابل ناس عمرنا ما هنقابل ناس زيهم في اي مكان ثاني زي عامرية اللي عايشه في وسط الجبال واللي هتشوفها لو رايح جبل عباس (انا هسيب للي يعرفها يحكي عنها وعن تجربته معاها).
الست عامرية او ام السعد يطلق عليها البعض ملكة الجبل
انا كنت مستمتع جدا و انا بنقل التجربة دى لحضراتكم المعلومات السرد الصور سبحان الله على الطبيعة و الجمال مصر مليانة كنوز
مش محتاجين نكرر ان طلوع الجبال و الهايكنج بيحتاج تجهيز سليم و وجود ادلة من اهل المنطقة و مستوى لياقة معين بيحتلف من جبل للتانى
الجبل ده اتسمى جبل قصر عباس و اختصر الى جبل عباس و المقصود هوعباس باشا الأول حفيد محمد على باشا (هو بن الأمير طوسون باشا بن محمد على باشا) حاكم مصر بين عامي 1848 - 1854
قصر عباس باشا بـ"جبال سانت كاترين".. مشروع لعلاج "الربو" لم يكتمل بناؤه (بايجاز نقلا عن جريدة الاهرام)
خطط الملك عباس باشا لبناء قصر فوق ثالث أعلى قمة جبلية بمدينة سانت كاترين، وذلك أملاً في الاستشفاء والتعافى بهواء الجبل الصحي.
وبدأ بالفعل في إقامة القصر على مساحة 450 م2 وتم اختيار هذا الجبل الذي يبلغ ارتفاعه 2383 متر فوق سطح البحر ليكون أرضًا لإقامة القصر، والذي يمكن تسلقه بداية من مدينة سانت كاترين حتى القمة في مدة زمنية تصل إلى 3 ساعات ونصف عن طريق مدق أبو جيفة مرورًا بعين شكية (عين مياه للشرب)، ووادى الأخديد ومنطقة الزواتين ووصولًا في النهاية لقمة جبل عباس باشا.
بدأ الملك عباس الأول باشا بالتشييد والبناء عام 1853م ولكنه مات في العام التالى 1854م وتوقف بناء القصر الذي كان سيعد تحفة معمارية ليس لها مثيل في ذلك الوقت، ومازال القصر الذي لم يكتمل بناؤه حتى الآن مهجورًا على القمة ويمكن رؤيته من أسفل الجبل واضحًا.
كان الملك عباس باشا الأول، قد قرر أن يشيد القصر من طابقين، ولازالت كتل الجرانيت التي لم تستخدم ملقاة ومبعثرة، والبوابات لم يكتمل بناؤها ومحاطة بأعتاب عليا رائعة الشكل ومربعة المساحة، وتم استخدام مادة تحل محل الأسمنت عند البناء، وهى مادة كانت تصنع من كسارات رواسب جيرية على صخور غمرت بالمياه.
وتعتبر رحلة الصعود والسير إلى منطقة وقمة جبل عباس باشا بمثابة رحلة علاجية استشفائية وبيئية وسياحية، ما يؤكد أن سانت كاترين ليست مخصصة للسياحة الدينية فقط، إنما يضاف إليها السياحة الاستشفائية من مرض الربو.
كل الشكر و التقدير للمغامر المصرى الرحال عبد الرحمن سليم
التعديل الأخير تم بواسطة منصور عاشق الترحال ; 2017-02-24 الساعة 03:39 PM
9- دير القديس سمعان الخراز
دير القديس سمعان الخراز من الاماكن المبهرة اللي في القاهرة
ينسب للقديس سمعان الخراز قصة نقل جبل المقطم بحسب الرواية المسيحية في عصر الخليفة المعز لدين الله الفاطمي
المكان هناك مكون من اربع كنائس هما :
1- كاتدرائية السيدة العذراء والقديس سمعان الخراز
الكنيسة موجودة في تجويف في جبل المقطم شكلها جميل جدا.
2- كنيسة الانبا ابرام بن زرعة السريانى (البطريرك 62)
اتسمت الكنيسة باسمه تخليدا لمعجزة نقل الجبل التى تمت فى عهده
3- كنيسة مار مرقس و قاعة القديس سمعان الخراز ومكانها في مغارة كبيرة جوه الجبل نفسه تسع ل 2000 شحص وعلي شان توصل للشكل ده احتاجت نقل 140 طن حجارة
4- كنيسة الانبا بولا اول السواح
في كل مكان هناك هتشوف تماثيل منحوتة في الجبل بتحكي قصص كتير ... المنحوتات دي اللي نحتها واحد اسمه ماريو من بولندا كان في زيارة للدير وقرر انه ينحت تماثيل فنية تحكي قصة الجبل فنحت76 تمثال ولحد دلوقتي ممكن تشوفه لو رحت.
مش بس التماثيل كمان عمل انشطة جميلة جدا استغل فيها الجبل من تسلق لمشي علي الحبال وغيره ودي من التجارب الجميلة جدا اللي لازم تجربها هتغير جو وتنبسط جدا
مكان الكنيسه في حي الزبالين في منشية ناصر هتدخل اخر دخلة للمقطم علي الشمال من طريق النصر وانت في الاتجاه من مدينة نصر للقلعة , بس مكانها بيتوه شوية للي مراحش قبل كده فا احسن حاجه انك تمشي علي خرايط جوجل واول ما توصل حي الزبالين تسأل اهل المنطقة تمشي ازاي الناس كلهم هناك عارفينها تجنبا لاي طريق مقفول.
مكان جديد بنكتشفه مع عبد الرحمن طبعا و الدير ده بيرتبط باسطورة نقل جبل المقطم فى عهد المعز لدين الله و لكن بعيدا عن هذه القصة - التى تخالف معتقداتنا كمسلمين - فهذا الدير واحد من التحف المعمارية المنحوتة فى جبل المقطم و يعتبر مزار سياحى للمصريين و الاجانب
ضوابط المشاركة
13اعجاب
رد مع اقتباس
