صفحة 1 من 5 123 ... الأخيرةالأخيرة
النتائج 1 إلى 10 من 46

الموضوع: الرحله الخاطفه للوردة

  1. #1
    خبير سفاري الفلبين الصورة الرمزية فلبينو
    تاريخ التسجيل
    May 2006
    المشاركات
    623

    الرحله الخاطفه للوردة


    السلام عليكم و رحمة الله و بركاته

    ما أدري من وين ابداء بالكتابه عن رحلة الفلبين الخاطفه , البدايه جت بعد اجتماع مع احد الزملاء يوم الأثنين, حدثته عن رحلتي السابقه للفلبين, تحمس الرجال و عزم على السفر للوردة, بصراحه ماكنت متوقع ان الرجال ناوي إلا يوم الثلاثاء العصر اتصل علي و قال انه بيمرني و نروح نحجز على اقرب رحله, مر الرجال و على طول على أقرب مكتب حجز , في طريقنا للمكتب قلتله لازم نجلس اسبوعين هناك لأن إجازتي راح تنتهي و ما فيه وقت نجلس اطول الرجال وافق , و صلنا للمكتب و اخترنا يوم الثنين للمغادرة لكن السعوديه فل, و الإماراتيه فل و طيران الاتحاد يوم الاحد 5 نوفمبر, ممكن حجزنا على الاحد, و الباقي اربعة ايام قبل المغادرة لازم نرتب أمورنا و اهمها الفندق اللي بنسكن فيه, عطاني الضوء الاخضر للحجز, و اختار مكاتي و فضل انه يكون قريب من الاسواق و المطاعم, بعد البحث حجزت على فندق Prince Plaza II و حسب الاتفاق على غرفتين بحكم ضعف خبرتي عن الشقق و ضيق الوقت للبحث, و الحمد لله تمت تنفيذ الحجز و وصل الإيميل يوم الجمعه, لكن المفاجاءة ان رفيقي اتصل علي السبت و بلغني بأنه ماراح يخاويني.

    و ش السواة يا فلبينو رايح رايح مافيها كلام , و بكل هدؤ و برود يقول راح اسبقك بيوم دبرت لي واسطة على السعوديه, بلغته انه لازم يمر و ياخذ نسخه للحجز و يمكن يتوهق في اليوم اللي بيسبقني فيه, طبعاً خوينا ما حسب حسابه للسكن و اعتمد على الحجز.

    يوم الأحد الخامس من شهر نوفمبر, و في تمام الساعه التاسعة و النصف اقلعت الطائرة متجهة لأبو ظبي و بعدها لمانيلا. طبعا ماخذيت و قت للأنتظار سوى نصف ساعه لتغيير الطائرة و هذا الشي اللي ريحني.

    انطلقت الطائرة لمانيلا في الساعة 12:30 منتصف اليل حسب توقيت الإمارات, و كان بودي أضيف بعض الصور لحظة الوصول لمانيلا و لكن الإهمال و ضياع الذاكرة الأولى هما السبب فأعذروني.


  2. #2
    خبير سفاري الفلبين الصورة الرمزية فلبينو
    تاريخ التسجيل
    May 2006
    المشاركات
    623
    و صلت لمانيلا و دقيت على زميلي بشوف و ين سكن مارد , خذتني الهواجس و الأفكار لا يكون سواها و هون, و صلت للفندق و بلغوني أن مافيه حجز لي هذا اليوم و الحجز الي معي يبداء من بكره و لا عندهم غرف حالياً, و يجني الفرج اتصل علي زميلي و بلغني انه بنفس الفندق و عطاني رقم الغرفه, بلغتهم بأني بجلس معه اليله و بكرة بغير الغرفه و افقوا على مضض " حلوة مضض " و بلغوني بأن غرفة زميلي ديلوكس و انه بيغير غرفته بكرة , شكرتهم و رحت للغرفه, و لحظة ما شافني تقول كني ماشفته من سنين من كر ما رحب فيني و شكله مريض, توقعت بيعتبني على تاريخ الحجز, الا الرجال ماصدق اني جيت و على طول ياله خلنا نتغدى ترى على لحم بطني من امس!, قلتله وش السالفه ليه ماكليت من امس, الرجال و صل للفندق و نام و لاصحى الا الساعه عشر باليل, و لايدري و ش ياكل من الفندق و كل اللي خذه مويه و عصير, ضحكت عليه و بديت اتغلى شوي و قلت خلني اريح شوي و اخذلي دش و اتنشط بعدها لاحقين, و وافق و قالي بسرعه قدامك نص ساعه, خليتها انا ساعه و نص من عندي و بعدها درنا في الاسواق القريبه من الفندق لاند مارك و قلوريتا و تغدينا في احد المطاعم و بعد الحاح منه انه ماياكل الا في مطاعم يعرفها و موجود مثلها في السعوديه و افقت و تغدينا في الصب واي.

