النتائج 1 إلى 5 من 5
Like Tree2اعجاب
  • 1 Post By ابن الخضراء
  • 1 Post By ندى الصباح

الموضوع: الى إفرست مغامرة مصرية فى نيبال الاسيوية و حكايات بين قمم الجبال و الوديان

  1. #1
    [ عضو مجلس الإدارة ] الصورة الرمزية منصور عاشق الترحال
    تاريخ التسجيل
    Feb 2011
    الدولة
    القاهرة
    المشاركات
    5,034

    الى إفرست مغامرة مصرية فى نيبال الاسيوية و حكايات بين قمم الجبال و الوديان


    مغامرة و سرد : أ/ عزت الزيات
    تقديم و تنسيق : م/ محمد منصور

    السلام عليكم و رحمة الله و بركاته

    نلتقى بكم اليوم فى مغامرة جديدة و احداث شيقة و حكايات مع العزيمة لتحقيق حلم للمغامر المصرى عزت الزيات الذى يحدثنا عن مغامراته فى النيبال للوصول الى القمة و تسلق افرست و الصعوبات و المخاطر الصحية التى واجهاها و الحمد لله على سلامته

    المغامرة بدون الاعتماد على مكتب سياحى و جروب لرحلة التسلق و هو قرار صعب لطبيعة المكان و خاصة انه وحيدا و المرة الاولى له فى الطريق الى افرست


    الحقيقة ان الرحلة استوقفتنى كثيرا لندرتها و لاسلوب السرد الممتع الذى تناول فيه الشخصيات و الاحداث و الخواطر فكانت عملا فنيا فى ادب السفر و الترحال يسعدنى و يشرفنى ان اقدمها هنا للقارىء العربى على منتدى سفارى املا ان تحوذ اعجابكم و رضاكم.



    من شبكة الانترنت خريطة تسلق ايفرست


    كل الشكر و التقدير لشخص عزت الكريم و ان شاء الله يكون اسم لامع فى عالم الترحال و السفر

    و قبل ان يبدأ عزت السرد سوف اقوم بعرض الصور من رحلته فى بداية التقرير علما بان ساضيف صورا اخرى من شبكة الانترنت خلال السرد لاهم المدن و المناطق التى زارها لتقريب الصورة اكثر للقارىء.






















































    حلم افرست

    موضوع افرست بدأ معايا وانا عندي 14.سنه يوم لما كنت قاعد في حصه المستر بتاعي وكان في براجراف (مقطع) في الكتاب عن جبل افرست انه هو اعلي جبل في العالم ومن اصعب التحديات الي موجوده في العالم الي ممكن اي حد يواجها في حياته الصراحه الكلام شدني جدا والموضوع شدني اكتر لما لقيت انه في واحد مصري اسمه عمر سمره بالفعل نجح انه يتسلق للقمه وكمان نجح انه يكون اصغر عربي يتسلق القمم السبعه الي موجوده في العالم بما فيهم جبل افرست ومن ساعتها وانا فعلا موضوع افرست ده في دماغي بس كنت ساعتها لسه صغير في السن وكنت اكبر مشوار بعمله في حياتي لحد اول شارع بيتنا ولو اتاخرت نصف ساعه اهلي كانوا بيقلقوا عليا جدا فكان الموضوع ساعتها شبه مستحيل.

    التحضير الى افرست


    بدا موضوع السفاري يظهر في حياتي والموضوع عجبني وبدات ااسس تيم Mount Dream والهدف انه احنا نعمل ايفنتس وسفاري رخيص للشباب بحيث انه احنا نساعدهم انهم يتعرفوا اكتر علي بلدهم وبالفعل اشتغلت ع الموضوع وحاليا اكتر من 80 % من مساحه مصر لفيتها وبدا الحلم القديم بتاع افرست يرجعلي تاني
    وخدت قرار في اول 2017.اني لازم اسافر هناك وحقق جذء من حلمي وهو الوصول للباز كامب.

    بدات احوش وأجمع فلوس يمكن مش اخدت فلوس من اهلي في الرحله دي غير حجات بسيطه جدا مش يكمل 5 في الماءه من فلوس الرحله.

