النتائج 1 إلى 5 من 5

الموضوع: الطريقة الصحيحة لترتيب شنطة سفرك فى 15 خطوة

  1. #1
    مراقب عام
    تاريخ التسجيل
    Jun 2016
    الدولة
    الامارات العربيه المتحده ابوظبي
    المشاركات
    5,247

    الطريقة الصحيحة لترتيب شنطة سفرك فى 15 خطوة


    الطريقة الصحيحة لترتيب شنطة سفرك فى 15 خطوة

    ترتيب شنطة السفر امر مهم لاى مسافر سواء داخل البلد او خارجها ، تعرف مع ترافيليو على افضل طريقة لتجهيز شنطتك وكمان اتعرف على طريقة طى الملابس بطريقة صحيحه وازاى تستغل المساحات الفاضيه فى الشنطة

    بقلم شيماء صالح




    ترتيب شنطة السفر ممكن تكون يأما حاجة سهلة و سريعه أو ممكن تتحول لكابوس !
    دة بيعتمد على طريقة ترتيبها، فترتيب شنطة السفر لرحلة خارج البلد مش بيختلف كتير عن طريقة ترتيبها لرحلة إجازة جوه البلد، والمدة كمان مبتختلفش إذا كانت يوم ولا اتنين أوحتى أسابيع و شهر لان ترتيب الشنطة بيكون بنفس الأسلوب و الخطوات
    وعشان نعرف ايه هى أفضل وأسرع طريقة لترتيب شنطة سفرك من غير ما تنسى حاجة هنتكلم فى موضوعنا دة عن :
    15 خطوة لترتيب شنطة السفر بالصور

    1- تجهيز قائمة لتسجيل كل الأغراض اللى هحتاجها في السفر

    عشان محدش يقلق ويقعد يسأل نفسه هل نسينا نحط حاجة من حاجتنا فى الشنطة ولا لا من كتر زحمة الترتيبات اللى بنعملها ،وهل كدا كل حاجة جاهزة ولا لا ،فهنا اهم حاجة لازم نعمل قائمة نكتب فيها كل اللى محتجينه قبل ما نرتب الشنطة .الورقة دى هتسهل عملية تحضير الشنط وتخلينا لو احنا مستعجلين مننساش حاجة .
    ممكن تعمل قائمة شاملة للكل بس الافضل يكون لكل شخص قائمة مستقلة وخاصة بيه ودة فى حالة السفر مع الأسرة.


    2- جهز شنطتك قبل السفر بوقت كفاية

    الافضل اننا منأجلش ترتيب الشنطة ونخليها آخر حاجة فى ترتيباتنا للسفر علشان نتجنب مشكلة نسيان حاجة من متعلقاتنا. عشان كدا يفضل نبدأ في ترتيبها قبل 24 ساعة على الأقل من وقت السفر.
    3- تجنب وضع المتعلقات المهمة داخل شنطتك الأساسية

    لو كنت مسافر بالطيارة او حتى بالبر تجنب تماماً انك تحط متعلقاتك المهمه زى الفلوس و المجوهرات او الورق المهم في حقيبة السفر الأساسية اللى بتتحط فى الطيارة او العربيه
    كل المتعلقات دى لازم تكون جنبك او في أقرب مكان ليك سواء في شنطة اليد او الشنطة الثانية ان وجد.


    4 - طريقة ترتيب الملابس داخل حقيبة السفر

    دايما بنفكر هل الشنطة اللى هناخدها معانا فى الرحلة هتكفى الملابس بتاعتنا ولا لا ؟
    عشان كدة لازم نتأكد من حاجتين : * اول حاجة أننل ناخد الملابس على حسب حاجتنا بس مش لازم نلم الدولاب كله وناخده معانا ..
    *ثاني حاجة هو ازاى نظبط الملابس ونرتبها داخل الشنطة السفر عشان تاخد أقل مساحة ممكنة.
    وفى طريقة سهلة هتساعدك على طى الملابس فى الشنطة بحيث تستوعب عدد اكبر من الملابس والطريقة دى عبارة عن لف قطعة الملابس على نفسها بالشكل اللى فى الصورة دة .


    **الطريقة دى بنفذها مع كل قطع الملابس.
    **وبعدين بنقوم بوضعهم داخل الشنطة بحيث يبقوا ملتصقين ببعضهم.
    **يتم وضعهم على هيئة صفوف فوق بعض.
    **وبكدة هنوفر من المساحة جوه الشنطة كتير علشان تقدر تشيل ملابس تانية كنا ممكن نستغنا عنها فى الرحلة لو مش عارفين نظبط الشنطة صح

    5- استخدام الأماكن الغير مستغلة في شنطة السفر

    احيانا يتبقى فى الشنطة أجزاء غير مستغلة، ودة يعتبر إهدار لأماكن فى شنطة السفر كان من الممكن أننا نستغلها بأغراضنا
    فلازم نراعى عدم ترك الأجزاء دى واستخدامها لوضع حاجات صغيرة أو أشياء يمكن طيها زى :
    الملابس الداخلية.
    الشرابات.
    الشواحن.
    فرش الشعر.
    الإكسسوارات

