ارجوا المساعده لمن لديه الخبره في دول اوروبا
السلام عليكم ورحمه الله وبركاته
كيف الحال واتمنى للجميع الصحه والعافيه:
مابي اطول عليكم ابي ادخل بالموضوع على طول.
بأذن الله تعالى قررنا السفر انا وأثنين من ابناء عمي الى اوروبا بسيارتنا الخاصه أنطلاقاً من دولة الكويت ومروراً بالسعوديه وشق الطريق الى بدايه تركيا لكي نتمكن العبور الى ما خلف تركيا
رحلتنا من 40 الى 45 يوم المطلوب منكم المساعده
ماهي الطلبات التي تلزم السياره لثبات ملكيتها وحمل الرخصه والنصائح والارشادات والخرائط
<<<==== شكلي ثقلت عليكم بس مالي الى الله وثم انتم الله يجزاكم خير :
أنطلاقاً من الكويت السعوديه الاردن سوريا<<- مرور فقط الى الرحله المهمه
تركيا + بلغاريا + رومانيا + سلوفاكيا + النمسا + ألمانيا + هولندا + فرنسا
الدول اللي نبي نقعد فيها كل دوله ثلاث او اربع ايام ويمكن أكثر
(اذا كان في دوله من الدول اللي ذكرتها ما تصلح او ما تنصحوني فيها ياليت تقولون لي )
ياليت اللي عنده خبره بالدول اللي ذكرتها يذكر كل دوله الاماكن الحلوه وعملتها والاوراق المهمه والسكن والفيزا وهل يجب كل دوله لها فيزا او فيزا شنقن
اللي معاي الحين بوصله وجهاز ملاحه وهاتف الثريا فقط وناقصني المعلومات b::4 والنصائح
