اريد السفر الى تركيا المدة 10 ايام بـ 7 اشخاص بالغين و 2 طفلين والميرانية 25000 ؟؟؟

[أميرة البحور السبعة]

السلام عليكم يا أخوان
أتوقع عنواني واضح وصريح ..
انا بنت دخلي محدود وابي افاجئ امي وابوي واخواني بسفره الى تركيا
ميزانيتي مابين 25000 الف إلى 30000 الف..
والمدة اللي حابه نقضيها هناك 10 ايام بالذهاب والعودة


اللي ابيه منكم هل تكفي فلوسي ؟

+

ابي تخطيط ميسر للسفرة والتنقل بين المناطق اللي اقضيها فيها علماً بان أللي معي كبار بالسن " أبوي وأمي "
ابي اماكن حلوة ترشحونها لي مابين مناطق ريفية وحضارية وكل مدينة كم اقضي فيها يوم من وجهة نظركم؟


علشان تعجبهم .. وكذلك ودي مرشد سياحي مسلم ولا اعرف كم ياخذ منا ؟
ابي تعطوني كل شي يخص السفرة من فنادق + مدن + اماكن تصلح نروح لها ؟


للعلم أول مره أسافر

[الفراهيدي]

اهلين وسهلين فيك ،،، ونتشرف بمساعدتك


متى وقت الزياره


كم غرفه تحتاجون للنوم بالفندق


هل يوجد شخص يستطيع قيادة السياره معكم

بعد ها بنجاوب بأذن الله كل شي

[أميرة البحور السبعة]

اهلين وسهلين فيك ،،، ونتشرف بمساعدتك


متى وقت الزياره


كم غرفه تحتاجون للنوم بالفندق


هل يوجد شخص يستطيع قيادة السياره معكم

بعد ها بنجاوب بأذن الله كل شي

لا والله احنا ماندل في هالديرة راح نجيب مرشد يسوق فينا

وقت الزياره شهر 8 هجري

غرفتين فقط ..

[الفراهيدي]

ابي تخطيط ميسر للسفرة والتنقل بين المناطق اللي اقضيها فيها علماً بان أللي معي كبار بالسن " أبوي وأمي "
ابي اماكن حلوة ترشحونها لي مابين مناطق ريفية وحضارية وكل مدينة كم اقضي فيها يوم من وجهة نظركم؟

راح نقول نقسم الرحله بين الشمال التركي وأسطنبول 10 ايام بأستطاعتكـ تغطيتها

لا والله احنا ماندل في هالديرة راح نجيب مرشد يسوق فينا

نقول مبدئيا بالشمال تحتاجون سائق واسطنبول نترك امرها للأخير

وقت الزياره شهر 8 هجري

الموسم يبدأ بتركيا بعد عيد الفطر

المدارس راح تعطل بمنتصف شهر 8 تقريباً يعني الرحله اخر اسبوعين من شهر 8 بالضبط

نحتاج نعرف كم شخص من المسافرين يمتلك جواز على شان نحسب سعر الفيزا لكل شخص لآن البعض يكون مرفق بجواز والده او والدته هنا تفرق بالسعر

نحتاج نعرف الأعمار لكل المسافرين على شان نعرف اسعار الطيران الداخلي والدولي

بأسطنبول اقترح السكن بشقه مبدئيا اما بالشمال كذلك شقه افضل بكثر لك

سعر السائق باسطنبول والشمال التركي مع سياره فان كبيره 150 دولار باليوم تزيد

او تنقص 10 دولار

[أميرة البحور السبعة]

راح نقول نقسم الرحله بين الشمال التركي وأسطنبول 10 ايام بأستطاعتكـ تغطيتها


نقول مبدئيا بالشمال تحتاجون سائق واسطنبول نترك امرها للأخير

يعني نقدر نقول أن السائق اللي بناخذه يكون معنا في الشمال
واسطنبول يكون سائق غيره ؟؟
لاني كلمت واحد مرشد سياحي يقول اقدر اروح معكم 140 دولار
من الصباح لين المغرب بس قال فيه مناطق تكون تكلفتها عليكم مثل اللي نروح لها بالعباره مثل بورصا ويلوا اعتقد

