النتائج 1 إلى 8 من 8

الموضوع: رحلة الى دهب .....تقرير متكامل بالتفاصيل والصور والاسعار (الجزء الاول)

  1. #1
    مسافر نشيط الصورة الرمزية مصطفى-حسن
    تاريخ التسجيل
    Apr 2013
    الدولة
    العاشر من رمضان-مصر
    المشاركات
    58

    رحلة الى دهب .....تقرير متكامل بالتفاصيل والصور والاسعار (الجزء الاول)


    رحلة الى دهب ...تقرير متكامل بالتفاصيل والصور والاسعار
    ــــــــــــــــــــــــــــــــــــ
    السلام عليكم ورحمة الله وبركاتة
    الموضوع دة عبارة عن رحلة لمدينة دهب المصرية فى سيناء على شاطى خليج العقبة واتمنى انة يكون مفيد ومرجع شبة شامل لاى حد بيفكر يروح دهب

    فى البداية الرحلة كانت بعربيتى وكنت انا و عماد فقط
    طلعنا من العاشر من رمضان يوم 2 / 9 /2015 الساعة 10 ليلا ووصلنا دهب 5 فجرا

    علشان تروح لهناك بالعربية انت قدامك 3 طرق

    1 - طريق نوبيع
    2 - طريق سانت كاترين
    3 - طريق شرم الشيخ

    الطريق الاول يعتبر اطولهم على الاطلاق

    فبالتالى يفضل قدامك طريق سانت كاترين او طريق شرم الشيخ

    الاول بص على الخريطة وانا هشرح لك وهوصف لك الطريقين بدقة وهشرحلك معنى الارقام اللى على الخريطة اللى انا عاملها علما بان نقطة الوصول هيا دهب رقم 5




    بصفة عامة الانطلاقة الحقيقية ليك هتكون بعد ما تعدى نفق الشهيد احمد حمدى تحت قناة السويس وخصوصا لو انت جاى من القاهرة او الوجة البحرى عموما او حتى الصعيد


    وهنبدأ بطريق سانت كاترين اللى هو معدى على النقط 1 -2 -3- 5 وتابع الخريطة فى الشرح

    المسافة من رقم 1 الى رقم 2 الطريق معقول الى حد ما علما بان الطريق فردة واحدة (رايح جاى) ومنحنياتة معقولة لحد ابو رديس بتبقى المنحنيات صعبة جدا
    فأجبارى هتهدى السرعة ونقدر نقول متوفر علية الخدمات الى حد ما نظرا لانك بتمر باكتر من مدينة

    بعد كدة الوصلة من 2 الى 3 اللى هيا من ابو رديس لسانت كاترين ......الوصلة دى بردو فردة واحدة ومتعرجة جدا ومفيهاش اى خدمات ولا محطات وقود وشبكة المحمول غالبا ضايعة بسبب الجبال اللى انت ماشى فى وسطها و مليانة كماين جيش
    لحد ما توصل سانت كاترين هتلاقى فيها بنزينة بس احيانا مبيكونش فيها بنزين

    فانت اعمل حسابك انك تفول بنزين فى راس سدر وهيكفيك مرتاح لحد ما تدخل دهب

    من بعد سانت كاترين لحد دهب اللى هيا النقطة من 3 الى 5 دى وصلة زى الزفت لانها متعرجة جدا جدا وصعود وهبوط ومش بس كدة دا كمان الاسفلت بتاعها مهترء وخشن ومليان حفر بفعل الزمن فلازم تخلى بالك وانت سايق ومينفعش تاخد الوصلة دى بالليل لانك اكيد هتلبس فى اى حفرة صغيرة وممكن تعمل لك مشاكل فى الكاوتش او العفشة بتاعة العربية

    ودى صور من الطريق ولاحظ الحفرة الصغيرة فى اول صورة








    الطريق دة من عندى من العاشر من رمضان الى دهب 520كيلو

    نيجى للطريق التالت اللى هو طريق شرم الشيخ واللى انا عاملة باللون الاحمر ومعدى على النقط 1 - 2 - 4 - 5

    من النقطة رقم 1 الى النقطة رقم 4 اللى هيا شرم الشيخ معقول الى حد ما لكن بردو من بعد ابو رديس تقريبا مفيش خدمات لحد ما تدخل شرم الشيخ من برة وتاخد الدائرى علشان تروح لدهب وهتلاقى بنزينة اول ما تعدى من بوابة شرم

