طبعا نويت السفر إلى تايلاند بمشيئة الله ;)
بعد صبر أكثر من أربعة أشهر
قمت من النوم الساعة 4:15 دقيقة الفجر
وبعد فيني رجاد :eek: = نوم . رحت وصليت الفجر
رجعت البيت وتريت الصبح . طلعت من البيت الساعة
8:30 الصبح وقلت خلني ألحق مكاتب السفر بدرى شوي
الجو حر موت ولبست النظارة الشمسية ( لازم أتكشخ ) :cool:
يوم وصلت للامارات للعطلات الجماعة بعدهم مب مداومين
ترييت وترييت وبعد ترييت ( تعبت وبعدني مب متريج )
مستانس أبي أحجز وأسافر
رحت لمحطة ايبكو وخذيتلي شاي وسندويش
وقلت في بالي خاني أجيك فى مكاتب ثانية
المهم وصلت لمكتب سفريات بالرقة (الخطوط التايلندية ) بدبي ودخلت
بعد السلام سألت :
لوسمحت أبى رحلة دبي بانكوك دبي
plase i like to have a ticket DXB -BKK
خجاج أونه يعرف إنجليزي
رد على الموظف وهو متضايق ) لايوجد No Have ( شكله زعلان إمبارحه مع المدام )
من غير مايشيك على الكمبيوتر ( كيف يحطون هنود حطوا عيال البلاد أحسن على الكاونتر )
قلت كيف عرفت وانت ماشيكت أصلا
رد على : شغلى وأنا عارفه وألحين صيف الحجوزات فل ( حجه الهاي سيزون )
قلت له شوف يمين ويسار يمكن فى ؟
رد : سوري ( ولا مصري ) لايوجد
طلعت ونا متضايق
قلت خلني أشوف الامارات .
نفس الحكاية بالامارات
الاتحاد :نفس الحكاية
القطرية : نفس الحكاية
بروناي : نفس الحكاية
الخليج : نفس الحكاية
شو صاير يالربع تايلاند من دول الخليج ألحين :p
تميت ادور بين مكتب لمكتب من الصبح لغاية الساعة 7 بالمساء
تلفون هنا وهناك
الاجازة قربت وبعدني ماشفت حجز :rolleyes:
شفت مكتب بالكرامة بدبي مكتب صغير قلت خاني اجرب آخر مكتب
بس أكيد ماعنده لأن الموظف يالس ياكل بالمكتب ماعنده شغل
دخلت المكتب وسألت عن الرحلة
ضرب بالكمبيوتر وقال كم شخص ؟
قلت فى بالي هذا يستعبط على : قلت بس شخص واحد
رد على : أي تاريخ ؟
رديت : 17 بالمساء
قال: فى بس مقعد واحد تريده ؟
رديت بسرعة : نعم وألحين إطبع التذكرة
وإستلمت التذكرة وإرتاح بالي أخيرا
السفر يوم الاثنين بالمساء بتاريخ 17/7/2006
الخطوط التايلندية
دبي / بانكوك
وحاضرين اي شى من تايلاند
(( الأخوة المشرفين والأعضاء ))
اللي عنده مغامرة مع مكاتب السفر يرجي طرحه لطـــفا .