    وبدات اجمع معلومات عن افرست لاني قررت اني هقوم بالرحله دي لوحدي من غير اي جايد او بورترس وده طبعا كان خطر بس انا كنت حابب اعتمد علي نفسي في كل حاجه.





    الطيران من القاهرة الى نيبال و الوصول الى العاصمة كاتمندو
    Kathmandu

    حجزت طيران لنيبال ونزلت العاصمه كاتمندوا وقبل ما أسافر كنت اتعرفت علي واحد نيبالي وعرض عليا انه يستضفني في بيته وانا رحبت بالموضوع جدا وبالفعل لما نزلت كاتمندوا لقيته مستنيني هناك قعدت عنده يوم ونصف تقريبا في خلال الفتره دي كنت بلف كاتمندوا انا وهو عشان نطلع تصاريح الجبل ونحجز الباص الي هيطلعني علي اول التراك بتاع افرست المفروض السفر يكون بطياره بس انا حبيت ابدا الهايكنج من نقطه ابعد الي هي حوالي فرق اسبوع هايكنج زياده عن النقطه بتاعت الطياره.

    صور من شبكة الانترنت لمعالم العاصمة كاتمندو و اسواقها



















    المهم تاني يوم ركبت الباص وبدات المغامره بتاعتي انا فاكر كويس انه الطريق الي الباص كان ماشي عليه كان اسوء طريق شوفته في حياتي الطريق تقريبا شبه محفور في الجبل كميه مطبات فظيعه الكلام ده استمر كده لمده 12.ساعه بس في خلال ال 12.ساعه دي شوفت حرفيا اجمل مناظر طبيعيه مش بشوفها غير في صور الفوتوشوب حرفيا جبال خضرا وشلالات نازله من قلب الجبل.

    المحطة الاولى Bhandar

    واخيرا وصلت لأول مدينه اسمها Bhandar وهي دي الي هنزل فيها ومن عندها هبدا الهايكنج بتاعي لحد أفرست والي هياخد من 16 ل 20 يوم اتجاه واحد.



    مشكلة غير متوقعة

    روحت هناك وحجزت في اللودج وانا نايم في الليله دي صحيت علي ألم فظيع في صوباع ايدي مش كنت عارف انام منه لحد لما الراجل صاحب الفندق شافني وانا ماسك ايدي وعرف انه في حاجه في صوباعي راح جابلي زي زيت كده مش عارف ايه ده المهم اخدت اي حاجه كده ودهنت صوباعي الالم هدي لكن صحيت الصبح لقيت صوباعي وارم اوي.

    المهم ربطه لحد اقرب مستشفي الي هي لسه بعد 4.ايام هايكنج.

    بداية التسلق (الهايكنج)

    صحيت الصبح بدري عشان ابدا الهايكنج بتاعي واكبر عقبه اتفجات بيها هيا الشنطه بتاعتي مش حسيت انه الشنطه بتاعتي تقيله غير بعد اول ربع ساعه هايكنج كنت حرفيا بمشي خطوتين وبقع من كتر التعب الشنطه كان وزنها 20 كم في مصر كان الموضوع قشطه لكن في نيبال المفاجاه انك علي ارتفاع 2500 متر

    لا ولسه كمان قدامك فوق 2500 متر دول 2800 متر هتطلعهم بالشنطه بتاعتك

    الموضوع اول يوم كان شبه مستحيل فعلا العقبه التانيه الي قبلتني الصبح انه المكان الي انا نزلت فيه ده الخريطه مش موضحه الطرق كويس يعني كنت بمشي علي كلام الناس كانوا بيوصفوا ليا الطريق وانا كنت سعات بمشي غلط يعني كنت اطلع مطلع غبي بالشنطه دي نصف ساعه مثلا واكتشف لما اقابل حد في نصف الطريق اني كنت ماشي غلط فارجع تاني وانزل المطلع ده وهكذا لحد لما قابلت واحده كانت معاها بنتها الصغيره واكتشفت انهم بالصدفه رايحين نفس القريه الي انا رايحها طبعا كنت بتعامل معاهم بالاشاره او بالحب كده

