وهذي جزيرة جدا جميلة تخبرنا عن قرب وصولنا للفاتنة
وهذي فاتنة القلوب من الأعلى
وصلنا بالسلامة الى مطار سوكارنو في العاصمة جاكرتا الساعة 3 ونص عصرا بتوقيت الفاتنة .. يعنييييييييييييييييييي عشر ونصف صباحا يتوقيت مكة المكرمة .. وهذي صورة لاحد ممرات المطار
بعد ذلك قمنا بالتفييز وهنا معلومة مهمة .. سعر الفيزة للشخص الواحد 25 دولار .. طبعا هم هناك بيقولون لك عطينا هديه ( رشوة )ويلحون عليك , انت اسكت ولا تكلمهم وما عليك منهم خذ الفيزة واختم جوازك وامشي .
بعد ما فيزنا وختمنا جوازاتنا رحنا ناخذ الشنط .. وبصراحة تعبنا وايد لأنه الشنط تأخرت أكثر من نص ساعة واحنا جالسين ننتظر , ولما جت أخذناهم وطلعنا .
أول شي سويناه يوم طلعنا رحنا وصرفنا 100 دولار وحولناها لربيات اندنوسيا وكان الصرف للأسف نازل وايد , الريال كان 2370 ربية بس .. عموما سلمنا امرنا لله وصرفنا من هذا المحل
طبعا هذا المحل داخل المطار في المنطقة العامة , لما صرفنا رحنا لمكتب كاها وهو افضل مكتب للحجز وأنصح بالحجز منه لأي مسافر وهذا المكتب أسعاره ممتازة ويعطيك سعر افضل من الفندق نفسه لو رحت له مباشرة , وحجوزاته مضمونة جدا والمكتب ما يضيع , أول ما تطلع من داخل المطار على ايدك اليسار مباشرة .
احنا كانت عندنا أكثر من خيار للسكن في جاكرتا مثل الشيرتون ميديا وميركوري انشول لكن احنا فضلنا السكن في فندق اسمه استون مرينا .. وهو فندق جديد جدا تم افتتاحه قبل 6 اشهر وكان بصراحة اختيارنا كان موفق جدا جدا جدا وانصح فيه بشدة لأنه بغض النظر عن نظافة الفندق الممتازة الخدمة فيه جدا رائعة واحترافية للغاية , طبعا الحجز في الفندق يشمل السكن + الفطور بسعر 221 ريال لليلة والسعر مرتفع بسبب وصولنا في الويك اند الي يصادف السبت والاحد عندهم وهذي قاعدة عامة (الاسعار ترتفع بشكل خيالي في الويك اند وتنزل في خارجه ) وراح أنزل في الحلقة القادمة حلقة خاصة عن أستون مرينا ووجبة الفطور الرائعة فيه .
أخذنا تاكسي وتوجهنا للفندق المميز .. طبعا سعر التاكسي من المطار الى الفندق كان 120,000 ربية يعني 50 ريال شاملة لضرائب الطريق
وإلى اللقاء في الحلقة القادمة
*****