صفحة 2 من 4 الأولىالأولى 1234 الأخيرةالأخيرة
النتائج 11 إلى 20 من 38

الموضوع: لاتفكر ولاتحتار ... النمسا .... هي الاختيار ... تقرير رحلتي

  1. #11
    خبير سفر
    تاريخ التسجيل
    May 2006
    المشاركات
    527


    السلام عليكم

    نعود لموضوعنا


    اليوم كان اخر يوم لنا في فيينا



    طبعا اول ما اصبحنا وكالعادة الافطار

    وهالمرة قررنا نفطر في محطة المترو اللي جنبنا

    خصوصا فيها كوفي شوب وريحة الخبز عندهم تدوخ الراس



    وكان هذا فطورنا














    وبعد الفطور ولله الحمد


    رحت انا ابي استلم السيارة

    طبعا لان موقع الفندق كان مميز ولله الحمد

    فقررت اروح مشي لمحل يوروب كار

    اخذت الجارمن معاي وقلت باسم الله


    وانا في الطريق امشي

    الا شفت مبنى كأنه سفارة لان عليه علم دولة غريب

    بس شكله من افريقيا

    واشوف عالم مجتمعين عند الباب برا

    قلت شكلها مظاهرة

    وفرصة اشوف مظاهرة على الطبيعة

    وقفت اشوف ماصدقت خبر طبعا


    وانا واقف اتفرج وعالم تصارخ يبون يفتحون الباب ويدخلون بالقوة والباب مصكر واصوات و و


