النتائج 1 إلى 7 من 7

الموضوع: تطبيقات جوال مفيدة لمسافر الصين و هونج كونج خصوصاً و جميع المسافرين عموماً

  1. #1
    مسافر نشيط
    تاريخ التسجيل
    Apr 2006
    المشاركات
    95

    تطبيقات جوال مفيدة لمسافر الصين و هونج كونج خصوصاً و جميع المسافرين عموماً


    سلام الله على الجميع ,,,,

    تم عمل تقرير خاص ببعض التطبيقات المفيدة للمسافر كجزء من تقرير أعددته عن زيارتي للطين و طلب الإخوان مني أن أفرد موضوع مستقل خاص لجزء للتطبيقات و أتمنى أن يثبت لتعم الفائدة


    التكنولوجيا بصفة عامة موجودة لخدمتنا و تسهيل كثير من الأشياء علينا ومن ضمنها السفر , و بما أن الهواتف الذكية معنا أن ماذهبنا بالسفر فاستخدام بعض التطبيقات اللتي تسهل الحصول على المعلومة فكره رائعة , كل التطبيقات المذكوره موجودة بالأندرويد و أتوقع أن أبل ماركت لديه نفس التطبيقات أو على الأقل تطبيقات مشابهه تؤدي نفس الغرض

    طبعاً راح نبدا بالتطبيق الشهير اكسبيديا



    هذا التطبيق أسمية شخيصاً ملك تطبيقات السفر , لأنه يعتبر بمثابة مكتب سياحي ( لكن مايطلع فيز ولا يدبر لك مرشد سياحي ههههه ) هذا التطبيق تقدر تحجز منه رحلات جوية و فنادق مخفضة و سيارة إيجار و بعض التذاكر للجولات السياحية , لكن من مميزاته انك تقدر تختار وجهه واحدة أو عدة وجهات - ذهاب فقط أو ذهاب و عودة , و بعدها يجلب لك كل رحلات الطيران الممكن الحجز عليها و تقدر بعدها ترتبها حسب السعر أو حسب مدة الرحلة أو أو - و هل تبي الرحلة بدون توقف ترازيت أو بتوقف ترانزيت مره؟ أو مرتين؟ .....الخ طبعاً رحلات الترازيت عادةً تكون أرخص


    إذا احددت التواريخ لكل مدينة و اخترت الرحلة يسألك تبي تضيف فنادق للرحلة ؟ عندنا لك فنادق مخفضة بنسبة كذا
    وانت شوف هل يناسبك منها شي ؟ إذا ناسبك نصيحة خذ اسم الفندق و قارن بموقع بوكينج أو هوتيل كومبايند يمكن نفس الفندق معروض بأرخص بموقع ثاني , نفترض أن إكسبيديا أعطاك أفضل سعر و قررت أنك تجز من عندة
    التطبيق بشكل آلي يعرف متى توصل و متى تغادر بالوجهه لأنك حجزت طيران من عندهم و يحجزلك على نفس الفترة اللي بتقضيها بالوجهه من دون ما تحدد تواريخ . و بعدين يسألك هل تبي فندق بالمدينة الثانية ؟ و هكذا
    و تقدر تضيف أجار سياره و يحدد الفتره بشكل آلي بعد
    الحلو بالتطبيق مو هذا و بس . الحلو فيه إنه يكتب لك اسم المطار اللي بتنزل فيه و اسم المطار اللي بتقلع منه ( مثال شنغهاي فيها مطارين ) يعني مايكفي تقول لراعي التاكسي ودني المطار و بس حدد له اسم المطار و انت متجه للمطار تأكد من اللوحات الإرشادية إنك رايح للمطار الصحيح.
    التطبيق يعطيك كافة المعلومات اللي تحتاجها كمسافر , وقت الاقلاع و الوصول و رقم الحجز و خريطة تبين مسار الطائرة و الترانزيت وكم راح تقضي فيه و التيرمينال اللي راح تقول للتاكسي يوقفك عندة ......الخ و التطبيق مربوط بقوقل ماب يعني اذا كنت مسأجر سيارة يوجهك للمطار بسهوله.




