جالس اتخيلك في المحل وهم يحاولون يقنعونك تلبس جنز ههههههههه
شكلك صرت مثلك قحطة في مسلسل درب الزلق
واصل يا مبدع والله حلقاتك حلوووووووووووه
الله يعطيك العافية
مشكورررررررررررررررر
جالس اتخيلك في المحل وهم يحاولون يقنعونك تلبس جنز ههههههههه
شكلك صرت مثلك قحطة في مسلسل درب الزلق
واصل يا مبدع والله حلقاتك حلوووووووووووه
الله يعطيك العافية
مشكورررررررررررررررر
اخوي ابو مصعب
و الله حاسس كأنى باتابع مسلسل زي Lost او Prison Break
حلقة روعة و اضم صوتي للمطالبة بصورة بالجينز
متابعين يا غالي
تحياتي و ودي
ردودكم وتعليقاتكم اخواني اخواتي واقسم بالله انها تسعدني جدا
وبين وبينك والله المفروض تعطوني اجازه يومين على المجهود الماضي ... بس ماشي
وبالنسبه للمطالبين بصوره للجنز نقول لهم امعصي هههههه
الحلقة السادسة
بعد انتهى ترتيبات السفر وقطع التذاكر ، وتجهيز الملابس وبعض الملحقات ، لم يبقى الا حوالي
عشرة ايام على موعد السفر امضيتها في التصفح في الموقع السياحي لاخذ ما يمكن اخذه
من اي معلومه فاتت علي .....
قبل السفر بيوم ...
كنت حريص على استئجار غرفه في احد الفنادق لاخبي المخدرات من ملابس الجنز والبناطيل
والقمصان فوجودها عندي يعدي جريمة في نظر اهل بيتي ...
حجزت الغرفه وجهزت الشناط والملابس ، ووضعتها في السياره بعيد عن اعين
الاهل ...
في عصر ذلك اليوم سلمت على الاولاد والزوجه وقلت لهم استودع الله اماناتكم وخواتيكم
اعمالكم الله الله في البيت والله في الصلاة يومين بالكثير وراجع (لو قلت اسبوعين ما خلوني
اسافر .)
ودعت الوالد والوالدة بحكم سكنهم معي في نفس البيت وركبت سيارتي وتوجهت
الى الفندق الذي حجزت فيه ، وقمت هناك باخراج شناط المخدرات والممنوعات !!!
وخذلك انواع المقايسة مره البس جنز ازرق وفنله سوداء ومره جنز اسود وفنله خضراء
وطول الليل مقايسه هههههه22:
لم يأتيني ذلك اليوم نوم ولم تقرأ لي عين فالا نسان جبل على الفضول واللقافه
كان ودي ان اغمض عين وافتحها واكون في ماليزيا بس هيهات ...
الاتصال الاخير كان بيني وبين الاخوه عروه لتريتب موعد وصولي
وخاصه ان فارق التوقيت كان قرابة الخمس ساعات والله وقت !!!!
كان نومي متقطع في تلك الليله ، وبالكاد جاء الظهر علي و بعد الظهر جلست في بهو الفندق
الى قرابه العصر ..
وعند اذن العصر سويت تشك اوت ، و اتجهت الى فندق آخر وهو مكان
التجمع ، لان التذكر التي اخذتها كان العرض فيها ان يتم اخذك من ذلك
الفندق وايصالك للمطار داخل دوله البحرين
ذهبت الى مكان التجمع وانتظرت الى قرابه المغرب فقلت للمسؤلين
يالله يا هووووو الطياره بتتاخر قالوا متى رحلتك قلت الساعه 11.30
قالو باقي بدري ..
وانا انتظر مع المنتظرين تعرف با حد الاشخاص الذين سوف تكون له قصه معي
فيها شيء من الغرابه والطرافه ...
والله اني نسيت اسمه
يتبع ....
يا سلام يا ابو مصعب
و الله تهريب المخدرات كان اسهل من اللى انت بتعمله بس حكم الظروف
متابعك بقوة يا عزيزي
ياحلاوة يا ابو مصعب
الحلقات تتوالى
والروائع تظهر تباعا ً
مسنترين ومنتظرين الابدااااااااع
حيو بوخلف حيو بوخلف حيو بوخلف
صدقني تهريب المخدرات والخمور والاسلحة وكل ممنوع اسهل من اللي سويته هههههههه
يعنى الحلقة الجاية سوالف الطيارة
ترى اذا انقطعت يوم راح نسوى حمله اسمها خلوه يواصل
واصل يالغالي واحنا متابعين معك
الله يعطيك العافية
مشكورررررررررر
راااااااااااااااااائع
راااااااااااااااااااااااائع
مسكينه ام مصعب كاسره خاطري
ممكن رقم تلفوووووووووووووووووونهاااااااااااا ولا عيب ههههههههه
رهيب ابو مصعب تراني رحن فطيس من الضحك
في المكتب وانا اقرء حلقتك الاخيرة والمكتب يقول واش فيه
قلت نكت على الماشي كده .... متابعين
الحلقة السابعة
كنت اتكلم مع هذا الاخ وهو من اصل حبشي يعيش في السعودية ومن موالديها طبعا يجيد
العربية احسن مني ومنك ، وخاصة ان الباص الذي سوف يقلنا الى مطار البحرين الدولي
لم يحضر فاخذنا الحديث وقلت له لماذا تذهب الى ماليزيا قال للدراسة ، وقال وانت قلت ولله
للتمشي وتوسيع الصدر ، على العموم حاولت اطق صحبه مع الرجال لاني كنت خايف اضيع في
المطار وخاصه في مكان الجوازات والعفش وعند تعبئة نوذج الدخول لماليزيا الذي يكتب بالانجلزية
، فقلت له ماريك لو نقطع كرت صعو د الطائرة مع بعض حتى تنعم برفقة اخوكم ابو مصعب قال
ما عندي مانع قلت وهذا الصحبه في السفر وحطيناه في الجيب !!!