    الا اشوف سيارتين شرطة جت

    قلت ايوه جاهم الجلد


    انحش ياولد

    لايحسبوني منهم وانجلد

    والخوف مليح




    ورحت كملت مشواري لمحل اجار السيارات

    طبعا قدمت ورقة الحجز

    وقلتلهم اني بمنحكم شرف اني باخذ سيارة من عندكم

    طلبوا مني كل الاوراق الثبوتية الرخصة الدولية والجواز

    وطلعوا المفتح واشوف عليه شعار اوبل

    قلت حلو

    المهم وقت الدفع

    صار فيه مشكلة عندي بالكرديت




    فاضطريت اني ارجع مرة ثانية للفندق اجيب كاش واجيب البطاقة الثانية احتياطا

    وهنا انبه الكل انه لازم تكون عامل احتياطك لاي طوارئ



    المهم وانا راجع قلت الله يستر علي شلون بمر من عند المظاهرة

    >>> خايف من



    الغريب لما مريت من عندهم

    حصلت تقريبا سبع سيارات شرطة غير الفان والباص

    والعساكر نازلين يسولفون ويدخنون ولا كان شي صاير

    والعالم مجتمعين واكثر من اول


    قلت ياولد انت وش عليك بالناس هم اخبر بانظمتهم وديرتهم






    المهم

    بعد مارجعت مرة ثانية لمحل الاجار

    طلعت لي مفتاح هونداي

    قلت افا

    يعني قبل شوي كان مفتاح اوبل

    وغبت شوي صار مفتاح هونداي


    اجل لوبغيب وارجع مرة ثانية اخاف يصير سيكل


    قالت انت طالب سيارة اقتصادية

    وهذي سيارة اقتصادية


    قلت تيب


    وين كراسي الاطفال اللي طالبها

    قالو ماعندنا الحين

    ممكن تاخذها من وجهتك الثانية قلت اوكي

    والامور ان شاء الله سهلات






    المهم اخذت الاوراق ورحت للكراج استلم السيارة

    واول ماطلعت من الكراج والمواقف وطلعت على الشارع

    وسواقه غريبه علي

    ونظام غريب و و و

    هنا حقدت من قلب على بوفارس







    قلت ياليتنا من حجنا سالمين

    ياليتني على التكاسي والقطارات

    وش وهقني

    الله يسامحك يابو فارس

    وشو هالوهقة

    ياليتني ماسمعت كلامك

    لان شوارعهم فيها سبعين لوحة

    وخطوط الارض سبعين خط والف سهم

    ونظامهم غريب


    قلت ياولد توهقنا الحين وخلاص مافيها

    وكل هالوقت وانا ادعي على اللي كان السبب






    المهم رجعت الفندق واخذت العائلة وتوكلنا على الله باتجاه سالزبورغ


    واليكم صور من الطريق


    حياكم معنا
















    وهنا لوحة سالزبوغ








    طبعا في الطريق قررت اوقف عند المحطة نجرب الكوفي مالهم





    طلع غاااااااااااااااااااااااااالي قيمة الكاس تقريبا ب 6 يورو ولافيه الا النص ودافئة مب حاره




    رجعت واصلت الطريق الى سالزبورغ


    ومستر جارمن معنا ... قصدي احنا اللي معاه

















    والجو ماشاء الله











    كان التوجه مباشرة لفندق راديسون ساس او رينساس لانه غير الاسم

    تم حجزه عن طريق النت غرفة ثلاثية






    وبعد ماريحنا شوي

    طلعنا نتمشى في المدينة القديمة

    ولما وصلنا هناك قعدنا ندور موقف

    واثناء البحث عن موقف


    وفجأة







    وقفتني سيارة شرطة قالوا على جنب

    قلت افا

    عسى مب يقصدوني قالوا انت وقف على جنب



    وقفت الا نزلت شرطيتين وجو عندي

    التفت على ام العيال

    قلت الله يالدنيا صارو الحريم يوقفونا >>>> شكلي بنجلد


    كله منك يابوفارس




    المهم يوم جتني الشرطية

    قالت الرخصة

    قلت ابشري طال عمرك

    قالت ليش تركب الاطفال بدون كرسي

    ممنوووووووووع


    قلت والله اني طالب كراسي اطفال بس قالوا ماعندنا اطلبها من الفرع الثاني

    وانا توني واصل

    وابشري مايكون خاطرك الا طيب

    قالت اقولك ممنوع

    قلت طيب امري طال عمرك شنو المطلوب

    قالت ينزلون

    قلت نععععععم ؟؟ بس نبي ندور موقف ومطعم ونرجع

    قالت اقولك الاطفال ينزلون

    ممنوع تمشي وهم معك

    قلت خلاص ماعاد ابي موقف ولا عاد ابي عشا

    بس ابي ارجع للفندق

    قالت




    لازم ينزلون وروح انت لحالك


    وهنا بغيت اصيح شلون بترك الاطفال


    قلتلها توهم صغار مايعرفون شي

    قالت ينزلون وتنزل امهم معهم

    وهنا فرحت

    قلت طيب بنزل امهم اوكي ماعندي مشكلة واروح انا واياهم




    قاااااااااااالت الحين ينزلون هم وامهم وانت روح الفندق وهم يركبون تكسي يجون


    قلت ايه هين

    قالت نعم

    قلت ابششششششششششششششششششششششري





    نزلت ام العيال والاطفال معاها قلت لهم انزلوا بروح ادور موقف وارجعلكم

    وفعلا رحت وقفت ورجعت



    ورحنا تمشينا في المدينة القديمة

    وتعشينا

    وبعد العشا

    واظلم الليل رحنا ركبنا السيارة ورجعنا للفندق

    ولا من شاف ولا من درا



    وهذي صور من المدينة القديمة والنهر اللي عندها



























    واخر صورة في هذه الحلقة






    وسلامتكم



  2. #12
    عضو سفاري الفخري الصورة الرمزية أبومنار
    تاريخ التسجيل
    Jul 2012
    الدولة
    Saudi Arabia
    المشاركات
    1,868

    تقرير ممتع حقيقة رجعتنا لتقارير الزمن الجميل

    عاد الشرطة النمساويه تدور الزله باي طريقة

    متحمسين معك نبي نشوف باقي المغامرة

  3. #13
    نجم سفاري
    تاريخ التسجيل
    Oct 2005
    المشاركات
    3,598

    Captin

    عليكم السلام والرحمة والبركة
    يعطيك العوافي أخوي على هذا التقرير الأكثر من رائع وعلى هذه الصورة الجميلة
    تابع ونحن من المتابعين لهذا الجمال
    دمت بخير

