اخى العزيز الغالى
سنبدا اولا بالتفكير سويا بصوت عالى ونشوف لو عجبك الموضوع نكمل ان شاء الله وفى الاخير هنسرد عناوين وطرق الاتصال بالفنادق اللى هنذكرها وصور لها
ارى انك قسمت رحلتك الى محطات وده اولا شيء كويس ولى تعليق بسيط على هذه المحطات من الواضح انك اول مرة تزور فيها مصر وده لانك قلت انك عاوز تزور الغردقة وبعدها الجونة ( الجونة هى منطقة لا تبعد عن الغردقة باكثر من 20 كيلو متر )
و الاسكندرية وبورتو مارينا انصحك اخى بالابتعاد عن الساحل الشمالى ومارينا صيفا فانا اعتقد ان الجو هناك لن يناسبك كعريس جديد تحتاج للهدوء والراحة اغلب الوقت وانصحك بتمضية الوقت الذى تريد قضاؤه فى الساحل الشمالى فى الاسكندرية وهى بلد رائعة ( ولو تحب اعمل لك برنامج خاص للاسكندرية وحدها )
لانها عشقي الاول والاخير
وانا اعتب عليك فى زيادة عدد المحطات مما يتبعها من زيادة الحل والترحال من فندق لاخر وهو شيء غير مرغوب فيه للعرسان الجدد (لازم تستقر وتهدي علشان تعرف تستمتع بالمكان والصحبة مش طيارى يومين ويوم ويا سيدي عوضها مرة تانية ان شاء الله ب وهذه وجهة نظرى
فارى ان تقصر رحلة شهر العسل على ثلاث محطات الغردقة او الجونة وانا ارشح لك الغردقة فهى افضل وتستطيع ان تذهب للجونة لو احببت للنزهة او دخول مطعم وخلافه وانصح بالغردقة لان بها الكثير من الاماكن الممتعة مثل متحف الاحياء المائية وجزيرة الجفتون وكذلك رحلات الغواصات تحت الماء وهى رائعة وانصحك بتجربتها
وفى الغردقة ننصح بفندق هيلتون جراند بلازا
الاسكندرية محطتك التالية بعد الغردقة واخترت لك مكان ولا اروع ولا احلى وانا اعتبره احلى مكان فى الاسكندرية وهو فندق الفورسيزونز فى سان ستيفانو ولما تشوف الصور والمنظر هتصدق كلامى
طبعا فى مول فى نفس الفندق المدخل من الواجهة الخلفية وفيه العديد من المطاعم ومحلات التسوق (كما ذكرت لو حبيت اعمل لك برنامج خاص للاسكندرية )
وفى المحطة النهائية فى القاهرة انصحك بفندق سميراميس انتركونتننتال القاهرة لانه اكتر من رائع
يا ريت اعرف ايه رايك اخى الحبيب