النتائج 1 إلى 9 من 9
Like Tree3اعجاب
  • 1 Post By fatiima ach
  • 1 Post By الدهـنـــيـم
  • 1 Post By الغديــر

الموضوع: رحلة مصرية الى بوكيت التايلاندية (بالاسعار و النصائح ماذا تفعل فى بوكيت )

  1. #1
    [ عضو مجلس الإدارة ] الصورة الرمزية منصور عاشق الترحال
    تاريخ التسجيل
    Feb 2011
    الدولة
    القاهرة
    المشاركات
    5,034

    رحلة مصرية الى بوكيت التايلاندية (بالاسعار و النصائح ماذا تفعل فى بوكيت )


    رحلة و تقرير : أ/ بسمة محمود

    اعداد و تنسيق : م/ محمد منصور

    السلام عليكم و رحمة الله و بركاته

    رحلة جديدة من تايلاند و بالتحديد جزيرة بوكيت من مصر ان شاء الله التقرير ده هيساعدك جدا فى تخطيط رحلتك الى بوكيت و توقع الاسعار و الميزانية

    التصريح الامنى (بالنسبة للمصريين ) : غير مطلوب

    التأشيرة
    فيزا تايلاند للمصريين تأشيرة سياحة
    :

    الاوراق المطلوبة


    1-كشف حساب بنك لاخر سته شهور اخره 10000 جنية و يكون عليه حركة سحب و ايداع
    2-صورة شخصية 4*6 خلفية بيضا
    3-حجز فندق مبدئي
    4-حجز طيران مبدئي (ذهاب و عودة )
    5-تصور كل الورق و الباسبور صوره
    6- 300 جنية
    7-شهادة قيد من الكلية و ترجمتها عند اي مكتب ترجمه ( انا ترجمت في مكتب نعمه للترجمه في شارع قصر النيل ب 50 جنية ) للطلبة

    البديل لمن يعمل : خطاب من جهة العمل بالاسم و الوظيفة و الوصف الوظيفى ولابد ان يكون على ورق الشركة الرسمى و مختوم (لا تقبل الخطابات بخط اليد) + ترجمة له من مكتب ترجمة معتمد (الخطاب و الترجمة تقدم الاتنين )

    التقديم فى السفاره قدام قسم الدقي في الجيزة

    الطيران الدولى : القاهرة - بانكوك 3500 جنيه

    الجز مبكر قبل السفر ب 4 اشهر من موقع سكاى سكانر Skyscanner

    https://www.skyscanner.net/


    الناقل:
    طيران الكويت





    الطيران الداخلى : بانكوك - بوكيت حوالى 350 جنيه
    طيران اير اسيا
    AirAsia و الحجز من على موقعهم

    http://www.airasia.com/ot/en/




    وصلت بانكوك (مطار Suvarnabhumi) الساعة 10 الصبح تقريبا كنت حاجزة طيارة تانيه لبوكيت في نفس اليوم الساعة 3 العصر بس من مطار الداخلي ( مطار amari don muang) اخدت اتوبيس مجانا shuttle bus بيوصل بين المطارين

    من مطار بوكيت الى الفندق : مينى باص 180 بات الفرد تديله العنوان يوصلك المطار


    الدولار = 35 بات تقريبا


    الصرف : كارت debit بنك اهلي و السحب من ال ATM للحصول على سعر افضل للدولار


    هام قبل السفر التأكد من حد السماح للسحب اليومى و الشهرى خارج مصر للكارت الذى تستخدمه عن طريق الاتصال بالبنك


    الاقامة:
    فندق فينارا ريزيدنس شاطىء باتونج
    Phunara Residence, Patong Beach

    و السعر كان 400 بات في اليوم الاوضة دبل و 300 بات اوضة سنجل

    فندق تحففففة بجد نظيف مكانه قريب اوي من كل حاجة








    موقعه على بوكينج

    http://www.booking.com/hotel/th/phun...tal&type=total


    الجولات :

