صفحة 1 من 2 12 الأخيرةالأخيرة
النتائج 1 إلى 10 من 11

الموضوع: مساعده بخصوص افضل فنادق كاميرون هاي لاند

  1. #1
    مسافر نشيط
    تاريخ التسجيل
    Jul 2011
    المشاركات
    33

    مساعده بخصوص افضل فنادق كاميرون هاي لاند


    السلام عليكم ورحمة الله وبركاته.
    يا اخوان انا بدأت اعمل حجوزات الفندق لللسفرة شهر العسل في نوفمبر باذن الواحد الاحد بس حبيت استفسر عن افضل فندق في الكاميرون وسمعت ان فندق اللاكي هووس ما فيه تلفزيون صح؟
    وعندي استفسار ثاني معليش تحملوني ترتيب سفرتي هي لنكاوي- الكاميرون- جينتنف- كوالا اش رايكم في الترتيب من ناحية التنقلات هي هي اقرب شي كذا ولا لا ويا ريت تعطوني راتيكم.
    والسلام خير ختام.


  2. #2
    كبار شخصيات سفاري
    تاريخ التسجيل
    Nov 2007
    الدولة
    جـــــــــــده
    المشاركات
    3,715

    جينتنف
    هل تقصد جنتنج او بينانج
    الواضح لي بانها جنتنج


    عموما توزيعك كما هو واضح لي هو : ( لنكاوي ثم كاميرون ثم جنتنج ثم كوالالمبور )

    فكرة المواصله الى لنكاوي فكره ممتازه لكن بشروط:
    1- الوصول المبكر لمطار كوالالمبور ...
    2- توفر رحله داخليه بتوقيت مناسب بعد الوصول الدولي.
    3- ان تكون الرحله الدوليه مباشره او ترانزيت بها مبيبت
    4- المقدره على المواصله.


    برحلتي الاخيره واصلت الى لنكاوي وما واجهت اي مشاكل سوى الهم والخوف من التأخر على الرحله الداخليه ..





    بالنسبه لجنتنج : اشوف انك تكنسلها من السكن وتكتفي بزياره وقت ما تكون ساكن في كوالالمبور لانه قريبه بتكون






    اممممممممممم
    اقولك علمنا كم ليله عندك عشان اعطيك رائيي بشكل ادق ( عطنا تاريخ الوصول لمطار كوالالمبور وتاريخ المغادره منه )

  3. #3
    عضو سفاري الفخري الصورة الرمزية النهدي
    تاريخ التسجيل
    Nov 2006
    المشاركات
    10,275

    مشرفنا الحبيب النهر الجاري

    يعطيك ربي العافية ماقصرت كفيت وفيت

  4. #4
    مسافر نشيط
    تاريخ التسجيل
    Jul 2011
    المشاركات
    33

    اقتباس المشاركة الأصلية كتبت بواسطة النهدي مشاهدة المشاركة
    مشرفنا الحبيب النهر الجاري

    يعطيك ربي العافية ماقصرت كفيت وفيت
    انا رحلتي يوم 31 اكتوبر والعوده 17 نوفمبر.
    خط الرحله : بورت ديكسون - سيلامنجور - لنكاوي - الكاميرون - جينتنغ - كوالا .
    انا سالت عن لنكاوي- الكاميرون- جينتنغ- كوالا لان ما اعرف اي اقرب للنكاوي الكاميرون ولا جينتنغ.
    ويا ريت تساعدني بخصوص فنادق الكاميرن الله لايهينك .

  5. #5
    مسافر نشيط
    تاريخ التسجيل
    Jul 2011
    المشاركات
    33

    اقتباس المشاركة الأصلية كتبت بواسطة malik2242 مشاهدة المشاركة
    انا رحلتي يوم 31 اكتوبر والعوده 17 نوفمبر.
    خط الرحله : بورت ديكسون - سيلامنجور - لنكاوي - الكاميرون - جينتنغ - كوالا .
    انا سالت عن لنكاوي- الكاميرون- جينتنغ- كوالا لان ما اعرف اي اقرب للنكاوي الكاميرون ولا جينتنغ.
    ويا ريت تساعدني بخصوص فنادق الكاميرن الله لايهينك .
    هذا الرد لمشرفنا النهر الجاري

  6. #6
    كبار شخصيات سفاري
    تاريخ التسجيل
    Nov 2007
    الدولة
    جـــــــــــده
    المشاركات
    3,715

    ان كان وصولك يوم 31 اكتوبر فهذا يعني عندك 17 ليله
    اما ان كان وصولك باليوم التالي وهو 1 نوفمبر .. فهذا يعني عندك 16 ليله

    تأكد من تاريخ الوصول ..



