صفحة 1 من 6 123 ... الأخيرةالأخيرة
النتائج 1 إلى 10 من 58

الموضوع: (¯`·._) ( رحلة اناناسه المانلية وماحولها ) (¯`·._) مشارك في المسابقه

  1. #1
    مسافر نشيط
    تاريخ التسجيل
    May 2006
    المشاركات
    99

    (¯`·._) ( رحلة اناناسه المانلية وماحولها ) (¯`·._) مشارك في المسابقه


    بسم الله الرحمن الرحيم

    صراحة مااعرف كيف او من فين أبدأ ولكن هوا شر لابد منة واعذروني اذا خانني التعبير وماكان سردي للموضوع مشوق.......
    اول حاجة ابا اقلكم سر عني انا شخصيا:انا في الطيارة مققققرفة جدا لا أكل ولاشرب ولانوم ولا اي حاجة يعني زيي زي الكرسي اللي جالسة علية ويمكن هوا احسن دا للمعلومية وليس للشفقة:p ماني عارفة هيا حالة نفسية ولا ايروفوبيا؟مع اني اركب الطيارة كتير وبأختلاف مدة الرحلة تضل نفس الحالة.
    ندخل في المهم
    كانت رحلتنا من جدة الى مانيلا يوم الخميس 13/7/2006 طلعنا المطار الساعة4 والاقلاع الساعة 4,30 يعني متأخرييين بس الحمدللة انو البوردينج كان مأخود من قبل وكنا اخر عائلة توصل الطيارة . طبعا زي ماانتو عارفين مدة الرحلة من جدة الى الرياض ساعة ونص تقريبا وكمان مدة الترانزيت ساعتين واخيرا من الرياض الى مانيلا 8ساعات و40 دقيقة يعني المجموووع12 ساعة وربع تقريبا.
    الرحلة كانت مريحة ماواجهتنا اي متاعب ولا مطبات هوائية كتير وللة الحمد.
    وصلنا مالاجواء المانيلية الساعة10 صباحا بالتوقيت المحلي للفلبين وكان في استقبالنا الغيوووم الكثيفة والمطر
    ولكم بعض صور الهبوط من الطيارة تدريجيا
















    وهنا تبدأ الجميلة ماكاتي بالظهور






    [IMG][/IMG]



    [IMG][/IMG]




    [IMG][/IMG]


    وبكدا صرنا على ارض الواقع خلصنا الاوراق وكلو واخدنا الشنط وجلسنا نستنا شنطة وحدة ساعة او اكتر طلع الغلط من الخطوط ونسيو الشنطة في جدة ووعدو بانو توصل على اول رحلة جاية على مانيلا وانسوووووووووووووووو الموضوع للأن ماشفناها.

    خرجنا من المطار وانا متلهفة اشم هوا مانيلا واشوف زحمة الناس والسيارات وطبعا تعب السفر كلو اتنسى لما بدات اشوف الجيبنيات والزحمة









    كان نفسي اركب جناحات في السيارة عشان اوصل مكاتي وكالعادة المتبعة من7 سنوات قلنا للتاكسي روح انتركونتانينتال مكاتي واخيرا وصلنا ونزلنا بكل وثوق الا ويقولنا الفندق مليان ولاغرفة فاضية لقطنا وجيهنا وخرجنا:p ورحنا لفندق نيوورلد صراحة الفندق حلو وراقي ونضيف والغرف شرحة والمنظر رائع من الدور ال17 طبعا تطل على مكاتي كللللها ولكن من الخلف
    ولكم بعض الصور من فيو الغرفة









    بعد ماريحنا شويتين نزلنا على جلوريتا واتغدينا واخذنا لفة طوووويلة في مكاتي عشان نطمن انو كل شي لسة في مكانو ورجعنا الساعه7 للفندق عشان ناخدلنا غطسة في البوول حق الفندق لانو صراحة حلو ويستاهل واخيرا كل واحد كبر المخدة ونوووووووووووووووووووم.
    صحينا الصباح وكل واحد نزل وشاف شغلو واتقابلنا على ال12 عشان نعمل تشك اوت ونرجع للحبيبة انتركوننتانينتال.
    يعني انتركون مكان متعودين علية من 7سنوات وكانو بيتنا التاني وفوق دا كلو مغيرين الفرش ومجددينو يعني شي فتاك.
    ولكم صور لانتركونتانينتال