    هذا تطبيق محول عملات وفيه غيرة مشابه له كثير و كلهم يعملون بنفس الطريقة , فكرته انك تقدر تكتب أي سعر بأي عملة وهو يجيبها لك بالعملة اللي تبيها ( مثلاً بالصين استخدمت التطبيق و عرفت أن أي سعر أشوفه باليوان الصيني أقسمة على 1.7 علشان يطلع بكم بالريال السعودي و بهونج كونج كنت أقسم على 0.48 يعني مو لازم تفتح التطبيق كل مره علشان تسوي تحويل سعر , يكفي تحفظ على كم تقسم أو تضرب إذا شفت أي سعر باليوان الصيني



    هذا تطبيق خريطة لشنغهاي طبعاً حملته من تطبيق Galaxy Apps اللي موجود بأجهزة السامسنوج اسم التطبيق shanghai travel map حملته لأن جوجل ماب ماإشتغل بالصين . ميزة التطبيق أنك تقدر تكتب بالإنجليزي عن المكان اللي حاب تروح له و يجيب لك الموقع على الخريطة و تسوي زوووم علشان يبين اسم الشارع بالصيني و توريها راعي التاكسي من دون ماتكلمة و على العداد (مثال بالأسفل-لاحد يصدق أن في شي بالنجمة الحمرا مافيه شي مكان عشوائي )






    Galaxy Apps تقدر تسحب منه عدة تطبيقات كون إن قووقل ماركت مايشتغل بالصين





    تطبيق الترجمة الشهير لكن مايعمل بالصين لأنه واحد من عيال قوقل , في خارج الصين تقدر تتكلم عربي و هو يتعرف على كلامك و يترجمة للغة أخرى و ينطقها بعد لكن يمكن الترجمة ماتكون مية بالمية دقيقة




    تطبيق اسمه Cam translate , توجه الكاميرا على الكلام المكتوب و يترجمة لك إنجليزي مادري لو ضافو عربي قريب من زمان جربته و ماني متأكد من دقته لكن يمكن يفيد بالزنقات , بعض اللغات تقعد ساعة تدور على الحرف بالكيبورد مع هذا التطبيق مايحتاج فقط وجه الكاميرا على الكلمة وهو يترجم .




    هذا تطبيق لشركة اسمها Big Bus Tour هي باختصار شركة باصات مكشوفه سياحية توديك على أماكن و معالم مشهوره و فيه شركة ثانية تعمل بنفس الطريقة اسمها City Sightseeing و غيرها كثير . هذي الشركتين تعمل على طريقة
    Hop-On Hop-Off يعني تركب بالباص و يوصلك للنقطة الأولى و ينزل من يرغب أن ينزل و يروح الباص و بعد 20 دقيقة يجي باص ثاني لنفس الشركة و تطلع فية إذا تبي و يوقف بنقطة ثانية و ينزل من يرغب أن ينزل و هكذا الحلو بالتطبيق انك تقدر تحفظ الاماكن اللي ترغب في زيارتها بالتطبيق تحت كل نقطة
    طبعا الباص له 3 مسارات بثلاث الوان المسار الأحمر و الأزرق و الأخضر كل مسار يزور أماكن معينه و التذاكر تقدر تشتريها من التطبيق اونلاين أو من أي نقطة يمر عليها الباص
    الحلو بالباص ان له سقف مفتوح بالطابق الثاني و يوزعون سماعات هيدفون لمعرفة النقطة القادمة و مافيها من معالم و بعدة لغات انت تحدد اللغة اللي تناسبك طبعا العربي مو من بينها , يعني توفير للجهد و الوقت و المال تحت صور التطبيق مفتوح











    تطبيق MTR Tourist تطبيق لمترو الأنفاق , خريطة و مسارات المترو , و هذا التطبيق مخصص للسواح يعني تختار معالم و يقولك أقرب محطة تودي لها , كلمة MTR خاصة بمترو أنفاق هونج كونج يعني بدول ثانية لها اسم مختلف و أغلب المدن اللي فيها مترو أنفاق لها تطبيقات خاصة هذا بس مثال خاص بهونج كونج وتحت صور للتطبيق










    إذا اكسبيديا هو الكنج ,قوقل ماب هو البرنس , برنامج شهير جداً الكل يعرفة لكن عجبني انه يعطيك أقرب محطة مترو حولك , بالمثال أعلاه محطة Olympic station قريبة من فندقي 7 دقايق مشي و كنت استخدم التوجيه للماشي بالبداية , و كثير ماكنت استخدم قوقل ماب و ابحث و أوري راعي التاكسي المكان وهو يختار يقراه باللغة اللي تعجبة , على فكره للي وده يستخدم مترو الأنفاق بتنقلاته من الأفضل إنه يختار الفندق حوله محطات مترو قريبة.