قرابه الساعه 7 وهم ينادون علينا يا لله اركبوا الباص فكنت انا الوحيد السعودي ..
والباقي مجموعه من الفلبنيين والفلبينيات !!!!
وكانت هذه اول مره امر بجسر البحرين !!!
انواع قلة الحياء على الجانب السعودي والتاخير ـ ساعه ونصف متوفقين حتى يجي
موظف الجمارك يتفضل علينا بتفتيش العفش !!!
بعدها لم ناخذ الا اقل من عشر دقائق في الجانب البحريني !!!
والله تحيه ابعثها لاهل البحرين اهل علم وادب وخلق !!!
وصلنا المطار قرابة العاشرة مساء وكنت مرتبك لا تفوتني
الرحلة بعد كل هذا الترتيب والتخطيط ، قطعت كرت صعو د الطائرة
وكنت حريص ان يكون جنبي الاخ الاثيوبي ليكون مترجم لي طوال فتره
الرحلة تخبرون الانجليزيه دمرانه من ايام المتوسطة !!!
والحمد لله تاكدت ان مقعدي جنب مقعد الاثيبوي وبكذا ارتحت نفسيا
انتظرنا الرحله التي تاخر النداء عليها الى قرابه الثانية عشر والربع
ولم تقلع الطائرة الا مع اشارة عقار الساعه للواحد بعد منتصف الليل !!
واقلعت الطائرة ...
وبسم الله تعالي اقلعت
ومع اقلاع الطائرة حطو لنا موسيقه فكلمت الي جنبي وشلون يحطون موسيقه !!!
فقال لي خوي الي معي يا ابو مصعب ترى بتشوف اكثر من كذا
يعني سالفه زي كذا بسيطه ...
والله يا اخي ما تعودنا من الخطوط السعوديه الا دعاء السفر
وكلمات طيبه ..
فقال اصبر بعد الفاصل الموسيقي بيجي الدعاء
فتحت عيوني مستغرب يا اخي وشلون الناس هذه تفهم
فقلت في نفسي مبررا لها ( لعله عمل صالح خالط عمل سيء !!)
شويه وجابوا مشروبات وعصيرات واخوكم ما كذب
خبر قلت للموظيف صب لي من هذا الزين قال لي
خوي يا مصعب هذه خمره قلت ايش !!!!
يعني ما كفاهم الموسيقيه يحطون خمر !!
يا اخي يقدرون ينزلوني قال يا ابو مصعب وين ينزلونك
وحتى على ارتفاع 33 الف قدم !!
قلت الله المستعان واستغفر الله والله هذه سفره كلها معاصي
الله يطلف لا تطيح الطياره فينا....
على العموم
قال شوف هذه سماعات حطها في اذنك اذا ما بغيت
تسمع !!!
وتقريبا خمس ساعات انام واصح وانام واصح ......
ما تعودنا الا على رحله جده 1.50 نصفها في الاقلاع والهبوط
وعلى مقربه من خليج البنقال طلب كابتن الطائرة ربط احزمه الامان
وبكل امانه ان شفت مطبات هوائيه بس مثل هذه الي شفتها
في خليج البنقال الذي عرفت لاحقا انه من اكثر الاماكن اختلال في الهواء
والمطبات الهوائية
صراحه هذه اللحظات التي مرت علي في خليج البنقال الله
لا يذكرها بالخير خلتني اكره السفر وسنين السفر واراجع نفسي
واقول هذه ما كسبت يمينك يا ابو مصعب احصد !!
تارك العيال والاولاد وتقول رايح الكويت !!!
واخذت الوم نفسي !!!
لم تنتهي مرحله المطبات الهوائية الا واخوكم في وضع مزري
بعد ذلك هدئة النفس بعد فتره ، وبعد تقريبا ثلاث ساعات
اعلن قائد الطائرة عن قرب الوصول لمطار كوالالمبور
وكانت الساعه قرابه الثانيه عشر او الواحد ظهر
والله مش متذكر بالضبط ...
بس صراحة اول مارأيت ماليزيا من الجو نسيت المطبات الهوائية والحالة النفسيه والاولاد والعيال
والديرة
وقلت سبحان الله هل هناك جمال وخضره بهذه الشكل وطول فتره التحليق
وانا امتع عيوني في هذه الجمال العجيب !!! واسبح واستغفر
وكل ما اتذكر الجبال والبران عندنا اقول الله يقطعك من ديرة !!!
يتبع