النتائج 1 إلى 3 من 3

الموضوع: طلب مساعده في ترتيب جدول ،، غدا السفر باذن الله

  1. #1
    مسافر جديد
    تاريخ التسجيل
    Aug 2013
    المشاركات
    7

    طلب مساعده في ترتيب جدول ،، غدا السفر باذن الله


    السلام عليكم ورحمه الله وبركاته

    الله يجزاكم خير ويسعدكم دنيا واخره انا حجزت طيران وحجزت فنادق لكن ابي ترتيب جدول

    تصفحت المنتدي وشفن ردود بعض الاخوان ماشاء الله تبارك ،، فانا واثقه في خبرتكم فعلشان كذا طرحت الموضوع

    سفري بكره باذن الله ،،
    اول يومين في كوالالمبور بعدين بالباص باروح بينانج ثلاث ليالي بعدين بارجع لكوالالمبور ثلاث ليالي بعدها المغادره الي ارض الوطن

    اول يومين في كوالا باسكن في فندق كورس ،، ايش الاشياء اللي قريبه منه اروح لها مشي انا سمعت عن البرجين ومجمع سوريا هل هي قريبه اقدر اروح مشي واذا بتكسي كم بيكلف

    كذلك انا باروح بباصات الاورلاين لبينانج كم بتكون التكلفه للشخص وهل احجز روحه ورجعه ولا بس روحه


    اذا رحت لبينانج باسكن في فندق هيدرو بينانج هل هالفندق له شاطيء علي البحر وايش الاماكن القريبه منه واروح لها مشي واذا في شي قريب يحتاج تاكسي كم بتكون التكلفه ،، ابي احسب المصاريف خاف يلعبون علي التكاسي وياخذون اكثر

    اذا رجعت لكوالا باسكن في فندق رويال بنتانج هل اقدر اروح لتايمز سكوير مشي. وهل مجمع يبي وسوقو قريب منه

    ابي ازور شلالات تيمبلرك. كم بتكون تكلفه التاكسي وهل يخليني ويرجع ولا يجلس ينتظر

    برضه ابي ازور صن وي لاقون متي اروح لها اي وقت ىابي ازور افاموسا برضه متي وقتهم

    ساعدوني الله يرحم والديك هذي السفره ولا في غيرها ابي اعرف تفاصيلها قبل لاروح هناك


  2. #2
    كبار شخصيات سفاري الصورة الرمزية bu shaab
    تاريخ التسجيل
    Jan 2011
    الدولة
    الدوحه - قطر
    المشاركات
    11,889

    اقتباس المشاركة الأصلية كتبت بواسطة اول مره اسافر مشاهدة المشاركة
    السلام عليكم ورحمه الله وبركاته

    وعليكم السلام ورحمة الله وبركاته


    الله يجزاكم خير ويسعدكم دنيا واخره انا حجزت طيران وحجزت فنادق لكن ابي ترتيب جدول

    تصفحت المنتدي وشفن ردود بعض الاخوان ماشاء الله تبارك ،، فانا واثقه في خبرتكم فعلشان كذا طرحت الموضوع

    وجزاك الله خيرا

    سفري بكره باذن الله ،،

    توصلون بالسلامه ان شاء الله

    اول يومين في كوالالمبور بعدين بالباص باروح بينانج ثلاث ليالي بعدين بارجع لكوالالمبور ثلاث ليالي بعدها المغادره الي ارض الوطن
    ترجعون بالسلامه ان شاء الله

    اول يومين في كوالا باسكن في فندق كورس ،، ايش الاشياء اللي قريبه منه اروح لها مشي انا سمعت عن البرجين ومجمع سوريا هل هي قريبه اقدر اروح مشي واذا بتكسي كم بيكلف

    نعم اخي الكريم .. صحيح .. قريب جدا ..
    كل ما عليك انك تخرج من الفندق تمشي على طول على جهة اليمين .. شوي بتلاقي مجمع تجاري
    مقابله بتشوف البرجين .. واصلا من الفندق بتشوف البرجين .. تقطع الشارع بحذر بتكون مقابل البرجين وملاصق له مجمع سوريا ..
    على فكره المجمع القريب من كورس تقدر تدخل وتمشيعلى يسارك في درج متحرك للاسفل
    تقدر تنزل بتلاقي مترو .. ونفق من تحت الارض تمشي مشي .. توصل منه الى البرجين ومجمع سوريا
    والاكواريا ( عالم ما تحت الماء )

    كذلك انا باروح بباصات الاورلاين لبينانج كم بتكون التكلفه للشخص وهل احجز روحه ورجعه ولا بس روحه

    الافضل روحه ورجعه مره وحده .. المحطه والانطلاق ملاصق لفندق كورس .. من تخرج من الباب
    تلاقيها على يدك اليسار .. التكلفه للشخص 60 رنجت ذهاب فقط

    اذا رحت لبينانج باسكن في فندق هيدرو بينانج هل هالفندق له شاطيء علي البحر وايش الاماكن القريبه منه واروح لها مشي واذا في شي قريب يحتاج تاكسي كم بتكون التكلفه ،، ابي احسب المصاريف خاف يلعبون علي التكاسي وياخذون اكثر


    الفندق له شاطيء .. ولكن لا يفتح مباشره عليه .. يوجد جسر من الفندق الى الشاطيء
    الاماكن القريبه .. تحتاج لياقه .. كشارع وبحر الباتو فرنجي والسوق اليلي
    الفندق يقع مابين الباتو فرنجي وهو اقرب شيء وبيم فنادق اخرى كفلامنجو والى الجورج تاون العاصمه
    من الفندق الى الباتو فرنجي اقصاه 10 رنجت ..
    انصحك ان تسأل الفندق حين الوصول عن الباصات العامه .. وعن ارقامها ومواعيدها ..
    سوف توفر كثيرا بدل التكاسي .. تقدر تزور الهضبه وسد اريتام .. ورحله الى شاطي القرود
    وحديقة الفواكه والتوابل وغيرها الكثير من الحدائق ... ومدينة جورج تاون وبرج كومتار
    الافضل ان تاخذ تكسي كجوله بسعر 25 رنجت للساعه ..