    الملاحظة الوحيدة اللى بنهبك ليها هيا الطريق من شرم الشيخ لدهب اللى هيا الوصلة من 4 الى 5 من بعد ما تعدى الكمين عبارة عن تعبان متلوى يعنى ببساطة مفيش حتى 3 كيلو متر مرصوفين بشكل مستقيم لكن الطريق فردتين رايح جاى
    وناعم ومرصوف بمواصفات ممتازة وبالليل كلة عواكس وارشادات وطولة من العاشر من رمضان لدهب 610كيلو

    وصلنا دهب
    اولا دى معلومات كاملة عن المدينة
    https://ar.wikipedia.org/wiki/%D8%AF%D9%87%D8%A8

    او انا ممكن الخصها ليك فى سطرين وهيا ان دهب مدينة صغيرة جدا وبسيطة جدا ورخيصة فى كل خدماتها ونشاط المدينة الرئيسى سياحيا بيرتكز على
    1 - الغوص الاسكوبا
    2 - الغوص الحر
    3 - السنوركل
    4 - رياضة الشراع او الطائرات الورقية
    5 - رحلات سفارى

    فلو انت ملكش فى حاجة من الكلام دة او معندكش استعداد تجرب الكلام دة يبقى مش هتلاقى حاجة تناسبك فى دهب

    والتالى هيا اسعار بعض الرحلات علما بأن الاسعار دى تقريبية وقابلة للزيادة والنقص قليلا:

    1 - رحلة سنوركل فى اى مكان الفرد 100ج شاملة زعانف وماسك ولايف جاكت فقط ووسيلة المواصلات ولا تشمل وجبات او مشروبات
    2 - رحلة غوص اسكوبا مدتها ساعة للمبتدئين 300ج ولا تشمل وجبات او مشروبات
    3 - رحلة سفارى بالبيتش باجى فى وقت الغروب او الشروق 140ج ولا تشمل وجبات او مشروبات
    4 - رحلة سنوركل باليخت 220ج وتشمل وجبة ومشروب وزعانف وماسك لمن يجيد السباحة اوالغطس الحر اوالسنوركل
    5 - مرافقة مصور ليك فى اى رحلة تحت المية تقريبا من 200 الى 300 ج على حسب الاتفاق والوقت


    بالنسبة ليا انا وصاحبى فاحنا مش محتاجين اى حاجة من الكلام دة لان كان معانا الزعانف والماسك والجوانتى وحزام الرصاص والكاميرات فى العربية
    فكنا بنتحرك بالعربية ننزل قدام الشاطى المقصود ونتعامل وبعد ما نخلص نرجع العربية تانى ونروح لشاطى تانى وهكذا

    كل اللى هتحتاجة لو انت هتعمل زينا ايس بوكس تحط فية بعض المشروبات الباردة والعصاير

    وكل الشواطى هناك مجانية

    تلقائيا ولا اراديا اول يوم صحينا من النوم نزلنا متوجهين مباشرة الى مقبرة الغواصين المحترفين ( البلو هول )

    ودى معومات كاملة عنة ضرورى تقراها علشان هتفيدك جدا
    https://ar.wikipedia.org/wiki/%D8%A7...AD%D9%85%D8%B1)


    الطريق لية سهل لان المدينة صغيرة وهو فى الشمال منها على بعد 10 كيلو متر واخر 2 كيلو وانت رايح الاسفلت بيخلص وبتبدا تمشى على مدق ودى بعض الصور












    اول ما توصل هتلاقى العربيات الجيب التويوتا بتاعة الرحلات راكنة عامودى على البحر فى صفين .....ركنا العربية فى وسطهم




    وكنا لابسين من الفندق فنزلنا علطول

    واليكم بعض الصور



    <a href="http://s1357.photobucket.com/user/zarifsasa/media/P1050749%20Copy_zps3dzeoexg.jpg.html" target="_blank"><img src="http://i1357.photobucket.com/albums/q757/zarifsasa/P1050749%20Copy_zps3dzeoexg.jpg" border="0" alt=" photo P1050749 Copy_zps3dzeoexg.jpg"/></a>

























    ومن الاخر مفيش حد بيروح دهب بدون ما يروح البلو هوا وهو بيصلح لكل الناس حتى اللى مبيعرفش يعوم بيلبس لايف جاكت ويتفرج

    بعد ما خلصنا البلو هول رجعنا حوالى 2 كيلو الى الكانيون
    وركنا العربية قدام الشاطى ونزلنا
























    وبكدة يبقى خلصنا الجزء الاول
    ويتبقى الجزء التانى والاخير
    واللى هيكون اسمة


