الدوله التى سحرت الكثير واصبحت محطه مهمه سياحيه لكثير من السواح .. شدنى الفضول لاكتشاف مافيها .. والبحث عن اسرارها .. من هنا بداء التخطيط للشد الرحال والعزم على زيارتها ..
فكره الرحله
بدت الفكره فى اخر يوم لنا فى زيارتنا لتركيا .. قررنا ان تكون وجهتنا القادمه الى دول شرق اسيا .. فكان الخيار اما ان تكون اندونسيا او الهند او ماليزيا .. ولانى سمعت كثير يثنون على ماليزيا .. فقلت اشد الرحال لها .. واشكتشف المنطقه .. واستمتع بالطبيعه .. ومن ذالك اليوم بدت الترتيبات .. فى البدايه كانت الزياره مقرره لى انا و زوجى للهروب من ضغوطات العمل وكنا مقررين ان تكون فى بدايه شهر فبراير .. بس تغيرتاريخ الرحله بعد خبر اصابتى بمرض التصلب اللويحى .. حيث قررت ان ابداء علاجى وعليها تم تاجيل الرحله الى نهايه شهر فبراير .. حتى اتم كورس العلاج .. الحمدالله على كل حال ..
التذاكر
من غير تفكير وبحث عن اقل الاسعار .. تم اختيار الخطوط القطريه .. مهما كان السعر .. لانها من جد مريحه و االطاقم جد رائع .. والطائرات جديده ..
تاريخ الذهاب 28/2/2013
تاريخ العودة 10/3/2013
11 يوم / 10ليالى ..
الرحله كانت ترانزيت ..
( خط السير ) ..
خط الذهاب ..
الدمام – الدوحه – كوالالمبور
خط العوده ..
كوالالمبور – الدوحه – الدمام ..
وقد تم اختيار المقاعد .. ( وهذا افضل تخطيط .. ) وكانت بقيمه 2595 ريال ..
الطيران الداخلى ..
تم اختيار خطوط اير اسيا .. وتم شراء زياده وزن فى كل الرحلات .. ( خبركم صموته تخم كل شى فى طريقها ) .. وايضا تم اختيار المقاعد فى كل رحله ..
من كوالالمبور الى لانكاوى
( بقيمه .. 222 رنقت .. )
من لانكاوى الى بيننانج
( بقيمه .. 182 رنقت .. )
من بينناج الى كوالالمبور ..
( بقيمه .. 185 رنقت ..)
مجموع الطيران الداخلى .. ( 589 رنقت .. )
الفنادق
كوالالمبور
فندق دوريست ريجنسى ..5 ايام و4 ليالى .. شامل الافطار بقيمه .. 1392 رنقت ..
فندق صن واى يوم واحد ماعرفت القيمه لانه ماكان مكتوب فى ورقه الحجز
لانكاوى ..
منتجع برجايا .. اربع ايام و3 ليالى شامل الافطار بقيمه .. 1574.10 رنقت
بننانج ..
فندق بارك رويال .. 3 ايام و ليلتين شامل الافطار بقيمه .... 846 رنقت ..
تكاليف الرحله ../
طبعا الكل يعرف بطاقتى الجميله تشتكى من الاصفار طول السنه .. ( مدرى ليه مطلعه بطاقه فيزا ) والبطاقه الجديده اللى اسمها تسوق .. اخذتها من الراجحى .. لم يتم تفعيلها الى الان .. ( شكرا مصرف الراجحى على خدماتك ) .
فقررت ان الحجوزات تتم عن طريق شركه سياحيه لصديقتى ( نفس الشركه اللى رتبت لى رحله تركيا ) وكانت القيمه شامله كل شى .. بسعر 8975 ريال سعودى...
الكاميرا المستخدمه ..
كامرتي العزيره على قلبى ..
وجوالى 9900 وجوالى الثانى .. جالكسى اس 3 ..
المناطق اللى تم زيارتها ..
(Kuala Lumpur, Langkawi, Penang, and Selangor) . . .
انطباعى عن كل منطقهـ ..
كوالالمبور
مدينه تعج بالحياه .. شوارعها مولاتها ومعالمها راقيه .. كل اللى اقدر اقول انها مدينه ساحره ..
لنكاوى
من اجمل الجزر اللى شافتها عينى .. احببتها واحببت هدواءها وشواطها على الرغم من انى لااحب البحر .. وصدق من قال مدينه العشاق ..
بنناج ..
مدينه عمليه لم تستهوينى .. ابد .. على الرغم من بساطه سكانها ..
سيلانجور ..
احسستها لاتصلح للسكن .. لم ازر فيها الا صن واى .. وتحسفت انى حجزت فيها .. على رغم من فخامه المكان ..
فى البدايه حبيت انى اخطط للسفره من الالف الى الياء .. ماكنت حابه بس اعتمد على المكتب السياحى .. حبيت اضيف للجدول المناطق الثانيه اللى ماراح تكون موجوده من ضمن البرنامج ..
طبعا طرحت موضوع فى قسم الاستفسارات فى ماليزيا .. واشكر كل الاخوان وعلى راسهم العميد بو شهاب .. فهم من رتبوا لى كل الرحله وحتى كانوا معاى فى رحلتى كل يوم بيومه .. مهما شكرت فلن اوفيهم حقهم .. بصراحه ..
هذا رابطـ الموضوع .. للافادهـ .. ( فيه اسئله صموتيه مفيده .. )
جمعت كل المعلومات واحتفظت بها فى كتابى الاخضر وفى ملفى ..
استعدادت ..ماقبل الرحله ..
تم تجهيز الجواز واخذ صورتين ..
صرف مبلغ .. الف ريال سعودى ( 800 رنقت ) من مصرف الراجحى ..
اخذت بطاقه الصراف وخليت مبلغ خمسه الالف لعلى احتاج وقت الضروره ..
جهزت الادويه ( رقم الدكتور لان حالتى كانت جديده وخفت يصير لى مضاعفات او شى لكن الحمدالله مااحتجت لاى منها ماعد بندول للصداع ) ..
خلوكم قــريب فى جزء .. سويعات ويكون موجود ... على صفحات المنتدى ..
اختكم صموتهـ ..