    إذا كان google map برنس تطبيقات السفر فتطبيق Tripadvisor هو الوزير بلا منازع ( والله و صرنا نوزع مناصب هاها ) , تطبيق مشهور جدا بين المسافرين يعطي نصائح عن الفنادق و المعالم السياحية و تقدر تحجز منه فنادق و تذاكر دخول للمعالم , للحين برنامج عادي طيب ليش وزير ؟ وزير لأنه خصص لكل مدينه تطبيق خاص فيها يعني الصوره اللي فوق تطبيق خاص بهونج كونج بس من نفس الشركه.


    طيب وغيره ؟ غيره سلمك الله انك تقدر تكتب كلمة حلال بمحك بحث المطاعم و يجيب لك كل المطاعم الإسلامية الحلال مو بس كذا ! تقدر بعد تختار أي كوزين يعني فيه كوزين للشرق الأوسط (عربي-تركي-ايراني) و كوزين باكستاني و اندونيسي وهندي الخ كلها اسلامية . مو بس كذا ! و يرتبها حسب قربها منك و تقدر بعد تسوي قائمة للمطاعم المفضلة و إذا جا موعد الأكل شوف ايها أقربلك , و بعد الحلو فيه انه يوجهك كGPS يعني مربوط بقوقل ماب , طيب إذا وجهني للمطعم و لقيت 30 محل بالمكان وش عرفني أي واحد؟ الحل موجود يالحبيب و هو خاصية point me there وهي باختصار بوصلة تحدد لك و المكان و تصير تمشي عليها إلين توصل , الصور اللي تحت لنفس التطبيق مفتوح














    السبب انه وزير تطبيقات السفر ماهو بنرس لأن التطبيق مايترجم العنوان بلغة أهل البلد لكن موقع الشركة Tripadvisor.com

    يترجم , يعني الله يعينك تدخل النت من الجوال و تبحث بالموقع و يطلعلك الترجمة بلغة أهل البلد و هذي لقطة عن الترجمة من الموقع مو من التطبيق









    طبعاً تطبيقات السفر كثيره و متنوعة لكن عرضت أشهرها بس , و ماحطيت Booking من ضمن القامة لأني أشوفه كومقع نت أفضل منه كتطبيق مع إني حملته احتياطاً بجوالي و نصيحة للي يبي يروح الصين بدون مرشد ويعتمد على التطبيقات على الأقل لازم تكون لغته الإنجليزية جيدة

    و بس وسلامتكم


  2. #2
    مسافر جديد الصورة الرمزية Dizel
    تاريخ التسجيل
    Feb 2015
    المشاركات
    10

    شكرا جزيلا - فعلا تطبيقات رائعة جدا ومهمة جدا جدا جدا تسلم ايدك

  3. #3
    مسافر جديد
    تاريخ التسجيل
    Jan 2011
    المشاركات
    6

    يعطيك العافيه

  4. #4
    مسافر جديد
    تاريخ التسجيل
    Feb 2015
    الدولة
    china tianjin city
    المشاركات
    19

    مشكور يا اخى

  5. #5
    مسافر نشيط
    تاريخ التسجيل
    Apr 2006
    المشاركات
    56

    شاكر لك أخي الكريم موضوع رائع كروعتك
    لكن أخي الكريم
    تطبيق tripadviser ما حصلته أقصد تطبيق كل مدينة
    يعني بكين لحالها وشنق هاي لحال
    شكرا مرة ثانية

  6. #6
    مسافر نشيط
    تاريخ التسجيل
    Apr 2006
    المشاركات
    95

    صحيح tirpadvisor يعطي بعض المدن ماهو كلها لكن لو تبحث بالماركت تلقى تطبيقات خاصة لكل مدينة حتى الرياض فيه تطبيقات وانا حالياً مخزن تطبيق استخدمة إذا بغيت نوع معين من الأكل مثلاً بيتزا يتعرف على مكاني و يشوف أقرب المطاعم اللي متخصصة بالبيتزا مثلاً و يصفها حسب الأقرب و يرشدك للمكان

  7. #7
    مسافر نشيط
    تاريخ التسجيل
    Sep 2012
    المشاركات
    89

    يعطيك العافية

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X