    رحلة الى دهب ...تقرير متكامل بالتفاصيل والصور والاسعار (الجزء التانى والاخير)



  2. #2
    عضو فعال الصورة الرمزية الدهـنـــيـم
    تاريخ التسجيل
    May 2008
    الدولة
    قطر
    المشاركات
    3,664


    تقرير جميل يا باشا
    معلوماتك و تجهيزاتك ممتازة
    ربنا يديك الصحة

    نشوفك في الجزء الثاني
    ان شاء الله

    تحياتي

    التعديل الأخير تم بواسطة منصور عاشق الترحال ; 2015-09-08 الساعة 11:37 PM

  3. #3
    [ عضو مجلس الإدارة ] الصورة الرمزية منصور عاشق الترحال
    تاريخ التسجيل
    Feb 2011
    الدولة
    القاهرة
    المشاركات
    5,034

    عودة قوية يا درش و من تحت اعماق البلو هول

    صور تحفة و تقرير رائع

    سؤال ع السريع

    لو بعوم نص نص اقدر انزل فى البلو هول باللايف جاكت و لا خطر

  4. #4
    مسافر نشيط الصورة الرمزية مصطفى-حسن
    تاريخ التسجيل
    Apr 2013
    الدولة
    العاشر من رمضان-مصر
    المشاركات
    58

    اقتباس المشاركة الأصلية كتبت بواسطة الدهـنـــيـم مشاهدة المشاركة

    تقرير جميل يا باشا
    معلوماتك و تجهيزاتك ممتازة
    ربنا يديك الصحة

    نشوفك في الجزء الثاني
    ان شاء الله

    تحياتي

    شكرا على التشجيع
    والحمد لله انا بكون عامل حسابى على قدر المستطاع لاى طلعة
    واشوفك فى الموضوع بتاع الجزء التانى

  5. #5
    مسافر نشيط الصورة الرمزية مصطفى-حسن
    تاريخ التسجيل
    Apr 2013
    الدولة
    العاشر من رمضان-مصر
    المشاركات
    58

    اقتباس المشاركة الأصلية كتبت بواسطة عاشق وقليل الترحال مشاهدة المشاركة
    عودة قوية يا درش و من تحت اعماق البلو هول

    صور تحفة و تقرير رائع

    سؤال ع السريع

    لو بعوم نص نص اقدر انزل فى البلو هول باللايف جاكت و لا خطر
    متشكر على زوقك وعلى التشجيع
    وبالنسبة لسؤالك فحتى لو مبتعرفش تعوم خالص بتلبس لايف جاكت وهو بيرفعك فوق المية بمنتهى البساطة وتلف كل حتة فى البلو هول بمنتهى البساطة

  6. #6
    مسافر نشيط
    تاريخ التسجيل
    Oct 2015
    المشاركات
    47

    مواضيعك مميزه اخي مصطفى
    بإنتظارك دائما يا بطل


    شكرا لك

  7. #7
    مسافر جديد الصورة الرمزية مسافر في عيونك
    تاريخ التسجيل
    Oct 2015
    المشاركات
    8

    تقرير راااائع


    شكرا لك

  8. #8
    [رئيس مجلس الادارة] الصورة الرمزية ابن الخضراء
    تاريخ التسجيل
    Aug 2010
    الدولة
    تونس الخضراء
    المشاركات
    21,768


    -------------------------
    تقرير رائع كالعادة من الأخ مصطفى حسن ..
    بارك الله فيك و جزاك الله خيرا ...
    بانتظار جديدك ...


المواضيع المتشابهه

  1. تقرير رحلتي إلى أوروبا باريس زيلامسي انترلاكن ميونخ الجزء الأول باريس
    بواسطة عبدالله ولد ابوي في المنتدى سفاري فرنسا وألمانيا France & Germany
    مشاركات: 4
    آخر مشاركة: 2015-12-24, 08:42 AM
  2. تقرير أول رحلة للمسافر 2007 إلى بلاد العمه؛؛؛؛؛؛
    بواسطة المسافر2007 في المنتدى سفاري إندونيسيا Indonesia
    مشاركات: 7
    آخر مشاركة: 2007-08-14, 11:48 PM
  3. اسعار رحلاااات الى اروبا عامة ،، تفضل بالزيارة
    بواسطة محمد الدارى في المنتدى سفاري فرنسا وألمانيا France & Germany
    مشاركات: 11
    آخر مشاركة: 2005-08-23, 12:23 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X