    تمشية ليلية مول jungceylon (مركز تسوق في شاطئ باتونغ ) و شارع bangla road









    مول CentralFestival Phuket


    لو حد حابب يعمل شوبينج اسعاره حلوة اووي تروحو بتاكسي او توكتوك او موتسيكل لو بتعرفو تسوقه متوسط المبلغ رايح جاي بالتاكسي 800 بات لو توكتوك 600 بات و موتسيكل تاجيره اليوم كله ب 200 بات ( نصيحه اتعلمو سواقة العجل ضروري هتوفرلكو فلوس كتير اووووووي )









    قبل القيام بالرحلات عليكم شراء و خليهم معاك في الشنطة علي طول اليوم

    (cover waterproof) ب 50 بات من اي محل في السوق لحماية متعلقاتكم اثناء الرحلات من البلل




    (rainning coat ) ب 50 بات تحسبا للامطار الشديدة




    اسعار الانشطة فى شاطىء باتونج




    Phi Phi Island Tour
    التكلفة : 1800 بات

    علشان كنت واخده مركب سريع ركبنا ( البس مايوة تحت الهدوم و معاك فوطة ) اول حاجة في الرحلة هتنزلو تعمله (snorking ) في وسط الشعب المرجانية و سمك الملون حاجة فوق الخيال كدة و بعدين هتوصله علي الجزيرة هينزلكو الغدا و بعد الاكل هتلفو شويه في الجزيرة و هتتحركو تاني بالمركب لجزيرة تانيه اسمها (maya bai ) بنلف شويه يجي ساعه برضوة و بعدين بننزل تاني لجزيرة مش فاكره اسمها نعقد ساعتين تقريبا اللي عايز يركب بانانا بوت ب 500 بات و البيتش باجي ب 1000 بات و اللي عايز يعقد علي رملة بيعقد و ناس بتاجر كرسي علي ميه تحت شمسية ب 100 بات و ينزلو الميه

    سؤال مشهور : هنسيب شنطتنا و فلوسنا فين سيبها في المركب لو نازل سنوركينج عادي و انت علي الشط لو ناوي تنزل المية بلاش تاخدهم معاك سيبهم في المركب مش ناوي خدهم معاك و حط الموبايل في كفر اللي قولنا عليه المهم

    نصيحة: قبل ماتركب المركب هيقولولك اجر زعانف اللي بتتلبس في الرجل ديه علشان الشعب المرجانيه و بتاع ديه اشتغاله محديش ياجره ب 200 بات علي الفاضي









    White Water Rafting Tours
    التكلفة : 1600 بات

    رحلة (rafting ) ب1600 بات برضوة بتيجي عربية تاخد 8 الصبح من الفندق و تروحه الاول كهف كدة في قرود و تصوره و تروحه مكان الرافتينج بعد كده

    نصيحة : و انتو رايحين خده لبس تاني معاكو زياده لبس كامل من كله حاجة بالداخلي كمان لانكو بتتغرقو مايه في الاول جامد و بعدين بقيت الرحله ناشفة و بتحطو شنطتكو و الفلوس في لوكر كدة و معاك المفتاح متخافوش

    هتروحو الاول (ziplining ) و بعدين بينزلك الرافتينج في النهر و ترجعو تغيره هدومكو و تاكلو و بعدين ترووحو تركبه الفيل و بعده البتيش باجي و ترجعو العربيه و تروحو خلاص علي الساعه 5 تقريبا

    نصيحة :
    في الفيل استأذن اللي معاك اللي بيسوق الفيل يعني ينزل يصورك اوفر و اديله 100 بات في الاخر هيصورك طول الرحلة و في اماكن كتير احسن من صورة واحدة ب 200 بات












    جولة جزيرة جميس بوند James Bond Island Tour

    التكلفة : 1600 بات

    ب 1600 بات برضوة طول اليوم بتروحو الجزيرة تتصوره و تاكلو و بتركب مركب في البحر كدة بتجدفه فيه و تدخلو جوه كهوف و كدة و بيرجعكو علي 6 المغرب برضوة





    اليوم الاخير فسح و شوبينج جولة فى بوكيت

    كان معايا بنات من الجروب هنا اخدنا تاكسي و اتقسمنا فيه اخد طول اليوم 1000 بات روحنا اول حاجة بيت مقلوب هناك كدة اسمه (Teelanka Baan) ب 350 بات كل العفش فيه ملزوق في السقف و شكله تحففه في الصور و جمبه ( اوتليت ) دة فيه محلات لكل الماركات المعروفه باسعار مش رخيصة اوي بس اقل من مصر دة للناس اللي بتحب الشوبينج

