صفحة 1 من 3 123 الأخيرةالأخيرة
النتائج 1 إلى 10 من 28

الموضوع: تقرير رحلتي العائلية لمملكة البحرين

  1. #1
    كبار شخصيات سفاري
    تاريخ التسجيل
    Jun 2005
    الدولة
    Riyadh
    المشاركات
    1,099

    تقرير رحلتي العائلية لمملكة البحرين


    بسم الله الرحمن الرحيم



    كنت في رحله خاصة لمدينة الدمام لحضور مناسبة .. وكان برفقتي العائله

    بعد حضوري للمناسبه أقترحت على الأهل بزيارة سريعه للبحرين بحكم اننا في نهاية الأسبوع يعني إجازة وصيف وما أتوقع يكون زحمه لأن الناس كلها مسافرة برا

    الأهل أيدو الفكره وقبل ما أطلع أحد الأقارب قال نصيحه أحجز من هنا على أحد الفنادق أريح لك من الدوران على الفنادق .. قلت له وش تنصحني فيه قال .. انه يعرف رقم الدبلومات رادسون ساس .. قلت توكلنا على الله .. أتصلت على الفندق وحجزت غرفتين وبسعر 45 دينار بدون إفطار وقالو لي أن آخر موعد للحضور هو الساعه 2:00 ليلاً بعدها تنتهي صلاحية الحجز .. وعطوني رقم الحجز وكل حاجه ... مع العلم ان الحجوزات هذي سويتها بعد نهاية المناسبة الساعه 11:00 مساء ,, قلت لهم انا اساساً جايكم في الطريق ...

    طلعت انا والأهل ومسكنا الجسر وكالعاده التأخير والمرمطه في الجانب السعودي والعذر بطء النظام في الجوازات والجمارك .. نصيحه اللي بيسافر بأهله ومعاهم تصاريح للسفر يصورون التصريح لأن التصريح اذا مو مصور يسحبون الأصلي وأنصح تصورونه من مدينتكم لأن المحل اللي يصور في الجسر يصور الورقه الواحده ( بخمسة ريال )

    بعد ما وصلنا للجوازات وطلب الصور لتصريح الأهل أفدته ان ما مامعي إلا الأصل فقال أرجع صوره وإلا بأسحب الأصل وقال روح للمحلات اللي جنب الجامع اللي على الجسر رجعت للمحلات ولقيت المحل اللي يصور ومعي تصريحين .. بعد ما صور كم الحساب قال ( 10 ) ريال قلت ليش 10 قال الصوره هنا بخمسة ريال .. التصوير داخل المدينه العشر صور بريال واحد .. قال هذا سعرنا .. حاسبته وتوكلت على الله

    وهذي صوره لمواقف الجسر والمحلات اللي فيها التصوير



    المهم خلصنا من التصوير ومشينا والحمدلله دخلنا مملكة البحرين و وصلت لفندق الدبلومات رادسون ساس وكانت الساعه 12:30 مساءً دخلت الفندق ولقيت موظف الأستقبال في شد ومد مع مجموعة من السكان واحد ساكن من المغرب ولا طلعو له شناطه مع اننا في نصف الليل والثاني يقول طالب أكل للغرفه من الساعه 11 وما وصله إلا الآن يوم انه نام ... وقفت في الأستقبال تقريباً حتى الساعه 1:00 أنتظر الموظف يخلص وما فيه غيره .

    خلص الموظف و عطيته رقم الحجز للغرفه ... قام يطقطق على الكمبيوتر 5 دقايق راحت وهو يطقطق وانا أنتظر يوم راح وقت وهو يطقطق قلت هذا شكله خاش تشات ونساني , يالحبيب خلصنا ( للعلم الموظف من الجنسية الآسيوية ) .. قال ما فيه غرف فيه فقط سويتات والسويت الليله بـ 150 دينار( 1500 ريال ) .. قلت له انا حاجز غرفتين وهذا رقم الحجز .. قال معليش ما فيه إلا سويتات تبي ولا ما فيه غير كذا ... صراحة تضايقت .. وهاوشته قلت تخليني انتظر كل هالوقت وانا حاجز وآخر شي تقول ما فيه إلا سويتات ,, ( بدأ بالكذب ) قال أساساً صلاحية الحجز تنتهي الساعه 4:00 العصر وانت جاي آخر الليل .. يوم قال هالكلام بغيت أطمر من فوق الأستقبال وأتفاهم معه صح ,,