    اذا رجعت لكوالا باسكن في فندق رويال بنتانج هل اقدر اروح لتايمز سكوير مشي. وهل مجمع يبي وسوقو قريب منه

    نعم اخي الكريم .. تقدر تروح التايمز سكوير مشي بسهوله
    يقع خلف فندق على الشارع الموازي .. كل ما عليك تطلع من الفندق يسار وتمشي
    شوي وتاخذ ثاني لفه يسار .. لين يخلص الشارع .. انظر يسارك بتشوف التايمز سكوير
    اما مجمع ببي بلازا وسونجي وانق و لو يت ملاصقين لبعض.. كل ما عليك تطلع يمين
    واول شارع يمني ثم بتكون على مثل تقاطع على يسارك بيكون لو يت بلازا .. وجنبه
    سونجي ثم البيبي .. اما سوقو ابعد بشارع تنطو عبدالرحمن تحتاج تكسي ..

    ابي ازور شلالات تيمبلرك. كم بتكون تكلفه التاكسي وهل يخليني ويرجع ولا يجلس ينتظر

    الافضل ان ينتظر .. اتفق معاه على جوله بسعر 30 رنجت اقصاه للساعه

    برضه ابي ازور صن وي لاقون متي اروح لها اي وقت ىابي ازور افاموسا برضه متي وقتهم

    تقدر تروح الصباح .. الى العاب الصن واي بسعر 35 الى 50 رنجت والعوده مثلها عصرا
    افاموسا يبيلها يوم .. او من الصباح الى اخر العصر .. بتكسي يجب ان ينتظرك او تتفق يرجعلك
    بمبلغ تقريبا 300 رنجت .. او بجروب مع الفندق .. او تروج التايمز سكوير في مكاتب عندها وتنظم رحلات


    ساعدوني الله يرحم والديك هذي السفره ولا في غيرها ابي اعرف تفاصيلها قبل لاروح هناك

    اذا امكن ياخوي .. تعطيني تاريخ الوصول الى ماليزيا وتاريخ العوده ..

    افضل شي بكوالا تسويه ..
    يوم بباصات الهوب اون هوب اوف .. الباصات السياحيه .. تلاقيها بشارع العرب
    تطلع من الفندق .. تمشي يمين .. تم ماشي الى ان تصل الى تقاطع على اليسار ما كدونالز
    على اليسار من تعدي التقاطع تلاقي فندق بيكلو ومقابله فندق جراند ملينيوم .ز بتلاقي لوحه
    الباصات ومحطة وقوف .. اذا في بيع تذاكر كان بها ان لم يكن .. اول ما يوصل الباص اصعد الباص
    وادفع 38 رنجت للشخص .. يوم كامل تلف كل شي بماليزيا .. من حدائق ومتاحف وكل شي سياحي

    ثاني شي اما تروح العاب الصن واي او جنتنج ..

    المهم عطني مواعيد والتواريخ .. واحاول اساعد اكثر

    بالتوفيق ان شاء الله

  3. #3
    مسافر جديد
    تاريخ التسجيل
    Aug 2013
    المشاركات
    7

    الله يجزاك خير يابوشهاب ويفرج همك ويفك كربتك وكل مسلم


    الوصول في 19 والعوده 27.


    في 21 باروح بينانج. وبارجع لكوالا 24


    البرجين التوائم هل هي رمز لمعالم ماليزيا ولا في ابراج غيرها وهل دخولها مجاني


    الله يسعدك ابي تقترح علي. جدول ،، في بينانج ابي اروح للهضبه كيف الوصول لها بالقطار الجبلي من وين اقص تذكره وبكم
    انا معاي طفل هل اقدر اخذ العربه حقته معاي وانا راكبه للقطار الجبلي
    هل ازور الهضبه الصباح والعصر يمدي اروح لحديقه الفواكه وبكم رسوم دخولها وهل الفواكه اللي اشوفها اقدر اقطفها واكلها مجانا ولالا
    كيف باقدر اتنقل علي شاطيء الباتوفرنجي بعربه الطفل هل كلها رمل ؟ماستغني عن هالعربه واحس اني نشبت بها
    وش رايكم بهالجدول
    اليوم 19 الوصول الي كوالالمبور والتوجه للفندق للاسترخاء + استكشاف المنطقه المحيطه +حجز باص لببنانج
    اليوم 20 استخدام باص هوب اون هوب اوف + اقتراحكم
    اليوم 21 الذهاب الي بينجانج + شاطيء الباتوفرنجي
    اليوم 22 الذهاب للهضبه + زياره حديقه الفواكه
    اليوم 23 شلالات +الذهاب لمنطقه جورج تاون
    اليوم 24 العوده الي كوالالمبور + مجمع تايم سكوير (ممكن ارجع في وقت متاخر ومجمعهم يسكر 10 ) باعيد الزياره في يومي 25 و 26
    اليوم 25 صن واي لاقون
    اليوم 26 زياره افاموسا
    طبعا 27 العوده الي ارض الوطن
    في اسئله كثير اذا جمعتها كتبتها لكم ،، الله يجزاكم بالجنه
    التعديل الأخير تم بواسطة اول مره اسافر ; 2013-08-18 الساعة 05:14 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X