السلام عليكم ورحمة الله وبركاته
بصراحة هذه أول مشاركة لي بالمنتدى..
وحبيت أشارككم بتقريري عن زيارتي في الصيف الماضي لصلالة 2007
وبصراحة المكان هناك رووووووووووووووووووعة ويجنن
في البداية كانت مناقشات ومداولات كثيرة حول السفر لصلالة
البعض يبغي يسير بالطائرة
والآخر بالسيارة
بس للأسف ما حصلنا أي طيران..
لأن نحن مجموعة كبيرة.. 3 عوائل (حوالي 14 شخص)
المهم...
طلع القرار النهائي السفر يكون بالسيارات
وطبعا أنا كانت لي تجربة سابقة بالسفر لصلالة بالسيارة
وكنت أنا من حزب أو فريق السفر بالطائرة
لأن الطريج متعب وخاصة اذا كان وياكم أطفال
المهم استعد الجميع للسفر
وتحركنا فجر يوم الجمعة الموافق 10/8/2007 عن طريق العين
وعند الحدود بين الامارات وعمان تم دفع مبلغ (110) درهم تأمين لكل سيارة
بس أنا مب متأكدة من المبلغ.. لأن ها الموضوع من فترة طويلة
وطبعا عطونا خريطة توضح المسار لصلالة
وكنت أنا المرشد السياحي.. واللي ماسكة الخريطة
وأقول حق بوجواهر عن المسافات ووين يتجه بالضبط
بس أهم شي انكم اتوقفون عند كل محطة بترول واتعبون السيارة
لأن المسافات بعيدة بين المحطات
وصلنا لاستراحة الغابة
وقلنا بناخذ لنا غرف وبنرقد لليوم الثاني
بس شفنا ان المكان مايشجع.. وباقي واايد على غياب الشمس
وصلنا لمدخل صلالة وقت متأخر.. يمكن الساعة 9 مساء أو قبل الساعة 10
بصراحة سامحوني لأني مب قادرة أتذكر الوقت
وخاصة اني كنت في حالة يرثى لها
لأني أكبر جبانة بالعالم وأخاف من الأماكن العالية
وكنت شبه منهارة
لأني أعرف كيف الطريج لين ما ندخل صلالة
بس الموضوع لا محالة غصب عني راح ندخل سواء صحت والا لا
ودخلنا على بركة الله.. وطبعا صلالة اتغيرت وااااااااااااااااااااااااااايد عن قبل
لأني أنا كنت سايرة لها قبل 10 سنوات
والفرق واضح بالتغيير
واستقبلنا أحد أصدقاء بوجواهر اللي كان موجود مع أهله
ويزاه الله ألف خير.. هو اللي حجز لنا فيلا من طابقين
في منطقة الصناعية.. شارع السلطان سعيد بن سلطان.. مقابل مركز عوقد الصحي
في كل طابق (صالة - 3 غرف - حمامين "عزكم الله" - مطبخ)
وكان الايجار في اليوم للفيلا كاملة 800 درهم
طبعا ع طول دخلنا الفيلا وحطينا أغراضنا وصلينا العشاء ورقدنا
ان شاء الله راح أكمل لكم عن رحلتي المتواضعة لصلالة