    قلت له انا حاجز قبل ساعتين يعني بعد 4 يعني صلاحية حجزي سارية المفعول وانت تكذب مع انه يبين عنده في الكمبيوتر الوقت اللي انا حجزت فيه بس على باله بيلعب علي بهالكلام يوم أرتفع الصوت طلع لي واحد ثاني كان جالس في المكتب الخلفي وقال هدي أعصابك ,, هددتهم بأني بأنقل هالمشكله للصحافه وبوصلها لوزارة السياحة ,, طبعاً انا كنت منزل الشناط ومنزل الأهل ومخليهم ينتظرون لأني كنت حاجز وضامن الحجز لكن فوجئت بهالشي ,,, طلعت وانا معصب إلا فيه واحد من المسؤولين لحقني لحد برى وقال معليش احنا آسفين والغرفتين حنا نجهزها لك خلال 10 دقايق بس تعال .. قلت لا لا ما ابي شي .. شلون الموظف يقول ما فيه غرف وانت تقول أجهز لك .. قال ان الكمبيوتر فيه مشكله ومو واضح عندنا .. قام يتعذر ويتأسف ركبت شناطي والأهل وطلعت من عندهم وكان الله كاتب لي اني أروح لشي أفضل ,,

    (( الحركه اللي سواها موظف الأستقبال أكتشفتها فيما بعد من أحد الأخوه خبراء البحرين بأنها حركه دنئيه لإجبار البعض على السكن في الأجنحه لأنها أغلى وبيكون عائدها على الفندق أفضل ويسوون هالحركه مع اللي يحجزون بالذات لأنهم عارفين أنهم يبون الفندق فبيجبرونهم بهالطريقه الدنيئة , مع العلم ان الفندق قديم وسيء وما يسوى ))

    نكمل ,,

    تذكرت ان فيه فندق جديد جنب السيف ما صار له فاتح إلا كم شهر أسم الفندق ( ميركيور جراند السيف )



    وهو عبارة عن أجنحة فندقيه . وصراحة توفقت في هالفندق الرااائع اللي أنصح به العوائل اللي طالعه للبحرين

    دخلت للفندق وسألت قالو نعطيك جناحين ومسوين عرض صيفي على الجناح بيطلع عليك بـ 53 دينار شامل الأفطار يعني 530 ريال والجناح عبارة عن ( غرفه + صاله + مطبخ صغير مفتوح على الصاله + دورة مياه ) أخذنا جناحين وطلعنا وصراحه كان الأثاث جداً جميل وجديد والجناح موفر فيه كل شيء (هيتر وشاي وقهوه مجانيه ) ( مياه مجانيه يومياً ) ( إنترنت مجاني ) ( المطبخ موجود به أدوات كامله بالإضافه للمايكروويف والثلاجه ) ( DVD مسجل و فيديو ) ( جرائد يوميه حسب اللغه اللي تفضلها ) ( إفطار مجاني مع إمكانية إيصاله للغرفه مقابل إحتساب رسوم خدمه فقط ) ( مواقف للسيارات في القبو وتحت حراسه أمنيه )


    صوره لواجهة الفندق

    معلومات سريعة عن الفندق
    يتكون من : 120 غرفه و 121 جناح غرفه وغرفتين و مطعمين وكوفي شوب ونادي رياضي

    وأعطيكم صور سريعه من الفندق


    غرفة الجناح


    الصاله مفتوحه على المطبخ وطاولة الطعام


    الكوفي شوب


    المطعم "مطعم نيران "


    خدمات متكامله في مركز رجال الأعمال


    الإستقبال


    صوره أخرى ليليه لواجهة الفندق


    صوره أخرى لصالة الجناح


    مطبخ الجناح


    دورة المياه " أعزكم الله "


    جانب آخر من الصاله

    وفي نهاية الجزء الأول هذي خريطة الفندق مع ان الموقع واضح




    يتبع

    التعديل الأخير تم بواسطة Guerrero Dentro ; 2007-08-31 الساعة 10:37 AM

  2. #2
    كبار شخصيات سفاري
    تاريخ التسجيل
    Jan 2006
    المشاركات
    6,384

    هلا سعود

    تقرير رائع ونحن بأنتظار باقي التقرير

    مع امنياتي بالتوفيق في تقريرك

  3. #3
    ©؛°¨°؛©][عضو مجلس إدارة سابقاً][©؛°¨°؛© الصورة الرمزية kfshman
    تاريخ التسجيل
    Oct 2006
    الدولة
    saudi arabia
    المشاركات
    22,110