    لانهم كانوا مش بيتكلموا انجلش المهم فضلنا ماشيين وماشيين لحد لما لقيتها وقفت مره واحده والي فهمته بعد كده انها مش عارفه تكمل الطريق وانه احنا توهنا

    طبعا كل ده وانا ميت من التعب من كميه المطالع الي طلعتها بالشنطه

    فين وفين لحد لما لقينا واحد عجوز مش اقل من 60 سنه كان رايح نفس المدينه دي طبعا شاف منظري ومنظر صوباعي كان هاين عليه يديني ربع جنيه كنت شبه المتسولين حرفيا

    عرض عليا انه يشيل ليا الشنطه طبعا بصيت له كده الي هو يعني ايه ياحج صلي ع النبي انت تلاقيك ساند نفسك بالعافيه اصلا وكمان كان بيشرب سجاير

    المهم قولت خلاص اديله الشنطه وهي خطوتين وهينخ

    الراجل مسك الشنطه ولا كانه ماسك ربع كيلو خيار ولقيت البنت الصغيره الي كانت معانا الي تعبت من كتر المشي شالها وحطها علي كتفه


    عاااااااااااش

    الراجل فضل ماشي ماشي بيتمختر بالشنطه ولا كانه خارج مع خطيبته وفين وفين لحد لما وصلنا لبيتهم الي هو مسافه حوالي ساعه هايكنج من القريه الي انا المفروض هنزل انام فيها قعدت معاهم شويه وشربت شاي وعرضوا اني ابات عندهم بس انا كنت. حابب انجز في الوقت

    وصلت القريه الحمد لله الساعه 6 المغرب وانا ميت من التعب وده كان اول يوم في الرحله بتاعتي

    الوصول الى junbesi

    اليوم التاني صحيت الساعه 6 صباحا وجهزت نفسي عشان اروح المدينه التانيه وبدات اتأقلم مع الشنطه شويه والحمد لله وصلت الساعه 4.العصر تقريبا ونمت في اللودج وهكذا الموضوع استمر لحد ماوصلت لمدينه junbsi المدينه الوحيده تقريبا الي كان فيها عياده في خلال الفتره دي كل شويه صوباعي كان حالته بتسوء اكتر بسبب طبعا الساقعه واني مش كنت رابطه كويس وصلت للمدينه والدكتور استغرب لانه اول مره يشوف مصريين في المكان ده لقيته بيسألني عن مصر واخبار حسني مبارك ايه

    وانه هو كان افضل من الرئيس الحالي المهم ظبطلي صوباعي وربطه وقالي لازم تغير عليه كل يومين قولتله طب انا المدينه الي جايه حوالي 5.ايام ينفع اغير عليه بعد 5.ايام قالي عادي مفيش مشكله استغربت لانه دي تقريبا اكبر غلطه عملتها طول الرحله بس قولت اكيد هو مش فهمني



    نواصل الصعود بعد junbsi و المرور عبر مدينة lukla

    كملت في الطريق بتاعي عادي وكل لما بطلع فوق الشنطه حملها يزيد والتعب يتراقم عليا ده غير الجو كان سعات بيقلب مره واحده ومطر وطين وصخور وزحلقه من هنا للصبح

    كنت في الاول بقابل ناس كل فين وفين في الطريق بتاعي لدرجه اني اي حد بشوفه بفضل اتكلم معاه ربع ساعه من كتر ماهما قليلين لحد لما وصلت لمدينه lukla على ارتفاع 2840متر وبدات اعداد الناس تزيد عديت مدينة lukla



    الوصول الى namch bazaar و مشكلة غير متوقعة على ارتفاع 3440 متر

    و وصلت لمدينه
    Namche Bazaar تقريبا من اجمل المدن الي عديت عليها في الطريق وهي كانت مدينه متقدمه شويه وهادءه جدا وتقريبا من اعلي المدن في العالم الي مبنيه علي ارتفاعات شاهقه حوالي 3440 متر وهي دي تاني مدينه اعدي عليها فيها عياده بس طبعا كبيره ونظيفه جدا




