4اعجاب
م/ محمد منصور
السلام عليكم و رحمة الله و بركاته
النهاردة ان شاء الله هنروح رحلة سريعة و تناول وجبة الغداء فى مطعم كابر صبحى الشهير فى منطقة روض الفرج فى شبرا و هو مطعم فى منطقة شعبية يتميز بجودة مأكولاته من المشويات و الطواجن و اسعاره المعقولة لكن ادام كده موقع المطعم و القعدة ممكن تكون مش قد كده و خصوصا لو هتقعد فى الشارع بعيد عن المطعم شوية (فيه ترابيزات داخل المطعم بس صغير جدا قدام العدد الى بيروووووح )
العنوان : 4 شارع فراج حميدة ، روض الفرج
ازاى تروح : لو هتركب مترو اقرب محطه مترو هي روض الفرج او مسره خط شبرا بتنزل وتركب سواء تاكسي او توك توك وتقوله مطعم صبحي او تدخل من ناحية كورنيش روض الفرج
الموقع على خرائط جوجل :
https://www.google.com.eg/maps/place...76!4d31.233471
دى المنيو جبتها حديثة من صفحتهم على الفيس :
منيو مطعم صبحى كابر (مطعم الإخلاص والأمانة )فسحة جميلة مع الاصدقاء روحنا بالمترو و نزلنا محطة مسرة و اتمشينا لاول شارع مسرة و ركبنا تكتك ب 5 جنيه للمطعم قبل ارتفاع البنزين
مواضيع اخرى لنفس الكاتب
القاهرة تتجمل و تستعيد ذكريات الماضى العريق (جولة فى وسط القاهرة التاريخي )
منطقة سقارة الاثرية ..... تاريخ طويل و اهرامات متعددة الانماط
انا و سيوة و ساعات السفر (رحلة المشتاق الى اجمل الواحات )
صور السوبر المون حول العالم نوفمبر 2016 (تأمل عظمة الخالق و ظاهرة القمر العملاق)
الباص السياحى طريقة رائعة لاكتشاف المدن (اشهر شركات الباص السياحى )
ذكريات و حنين و حكايات شارع المعز ( باب زويلة و مسجد المؤيد و الاشرف برسباى )
وجهات سياحية سرية ساحرة فى اروربا (اكتشف مع سفارى الحلقة الثالثة)
اول ما بتنزل بتلاقى نفسك عند جزار - وده تبعه برضه لانه حسب الى شوفته و بيتقال عنده سياسة اكتفاء ذاتى اللحم من المزارع بتاعته للجزار بتاعه و هكذا - و جنبيه المطعم و دورنا على مكان نقعد عشان كنا جروب و العمال الى فى المطعم ضمو ترابيزات عجيبة لبعضعها و قعدنا طبعا اول ما اقعدت قولت انا ايه الى جابنى هنا
بس صراحة لما الاكل نزل و العيش الصابح الى بيجى بنار الفرن – عنده فرن خاص بالمطعم – لاقيته فعلا يستاهل حلو جدا جودة و نضافة و الجروب كله عجبه الاكل
احلى سيلفى مع اجدع صحاب
يعنى باختصار لو بتحب الالاطة و بتدور على جلسات المولات و المطاعم الفخمة يبقى مش ده المكان المناسب ليك و لو عاوز تجرب شعور المطاعم الشعبية يبقى هوا ده
هتتفاجىء بكم الناس و الزحمة حتى لو مكنش نهاية الاسبوع و كم البشر الى جايين من كل حتة و جمعهم عشقهم للمشويات و الاكلات الى بيتفنن فيها صبحى زى الملوخية و الممبار و الكبدة باللية و الكباب و الكفتة و الطرب و الحمام و حاجات تانية كتير
و دى صور من شبكة الانترنت من صفحة المطعم على الفيسبوك
و تجاوزت شهرة كابر صبحى المشاهير المصريين الى الاجانب و هنا زعيم الاغلبية فى البرلمان الايطالى يتناول وجبة مصرية جدا فى كبابجى صبحى
اتمنى ان يلاقى الموضوع و الى اللقاء فى مواضيع اخرى شهية
رد مع اقتباس
المشاركة الأصلية كتبت بواسطة الدهـنـــيـم
انا كل ما مابدخل نفسى بتتفتح 