الموسم يبدأ بتركيا بعد عيد الفطر

المدارس راح تعطل بمنتصف شهر 8 تقريباً يعني الرحله اخر اسبوعين من شهر 8 بالضبط

نحتاج نعرف كم شخص من المسافرين يمتلك جواز على شان نحسب سعر الفيزا لكل شخص لآن البعض يكون مرفق بجواز والده او والدته هنا تفرق بالسعر

نحتاج نعرف الأعمار لكل المسافرين على شان نعرف اسعار الطيران الداخلي والدولي

بأسطنبول اقترح السكن بشقه مبدئيا اما بالشمال كذلك شقه افضل بكثر لك

سعر السائق باسطنبول والشمال التركي مع سياره فان كبيره 150 دولار باليوم تزيد

او تنقص 10 دولار

ولا واحد يملك جواز سفر
بالنسبة للأعمار :
50
56
28
24
23
20
18
16
9
2

الشقق فيه موقع شفته نقدر نحجز منه شقق باسعار حلوه تأيدنا ؟
هذا رابط الموقع واسعارهم جداً مناسبه :
http://www.booking.com/searchresults.ar.html?aid=1329975

[الفراهيدي]

بالبدايه سعر الطيران الدولي للأشخاص تقريباً

إجمالي السعر

16,752.00 sar

الداخلي الحجز يبدأ بداية السنة الميلاديه على خطوط اونر اير نقول تقريباً 2000 ريال

الجوازات 10 في 150 = 1500 ريال

فوق 16 سنة يلزم استخراج بطاقة احوال وعمل البصمه ل في الأحوال لأستخراج الجواز

الفيزا للدخول لتركيا 10 في 225 = 2250 ريال

^^

الأجمالي 22450 تقريباً

[الفراهيدي]

يعني نقدر نقول أن السائق اللي بناخذه يكون معنا في الشمال
واسطنبول يكون سائق غيره ؟؟

اكيد كل مكان وفيه سائق والسعر مثل ما قلت ما بين 150 الى 130 دولار

السكن الشقق بنخليه بالأخير

140 دولار في 8 ايام السائق معاكم تقريبا 4000 ريال

يكون الأجمالي الأن بدون السكن والأمور الثانيه والتمشيات والأكل 26 الف تقريباً

هذي نقول مصاريف اساسيه

[الفراهيدي]

تقدري تسخدمي المواصلات العامه في اسطنبول المترو والترام بس

يبي لكم تركيز لان عددكم كبير

ارى الأفضل تقليص عدد المسافرين لأن الأسعار الخطوط السعوديه وغيرها

من نهاية العام الدراسي ترتفع لبداية الموسم لهم

[المسافر سفاري]

25000 الف إلى 30000 الف.. لعدد 10 اشخاص

اذا هذا المبلغ شامل تذاكر وسكن ومواصلات ومصروف يومي وزياره الأماكن السياحية ومطاعم لا يكفي تركيا غالية

ومن وجهه نظري تغيري الوجه الى بلد رخيصة مثل الهند او سيريلانكا أسعار التذاكر ارخص بكثير وكذلك السكن واذا تريدي بلد مثل تركيا واجمل وبحكم اني زرت الأربع دول المذكورة عندج البوسنه انا اعتبرها بلد سياحي سوف ينافس أوروبا خلال الخمس السنوات القادمة ولكي حريه الاختيار

[أميرة البحور السبعة]

تقدري تسخدمي المواصلات العامه في اسطنبول المترو والترام بس

يبي لكم تركيز لان عددكم كبير

ارى الأفضل تقليص عدد المسافرين لأن الأسعار الخطوط السعوديه وغيرها

من نهاية العام الدراسي ترتفع لبداية الموسم لهم

طيب لو قلصنا العدد الى 6 بالغين و طفل ؟

حجزت عبر الخطوط السعودية بـ 12500 ذهاب وعودة