    عموما ايامك كثيره وتقدر تزور فيها جزيره بينانج ...


    اما مين اقرب الى لنكاوي ( جنتنج او كاميرون ): شوف كموقع جغرافي كاميرون اقرب
    لكن كمسافه زمنيه يعتمد على طريقه الانتقال ...
    اذا كانت الوسيله هي طيران من لنكاوي الى كوالالمبور ومن ثم الى ( كاميرون او جنتنج ) : فجنتنج تكون اقرب في هذه الحاله

  7. #7
    ][خبيرة فنادق][ الصورة الرمزية Eline
    تاريخ التسجيل
    Aug 2007
    الدولة
    {{الظهران أحلى مكان}}
    المشاركات
    7,479

    اقتباس المشاركة الأصلية كتبت بواسطة malik2242 مشاهدة المشاركة
    السلام عليكم ورحمة الله وبركاته.
    يا اخوان انا بدأت اعمل حجوزات الفندق لللسفرة شهر العسل في نوفمبر باذن الواحد الاحد بس حبيت استفسر عن افضل فندق في الكاميرون وسمعت ان فندق اللاكي هووس ما فيه تلفزيون صح؟
    وعندي استفسار ثاني معليش تحملوني ترتيب سفرتي هي لنكاوي- الكاميرون- جينتنف- كوالا اش رايكم في الترتيب من ناحية التنقلات هي هي اقرب شي كذا ولا لا ويا ريت تعطوني راتيكم.
    والسلام خير ختام.
    نعم فندق الليك هاوس لا يوجد فيه تلفزيون

  8. #8
    ©؛°¨°؛©][قلب سفاري النابض][©؛°¨°؛© الصورة الرمزية DH.q8
    تاريخ التسجيل
    Dec 2010
    الدولة
    الكويت الحبيبه:)
    المشاركات
    727

    السلام عليكم ورحمة الله وبركاته .. نسال الله لكم التوفيق..وهذا جدول ممكن يعجبك

    اقتباس المشاركة الأصلية كتبت بواسطة malik2242 مشاهدة المشاركة
    انا رحلتي يوم 31 اكتوبر والعوده 17 نوفمبر.
    خط الرحله : بورت ديكسون - سيلامنجور - لنكاوي - الكاميرون - جينتنغ - كوالا .
    انا سالت عن لنكاوي- الكاميرون- جينتنغ- كوالا لان ما اعرف اي اقرب للنكاوي الكاميرون ولا جينتنغ.
    ويا ريت تساعدني بخصوص فنادق الكاميرن الله لايهينك .


    اول شي الف الف الف مبرووووك الزواج الله يهنيكم ويوفقكم ويجمعكم بالخير يارب

    اخوي ابو نايف ماقصر يعطيه العافيه يارب


    انا بعطيك كم معلومه عن الكاميرون هاي لاند..منطقه جبليه بارده وحواليك الطبيعه بكل مكان..لكن يعيبها المكان مووووحش ومن الغروب لا توجد انشطه او اماكن تزورها وتكتفي فقط بالجلوس بالفندق..الخدمات فيها قليله لا توجد مطاعم كافيهات ترفيه الخ.. كل الاماكن اللي ممكن تزورها بالكاميرون تخلصهم ب5 ساعات او نص يوم بالكثير وهي ( مزارع الشاي ومزارع الفراوله والعسل والفراشات والورود ..وتقريبا كلهم بجنب بعض وقريبين حيل..وايضا الشلال بالاضافه الى حديقة بالسنتر مال المنطقه" فيها تلاقي السكان المحليين ويمارسون هواياتهم والعابهم ويفصلها ممر مائي صغير وفيها مسجد" قبالها موجود اكشاك ومحلات بسيطه وبقاله..ومطعم دجاج شبيه بكنتاكي لكن الله يديم النعمه

    انا تجربتي بالسكن كانت في فندق الستروبري بارك موقعه ممتاز براس الجبل والطبيعه والمناظر حلوه لكن الفندق حيل موحش بالمساء وطبيعة المنطقه اصلا كلها موحشه والخدمات نص ونص وكنا ساكنين بالدور 3 اعلى شي لان ماكو تكييف لازم تسكن بالاعلى علشان يحوشك نسمة هواااا..افطارهم كان ممتاز والنظافه اوكي..

    بالنسبه للفنادق عندك اللي يمدحونهم الاعضاء دي لافيرنس وسينتشري باينز..


    عن نفسي ماراح اكرر الكاميرون نهائيا للاسباب اللي ذكرتها بالاعالى ولو قدر الله وحبيت اكررها ماراح اسكن بالكاميرون راح اسكن بايبوه وازورها كم ساعه وارجع ايبوه..