    وصلت الكامب الي هبات فيه وقولت لما اخد باصه علي صوباعي كنت متخيل انه عدي 5 ايام بقي فهفتح الجرح هلاقي الدنيا اتظبطط وصوباعي رجع زي الاول
    روحت جايب كرسي ولسه بفتح الرباط شميت ريحه سيءه ولقيت صوباعي مشوه جدا روحت قفلت الجرح تاني وطلعت ع العياده عشان الدكتور يشوفه

    طبعا كان الشاش بتاع الرباط كان لازق في الظفر ولحم بتاع الصوباع فلك ان تتخيل كميه المعانا وهو بيشوله وبعد لما شاله قالي لازم نشيلك ظفرك لانه اتصاب ببكتريا قولتله مفيش،حل تاني ؟
    قالي اما نشيل ظفرك او نقطعلك صوباعك كله
    طبعا قولت ظفري في داهيه ارحم
    طبعا اداني 3 حقن بينج في صوباعي وبعد كده شاله ونظف وقالي غير عليه كل 3.ايام
    طبعا من ساعتها وانا بغير عليه كل يومين تقريبا

    و اخيرا مشاهدة قمة افرست

    صحيت الصبح وسبت اللودج عشان اكمل رحلتي للمدينه التانيه واخيرا وانا في الطريق شوفت قمه افرست

    ودي كانت اول لقاء ليا مع افرست الي هو يعني اخيرا اتقابلنا وشوفت معاها قمم مشهوره كتير زي قمه Lhotse اعلي رابع جبل في العالم و قمه Amadapant كل ده كان جنب بعض



    الوصول الى tengboche على ارتفاع 3870 متر

    كملت الرحله بتاعتي لحد لما وصلت لمدينه tengboche وكنت عارف ساعتها اني مش هلاقي مكان ابات فيه لانه الوقت ده كان في احتفال في المعبد سمعت بنصيحه الهاوس كيبر ونزلت ادور في المدينه الي بعدها بالصدفه قبلت جروب من كندا وامريكا كان بيواجه نفس المشكله فقولت ادور معاهم يمكن نلاقي اوض تاخدنا كلنا وبالفعل هما كانوا 4.وانا الخامس ومش لقينا اوض غير اخر غرفتين في الكامب واحده دبل والتانيه تربل ف الظروف الحمد لله خدمتنا اوي



    الوصول الى pheriche على ارتفاع 4240 متر

    اليوم التاني كملت لمدينه pheriche المدينه دي شبه متحوطه بالجبال و الجو هناك فظيع جدا ساقعه لا تحتمل كنت بخبي ازازه المايه بتاعتي تحت اللحاف عشان قبل كده صحيت هناك لقيتها متجمده واللحاف بتاعي كنت بلاقي عليه من بره كده الصبح زي تلج سايح لك ان تتخيل درجه حراره المكان
    المدينه دي هي تالت مدينه يكون فيها عياده بس طبعا عياده بسيطه خالص قولت اروح هناك اخلي الدكتور ياخد باصه كده ع الجرح
    اول لما وصلت هناك لقيتها دكتوره امريكيه واتفجات انها كانت بتدرس في جامعه القاهره وبتكلم عربي شبه مكسر واتبسط جدا لاني من اول ما بدات الهايكنج مش لاقي حد مصري او عربي او افريقي حتي




    غيرت ع الجرح ونزلت في الكامب وبليل قابلت اتنين من اسرائليين ودي اكتر جنسيه قابلتها في الطريق بتاعي

    الوصول الى lobuche على ارتفاع حوالى 4910 متر

    كملت رحلتي لحد مدينه lobuche وطول الفتره الي فاتت مش كنت حاسس بنقص الضغط اوي او الاكسجين لكن اول لما وصلت هناك الي هو علي ارتفاع 5000متر بدا صداع فظيع يفرتك دماغي دخلت الاوضه بتاعتي وقولت هنام عشان مش احس حاجه نمت وصحيت بعدها بساعتين علي صداع أفظع من الاول نزلت لصاحبه الكامب قالتلي اشرب مايه كتير واتنفس كميه اكسجين اكتر والموضوع فعلا بدا يتظبط شويه شويه كان قاعد جنبي في التربيزه بتاعتي واحد سويسري عجوز اتكلمت معاه شويه وعرفت انه زار شرم الشيخ قبل كده في مصر ولقيته بيكلمني عن ثوره 25.يناير في التحرير وانه كان موجود ساعتها مع ال gril friend بتاعته قعدنا بتاع 6.ساعات نتكلم في حجات كتير جدا وكنت عايز اطول في الحوار اكتر لاني لو دخلت نمت تاني الصداع هيرجعلي