    -نصيحة : في البيت المقلوب
    Teelanka Baan
    في عروض كتير علي التيكت حاجات كتير مع بعض بسعر اقل ملهومش لازمه فلوس علي الفاضي و مش حلوين ادخلو البيت بس




    ايه رأيكم فى الصورة دى




    لا ماتخافوش محدش بيمشى على الحيطة دى الصورة الاصلية





    و بعدين روحنا معبد مشهور هناك اوي اسمه (Wat Chalong ) ببلاش






    و بعدين روحنا اعلي مكان في بوكيت بتشوف البلد كلها من فوق تحففة اسمه ( Ranghill)





    و ممكن تروحه قبل دة كله ( Caron Beach ) حلو اووي و الفيو من هناك خرافه و لو حابين تنزلو الميه خده مايوة بقي و كدة



    النصائح العامة

    - في ناس في رحلات بتصور صور فوتوغرافي و بتطبعها ب 200 بات علشان في اماكن مش بتعرف تصور نفسك اي حد يقول اصوركو اعرف انه بفلوس ب 200 بات للصورة

    - ابلكيشن للتاكسي رخيص اسمه (grab car)


    -متوسط سعر الوجبه هناك لو محل محترم 250 ل 300 بات

    -لو اكل شعبي من الشارع ب 100 بات اجدع اكله بس خده بالكو من موضوع الاكل الحلال و لأمانه هما عندهم ضمير بيقولكوو لو الاكل مش حلال

    -الفاكهه و الكريب و الايس كريم كل دة لازم تجربه بجد تحففه

    -فصاااال اسلوب حياه بس اللي يعرف بقي انا شخصيا مفلحتيش في الموضوع دة اوي

    - الميني باص من الفندق للمطار بيكون ب 250 بات و مواعيده من 7 صبح ل 7 بالليل نصيحه خلو الطياره بتاعتكو و انتو راجعين في حدود 9 ونص او 10 الصبح او بعد كده عشان يناسبكم الباص و الا هتاخدوا تاكسي للمطار ب 1000 بات

    - الطريق من الفندق (patong beach ) للمطاربياخد حوالي ساعه

    -روحو المطار في الطيران الداخلي قبلها ب ساعه و نص علشان الاجراءات

    فى النهاية كل و الشكر و التقدير لصاحبة الرحلة أ/ بسمة محمود على المعلومات و النصائح


  2. #2
    ©؛°¨°؛©][مشرفة سفاري المغرب][©؛°¨°؛©
    تاريخ التسجيل
    Dec 2014
    المشاركات
    1,973

    حياااااااااااااااااااااك اخي الكريم

    تقرير رائع و قيييم

    يعطيك العافية
    اعجب بالمشاركة

  3. #3
    عضو فعال الصورة الرمزية الدهـنـــيـم
    تاريخ التسجيل
    May 2008
    الدولة
    قطر
    المشاركات
    3,664

    منوّره الدُنيا كُلها و المنتدى يا أخت بسمه
    و أهلا و سهلا فيك معانا

    تقرير جميل و معلومات مُفيده لمحبي بوكيت
    و تنسيق راقي من حبيبنا الرائع ابو منصور

    تحياتي
    اعجب بالمشاركة

  4. #4
    [ عضو مجلس الإدارة ] الصورة الرمزية منصور عاشق الترحال
    تاريخ التسجيل
    Feb 2011
    الدولة
    القاهرة
    المشاركات
    5,034

    اقتباس المشاركة الأصلية كتبت بواسطة fatiima ach مشاهدة المشاركة
    حياااااااااااااااااااااك اخي الكريم

    تقرير رائع و قيييم

    يعطيك العافية
    شكرا اختى مرورك الكريم

    و الشكر موصول الى صاحبة السفرية و المعلومات و النصائح القيمة اختنا الكريمة بسمة

  5. #5
    [ عضو مجلس الإدارة ] الصورة الرمزية منصور عاشق الترحال
    تاريخ التسجيل
    Feb 2011
    الدولة
    القاهرة
    المشاركات
    5,034