  4. #14
    ©؛°¨°؛©][مشرف سفاري التشيك][©؛°¨°؛© الصورة الرمزية تشيكي كارفينا
    تاريخ التسجيل
    May 2011
    المشاركات
    1,786

    صور في غااايه الجمال والروعه

    التقرير من اول كان رااائع

    تااابع

  5. #15
    مسافر جديد
    تاريخ التسجيل
    Jun 2018
    المشاركات
    381

    فعلاً لا تفكر ولا تحتار ... ( كابتن ) هو كل الجمال



    تقول انك تحطمت في بداية تقريرك لانك شفت الكثير من الصور الجميلة عن النمسا

    يارجل صورك جميلة للغاية واحترافية والكاميرا ممتازة

    وسردك ووصفك لجولاتك في غاية الابداع والتشويق

    والحمد لله على سلامة العيال بعد ما كان سيتم اختطافهم من الشرطية النمساوية

    ذكرك لهذه النقطة مهم ومفيد للغاية للاعضاء ليكون الجميع على اطلاع

    صور الكرز والتوت وبراد القهوة اللي في البلكون عذبني

    في الحقيقة لقد استمتعت بتقريرك الجميل وسأكون لك من المتابعين

    في انتظار ( المظاهرات ) اعتقد بأن رحلتك مليئة بالاحداث المثيرة

    دمت سعيداً ...

  6. #16
    ©؛°¨°؛©][مشرف سفاري الفلبين][©؛°¨°؛© الصورة الرمزية mabuhay
    تاريخ التسجيل
    Apr 2006
    الدولة
    MNL
    المشاركات
    1,398

    اسلوب جميل
    وصور رااااااااائعه
    تسلم الايادي ياكابتن
    متابعين معك

  7. #17
    خبير سفر
    تاريخ التسجيل
    May 2006
    المشاركات
    527

    السلام عليكم
    عدنا لكم من جديد


    هذا اليوم كان ثاني يوم لنا في سالزبورغ
    كان عندنا عدة زيارات للقرى القريبة والمجاورة لسالزبورغ

    اول ما اصبحنا رحت اتمشى حول الفندق
    والحمدلله حصلت سوبر ماركت تركي ( تركيا )


    من قلب حبتين


    لقيت منتجات واشياء مفهومة
    مثل لبنة وجبنة بينار >>>>>>>> احم احم دعاية مجانية
    وزيتون مثل اللي عندنا واشياء كثيرة

    واهم شي اهم شي
    لقيت ماء مثل الناس
    لان بصراحة ما اعجبني ابدا طعم الماي اللي هناك تى اللي بدون غاز

    لقيت ماي نوع بينار
    وماصدقت خبر
    اخذت كرتون فرصة ماتتعوض تحصل سوبر ماركت مثل العالم

    المهم
    بعد اعداد القهوة
    جهزنا اغراضنا
    وتوكلنا على الله متجهين الى قرية وولفجانج




    والجو كان اروع من الرااااااااااااااااااااائع






    وهالمناظر ماشاء الله يمين ويسار الخط







    تحتار انت تسوق او تشوف او تصور










    طبعا وفي الطريق لازم تمر على عدد من القرى









    واااااااااااااااااااااااااااااااه عالجو وجمال
    واااااااااااااااااااااااااااااه عالمناظر الحلوة
    وااااااااااااااااااااااااااااه عالطبيعة






    يعني مهما كان طول الطريق ماتحس فيه
    لانك مستمتع









    طبعا
    بما ان الجارمن معنا
    عاااااااااادي اطلع من الخط يمين او يسار اتمشى بين هالطبيعة
    والجارمن يرجعنا للخط السليم مشكورا