    6 - مراعاة فصل محتويات الشنطة المختلفة عن بعضها البعض

    زي مثلا نخلى بالنا اننا نحط الأحذية فى شنطة بلاستيكية قبل وضعها فى شنطة السفر ، وهكذا بالنسبة للعطر مثلا نحطها فى شنطة بلاستيكية و نقفلها كويس قبل ما نحطها فى الشنطة عشان متتكسرش جوه وتبهدل الملابس
    وهكذا بقى بالنسبة للكريمات او معجون الاسنان وغيرهم

    7- التأكد من نظافة الملابس قبل وضعها فى الشنطة

    يفضل غسل الملابس قبل وضعها فى شنطة السفر و التأكد من نظافتها عشان تحافظ على ريحتها كويسه خلال الرحلة و على الاخص الرحلات الطويلة.
    فالملابس الغير نظيفة لو اتحطت مع الملابس النظيفة فى نفس حقيبة السفر لفترة بتسرب ريحتها للملابس النظيفة و تأثر عليها بشكل كبير و خصوصاً الجوارب الغير نظيفة.


    8 - إستخدام أكياس محكمة الغلق

    الأكياس محكمة الغلق لا غنى عنها فى اى شنطة سفر فهى تعتبر من الحاجات المهمه عند تحضير الشنطة . و بتستخدم الأكياس محكمة الغلق للآتي :
    الشواحن
    ممكن نحط الشواحن جواها عشان تكون مرتبة داخل شنطة السفر وغير مهملة زى شواحن الموبايلات والكاميرا، سماعات الموبايل و شواحن اللابتوب او الاجهزة .
    السوائل
    ممكن بردو من خلال الاكياس دى نحط زجاجات السوائل بداخلها زى زجاجة العطور أو زجاجة الــ (صن – بلوك) أو كريم الحلاقة أو معجون الأسنان، و دة لتفادي تسربها للملابس
    المتعلقات صغيرة الحجم
    المتعلقات صغيرة الحجم دايما بتكون صعب التعامل معها فى حقيبة السفر لصغر حجمها فالأكياس المحكمة الغلق فى الحالة دى بتنفع جدا . والمتعلقاتدى ممكن تكون مثل قصافة الأظافر، مفتاح البيت ، مفتاح العربية ، البطاقة الشخصية و غيرها


    9 - استعمال القطن للحفاظ على المكياج بالنسبة للبنات

    وعلشان البنات فى حاجات كتير بتستخدمها لا غنى عنها فى السفر ، و هنا جت فكرة التفكير فى طريقة عشان نحافظ على المكياج خلال الرحلة داخل الشنطة ،دة لان فى أنواع من المكياج سهلة الكسر ،فيه طريقة بسيطة بتكون عبارة عن وضع النوع دة من المكياج بحيث يكون ملفوف كل حاجة من المكياج القابل للكسر فى قطعة قطن لتجنب الكسر و التلف

    10 - التقليل على اد ما نقدر من الأمتعة اللى ممكن استبدالها

    لازم على اد ما نقدر نقلل من الأمتعة اللى هناخدها معنا فى رحلتنا ،ونحاول استبدل الأمتعة الكبيرة بأمتعة أصغران أمكن ، فمثلاً بدل ما ناخد مجموعة من الكتب و الروايات و المجلات اللى ممكن نحتاج نقرأها فى الرحلة ، ممكن نستبدلها بـ التابلت او الموبايل و نحمل عليه الكتب و الروايات اللى محتاجنها.
    كمان لازم نراعى المدة و عدد الايام اللى هنقعدها فى رحلتنا عشان عليها نحسب الملابس الكافية اللى هانستخدمها خلال الفترة دى لا اقل ولا اكتر .
    11 - افتكر تأخذ أغراض مزيفة لتجنب او تفادى التعرض للسرقة !

    سواء كانت الرحلة داخل البلد او خارجها فكلنا بنقلق من اننا نتسرق ففى الحالة دى يفضل يكون معنا أغراض مزيفة لتفادى السرقة.
    فمثلاً لو الرحلة ليها علاقة بنزول البحر اكيد هنضطر فى الحالة دى نسيب مفتاح الغرفة و الفلوس و الموبايل على الشاطئ فى وقت النزول ف ممكن نستخدم زجاجة الــ (صن-بلوك sun block) فاضية و نحط جواها اغرضنا اللى نخاف تتسرق والافكار دى لتفادى السرقه وممكن تشوفوا الفكرة من خلال الصورة اللى جايه دى


    12 -وضع علامة مميزة على شنطة السفر

    من الافضل وضع علامة مميزة على شنطة السفر علشان نلاقيها بسهوله على سير الشنط فى المطار، و وعشان متخطلتش بينها و بين شنطة تانيهممكن جدا يكون يها نفس الشكل واللون ،فخلى عليها ورقة فيها اسمك و بيانات تخصك ، أو تحط شريطة بلون معين أو شريط لاصق أو أى علامة شايفها مناسبة ليك تقدر منها تتعرف على شنطتك بسهولة فى المطار.