    طبعا لو حبيت تسكنها بالكثيييييييييييير يومين فقط ..





    على فكره تقدر تستغني عن السكن بالكاميرون وتستبدلها بايبوه القريبه منها حيييييل وتكون لك زياره نص يوم منها وبهالطريقه تشوف منطقتين بدال الوحده

    وبالنسبه لسيلانجور بعد اشوف انها ما تسوى السكن فيها مافيها شي يسوى غير الصنواي لاقون الالعاب المائيه اللي ما اعتقد انها راح تناسبكم ولو حابين فكرة الالعاب المائيه ترى في وحده نسختها التوام موجوده بايبوه ارخص وافضل من ناحية الاحتشام والزحمه واجواء احلا كونها بنص الطبيعه والجبال حواليك..

    ولو حاب ممكن تزورها من كوالا المسافه مو بعيده قريبه..


    بالنسبه لجينتينق ماله داعي السكن فيها وتكتفي بتخصيص يوم كامل لها من كوالالمبور والمسافه اقل من ساعه..



    امممممممم لو قلنا رحلتك مثل ماتفضلت 31/10/2011 العوده 17/11/2011

    يعني تقريبا الوصول بيكون 1/11 والعوده 17/11 = 16 ليله..

    اقترح عليك هالتوزيع وهالترتيب وهالعدد:



    بورت ديكسون 3 ليالي..بما فيهم زيارات لملقا القريبه منهم

    لنكاوي 3 ليالي..الطيران فقط تحجزه ذهاب..ومنها بالفيري لبينانق

    بينانق 3 ليالي..لانها بالنص وتسهل عليك الوصول لايبوه ساعتين ونص تقريبا سياره

    ايبوه 3 ليالي بما فيهم زياره للكاميرون..

    كوالالمبور 4 ليالي بمافيهم زياره لجينتنيق وسيلانجور..



    بهالجدول والتوزيع راح يكون سكنك ب5 مناطق لكن راح تشوف زياده عال5 مناطق 4 مناطق ثانيه =9 مناطق

    وراح يكون تنويع بينهم بالتنقل مابين طيران وفيري وسياره " بر / بحر/ جو " بالاضافه الى التنوع بالاجواء والطبيعه " جزر وشواطئ وبحر وطبيعه وبراد واعتدال ورطوبه وهدوء واسترخاء وحركه ونشاط الخ "


    وبالنسبه للنكاوي وبينانق البعض راح يقولك ان وحده تغني عن الثانيه انا اشوف العكس ولا وحده تغني عن الثانيه اصلا صح كلهم جزر وبحر لكن كل وحده النقيض من الثانيه يعني لنكاوي هدوء وطبيعه واسترخاء وزيارات خفيفه والمغرب مافي فعاليات..اما بينانق عصريه ومتقدمه وفيها كل وسائل الترفيه من العاب وزيارات وحدايق ومولات والفعاليات ليل نهار شغالين..

    بالنسبه لبورت ديكسون الافضل ليلتين بالكثير لكن انا زدتها 3 علشان تقدر تستمتع بزيارة ولاية ملقا لان فيها كثير اماكن ممكن تشوفها ممتعه..فحرام دامك قريب منها وايامك تسمح ليش لا شوفها واكتشفها





    ان شاءالله اني قدرت افيدك واساعدك ولو بشي بسيط..بالتوفيق يارب وعسى الله يسهل امورك وسفرتك وتستانس فيها يارب



    تقبل تحيات اختك : DH.q8

  9. #9
    عضو سفاري الفخري
    تاريخ التسجيل
    Dec 2009
    الدولة
    جده غير
    المشاركات
    7,362