    كثرت الحكي ما لاحظتوا, ياله نتركم مع بعض الصور, و نبداء من الفندق






    الفندق فيئه ثلالث نجوم و يقع في مكاتي بالقرب من الاسواق المذكورة اعلاه, و بالقرب من مكتب خطوط التحاد, يعني الدعوه مسي للأسواق و مكتب الاتحاد و كذلك مكتب الخطوط الفلبينيه.

    يوم الثلاثاء توجهنا للسفارة و سجلنا جوازاتنا عندهم, و أكرمونا و ما قصروا بفنجال قهوه و قدوع, و قبل ما نمشي من عندهم عطونا تمر,




    الايام الي بعدها مرض علي بحرارة مرتفعه و ريحنا , و لحقته بعدها يعني راحت ثلاث ايام, لكن خلالها ما صبرت و قلت لازم نحجز لبوراكاي باسرع وقت, لعل و عسى نلقى حجز, و الحمد لله لقيت حجز على يوم الخميس و في منتجع كازيا بيلر, حجزت ثلاث ايام و ليلتين, طبعاً من مكتب الخطوط الفلبينيه القريب من الفندق.




    هذي صورة الافياش الي توهقنا عند شحن الجوال .


    و هذي من غرفة الفندق




    و هذا جسر المشاة الموجود في مكاتي, و يربط معظم الاسواق و الطرق مما يسهل على المشاة الوصول لغايتهم بكل سلام وبعيداً عن مخاطر الطريق




    يوم الجمعه ذهبنا لأكبر سوق في اسيا, و بعده لكورنيش مانيلا و في اثناء النقاش حول تعويض مافات و وين بنروح, جاني اتصال من احد الزملاء الفلبينيين في السعوديه و يعزمني على الغدا عند اهله بكرة كان عندي وقت عشان يبلغ اهله, و افقت من غير ما أشاور رفيقي, فاضين و لا عندنا شي و فرصه نروح و نتعرف عليهم و نشوف عن قرب حياتهم, لكنه رفض و بشده بحجة اني ما شاورته, حاولت اقنعه مرة راسه يابس, قلت بكرة يلين و يوافق, لكن ماش عنيد, خليته في الفندق و رحت للعائله برفقت احد الابناء الي جاء و خذني من الفندق, و الحمد لله تغديت و وسعت الصدر و اللي اعجبني انهم جابوا خبز, و اللي يشوفني و قتها و انا اكل يقول محروم, و خصوصاً اني قضيت على ثلاث ارباع الكيس, بس وش لسوي اسبوع ماكليت خبز مفرود



    لا تستغربون من شكل الخبز اكيد بيختلف, لكن و قتها و انت مقطوع عن الخبز بتحس بطعمه, طبعاً هذا الكيس عطونيه قبل ما اروح و عطوني معه, شوي فاكهه, لكني و قتها قلت في نفسي ليش ما جبت كيس التمر و عطيتهم بس راحت عن بالي





    بعد ما رجعت للفندق, ما حصلته و كان رايح لسينما, و اتفقنا نروح لباقيو بكرة يعني لازم نصحى بدري, و نريحكم شوي على أمل العودة لذكر باقي الاحداث بدايةً من باقيو