    ودي صورة مقابلة للفندق يظهر فيها جلوريتا وروستانز وحديقة الاكوود ومبنى واحد للاكوود

    وهنا كان مطر شديد







    ودا منظر للغرفة اول ماوصلنا طبعا كانت مرتبة لسة ماانقلبت





    انا ماني فاكرة باقي التفاصيل انو يومي كان عبارة عن شوبينج وسينما و بولينج وكافيهات وتايم زون:p

    ومرة كسبت2500 تكتس من لعبة وحدة واخذدت ميكي وميني ماوس


    ودي صور لجلوريتا من جوة





    ذودا صورة لميدلن الكرة الارضية بس مو في جدة في مانيلا


    ودي صور لمدخل مول اوف ايشا

    صراحة رائع وكبيييييييييييير جدا جدا وفي اماكن لسة مافتحت وواجهتو الخلفية على البحر يعني شي شي







    ودي صور للجيبنيز








    وفي يوم طلعنا تجاي تاي وفي الطريق شفت مزارعي (مزارع الاناناس)



    والمفاجاة الكبرىىىىىى صورتي الجميلة









    ودي صور لنصب ريزال







    طبعا دي ورقة نقدية 500 بيزو مايعادل35 ريال سعودي






    ودا الايسكريم مرة عجبني وصرتلكم هوا (معليش هوا مرة كبير)



    واخيرا دي صور للمنطقة المحيطة





    ورحنا منطقة بتانجاس عشان نبا شاطي وبحر على اساس ناخد يومين ولما جينا نعمل تشك اوت من الفندق طلع الوالد مضيع الفيزا كارد واضطرينا نروح ونرجع في نفس اليوم ومااخذت معايا جوالي عشان كدة ولا صورة في المرات القادمة انشاللة.
    وبكدا تكون انتهت رحلتنا للفلبين التى امتدت 3 اسابيع وكانت رحلة ممتعه جدا كعادتها الفلبين تحتضنا وشعبها بكل رحب وسعه.
    انشاللة نشوفكم في الرحلة الجاية.
    واعذروني باجماعه على الاطالة او اذا ماكان موضوعي مرتب واذا كانت الصور غير واضحة لاني مصورتها بكاميرة جوال لانو الديجيتال نسيتها في جدة. او اذا كان الاسبلنج غلط لاني جالسة اسوي في التقرير من الساعه1 الى 4 ونص يعني عيني اتبققت:eek:
    وشكرا لكم

    التعديل الأخير تم بواسطة baguio ; 2006-08-15 الساعة 01:27 AM

  2. #2
    كبار شخصيات سفاري الصورة الرمزية ابووجدان
    تاريخ التسجيل
    Mar 2006
    المشاركات
    1,328

    الاخت : انا ناسة الحمد لله على السلامة ، والله يعوضكم عن الشنطة خير ، تقرير اكثر من رائع .
    ياليت اختي تراجعين موضوع اخوي مدمن اندونيسيا عن تصغير الصور . شكرا للجميع

  3. #3
    مسافر نشيط
    تاريخ التسجيل
    May 2006
    المشاركات
    99

    ياليت يا أخ ابو وجدان تديني الرابط لاني ماني شايفاه؟

  4. #4
    خبير سفاري الفلبين الصورة الرمزية فلبينو
    تاريخ التسجيل
    May 2006
    المشاركات
    623

    الحمد لله على السلامة أختي أناناسة, تقرير رائع, صحيح الصور مو واضحة و كبيرة جدا, المهم سلامتك, و أنشاء الله نشوف تقرير بالتفاصيل إذا مافيه مانع( موقف طريف :p , موقف ما تنسية :rolleyes: )



    و أحنا نشكرك على جهدك , و لو شوقتونا نرد الديرة مرة ثانية

  5. #5
    كبار شخصيات سفاري الصورة الرمزية ابووجدان
    تاريخ التسجيل
    Mar 2006
    المشاركات
    1,328

