اشكرك اخوي التايه على التعاون
وفيه شي بسيط الله لايهينك بالنسبه للحجاب بعض الاخوه فضل غير الون الاسود وش تنصح انت؟
بالنسبه اخوي لمكينة الحلاقه الكهرباء وبعض الادويه الطبيه لنساء وش الطريقه معها اكتبها في كرت الدخول واخليها في شنطة اليد اسهل لتفتيش ؟
السعر الى قلته يشمل الرحلات السياحيه الى عن طريق المكاتب السياحيه الى ذكرت؟
ولك الشكر واسف على الاطاله
المشاركة الأصلية كتبت بواسطة ابوفراس99
أخي أبو فراس99
بالنسبه للحجاب شئ عادي أي لون أسود أو ملون والحجاب
في أستراليا شئ عادي جدآ.
مكينة الحلاقه عادي بدون ما تكتب في الكرت الدخول.
بس الادويه تضع علامه صح في المربع ,أنك تحمل أدويه طبيه.
نعم لو تكون في شنطه اليد أو حقيبه صغيرة فيها أغراض بسيطه
يمكن تضعها هناك.
وبالنسبه للأدوات الكهربائيه اللي بتحملها معاك من مكينة حلاقه وغيرها
من الادوات الكهربائيه,الفيش الكهربائيه اللي عندهم تختلف عن الفيش اللي عندنا
وفي المحلات في أستراليا تبيع الفيش تركب مع الفيش اللي عندنا.
وهذا للعلم فقط.
السعر الى قلته يشمل الرحلات السياحيه الى عن طريق المكاتب السياحيه الى ذكرت؟
هل تقصد المواصلات للرحلات السياحيه للحدائق؟؟
تحياتي
هل اخوي التايه
اقصد الموصلات والتذاكر على حسب علمي ان المكاتب السياحيه هناك عندها عروض على الرحلات السياحيه
مرحبا أخوي أبوافراس
المكاتب السياحيه تخيرك هل تريد التذكرة مع مواصلات أو بدون.
وتكون الرحلات التذكرة مع الموصلات رخيصه شويه.
والاحسن تأخذ التذكرة مع الموصلات.أريحلك.
وأي أستفسار أنا حاظر.
الله يسلمك ياخوي التايه يالذيب
بالنسبه لطيران الداخلي لقيت خط سير من ملبرون الى برسبن ومن قولدكوست الى سدني تقرين 1000 ريال وش رايك في السعر واذا فيه ارخص اذكر لي الخطوط الله يسلمك؟
السؤال الاخير هل فيه صعوبه في السياحه في استراليا اذا كانت الغه نص نص بس ترى ماني ميح ممكن جيد اذا موجيد جدً بس فيه تخوف شوي لاني خايف اخسر قروش ولا انبسط معاً بعض الاخوه قال بتنبسط وبتفكر ترجع مره ثانيه؟
اشكرك اخوي التايه على التعاون معي والمعلومات القيمه واسف على الاطاله
انا جديده ومحتاجه معلومات عن استراليا
الاخ الفاضل التايه
اشكرك على تفضلك بالاجابة على اسئلتي واسئلة الاخوة والاخوات والصراحة ارحت بالي أسعدك الله في الدنيا والآخرة
هل من برنامج لخمسة أيام مقترح في سدني يعني هناك بعض الاماكن تحتاج الى يوم وهناك بعض الاماكن السياحية يمكن يكفيها ساعة أو ساعتين ..
هل ممكن أن تنورنا في هذا الجانب
وأكرر شكري لكم وعلى سرعة اسجابتكم وطيب اهتمامكم الذي يدل على اصالة معدنكم وعظيم خلقكم وفقكم الله وسددكم
الاخ
أبوفراس99
بالنسبه للطيران
حاول تحجزها من بلدك تطلع رخيصه بعض الاحيان,لانك بتأخذ بكيج كامل للرحله وتطلع أرخص.
وإذا عندك موقع للطيران الكوانتس الأستراليه تقدر تشوف بكم سعرهم للرحله على الخط اللي تبغيه.
والسعر اللي قلته هو 1000 ريال للرحله من ملبورن الي بريسبن ومن قولد كوست من مطار (كولنقاتا) الي
سدني,أذا كان بهذا السعر فهو ممتاز بصراحه.
وأما بالنسبه للغة :
أخي بوفراس لا تحمل هم من هذه الناحيه,فالأستراليين شعب حبوب وطيب جدآ
بصورة ما تصدقها,ويحاولون يساعدونك بأي طريقه حتى لو ما تعرف أنجليزي.
وطريقه كلامهم أحسن من شعب البريطاني والامريكي,ومن هذي الناحيه لاتشيل هم
رغم أنك تقدر تمشي نفسك بالإنجليزي.
وصدقني مثل ما قلوا لك الاخوان , وبتتمنى أن ترجع أستراليا مرة ثانيه.
تحياتي
الاخت
أم الدلال
ياهلا فيك أختي
أمري وتدللي وش من الاسئله اللي بتحتاجينها عن أستراليا
وأنا حاظر أختي الكريمه.
وتقبلي تحياتي
التايه
الاخ
مسافر غصب
العفو أخي الكريم.
ومشكور على الكلام الطيب منك,ومن طيب أصلك.
بالنسبه لسدني أخي الكريم, مثل ما أشرت هناك بعض الاماكن تحتاج الى يوم وهناك بعض الاماكن السياحية يمكن يكفيها ساعة أو ساعتين ..
سدني مدينه وعاصمه كبيرة وكلها بنايات يعني (داون تاون) وفي نظري ماتحتاج أكثر من يومين أو ثلاثه فقط
وأكثر السياح يروحون لبرج سدني وهو أعلى برج موجود في سدني ويشوفون سدني كلها من فوق,ويروحون
دار الاوبرا للتصوير هناك لانها من معالم سدني فقط .
وبجنب الاوبرا جسر سدني الشهير , ومطاعم وكوفيهات .
وتوجود فيها بعض الحدائق والالعاب وأسعارها شوي غاليه من باقي المدن الاستراليه.
وهذا عن سدني أخي الكريم.
وأي شئ أنا حاظر.
تحياتي
التايه
رد مع اقتباس