    قال تعالى… وَعَسَى أَن تَكْرَهُوا شَيْئاً وَهُوَ خَيْرٌ لَّكُمْ وَعَسَى أَن تُحِبُوا شَيْئاً وَهُوَ شَرٌّ لَّكُمْ وَاللَّهُ يَعْلَمُ وَأَنتُمْ لاَتَعْلَمُونَ)).(البقرة/216)

    الحمدلله على السلامه و ليتك سالتنا قبل ما تروح كان علمناك كل شي على العموم البوابه ولله الحمد موجوده

    واصل عزيزي و نحن لموضوعك متابعون

    تحياتي

  4. #4
    كبار شخصيات سفاري الصورة الرمزية الساهر563
    تاريخ التسجيل
    Dec 2005
    المشاركات
    3,547

    سلمت يمينك ياسعود على التقرير الممتع؛؛؛؛

    لاتحرمنا من جديدك يالطيب

    تحياتي لك

  5. #5
    كبار شخصيات سفاري
    تاريخ التسجيل
    Jun 2005
    الدولة
    Riyadh
    المشاركات
    1,099

    اقتباس المشاركة الأصلية كتبت بواسطة سندبـاد
    هلا سعود

    تقرير رائع ونحن بأنتظار باقي التقرير

    مع امنياتي بالتوفيق في تقريرك
    حياك الله يا غالي

    أشكرك على التعليق وعلى الإطراء

    وان شاء الله نكمل ما تبقى

    وياهلا بك


    ___________________


    اقتباس المشاركة الأصلية كتبت بواسطة kfshman
    قال تعالى… وَعَسَى أَن تَكْرَهُوا شَيْئاً وَهُوَ خَيْرٌ لَّكُمْ وَعَسَى أَن تُحِبُوا شَيْئاً وَهُوَ شَرٌّ لَّكُمْ وَاللَّهُ يَعْلَمُ وَأَنتُمْ لاَتَعْلَمُونَ)).(البقرة/216)

    الحمدلله على السلامه و ليتك سالتنا قبل ما تروح كان علمناك كل شي على العموم البوابه ولله الحمد موجوده

    واصل عزيزي و نحن لموضوعك متابعون

    تحياتي
    حياك الله يا غالي

    الله يسلمك

    وشاكر لك تعليقك الجميل

    الرحله لها فترة مو قريبة

    وان شاء الله في المستقبل نسأل

    وياهلا ومرحبا بك


    _________________


    اقتباس المشاركة الأصلية كتبت بواسطة الساهر563
    سلمت يمينك ياسعود على التقرير الممتع؛؛؛؛

    لاتحرمنا من جديدك يالطيب

    تحياتي لك

    حياك الله يا غالي

    شاكر لك على تعليقك الجميل وعلى إطرائك

    وأستمر في المتابعه لما تبقى

    وياهلا ومرحبا بك

  6. #6
    كبار شخصيات سفاري
    تاريخ التسجيل
    Jun 2005
    الدولة
    Riyadh
    المشاركات
    1,099

    الجزء الثاني

    بعد السكن والراحه في هذا الفندق الجميل . صحينا الصباح الساعه 8 وتوجهنا لتناول وجبة الأفطار وكان البوفيه جداً رائع ومتنوع والخدمه ممتازه.. طلعنا بعدها لأجنحتنا وتقهوينا في الجناح حتى الساعه 10:00 وطلعنا بعدها نتجول في البحرين وعلى الكورنيش وعلى بعض المعارض والمحلات اللي نمر من عندها لحد الساعه 01:30 ظهراً




    صوره لمنطقة السيف الجديده وماشاء الله العمل فيها مستمر لإنشاء الأبراج والمجمعات


    أحد الميادين الشهيره


    مركز البحرين التجاري


    وما شاء الله المشاريع شغاله في البحرين بشكل كبير وعمار يالبحرين



    بعدها توجهنا لمطعم أسمه blue elephant وهو يقع بالقرب من مجمع السيف



    طبعاً المطعم معروفاً عالمياً وله فروع في عدة دول وعربياً يوجد له فرع في دبي والكويت ,, المطعم تايلندي , ديكوراته رااائعه والجلسه فيه ممتعه لكن للأسف أكلهم ما جاز لي أبد لأني بالأساس ما أحب الأكل التايلندي لكن الأهل حبو يجربون هالمطعم ولا نبي نردهم

