المشاركة الأصلية كتبت بواسطة dh.q8
يعطيك العافيه اخوي روتيشن بصراحه الكاميرون للطبيعه عنوان كل ما تلتفت حولك تلقى رمز من رموز الطبيعه الخلابه سبحان الخالق عن جد اخذتنا في جوله للماضي وذكريات جميله في الكاميرون في اول زيارة لي لماليزيا اعتقد في 2004 او2005 ناسيه السنه!!!ههههههههه
ووقتها ماكنت حابتها وحسيت بملل فضيع انا ومن كان في عمري لان كنت رايحتلها في قروب سياحي وقعدنا فيها 5 ايام للاسف كثييييره عليها واصلا من ثاني يوم زهقنا منها لان مافيها انشطه او برامج لو رحلات كل اللي فيها مزارع الشاي والفراوله والورود والفراشات اعتقد ومناحل العسل وكلهم بجانب بعض والشلال..وحديقه في السنتر مال المدينه لاهالي المنطقه تلاقيهم متجمعين فيها...وفعلا من بعد المغرب ماتلاقي احد هدوووووء وخرمس يخيم بالمكان مما اشعرنا بالملل نحن الشباب اما الكبار فاستانسوا عليها وكيفوا عالطبيعه والهدوء
وكنا ساكنين في فندق الستروبري(الفراوله) ومكانه واطلالته عجييييييييييبه بقمة الجبل بس انصح بالسكن في الادوار العلويه اعتقد ال3 لان ماكو تكييف والجو موذاك البروده وراح تموت من الحر خاصه وقت النوم اذا ماكنت ساكن اعلى شي..
للمعلومه: تنفع الكبار في العمر للراحه والاستجمام من ضغوط العمل ومشاق الدنيا..
وتنفع كشهر عسل عشان الواحد ياخذ راحته بعيد عن الازعاج والزحمه..
اما الاطفال والمراهقين والشباب ماراح تنفعهم لانهم يبون الوناسه والرحلات والتمشي والالعاب والسوق..الخ وهذا مو موجود بالكاميرون..
بالنسبه للاكل اخذ احتياطاتك معاك لان مافيها مطاعم عالميه وحتى محليه وماكو عندك الا الفندق اكلهم غالي ومايسوى..لذلك خل معك بعض الماكولات الخفيفه او الله يخلي البقاله الا في السنتر مال المدينه كنا عايشين عالتوست والجبن والشيبس والكاكاو
مدة الاقامه فيها ماتتعدى اليومين..والا بيحوشكم الملل!!
اعتذر عن الاطاله لكن وجهة نظر وتجربة حبيت افيدكم فيها..تحياتي
رد مع اقتباس