    طبعا في الطريق دار بيننا الحديث التالي :
    ام العيال تقول مب كان الطريق صار طويل
    قلت الحمدلله مستانسين
    بعدين انتي شعرفج

    الشباب في المنتدى يقولون اذا جيت بتروح للاماكن اللي برا سالزبورغ ابدا ب ولفجانج لانها الابعد
    وانت راجع مر على بحيرة مونسي وبحيرة سنت جيلجن ( ياجماعة ياليت حد يصحح هالاسامي ) والمعنى في بطن الشاعر

    قالت طيب
    ما دام انت متاكد وهذا كلام المنتدى فما اقول الا خير

    قلت طبعا باذن الله خير وبعد القرية طبيعي جدا

    ولانزال في المشوار للوصول للقرية الروووووووووووووووووووووعة







    بصراحة الواحد يكفيه يتمشى بالسيارة ويرجع












    واخيار وصلنا الحمدلله ل وولفجانج واحصل هالمكتب
    طبعا هالمكاتب حبيتها هناك واول ماوقفت الا اسمع جرس الكنيسة
    قلت يؤ شعرفهم اني وصلت



    وانزل بكل ثقة

    معاي الخريطة
    وادخل اقول للموظفة بكل ثقة
    ولاعليك امر ابي اعرف وين مواقف البحيرة
    قالت اي بحيرة الله يحييك

    قلت ايوه بدينا العبط
    البحيرة هذي اللي في الخريطة واطلع الخريطة لها

    قالت صح عليك ولكن

    ||
    ||
    ||
    ||
    ||
    ||
    ||
    ||
    ||
    ||
    ||
    ||
    ||

  8. #18
    خبير سفر
    تاريخ التسجيل
    May 2006
    المشاركات
    527

    ||
    ||
    ||
    ||
    ||
    ||
    ||

    هذي البحيرة او القرية المدعوة ب وولفجانج في النمسا ؟؟!!!!!!!!!!

    قلت هااااااااااااااه وانا وين ؟

    قالت انت في المانيا










    قلت تكفين قولي غيرها موجوده لوحه برا مكتوب عليها وولفجانج

    قالت هذا فندق اسمه وولفجانج

    فخيم الصمت فترة >>>> فلم بوليسي

    قالت ابي اوصفلك وتحمست مسكينة وتطبع لي خريطة من كتاب عندها
    وتدخل على قوقل وتراويني الخط وتشرح لي
    وانا مفهي معاها طول الوقت
    شايل هم وش بقول لام العيال
    وانا قاعد اتفلسف ساعة وان المشوار عادي انه طويل و و و و و

    ( وبصراحة تاثرت شلون اني انتقلت من دولة الى دولة بدون اي حدوووووووووود )
    المهم

    هي تشرح
    تقول فهمت
    وانا اقول ايه
    هاتي الاوراق وماقصرتي
    وبيض الله وجهك

    واطلع واول ماركبت السيارة
    قالت ام العيال هاه وش الاخبار
    قلت انا نسيت محفظتي وفلوسي كلها في الفندق ولازم نرجع مايصير نروح للقرية بدون فلوس والحين تذكرتها >>>>>> عاش مصرف


    قلت اسمعي
    مب لازم نتقهو على البحيرة
    والحمدلله الجو حلو والطبيعة في كل مكان
    والسالفة ومافيها اننا ضيعنا
    فلو تكرمتي خلينا نتقهو بالسيارة الين نرجع لمكاننا الصحيح
    والحمدلله عدت السالفة على خير

    طبعا اضطرينا نرجع
    لكن ربي يشهد ان الجو والمناظر والقهوة طبعا في السيارة
    ماتحس فيها ابدا لا بالوقت ولا بطول المشوار




































    طبعا احيانا تضطر توقف عشان تصور
    والحمدلله دام الجارمن معنا
    فعااااااااااااااااااااااااادي
    نوقف على راحتنا
    وندخل في طرق فرعية على راحتنا
    والحمدلله الامور تمام