  3. #3
    مسافر فعال
    تاريخ التسجيل
    Jan 2006
    المشاركات
    2,437

    رائع يافلبينو سرد جميل لا يعلى عليه الف شكر وتراني (متابع ) منتظرين

  4. #4
    مسافر نشيط الصورة الرمزية مسافرللفلبين
    تاريخ التسجيل
    Jun 2006
    المشاركات
    85

    يعطيك العواااافي اخوي فلبينو
    بداية تقرير رائعه

    لا تستغربون من شكل الخبز اكيد بيختلف, لكن و قتها و انت مقطوع عن الخبز بتحس بطعمه, طبعاً هذا الكيس عطونيه قبل ما اروح و عطوني معه, شوي فاكهه, لكني و قتها قلت في نفسي ليش ما جبت كيس التمر و عطيتهم بس راحت عن بالي
    في هذي صدقت الخبز هذا لا شفته تقول طايح على كنز

    تسلم يمينك على هالصور ومنتظرين منك المزيد...

    تحياتي لك,,,,,,,,

  5. #5
    كبار شخصيات سفاري الصورة الرمزية Indonesia
    تاريخ التسجيل
    May 2006
    الدولة
    Bali
    المشاركات
    3,512

    أحلى تقرير

    من أحلى عضو

    يازين الرحلات الخطافيه

    أجل وكلك بالفندق

    لو أنا أوكلك على نفسي كلها

    تقرير رائع وصور أروع


    الله يعطيك العافيه حبيبي فلبينو على هذي التحفه الرائعه

    والله لا يرحمنا من مواضيعك وتقاريرك


    تحياتي

  6. #6
    ©؛°¨°؛©][عضو سفاري الفخري][©؛°¨°؛© الصورة الرمزية abo saif
    تاريخ التسجيل
    Jun 2006
    الدولة
    بريطانيا "لندن"
    المشاركات
    10,464

    الاخ فلبينو
    يعطيك العافيه على هالتقرير والصور للورده

  7. #7
    خبير سفاري الفلبين الصورة الرمزية فلبينو
    تاريخ التسجيل
    May 2006
    المشاركات
    623

    اقتباس المشاركة الأصلية كتبت بواسطة baguio
    رائع يافلبينو سرد جميل لا يعلى عليه الف شكر وتراني (متابع ) منتظرين
    مشكور أخوي, اكيد بتابع مادام فيها باقيو

  8. #8
    خبير سفاري الفلبين الصورة الرمزية فلبينو
    تاريخ التسجيل
    May 2006
    المشاركات
    623

    اقتباس المشاركة الأصلية كتبت بواسطة مسافرللفلبين
    يعطيك العواااافي اخوي فلبينو
    بداية تقرير رائعه


    في هذي صدقت الخبز هذا لا شفته تقول طايح على كنز

    تسلم يمينك على هالصور ومنتظرين منك المزيد...

    تحياتي لك,,,,,,,,
    شويه كنز , و شاكر لك متابعتك

  9. #9
    خبير سفاري الفلبين الصورة الرمزية فلبينو
    تاريخ التسجيل
    May 2006
    المشاركات
    623

    اقتباس المشاركة الأصلية كتبت بواسطة مدمن آندونيسيا
    أحلى تقرير

    من أحلى عضو

    يازين الرحلات الخطافيه

    أجل وكلك بالفندق

    لو أنا أوكلك على نفسي كلها

    تقرير رائع وصور أروع


    الله يعطيك العافيه حبيبي فلبينو على هذي التحفه الرائعه

    والله لا يرحمنا من مواضيعك وتقاريرك


    تحياتي
    الله يعافيك أخوي و الحقيقه و كلني على نفسه,

  10. #10
    خبير سفاري الفلبين الصورة الرمزية فلبينو
    تاريخ التسجيل
    May 2006
    المشاركات
    623

    اقتباس المشاركة الأصلية كتبت بواسطة abo saif
    الاخ فلبينو
    يعطيك العافيه على هالتقرير والصور للورده

    الله يعافيك أخوي, و شاكر لك مرورك

صفحة 1 من 5 123 ... الأخيرةالأخيرة

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X