    ما شاء الله تبارك الرحمن

    مشرفنا القدير النهر الجاري

    و القلب النابض بنت الكويت

    يعطيكم العافية ما قصرتم ما خليتو لنا حاجه




    اخي الكريم بالتوفيق في سفرتك

  10. #10
    مسافر نشيط
    تاريخ التسجيل
    Jul 2011
    المشاركات
    33

    اقتباس المشاركة الأصلية كتبت بواسطة عبدالرحمن المسافر مشاهدة المشاركة
    السلام عليكم ورحمة الله وبركاته
    جربت الكاميرون هاي لاند مع الاهل وكان السكن في كاميرون هاي لاند ريسورت افضل فندق وبالنسبه للفنادق الباقيه جميعها دون المستوى سواء من ناحية الشكل او الخدمه فنصيحه لا تتعب نفسك بفندق ير كاميرون هاي لاند بس يعيبه انه غالي شوي ما ادري يمكن بالنسبه لك يكون مناسب انا بالنسبه لي سعره مناسب ونظيف وخدماته حلوه بس بدون افطار هذا بالنسبه للفندق
    بالنسبه للأنشطه بالمنطقة ما فيه الا مزارع الشاي والفراوله والمناحل تروح تشتري عسل طبيعي وفيه مثل السوق متواضع والمطاعم اذكر كنتاكي وبيتزا اعتقد وفيه قهوة ستار بكس ولا جربت مطعم فخم او على الاقل تقدر تاكل فيه اكل حلو ولا اخفيك كنا نشتري من السوبر ماركت بيض وجبن وعسل وفراوله الى اخره من المواد الغذائيه جميعها متوفره بالسوبر ماركت والغدى كنا نطبخ بعد بس ملاحظ ان الدجاج والخضره والزبادي عندهم افضل من اللي عندنا بكثير وهذا عن تجربه
    بالنسبه للجو في كاميرون لا يوصف شي فوق الخيال مطر وضباب وبراد وبنفس الوقت يدفيك اي شي مو نفس البرد اللي عندنا هههههههههه
    انا لما رحت كان برنامجي التالي ...
    يومين سيلانجور في فندق صن وي لاقون والفندق بروحه ترفيه وجنبه مجموعه من الاسواق من اهمها سوق ماينز
    4 ايام لنكاوي في فندق برجايا 4 نجوم بس حلو وافضل شي بلنكاوي الرحلات البحريه خصوصا رحلت صيد الاسماك
    4 ايام بيننغ والجزيره كطبيعه اقل من لنكاوي بس حديقة الفواكه فيها احلى وفيها بعض الانشطة وفيها السوق الليلي وانا سكنت فيها بفندق شانجريلا قولدن ساند وهو واقع على شاطىء الباتو فرجني وجنبه على طول السوق الليلي ومجموعه من المطاعم العربيه واكلهم جميل
    بعدها اخذنا كم يوم بكاميرون واشوفها احلى من جنتينغ واخر يوم في كوالالمبور في فندق الرتز كارلتون لكن مشكلته غالي شوي واذا تبي نصيحتي فندق سعره جيد وخدماته ممتازه وقريب من شارع العرب فندق استانا
    المهم فيه شيء احب اوضحه لك بخصوص التنقل
    من كوالا الى لنكاوي طيران داخلي
    من لنكاوي الى بيننغ طيران داخلي
    لما حبيت اطلع من بيننغ الى كاميرون كنت حاجز طيران داخلي من بيننغ الى كوالا عشان اطلع بعدها من كوالا الى كاميرون والشي هذا خطأ جداً ويخسرك فلوس ووقت على الفاضي والمفروض كنا نطلع من بيننغ الجزيره الى كاميرون عن طريق السياره لان فيه جسر يربط الجزيره والجهه المقابله من اليابسه وهذا الشي ما انتبهنا له ولا انتبه له مكتب السفريات اللي حجز لنا
    المهم ما استفدنا من تذاكر الطيران الداخلي لانا سألنا تكسي وقال من بيننغ الى كاميرون افضل بالسياره وكانت مدة الرحله 4 ساعات لكن المناظر روعه ويفضل لو بتطلعون من بيننغ الى كاميرون تروح الصبح من الساعه 8 الى الساعه 10 عشان تمتعون بالمناظر
    ان شاء الله اكون افدتك والكلام اللي قلته لك عن تجربه شخصيه
    ربي يوفقك وشهر عسل سعيد يارب
    شكرا يا اخوان على مروروكم وعلى نصيحتكم وان شاء الله راح احجز من كوالا الى لنكاوي والعوده الي بيننج ثم الى الكاميرون وحجزت في الكاميرون هاي لايند رسورت هوتيل اش رايكم في الفندق .

صفحة 1 من 2 12 الأخيرةالأخيرة

المواضيع المتشابهه

  1. شوية اسئلة عن كاميرون هاي لاند ؟ ؟ ؟
    بواسطة دبل كيك في المنتدى ركن الاستفسارات والاخبار السياحية الخاصة بماليزيا
    مشاركات: 11
    آخر مشاركة: 2008-04-21, 10:23 AM
  2. كاميرون هاي لاند
    بواسطة neamima في المنتدى سفاري ماليزيا Malaysia
    مشاركات: 7
    آخر مشاركة: 2006-07-07, 04:19 AM
  3. كاميرون هاي لاند
    بواسطة احمد111 في المنتدى سفاري ماليزيا Malaysia
    مشاركات: 2
    آخر مشاركة: 2006-04-02, 06:41 PM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X