    الاخت: اناناسة ارجو الآن ان تذهبي لسفاري المفتوح وستجدين بدل الموضوع اثنين
    موضوع اخي الكريم : ابو محمد + موضوع اخوكِ : ابو وجدان
    لكِ اختي مع التحية

  6. #6
    مسافر فعال
    تاريخ التسجيل
    Jan 2006
    المشاركات
    2,437

    اناناسه ابدعتي وتألقتي تقرير فعلاً فتاك ورحله تداعب الخيال لقد استمتعت بالصور الاكثر من رائعه

    سرد مشوق يعجز اللسان عن الوصف الف الف الف شكر لك تحياتي

  7. #7
    مسافر نشيط
    تاريخ التسجيل
    May 2006
    المشاركات
    99

    شكرا جزيلا لكم اخوتي الكرام على الدعم المعنوي
    ودمتم دائما فخرا وذخرا
    وشكر خاص جدا جدا جدا للأخ (باقيو) لانو صراحة من دونو كان الموةضوع ماينقرى. ضخم للغاية
    وبالنسبة لموقف حصلي ومانساة :مرة اخدنا لفة على الباي واك وروهاس بوليفارد ووصلنا لمنطقة الاوكيتيد(الشاينا تاون) دا كلو بحنطور(عربة يجرها حصان) ولما انتهينا وقفنا صاحب الحصان في منطقة مزوية في حواري وقال يبا5000 بيزو اي مايعادل100 دولار طبعا جن جنونا والرجال بدأ يعصب والوالد عصب وبداو ناس حوش يتلمو علينا ساعتها ولاول مرة في الفلبين احس بخوف وبعدم امان وسويت افلام في دماغي انو حننضرب وننخطف ويطلبو فينا فدية:p لكن الحمدللة عدت لى خير.واخذ4000 بيزو

  8. #8
    ©؛°¨°؛©][مشرف سفاري الفلبين][©؛°¨°؛© الصورة الرمزية mabuhay
    تاريخ التسجيل
    Apr 2006
    الدولة
    MNL
    المشاركات
    1,384

    الاخت الفاضلـــة........ اناناسه.


    ماشالله عليكي.... صور جدا رائعه.... وتميز في الطرح... وقمة في الابداع...


    اشكرك من اعماق قلبي لما بذلتيه من جهد


    لقد داعبت الصور احاسيسنا


    maraming salamat


    تقبلي مني ارق تحيه

  9. #9
    خبير سفاري الفلبين الصورة الرمزية فلبينو
    تاريخ التسجيل
    May 2006
    المشاركات
    623

    اقتباس المشاركة الأصلية كتبت بواسطة اناناسه
    وبالنسبة لموقف حصلي ومانساة :مرة اخدنا لفة على الباي واك وروهاس بوليفارد ووصلنا لمنطقة الاوكيتيد(الشاينا تاون) دا كلو بحنطور(عربة يجرها حصان) ولما انتهينا وقفنا صاحب الحصان في منطقة مزوية في حواري وقال يبا5000 بيزو اي مايعادل100 دولار طبعا جن جنونا والرجال بدأ يعصب والوالد عصب وبداو ناس حوش يتلمو علينا ساعتها ولاول مرة في الفلبين احس بخوف وبعدم امان وسويت افلام في دماغي انو حننضرب وننخطف ويطلبو فينا فدية:p لكن الحمدللة عدت لى خير.واخذ4000 بيزو


    الحمدلله أنها عدت على خير, و الله يفكنا من شر ها النصابين و الطماعين.

    و الصور الان واضحة و رائعة جداً, و نتمنى لكم السلامة في الاسفار

  10. #10
    مسافر نشيط الصورة الرمزية مسافرللفلبين
    تاريخ التسجيل
    Jun 2006
    المشاركات
    85

    يعطيك العافيه اختي اناناسه على الموضوع الرائع..

    وبصراحه وانا اتفرج على الصور حسيت ان مانيلا قدام عيوني ;)

    اتمنى لك التوفيق في طرح المواضيع الجيده

    والى الامـــــــــــــــــام,,,

صفحة 1 من 6 123 ... الأخيرةالأخيرة

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X