نعود بكم من جديد ومع صور الحالمة تسلامسي
السكن في فندق
MAVIDA Balance Hotel & Spa Zell am See
فندق فخم وعلومة كلها زينة من فطور مجاني ومن إطلالة رائعة ومن موقع
ومواقف بالمجان .. عيبة الوحيد غالي شوي 1500 ريال لليوم
المهم نرجع للصور ومشاهدات من الطريق لتسلامسي
والي تبعد عن سالزبورغ حوالي ساعتين
أما فينا عن سالزبورغ تبعد حوالي 3 ساعات
الأماكن في زيلامسي
1_ التجول حول بحيرة زيلامسي الجميله
2_ الذهاب الى قمة كابرون
3_ الذهاب الى قرية سالفيدين وفيها الزحليقه الصيفيه
4_ الذهاب الى شلالات الكريمل والخوانق المائية
5_ الذهاب الى قمة شميتين هويه
6_ الذهاب الى ساحة الطيران flug platz لركوب الطائرة السياحيه ولكن لازم الحجز يكون مسبق عن طريق الفندق
من تنزل مطار فينا وانت في طبيعة ماتبحل بعمرك
والطريق من سالزبورغ الى زيلامسي رائع وسهل
نصيحة أي قرية تشوفها بالطريق لا تترد لف لها
وتمش نهارهم طويل مثل هذه القرية
زينة السيارة في أوربا أن علمك معك متى مابغيت حرك لأي
دولة ولا مدينة ولا قرية يعني مامعك سيارة بأوربا بتبحل بها
قطارات وتكاسي غالية ومتعبة
بقر التوفي .. يازين حلاوة التوفي القديم الي فيه رسمة بقرة
ياجماعة الخير دخلنا نفق طولة 10 كيلو !!! شي مو طبيعي
أعتقد في طريقنا للسويسرا
بدينا بالوصول للفندق
وهذا شارع فندقنا
وهذا فندقنا الرائع أنصح به وبقوة 10 × 10
وهذي إطلالة الغرفة الفندق فيه مسبح وحمام بخار بالمجان
عدنا من جديد وأول ما سكنا صلحنا لنا غدوة سريعة عبارة عن مكرونة ,, وأبشركم مادرو عنا
وهذا القدر الي تكلمنا عنه قبل
بعد الغدوة رحنا نتمسى على رجولنا والسيارة في مواقف الفندق
رحنا الله يسلمكم لقاعدة الطيران نبي نركب بس قالو لنا لازم
تحجزون قبل اما عن طريق الفندق او عن طريق النت قلنا هونا
مانبي نركب نبي الارض
وهذا مطارهم
بعدها رحنا لبحيرة زيلامسي الشهيرة
ومستحيل واحد يزور زيلامسي مايزورها ويركب
السفينة الكهربائية والشي الجميل في السفينة أنك أنت الي تسوقها
متعة فريدة وسعرها بسيط أتوقع في حدود 4 يورو حوالي 23 ريال
لمدة نص ساعة تتجول في بحيرة زيلامسي الجميلة
قمة الهداوة في هذه البحيرة
هذا فندق القراند من أشهر فنادق زيلامسي
يوم زرناه نتمشى فيه شفت أنواع الهياط وأنواع الأزعاج
فقلت الحمدلله أن حنا ماسكناه مع أن سعره كان أرخص بكثير النية كانت عليه
بس ربك دلنا على فندق هادئ .. الأزعاج ترى من ربعنا
الأوربيين مستحيل يسوون أزعاج
الحين جاء دور السواقه البحرية متعه مابعدها متعه
خلها على الخفيف وتمتع بالطبيعه وصور
رد مع اقتباس