    واللي يبي معلومات أكثر عن المطعم ويشوف قوائم الأكل يزور الرابط التالي :

    http://www.blueelephant.com/bahrain/index.html

    ولمحبي الأكل الصيني والتايلندي في البحرين ممكن أيضاً تزورون مطعم " jade Garden " والحقيقه اني ما زرته لكن نُصحت به لكن ما حصل فرصه لزيارته واللي يبي أيضاً معلومات عنه يزور الرابط التالي :
    http://www.jade-garden.biz/

    مع العلم ان هذي المطاعم في الفتره المسائيه تقلب أغاني وفرق موسيقيه

    بعدها طلعنا من المطعم وتوجهنا لسوق السيف ودخلنا نشوف بعض الأفلام في السينما ,,
    وفي نفس المجمع بعد مشاهدة الأفلام فيه مقهى جميل أسمه أروما كافيه ويقع في زاوية مجمع السيف توجهنا له نتقهوى وهذي صور للمجمع وللكافيه


    صوره جانبيه لمجمع السيف


    بوابة أروما كافيه الخارجيه وله مدخل من داخل السوق

    طلعنا من السيف على المساء وتوجهنا للفندق وريحنا وتعشينا في مطعم الفندق الجميل بديكوراته وخدمته وأكله اللذيذ .. وعلى الساعه 11 مساء كان موعد النوم بعد جوله جميله وممتعه في البحرين

  7. #7
    مسافر مشارك
    تاريخ التسجيل
    Mar 2006
    الدولة
    الـــــــــريـــاض~~
    المشاركات
    115

    الف حمد لله على سلامتك أخ / سعود

    وتقرير رائع و الفندق أروع

  8. #8
    مسافر فعال
    تاريخ التسجيل
    Jun 2006
    المشاركات
    1,765

    مشكور اخوي سعود على التقرير الجميل

  9. #9
    كبار شخصيات سفاري
    تاريخ التسجيل
    Jun 2005
    الدولة
    Riyadh
    المشاركات
    1,099

    اقتباس المشاركة الأصلية كتبت بواسطة ناوي الروحة
    الف حمد لله على سلامتك أخ / سعود

    وتقرير رائع و الفندق أروع
    الله يسلمك ويحفظك اخوي ناوي الروحه

    وأشكرك على تعليقك الجميل

    وياهلا بك




    _______________________


    اقتباس المشاركة الأصلية كتبت بواسطة احمد سعيد
    مشكور اخوي سعود على التقرير الجميل
    الأخ الكريم أحمد سعيد

    حياك الله

    وشاكر لك تعليقك

    وياهلا ومرحبا بك

  10. #10
    كبار شخصيات سفاري
    تاريخ التسجيل
    Jun 2005
    الدولة
    Riyadh
    المشاركات
    1,099

    الجزء الثالث

    اليوم الثاني والأخير وبعد الفطور في مطعم الفندق قمنا بجوله أخرى لمناطق متعدده في البحرين للإطلاع والإستكشاف حتى فترة الظهر بعدها توجهنا لزيارة سوق العالي والمجاور لفندقنا وهذي صوره لواجهة الفندق :


    واجهة العالي مول












    السوق جميل ومرتب لكن ما أدري ليش فاضي ,, يمكن وقت الظهر !!
    المهم بعد جوله على السوق وعلى المحلات توجهنا لمطعم ومقهى " البنديرة " صراحة المقهى جميل جداً والأكل فيه لذيذ جداً وأنصح به , يوجد به قسمان .. قسم مفتوح وغالباً يكون للأفراد من الجنسين وقسم للعائلات .. وهذي صور من البنديرة :


    مدخل العائلات لمقهى البنديرة


    الجلسات تصميمها وديكورها جميل


    مخصص لكل جلسه عائليه تلفزيون


    بعد الأكل وشرب القهوه في البنديره عدنا إلى فندقنا .. وجمعنا أغراضنا وقفلنا شناطنا للمغادرة إلى السعوديه بعد جوله سريعه جميله وممتعه في مملكة البحرين ,, كان الفندق رااائع ويتعامل مع العائلات بكل سرعه وإحترام وبكل ترتيب وتنظيم

    فأنصح أي مسافر بعائلته للبحرين التوجه لهذا الفندق

    توجهنا لجسر الملك فهد الذي يربط مملكة البحرين بالمملكه العربية السعودية ومن خلاله توجهنا إلى عاصمتنا الحبيبه الرياض


    أتمنى أن ينال أعجابكم ورضاكم هذا التقرير السريع والمختصر

صفحة 1 من 3 123 الأخيرةالأخيرة

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X