    وهذي طبعا المرسيدس حقتنا
    اقصد الرنج روفر رفيقنا وصاحبنا في المغامرات




    ادري انها هونداي بس هم يدلعونها رنج روفر واحيانا مرسيدس >>> تلعب على من انت


    على فكرة السيارة اقتصادية واغرب شي فيها
    انك اذا وقفت عند اشارة مثلا او دوار
    تطفي لحالها واول ماتضغط على الفرامل عشان تعشق تشتغل لحالها
    >>>>>>>> عشان توفر بنزين

    بس كنت شايل هم انها تخرب كثر ماتطفي وتشتغل



    عودة للصور في طريقنا الى بحيرة مونسي















    محلا السكن هنا















    او السكن هنا











    بذمتكم بعد هالمناظر هل يتحسف الواحد انه ضيع الخط
    >>>> هالسؤال خاص للي قاعد يضحك علي يوم ضيعت
















    والحمدلله وصلنا للبحيرة ( مونسي او بحيرة القمر )
    وبعدها بشوي رحنا لبحيرة سانت جيليجن
    وتغدنيا هناك
    وكانت النية ناخذ جولة بالسفينة بس كانوا مسكرين
    >>>> هم الخسرانين طبعا















































    وبعد ماخلصنا
    ولعبوا الاطفال بالالعاب الموجوده هناك
    رجعنا للفندق ريحنا شوي
    وفي خاطرنا قهوة من المدينة القديمة

    وعارفين لي سوابق مع الشرطة هناك
    فاضطرينا نروح مشي >>>>>> الخوف مليح


    وكل ماحصلنا كوفي لقيناهم يشيلون اغراضهم
    صارت الساعة 9 والعالم يبون يمشون
    وحضرتي توني جاي

    والدنيا اظلمت واللي معاي كلهم خايفين
    نبي نرجع نبي نرجع لانه كان هدووووووووووووووووووووووووء مخيم على المكان >>> شسالفة مخيم اليوم


    المهم واحنا راجعين للفندق مرينا عند محطة الباصات
    وفعلا كانت هااااااااااااااااااااااااادئة
    وفيه كوفي في الزاوية هناك
    تقهوينا فيه ورجعنا ولله الحمد بالسلامة للفندق
    وانتهت احداث اليوم

    اشوفكم على خير
    وفي امان الله

  9. #19
    ©؛°¨°؛©][مشرفة سفاري البحرين][©؛°¨°؛© الصورة الرمزية نايفه
    تاريخ التسجيل
    Sep 2008
    المشاركات
    1,696

    ومازال شلال الابداع \ينهمر علينا
    والله ياكبتنا الغالي ارويت عطشنا
    وشوقنا لهذي السهول الجميله
    واصل ولاتطول علينا
    تكفى تكفى لاتطول
    نبي نتمتع بالتقرير الحلو
    والاسلوب الممتع والصور الاحترافيه

  10. #20
    [مراقبة عامة سفاري دول جنوب وشرق آسيا] الصورة الرمزية عاشقة شنج ماي
    تاريخ التسجيل
    May 2007
    المشاركات
    7,482

    صور في غاااايه الجماااال والروعه


    تقرير ممتاااااز

    عجبتني الصورة الاخيرة

    يسلموووو

صفحة 2 من 4 الأولىالأولى 1234 الأخيرةالأخيرة

المواضيع المتشابهه

  1. تقرير رحلتي الى النمسا وسويسرا ( مشارك في المسابقة 2010 )
    بواسطة ابراهيم النصار في المنتدى سفاري سويسرا والنمسا Switzerland & Austria
    مشاركات: 92
    آخر مشاركة: 2012-01-23, 04:17 PM
  2. (4)- التقرير الرابع (4)-(( لاتفكر ولاتحتار ...المتعة كلها في مونار))
    بواسطة خطوط في المنتدى سفاري الأقليم الهندي وإيران Iran & Indian Territory
    مشاركات: 39
    آخر مشاركة: 2009-11-17, 09:46 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X