    طبعا انت كنت عارف انه هحس بصداع لما اوصل للارتفاع ده بس الفرق انه لما يجيلك وتحس بيه بيتعبك اكتر
    اليوم خلص ودخلت نمت والصداع بدا يقل شويه



    الوصول الى Gorakshep على ارتفاع 5140 متر فوق سطح البحر

    كملت رحلتي لحد ماوصلت لمدينه Gorakshep

    ودي اخر مدينه قبل الباز كامب مباشره ودي تقريبا الخدمات فيه شبه مختفيه مفيش مايه للشرب المايه بتشتريها وسعرها غالي جدا مفيش،غير حمام واحد للقريه كلها وكمان مكنش حمام ده كان حاجه كده زي فتحه في الارض متحوطه بخشب وانت بتتعامل طبعا كل ده مش فارق معايا انا بس بوصفلك الأحداث



    اول ما وصلت القريه كانت الساعه 4 العصر كان معايا ساعتين عشان اطلع زي مكان عالي كده اسمه Kala pathar عشان اشوف قمه أفرست من مسافه قريبه





    المهم طلعت وخلصت ونزلت الكامب بتاعي وكنت تقريبا متعود كل ليله لازم اشوف اي حد ارغي معاه لحد لما الوقت يعدي

    المره دي اخيرا قبلت واحد قريب مني
    كان من جنوب افريقيا

    واستغربت لانه كان ابيضاني اوي
    خلصت الليله وتاني يوم الصبح طلعت ع الباز كامب لك ان تتخيل
    لك ان تتخيل كنت ماشي لحد هناك كانه واحد عجوز عنده 80 سنه الجو ساعتها كان ساقعه جدا الشمس كانت طالعه وازازه المايه بتاعتي متجمده

    و اخيرا الوصول الى معسكر القاعدة " باز كامب" Everest Base Camp على ارتفاع 5364 متر

    واخيرا بعد هايكنج استمر لمده 20 يوم وصلت للباز كامب وكانت طبعا فرحه كبيره جدا الحمد لله



    رحلة العودة و النزول

    المفاجاه بقي اني المفروض لسه هرجع كل ده تاني

    وانا راجع اكتشفت اني نسيت اهم حاجه في الكامب

    نظاره الشمس لانه ساعتها كانت الساعه 12.الظهر والشمس فوق دماغي والتلج ساعتها كان بيلمع عامل زي المرايا بالظبط تعكس اشعه الشمس علي دماغك وعينيك ده غير انك علي ارتفاع 5500.متر ضغط واكسجين قليلين كل ده كان بيخلي دماغك زبادي خلاط

    كنت راجع بطوح تقريبا يمين وشمال لقيت بالصدفه جروب استرالي كان راجع للكامب عرضوا عليا اني ارجع معاهم لاني كنت ساعتها مش شايف قدامي
    كنت مخطط اني هوصل الكامب واخد حاجتي وكمل طريق العوده نفس اليوم

    بس مش طبعا مقدرتش وبيت وبدات الهايكنج تاني يوم الصبح

    وكنت مقرر اني اول لما اوصل lukla هرجع طيران لحد كاتمندوا اولا لاني كنت حابب اجرب الطيران الداخلي

    ثانيا لاني رجلي شديت عليا جامد وكنت بعرج عليها لدرجه اني قابلت طبيب نيوزلاندي شافني قالي افضل ليك ارجع طيران بدل هايكنج عشان ممكن رجليك في الطريق تحصلها حاجه ومش تعرف تتصرف سمعت كلامه وبالفعل حجزت طيران ورجعت كاتمندوا قعدت في بيت صاحبي 5 ايام مكنتش بطلع من بيته لانه رجليا كانت وجعاني
    خلصت اا5.ايام وسلمت عليه ورجعت مصر
    ....................

