السلام عليكم و رحمة الله و بركاته
نبدأ النهاردة رحلتنا الى دبى و البداية من مطار القاهرة مبنى المغادرة رقم 3
( Terminal 3 ) و رحلة مصر للطيران المتجهه الى دبى
الحمد لله خلصت اجراءات الجوزات فى سلاسة و من داخل المطار و السوق الحرة
و استراحة قصيرة و مراقبة الطائرات
و بعدها التوجه الى بوابة المغادرة
و اخيرا انطلقت الطائرة و احلى لحظة و هى ترتفع و تبتعد و تبتعد
و مراقبة الشاشة و البيانات
و الهبوط بحمد الله سلس فى مطار دبى صالة وصول رقم 1 (Terminal 1)
الخروج عبر انبوب ( Tube)و صورة لطائرتنا و هيا راكنة
فى طريقنا الى الجوازات
و ختمت جوازى بسهولة و استلمت الحقيبة و توقفت عند محل الصرافة لتغيير فلوس الى دراهم مبلغ مش كبير لانى عارف ان اسعار المطارات غالية
و اتبعت الاسهم الى سيارات الاجرة فى الاخر و قبله مخرج السيارات الخاصة و المترو
تاكسى المطار بالدور و منظم و العداد يبدأ من 30 درهم و ميش غيره مسموح بيه من داخل المطار و فى طريقى الى الفندق
الوصول الى فندق شيراتون كريك دبى قريب من المطار 10 دقايق تقريبا و الاستقبال حافل و ابتسامات و معلومات سريعة عن الشاتيل باص نسيت تعب الرحلة فى ثوانى
موظف استقبال احمد مصرى و اول هدية من دبى
تغييير الغرفة الى كريك فيو (على الخليج) بدلا من سيتى فيو (المدينة) و من غير ما اطلب لسه بقوله لو فيه امكانية ابجراد للغرفة قالى انا عملتها من نفسى
و دى اول لقطة للفيو
الفندق ان شاء الله هاخصص حلقة كاملة عنه لانه يستاهل
27-12-2015
كما وعدتكم حلقة خاصة عن فندق
شيراتون كريك دبى على خور دبى (تقرير مصور) Sheraton Dubai Creek Hotel and Towers
http://http://www.sfari.com/forums/sfari107/travel137739/
و بعد استراحة قصيرة قررت انزل اكتشف دبى وحدى و دى اول تجربة ليا من النوع ده
مكنتش محدد انا رايح فين ومعايا خرايط و لستة باماكن كتير اروح فين و لا فييين
المهم نزلت فى جولة غير مخططة و هتودينا فين يا دبى
من امام الفندق و يظهر لوحة تشير الى المترو بس انا فضلت اروح على الخور الناحية التانية
مدخل افندق
فى الطريق الى الممشى بجانب خور دبى
بصراحة كنت هاتجنن و اركب المعدية الخشب (العبرة بالمحرك) للناحية التانية و اروح سوق دبى القديم و سألت العمال قالولى تمشى على طووووووووووووووووووووول
و اقعدت امشى و امشى يجى 20 دقيقة بين سفن قديمة و يخوت حديثة و بضائع و اكتشف خور دبى فى جو شديد الرطوبة
مبنى بلدية دبى
و اخيرا محطة التاكسى المائى و جوارها محطة العبارة (محطة السبخة)
القوارب بتملى ورا بعضها بالدور نفس نظرية الميكروباص عندنا
و ركبت اخيرا العبارة التراثية مركب خشبى بمحرك جو تحفة و الركاب معظمهم من العاملين البسطاء و لمحت بعض السياح يركبونها لاحقا اسيبكم مع الصور
حظى كان جميل ركبتها وقت الغروب
جميل جدا الالتزام و الامان
اقتربنا من محطة سوق دبى
و اقتربنا
وصلنا
حصل معايا موقف طريف اجرة العبارة درهم واحد بتتلم قبل تحرك العبارة و لما جانى السواق اديته 50 درهم مكنش معايا اى فلوس فكة اقل ماخدهاش فلما وصلنا اديتهاله تانى و الغريب انه مرضيش يفكها و قالى امشى GO
صورة مش واضحة للمراكبى
جولتى داخل سوق دبى القديم و كانى اعود مئات السنين و البضائع التراثية و تجارة الاقمشة و الدكاكين القديمة العريقة و الازقة فسحة تحفة استمتعت بها كثيرا طراز معمارى و اسقف خشبية و تجاذبت اطراف الحديث مع بعض السائحين الى كنت بطلب منهم يصورونى
مشغولات تجتذب السياح
مطعم شعبى فى زقاق
المنطقة حول سوق دبى القديم
محطة بر دبى للتاكسى المائى
( سوق دبى القديم )
محلات الاقمشة
نسيت نفسى و كنت عطشان جدا ود ه الكشك الى جبت منه عصير
اسحو لى ان اتوقف و ان شاء الله نلتقى على موعد قريب
القاكم دوما بكل خير