    اقتباس المشاركة الأصلية كتبت بواسطة الدهـنـــيـم مشاهدة المشاركة
    منوّره الدُنيا كُلها و المنتدى يا أخت بسمه
    و أهلا و سهلا فيك معانا

    تقرير جميل و معلومات مُفيده لمحبي بوكيت
    و تنسيق راقي من حبيبنا الرائع ابو منصور

    تحياتي
    خبيرنا الغالى و استاذنا ابو جواهر

    سعيد جدا ان نال التقرير اعجابكم

    و شكرا على الترحيب و الكلام الطيبة


  6. #6
    [ عضو مجلس الإدارة ] الصورة الرمزية منصور عاشق الترحال
    تاريخ التسجيل
    Feb 2011
    الدولة
    القاهرة
    المشاركات
    5,034

    وجدت انه من الفائدة لانه يعطى نصائح عن تجربة سفر واقعية الى تايلاند و أسعار

    مع العمل ان الاسعار قد تختلف من شركة او مكتب سياحى لاخرى و فى المواسم المختلفة و لكنه ارشادى لتعرف رينج الاسعار و تحاول الحصول على افضل سعر دون التعرض للنصب و الخداع

    تم تثبيت الموضوع اليوم 5/12/2019
    التعديل الأخير تم بواسطة منصور عاشق الترحال ; 2019-12-05 الساعة 01:38 PM

  7. #7
    ©؛°¨°؛©][مشرفة سفاري أستراليا ونيوزلندا][©؛°¨°؛© الصورة الرمزية الغديــر
    تاريخ التسجيل
    Jun 2009
    المشاركات
    6,693

    جزاك الله خير

    نصايح جميلة
    اعجب بالمشاركة

  8. #8
    [ عضو مجلس الإدارة ] الصورة الرمزية منصور عاشق الترحال
    تاريخ التسجيل
    Feb 2011
    الدولة
    القاهرة
    المشاركات
    5,034

    اقتباس المشاركة الأصلية كتبت بواسطة الغديــر مشاهدة المشاركة
    جزاك الله خير

    نصايح جميلة
    و اياكم ان شاء الله

    كل الشكر و التقدير لصاحبة الرحلة و المعلومات القيمة

  9. #9
    مسافر مميز
    تاريخ التسجيل
    Oct 2008
    المشاركات
    438

    اولا اسلوبك في الكتابة ممتاز
    ثانيا نصائحك مفيدة جدا
    ثالثا اختياراتك في رحلتك غير كافية حتى ولو كانت الرحلة 3 ايام فقط وربما يعود هذا الامر اما للميزانية المرصودة
    او لعدم التخطيط الكافي وبالتالي المعلومات المسبقة عن الرحلة
    يكفي انك لم تزر فوكيت فانتازيا وضيعت وقتك بكارون بيتش
    فوكيت جزيرة هي عالم من الخيال من اروع الجزر كانك تعيش في عالم الف ليلة وليلة
    ورغم كل هذا
    انه تقرير اكثر من رائع

المواضيع المتشابهه

  1. سؤال عن رحلة من كوالا لمبور لجزيرة بوكيت
    بواسطة الحورية في المنتدى ركن الاستفسارات والاخبار السياحية الخاصة بتايلند
    مشاركات: 5
    آخر مشاركة: 2009-06-24, 07:41 AM
  2. جزيرة بوكيت- رحلة الغوص الاولى
    بواسطة Desert Warrior في المنتدى سفاري تايلند Thailand
    مشاركات: 30
    آخر مشاركة: 2008-10-03, 01:49 PM
  3. رحلة على متن طائرة مائية من بوكيت الى في في
    بواسطة الورد5445 في المنتدى سفاري تايلند Thailand
    مشاركات: 7
    آخر مشاركة: 2008-09-16, 09:33 AM
  4. السفارة التايلاندية في الرياض
    بواسطة ibn awa في المنتدى ركن الاستفسارات والاخبار السياحية الخاصة بتايلند
    مشاركات: 12
    آخر مشاركة: 2008-09-02, 02:08 PM
  5. البوم المواصلات التايلاندية
    بواسطة ريشة المسك في المنتدى سفاري تايلند Thailand
    مشاركات: 14
    آخر مشاركة: 2007-08-06, 12:40 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X