السلام عليكم ورحمة الله وبركاته
اليوم كنت اتصفح بعض شخابيطي وخرابيطي القديمه ولقيت مقاله ساخره كتبتها قبل فتره تقريباً عام 2006م وحبيت انقلها لكم
عنوان المقاله (لا تفتح الصفحة)
لا تفتح الصفحة ممكن تفتح ويطلع لك شاعر شعبي مثل كل يوم نشغل التلفزيون نشوف واحد كاشخ وحاط كيلو مكياج وقاعد يا حبيبي ويا حبيبتي وانا سهران وانا زعلان وكلمة تفهمها وعشر كلمات تحس ان الشاعر جاي من جنوب افريقيا ولا المشكلة هاليومين هابين لنا تصوير فيديو كليب وعشر بنات وراه ولا تدري منهي حبيبته منهم والغريب في الموضوع الاخ في الله يشعر والبنات يرقصون بس الحمد لله ان ما فيه في هذي الايام لا عنتر ولا الزير سالم ولا كان اعلوم المهم تروح المحطة ولا المكتبة تبي تشتري مجله ولا كتاب ولا تشوف صف مجلات اشكال وانواع وتسال نفسك وش وجه الشبه بينهم الجواب سهل وبسيط كلهم حاطين الغلاف صور بنات ( موت الله يكفينا الشر ) المهم تشتري المجله تقول خلني اضيع وقت ولا تلقا شاعر كاتب قصيده صفحتين وحاط صوره كبر ...! ومكحل عيونه كنه .....! واذا كان الشعر كذا سمعوا قصيدتي اللي اقول فيها
البارحة سهران والنوم ما جاني ,,,, جيعان ادور لي عشا بلاشي
ما ابي ادفع فلوس و حيراني,,,,,يامن يسلفني خمسه ويرعاني
تصفيق كبير للشاعر
على فكرة البيتين عبارة عن لغز واللي يحله ياخذ جائزة عبارة عن سياره لاندكروزر VXR موديل2009م مقدمه من ادارة المنتدى
فمان الله ولكم ودي واحترامي