ليش الناس ماخذين فكره مب زينه عن بانكوك؟

[عاشقة شنج ماي]

ليش الناس ماخذين فكره مب زينه عن بانكوك كل ما تقول بنسير بانكوك اردون وقولون بانكوك دار الخراب بس أنا أشوف ألي يبغي أسوى كل هذا حتي في الدول العربيه موجود وفي الدول الأجنبيه بعد موجود وبانكوك فيها أماكن حلوه وفيها الشوبنج موبس الخراب والدمار بس الناس وايد مخذين فكره مب حلوه الله يسامحهم وأنتو شورايكم في بانكوك

[twety]

والله شوفي يا عاشقة شنج ماي

الخراب موجود في كل مكان بس في بانكوك اذا انت تبي الخراب بسهوله تلقاه ومتوفر بطريقه غريبه عندهم

بحيث ان بعض الناس هذا شغلهم هناك ومنتشر في الشوارع بس اللي رايح يستانس في تايلند بعيد عن هالخرابيط يبعد عنها وبالذات يبعد عن النانا

واللي يبي الخراب بيلقاه حتىفي ديرتي

تحياتي

هذا يعبر عن رأيي

[ابو الطيب البحتري]

ليش الناس ماخذين فكره مب زينه عن بانكوك كل ما تقول بنسير بانكوك اردون وقولون بانكوك دار الخراب بس أنا أشوف ألي يبغي أسوى كل هذا حتي في الدول العربيه موجود وفي الدول الأجنبيه بعد موجود وبانكوك فيها أماكن حلوه وفيها الشوبنج موبس الخراب والدمار بس الناس وايد مخذين فكره مب حلوه الله يسامحهم وأنتو شورايكم في بانكوك

وجهة نظري بهذا الموضوع


بداية الثمانينات كانو الشباب يسافرون بانكوك (( للخراب )) وبارخص الاسعار تسافر (( ب 2000 ))ريال

ترجع مبسوط وباقي معك ((800))وكان في هذيك الايام البلدان(( الخربانه )) قليله ومافيها الحريه اللي

عند الربع والناس خلاص حطت في بالها ان تايلند ديرة فساد 00

ومثل مايقول راعي المثل (( العود من اول ركزه ))


واعتقدقرار منع السفر للسعوديين لهذه البلد (( زاد )) من الفكره والانطباع السيئ عن تايلند

[أم شيخه]

أختي عاشقة شنغماي

الانطباع السيء عن بانكوك في الثمانينات مثل ما تفضل الاخ البحتري

أما الآن كل شي تغير... لدرجة ما تحصلين حجوزات في أغلب المواسم وأغلبهم عوائل.... وبيتخبلون عالاسواق

واللي يبا الخراب ترا الزين والشين في كل مكان أختي حتى في بلادنا ..

[عاشقة شنج ماي]

صدق كلامكم ألي يبا يخترب حتي في بلاده وماعلينا من حد نحنا سايرين نستانس وإلا ساير حق هذى السوالف الله يمهل ولا يهمل وكل واحد واثق من نفسه وأن شاء الله في الأجازه هجموم ألى بانكوك

[العشقان]

الزملاء ماقصرو وفو وكفو
بس من وجهة نظري
لأن تايلند متفتحة بعض الشي
وبزود في مجال السياحة
( والخراب موجود في كل مكان )
والله يصلح النية والذرية
ويصلح الحال رب الجلال
والحمدالله على كل حال

[Hamdan2007]

البحتري كفى ووفى ....مجرد تاريخ اسود لهذه المدينه.

[بنت راشد]

الكل ماقصر بس من وجه نظري انا رايحه في الدرجه الاولى للطبيعه والبحر اهم عندي من التسوق
خصوصا بوكيت سمعت انها جنه الله على الارض واتمنى تطلع مثل الي في بالي

[أبوسيف]

للجميع التحيه والتقدير وعلى رأسهم الأخت أم شيخه فكل بلد فيها الخراب ولكن كله يرجع لمبادئ وقيم الإنسان وهدفه .

[حزن السنين]

أنا أقول تايلند تنفع للعوائل
واللي يبي الطبيعة والتسوق بيلاقاه...واللي يبي الأشياء الثانيه بيلقاها في تايلند مثل مابيلقاها في بلاده....بس بقولكم شيئ كثرة الخليج هناك خلت اللي مايستحي يستحي لأنه معرض للكشف .. إلا اللي رايح فيها...
وهذا وجهة نظري...