صفحة 1 من 2 12 الأخيرةالأخيرة
النتائج 1 إلى 10 من 11

الموضوع: علي الخطوط وترانزيت علي دبي

  1. #1
    مسافر جديد
    تاريخ التسجيل
    Aug 2013
    المشاركات
    7

    علي الخطوط وترانزيت علي دبي


    السلام عليكم ورحمه الله وبركاته


    ارجو مساعدتي فهذه المره الاولي اللي اسافر فيها برا السعوديه

    رحلتي ستكون علي الخطوط السعوديه انا وزوجي وطفلي الرضيع من الرياض لدبي انتظار 7 ساعات سؤالي هل يوفرون لنا سكن ويقدمون لنا الاكل مجانا مثل الخطوط الثانيه


    العربات المجانيه اللي في مطار دبي من وين اطلبها وكيف ارجعها ؟

    عربيه الطفل خاف تتكسر هل اقدر اغلفها تغليف امن في مطار خالد قبل لااشحنها ووين مكانه بالمطار


  2. #2
    كبار شخصيات سفاري
    تاريخ التسجيل
    Nov 2007
    الدولة
    جـــــــــــده
    المشاركات
    3,715

    وعليكم السلام ورحمة الله وبركاته

    بخصوص العربيات الموجوده بمطار دبي : لا تخافين موجوده بكثره ،، تشوفينها معلقه في بعض الاماكن ،، ولو ما حصلتي في المكان الاول بتحصلينها بالمكان الثاني ( من دون طلب ،، اذا شفتيها خذيها ) ،، وتكون معك العربية الين اخر الصاله الاخيره المخصصه لركاب الطائره قبل ركوب الطائره ،، لا تشيلون هم ،،

    بخصوص عربيتكم وتغليفها : مكان التغليف انا ما اعرف وين بالضبط ،، لكن اكيد بيكون في مكان واضح بالمطار وقريب من كاونترات البوردنق والعفش .. يعني لا تشيلون همها لانها بتكون واضحه ،،
    طبعا نعم تقدرون تغلفونها ...
    اشوف ناس كثير يغلفون عربياتهم ويشحنونها مع العفش
    لكن برضه اشوف ناس كثير تكون العربيه معهم الين باب الطياره ... وعند باب الطياره الموظف يشيلها منهم ويحطها داخل الطياره بمكان معين. ويرجعها لهم عند النزول من الطياره..
    انا اشوف اسئلوا موظف البوردنق عن العربيه قبل شحن العفش ... هل مسموح اروح الطياره بالعربيه او اشحنها من عندكم .. شوف وش يقول .. اذا قال اشحنها فلازم تروح تغلفها عشان تشحنها .. وان قال عادي خذوها معكم بالطياره فهو افضل من وجهة نظري ..



    # بخصوص الطيران والانتظار: انتي متأكده ان سفركم على الطيران السعودي ،، وبيكون عندكم انتظار في دبي 7 ساعات .... اتوقع انك غلطانه .... تأكدي من التذكره ... يمكن يكون الطيران الاماراتي

  3. #3
    كبار شخصيات سفاري الصورة الرمزية bu shaab
    تاريخ التسجيل
    Jan 2011
    الدولة
    الدوحه - قطر
    المشاركات
    11,889

    وعليكم السلام ورحمة الله وبركاته

    جزاه الله خيرا الرائع ابو نايف (( النهر الجاري )) كفى ووفى ..

    بخصوص .. وقت الانتظار .. (( الترانزيت .. اذا كان اكثر من 8 ساعات
    هم ملزمين بتوفير اقامه لكم ووجبه .. هذا دوليا ..
    ولكن
    بعض الخطوط لا تنفذ ذلك ,, وبعضها ترانزيت لمده 12 ساعه ولا يوفرون زجاجة ماء فقط
    لذلك الافضل سؤال شركة الطيران عن ذلك ..


    بالتوفيق ان شاء الله

  4. #4
    مسافر جديد
    تاريخ التسجيل
    Aug 2013
    المشاركات
    7

    ايه الله يعافيك علي الخطوط السعوديه

  5. #5
    مسافر جديد
    تاريخ التسجيل
    Aug 2013
    المشاركات
    7

    افيدوني الله يسعدكم

  6. #6
    كبار شخصيات سفاري
    تاريخ التسجيل
    Nov 2007
    الدولة
    جـــــــــــده
    المشاركات
    3,715

    انا سئلتك عن الطيران
    لاني اعتقد ان الطيران السعودي ما يوقف ترانزيت في دبي
    بل يذهب مباشره الى كوالالمبور ...

    يمكن طيرانكم طيران دبي ...


    عموما ما اتوقع فيه فنادق ...