    13-اشترى شنطة سفر تكون وزنها خفيف

    وشراء شنطة سفر خفيفة من الحاجات المهمه بردو اللى لازم نتأكد منهاواحنا بنجيب شنطة السفر ، لان ممكن الشنطة تسبب وزن زائد خلال الرحلة ،ف متبصش بس للشنط الاغلى او الاجمل في الشكل بس يفضل تدور عن الشنطة اللى تكون خفيفة سهل حملها وبجودة عالية ، كمان تكون محكمة الخياطة وخامتها كويسة عشان متتأثرش بالصدمات خلال الرحلة.


    14 -متنساش توزن الشنطة قبل السفر

    فى حالة لو الرحلة طويلة وهتسافر بالطيارة فى الحالة دى هتحتاج ميزان قبل ما تروح المطار، فكتير مننا بيتفاجأ فى المطار عند وزن الشنط بوزن ذيادة وبيكون مطلوب دفع فلوس على الوزن دة مع ان ممكن جدا الحاجات اللى هيتدفع على وزنها فلوس متكونش بالاهمية دى
    وممكن كمان نلبس بعض الملابس الشتوية اللى بيكون وزنها تقيل و أهميتها ضرورية فى الرحلة زى الجاكيت التقيل او البوت ، فيفضل يكون إرتداء الملابس الثقيلة و حملها معنا على الطائرة بدل من تكديسها في الشنطة لانها بتأخد مساحة كبيرة دة غير الوزن.


    15 - راجع المقاييس المحددة لشنطتك اللى هتكون معك على الطيارة (شنطة اليد)

    الافضل نتأكد من مقياس شنطة اليد الصغيرة اللى بتكون معنا على الطيارة ، و نعرف المقياس المحدد و الوزن المسموح به على شركة الطيران التابعة ليها الرحلة، عشان متكونش أكبر من المقياس المحدد.ونكون وقتها فى صعوبة إتخاذ قرار يأما نسيبها أو تتحسب ضمن الوزن على كاونترات تأكيد الحجز (Check-In Counters) وممكن ندفع عليها وزن زائد كمان.








    [/COLOR]


  2. #2
    ©؛°¨°؛©][مشرف سفاري سريلانكا والمالديف][©؛°¨°؛© الصورة الرمزية الريمي
    تاريخ التسجيل
    Aug 2010
    المشاركات
    5,354

    يعطيك العافية اخي افكار حلوة لاستغلال مساحة الحقيبة كاملة

    شخصيا اعتمد طريقة تسجيل الاشياء في دفتر قبل شهر على الاقل من موعد سفري

  3. #3
    مراقب عام
    تاريخ التسجيل
    Jun 2016
    الدولة
    الامارات العربيه المتحده ابوظبي
    المشاركات
    5,247

    [QUOTE=الريمي;1148542]يعطيك العافية اخي افكار حلوة لاستغلال مساحة الحقيبة كاملة

    شخصيا اعتمد طريقة تسجيل الاشياء في دفتر قبل شهر على الاقل من موعد سفري


    .الله يعافيك اخوي

  4. #4
    [مراقبة المنتدى العام] الصورة الرمزية ست الكل
    تاريخ التسجيل
    May 2007
    المشاركات
    1,257

    يعطيك العافية خوي هارتي

    نصائح رائعة

  5. #5
    مراقب عام
    تاريخ التسجيل
    Jun 2016
    الدولة
    الامارات العربيه المتحده ابوظبي
    المشاركات
    5,247

    اقتباس المشاركة الأصلية كتبت بواسطة ست الكل مشاهدة المشاركة
    يعطيك العافية خوي هارتي

    نصائح رائعة
    .الله يعافيج اختي

المواضيع المتشابهه

  1. ما هى الطريقة الصحيحة للانتقال من كوه لانتا الى كرابى
    بواسطة abonoor9999 في المنتدى ركن الاستفسارات والاخبار السياحية الخاصة بتايلند
    مشاركات: 0
    آخر مشاركة: 2015-07-04, 03:34 PM
  2. الطريقة الصحيحة للامساك بالكاميرا أثناء التصوير
    بواسطة عقد الأصداف في المنتدى سفاري العدسات الرقمية
    مشاركات: 3
    آخر مشاركة: 2014-12-04, 11:24 PM
  3. الطريقة الصحيحة للغسل من الحدث الأكبر
    بواسطة قلب حنان في المنتدى سفاري الدعوة الإسلامية
    مشاركات: 6
    آخر مشاركة: 2010-04-22, 01:16 AM
  4. الطريقة الصحيحة لاستخدام آلة التصوير
    بواسطة لـــوحـــه فـــنـــيـــه في المنتدى سفاري العدسات الرقمية
    مشاركات: 4
    آخر مشاركة: 2007-12-13, 08:44 AM
  5. الطريقة الصحيحة لشراء اللأثاث من الصين
    بواسطة ابراهيم الشتوي في المنتدى ركن الاستفسارات والاخبار السياحية الخاصة بالصين وهونج كونج
    مشاركات: 2
    آخر مشاركة: 2007-10-25, 05:47 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X