بسم الله الرحمن الرحيم
الحمد لله رب العالمين
اولا : بتكلم في موظوع السفر الى اثيوبيا وخاصة اديس ابابا دار الحبشه والنجاشي وانا ان شاء الله اوعدكم اني انقل لكم صورة واضحه جدا مو مثل المسافرين الي نقلو لنا صوره خلونا نندم وعلى قول المثل كل دقة بتعليمه .
ببدا لكم من المطار الي جاي على الخطوط الاثيوبيه التي هي دون المستوى صدقوني صدقوني ماراح يستلم اغراضه الا بعد مرور يومين اذا كانت الرحله القادمه فاضيه او ينتظر مثلي سبعه ايام عشان يستلم اغراضه طبعا اذا طالبت بتعويض يعطونك بعد مايطلعون روحك يقولون مافي الحين كاش انتظر بكره وان عطوك عطوك الف بر بعملتهم ماتساوي ثلاث مئة ريال ماتشتريلك من اسواقهم طقم كامل تلبسه يعني مافي فايده تصدقون لدرجه ان روتين العفش يتاخر خصوصا سير للفش المتاخر تمر كل يومين تناظر وصلت ولالا انا وصلت يوم الثلاثاء وعطوني تعويض يوم السبت واستلمت الشنطة يوم الاثنين هاذا في المطار طبعا الي بيقولك الاجواء هنا كويسه وتلقاه يمدح لين ياشيخ تقول وش ذا الديره شكلها جنة وانا مدري وتجي وتنصدم الاجواء في رائيي انا الاجواء ماعليها ايام تجي امطار وغيوم وبراد لاكن فيه شمس وفيه اوقات حر وفيه اجواء معتدله
طبعا بالنسبه للسكن اذا انت عندك فلوس رح فندق هنا في اديس مع ان الشعب فقير جدا الا ان الاسعار مرتفعه جدا والفنادق بيني وبينكم تختلف من فندق الى فندق افضلها الشيرتون هو التوب صاحبه العمودي حضرمي فندق راقي جدا يمكن ماتحصل مثله في لرياض بصراحه والله اليله فيه ميتين دولار للشخص الواحد
وفيه فنادق اربعه نجوم وفيه فنادق ماتسوى بريال طبعا نصيحه اذا تبغى الراحه رح الشيرتون لان الفنادق الثانيه تحصل حولها مراقص فيزعجونك في اليل ولا تقدر تنام واذا انت ابيض والله بتروح فيها تمشي وكل العيون عليك وعندهم شحاذين واجد لا وبعضهم يامجنون ياسكران يعني رحت فيها بس لازم تاخذ حذرك وتنتبه على اغراضك الشخصيه لانهم حراميه وبالنسبه للاكل والشرب لايوجد مطاعم عالميه عشان تكون في الصوره مثل ماكدونالدز وكنتاكي وهارديز وبرجر كنج اه ياني مشتهي نرجع لمحور رحديثنا المطاعم الي قاعدين يمدحون فيها هنا ..لامطعم صنعاء ولاغيره يجيبلك لحم مندي الله يديم النعمه وش عرفهم الاكل العربي ووالله لو الي يشتغلون فيه يمنيين كان نقول عادي اما يشتغل فيه اثيوبيا مايدري وين الله حاطه
وفيه مطعم حلو مطعم لبنان راعيه لبناني وهو المشرف عليهم وفيه اثيوبيات يتكلمون لبناني هههههه قلتلها يو سبيك انجليش قالت لا تحكا عربي بفهم استغربت قالت وش فيها ذي لبنانيه في اثيوبيا لا ومقيمه بعد قلت كفو والله اعطيني مشكل مشاوي مع الحمص بكم قالت شو قلت بكم السعر توهقت طلعت الاخت فالله اثيوبيه وقالك مسويه لبنانيه هههههه المطعم هذا اكل ماعليه يمشي وفيه جنبه مطعم اسم السوداني يمدحونه ومطعم النخله جنبه برضوه يمدحونه وانا ماجربته والله انا والله اتعشى وافطر في الفندق عندنا مطعم اوروبي ومطعم هندي كلها ممتازه وطبعا هناك لاتفكر تدخل سوبرماركت بتلقى انواع واشكال الحلويات والجلاكسي والبطاطس اشكال غريبه عليك طبعا دخلت سوبرماركت كبير مالقيت شي اعرفه الا سنكرس لاوكيسه كبيره والعصيرات مايحطونها في الثلاجه يحطوتها برى ولاتفكر تطلب ببسي يطلع مثل حق الرياض طعمه غير والسفن اخيس واخيس الله يديم النعمه وبالنسبه للمدن الي برى اديس بصراحه مارحت لها وناوي اني اروح ومتخوف لاكن الله يعين كتبت لكم هذا التقرير وماكملته ولا اصلا مليء بالقصص والمواقف لاكن تكلمت بكل صراحه احسن من يجيك واحد بس ينقل المواضيع ولايدري عن صحتها يبي اللهم زيادة مشاركات فقط