    ---------------

    في آخر رحله لي لماليزيا .. استخدمت الطيران الاماراتي وكان عندنا توقف ترانزيت في دبي لمده 5 ساعات تقريبا
    اعطونا كوبون للوجبه .. كل واحد له كوبون ( اعتقد الرضيع ماله كوبون ) المهم الكوبون هذا لبعض المطاعم اللي هناك مو كلها ...

    ----------------
    في اول رحلاتي لماليزيا .. استخدمت طيران الاتحاد .. وكان طبعا فيه توقف في ابو ظبي وكانت المده تقريبا 7 ساعات
    لا شفنا وجبه ولا فندق ..
    --------------



    اتفق مع الغالي ابو البراء
    الافضل سؤال الشركه نفسها ،،
    عندهم الخبر اليقين ..

    موفقين

  7. #7
    مسافر جديد
    تاريخ التسجيل
    Aug 2013
    المشاركات
    7

    اعتذر لتاخري بالرد

    من الرياض الي دبي علي الخطوط السعوديه باجلس انتظار 7 ساعات بعدين
    من دبي الي كوالالمبور علي الخطوط الماليزيه

  8. #8
    كبار شخصيات سفاري
    تاريخ التسجيل
    Nov 2007
    الدولة
    جـــــــــــده
    المشاركات
    3,715

    اها الحين فهمت
    شكلكم حجزتم من موقع بالنت مثل موقع اكسبيديا

    بخصوص الفندق : مافي
    بخصوص الوجبه: والله ما ادري ،، اممم ما اعتقد ،، لكن انتم اطلبوه يمكن يكون النظام يسمح لكم ،،،
    انا برحلتي الاخيره .. مثل ما قلت كانت على الطيران الاماراتي وكان عندنا ترانزيت في مطار دبي .. ولا كنت ادري انه فيه عندنا وجبات ... المهم وانا ماشي بالطريق من الطياره الى الصالات .. شفت كاونتر مكتوب عليه ( اللي عندهم ترانزيت اكثر من 4 ساعات ) وكان متجمع عنده ناس ... المهم عرفت انه يعطون كوبانات للوجبات ...
    كان في بالي ( بوفيه مفتوح ) خخخخ
    لكن كلها كوبون لوجبه خفيفه من مطاعم هم مختارينها ...
    لكن شي احسن من لا شي ..


    بخصوص انتظار 7 ساعات ... كثيره شوي
    لكن مطار دبي كبير وحلو ويمكن ما تحسون بالطفش ...



    امممممممممم تأكدوا من سالفه ( العفش ) انكم تستلمونه في كوالالمبور ..


    موفقين

  9. #9
    مسافر فعال
    تاريخ التسجيل
    Sep 2012
    المشاركات
    371

    حياك خية
    والله أنا كنت ترانزيت ع الخطوط الإماراتية الى بلد ما

    فوجدت ...انه اذا كان الترانزيت اكثر من ثلاث ساعات ممكن تستاجر في فندق المطار الدولي عن طريج بوكنج
    وانتم سبع ساعات يعني ممكن تستاجروه لو حبيتو
    وطبعا هالفندق بعد ماتحجزيه من بوكنج ممكن تدشين له من السوق الحرة
    ويجب يكون معك بس الجنطة المتنقلة معك من داخل الطائرة
    يعني ضعو فيها جميع مستلزماتكم الخاصة
    لان الفندق تدشون له وماتستطيعون الخروج من المطار
    ولو حبيتو الخروج من المطار لاتستطيعون الدخول للفندق من خارج المطار
    ونظامهم ما يعتمد على اليوم الكامل فهو رخيص وبنظام اي وقت تدش له


    سؤال محيرني ....طالما انتم على رحلتين لخطوطين مختلفة تأكدوا من الحقائب مالتكم لانه فيما يبدو لي أنكم راح تأخذوا بنفسكم
    الجناط وتشحنوها من جديد في الخطوط الماليزية ...وبكذا راح تخسرون من الوقت اكثر من ساعتين...
    ومطار الامارات رائع جدا. ومايسبب ملل فهناك مكتبة تشترون منها واستاربكس بجوارها ومطاعم وسوق حرة ونت مجاني

    الله يوفجكم ويسهل لكم طريجكم.
    التعديل الأخير تم بواسطة مشاري111 ; 2013-08-14 الساعة 11:51 AM

  10. #10
    مسافر جديد
    تاريخ التسجيل
    Aug 2013
    المشاركات
    7

    انا حجزت من مكتب الطيار اللي علي انكاس باخر رمضان ولهالحين مادري شناطي وين بتروح مقسمه قشي علي شنطين بحيث اذا لا قدر الله ضاعت وحده فيه ثانيه ،، طيب اذا جيت للمطار من اسال بحيث يعلمني وين بتروح شناطي ء

    افهم من كلام مشاري اني لاوصلت مطار دبي اروح ادور الشناط واشحنها مره ثانيه ؟

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X