    ودي كانت اول مغامره وامتع مغامره عملتها في حياتي بره مصر

    فى النهاية نكرر الشكر و التقدير لعزت على موافقته الكريمة تقديم هذا التقرير السياحى عن رحلته و نتمنى له مزيدا من التوفيق و النجاح




  2. #2
    [رئيس مجلس الادارة] الصورة الرمزية ابن الخضراء
    تاريخ التسجيل
    Aug 2010
    الدولة
    تونس الخضراء
    المشاركات
    21,768



    سأطلق على هذا التقرير عنوان عندما تحبس الانفاس ....

    حقيقة استمتعت ايما استمتاع بين سطور هذه اللوحة الفنية
    ....

    صديقك يا باش مهندس شجاع الى درجة عالية جدا
    ...

    و أتقن المغامرة جيدا و اعطاها كل ما تستحق
    ...

    بارك الله فيك و فيه على مشاركتنا هذه المغامرة الفريدة من نوعها
    ...

    و جازكما الله خيرا
    ...
    اعجب بالمشاركة

  3. #3
    كبار شخصيات سفاري
    تاريخ التسجيل
    Mar 2016
    المشاركات
    696

    يعطيكم العافية ع الطرح
    تجربة مميزة و فريده من نوعها

    جازكما الله خيراا
    اعجب بالمشاركة

  4. #4
    [ عضو مجلس الإدارة ] الصورة الرمزية منصور عاشق الترحال
    تاريخ التسجيل
    Feb 2011
    الدولة
    القاهرة
    المشاركات
    5,034

    اقتباس المشاركة الأصلية كتبت بواسطة ابن الخضراء مشاهدة المشاركة


    سأطلق على هذا التقرير عنوان عندما تحبس الانفاس ....

    حقيقة استمتعت ايما استمتاع بين سطور هذه اللوحة الفنية
    ....

    صديقك يا باش مهندس شجاع الى درجة عالية جدا
    ...

    و أتقن المغامرة جيدا و اعطاها كل ما تستحق
    ...

    بارك الله فيك و فيه على مشاركتنا هذه المغامرة الفريدة من نوعها
    ...

    و جازكما الله خيرا
    ...


    شرفت التقرير ابو محمد

    و تسلم على كلماتك الجميلة و اطرائك الذى وصل الى صديقنا المغامر عزت

    و الذى يستحق منا كل التقدير

  5. #5
    [ عضو مجلس الإدارة ] الصورة الرمزية منصور عاشق الترحال
    تاريخ التسجيل
    Feb 2011
    الدولة
    القاهرة
    المشاركات
    5,034

    اقتباس المشاركة الأصلية كتبت بواسطة ندى الصباح مشاهدة المشاركة
    يعطيكم العافية ع الطرح
    تجربة مميزة و فريده من نوعها

    جازكما الله خيراا
    تسلمتى اختى ندى

    شرفتى التقرير و سعيد ان نال اعجابك

المواضيع المتشابهه

  1. حكايات مصرية و عدسة الفنان محمد رشدى الدر Mohamed Roshdy El Dor
    بواسطة منصور عاشق الترحال في المنتدى سفاري العدسات الرقمية
    مشاركات: 4
    آخر مشاركة: 2017-10-23, 10:27 AM
  2. إلى الشباب عشاق المغامرات وتسلق الجبال ::: سلسلة الجبال نوكلية
    بواسطة fherzallah في المنتدى سفاري سريلانكا والمالديف Srilanka & maldives
    مشاركات: 4
    آخر مشاركة: 2016-09-27, 11:49 AM
  3. نيبال ..جبال الهملايا ... رحلة سير على الأقدام نحو قمة إفرست ,حمد العسكر
    بواسطة نهاية الرحلة في المنتدى سفاري الأقليم الهندي وإيران Iran & Indian Territory
    مشاركات: 42
    آخر مشاركة: 2014-11-12, 05:57 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X